2009 年 7 月 4 日 星期六 【晴】

唉....飲o左咖啡瞓唔著....眼光光咁....都唔知幾點先瞓~~

今日一早出o左去深水埗約o左組員食早餐...點知亞B唔知醒...但好彩架係samuel 出黎,變o左我唔洗係深水埗迷路....深水埗唔熟路,加上平時唔太鍾意行深水埗~~

食完早餐,就去超級大合堂....好多人呢~~完o左成組人一齊又去食飯....之後,我就回家了!!

返到屋企,頂唔住...瞓著o左....

瞓醒,就開始我執房架時候,唉...勁耐冇執過D衫周圍都係,因平時返工著來著去都係個D,所以都冇執到~~

咁就完o左個星期日了...明天又要返工!!

>>July 6, 2009 at 3:05:59 PM GMT+8

2009 年 7 月 3 日 星期五 【晴】

今日去o左尖沙咀賣旗....唔知係地點問題,定D人架問題...生意都係一般...賣架人真係比平時架少...可能係遊客區...不過都有唔少外國人買o左....太好了!!

相反我覺得,除o左老一輩架人會真心去做慈善咁去買旗,其他的買架人心態可能係,用$1買一張「通行証」...因大家都知道沿路會有好多人問你買唔買旗,所以就啦啦聲用$1買張「通行証」咁就唔洗煩啦~~

同多o左香港人唔買....扮聽唔到走開....見到你行埋去問...佢即刻閃開....唉...$1買支旗啫...都唔願意~~

不過,今次賣旗有好多感動架事,例如:

1) 我送o左一支旗比外國伯伯...佢竟然隔o左一震,搵返我入返錢....

2) 送o左支旗比一個坐輪椅架婆婆...本來佢都話唔要....最後,我強行貼o左係佢老人家架手背到,佢竟然氣弱絲柔對我說「我而家要去睇醫生呀」我說一句「希望佢快D好返,同祝福你」最後佢默默地睇住支旗,就走了!!

3) 我本來想送支旗比人的...但點知個個人話唔好...因怕唔安樂....從我看出哩個人衰極都唔會好衰,因為佢連一個貼紙都唔會白白咁接受,都算係一個好人!!

下晝,同o左kinnie 行街...好耐冇同佢一齊行街啦....同佢一齊行街好開心...咩都可以傾一餐....

夜晚同屋企人行街食飯...返屋企!!

p.s.

1) 荃灣某公廁到見到一名變態佬...佢竟然走入女廁...最後佢比廁所姐姐大罵叫佢走....佢竟然扮傻問:「哩到係咪男廁」....哇...大佬好明顯唔係啦....都冇尿兜!!隔o左冇幾耐,佢又行入去女廁....如果比我見到佢行入去女廁,我又係女廁入面,一定會同佢講「你再入黎報警」

2) 今日同亞爸講o左我有返教會哩件事...終於全家都知我有返了....仲同佢爭論o左一場....唉...最後我都係覺得佢唔係太接受我返教會...但我會堅持返的!!

>>July 4, 2009 at 5:17:43 PM GMT+8

2009 年 7 月 2 日 星期四 【晴】

星期五...如常要OT....不過今日OT特別開心...因為和同事們係咁吹水....完全一路做野,一路傾計...顛o左咁~~

由其同manager AH...係勁傾...自從佢發現我哩名知音人....就不斷與我說上級的壞話...最後我都忍唔住問佢一句:「其實你對o左佢咁耐,你唔化架咩....我睇都化啦」同有時成日講都真係會悶...因講來講去都係個D野...不算啦...佢鍾意講...我都冇咩所謂...因我已經對而家做架哩份工, set o左個最後期限.....不論搵唔搵到...我都會係哩個最後期限..走人..因而家份工真係冇野學...只係識打字,唔用腦,好快會同哩個社會脫節!!

收工架時,撞到名auditor一同收工 問我和同事N:係咪4點多有好多人比野你地打,會好灰呢...所以另到你地要8點多先走人

我:睇下星期幾啦,如果星期五架會灰D囉~~

auditor: 我都盡量係3點前比你地做架...因知你地會好慘~~

我即時發自內心說: 哇...真好...

最後哩名auditor和我搭都係一齊搭東涌線,所以沿途都傾o左好多野...感覺佢都幾好人..希望唔係假好人啦~~

>>July 4, 2009 at 4:41:46 PM GMT+8

2009 年 7 月 1 日 星期三 【晴】

放o左一日假....仲要係星期三..感覺日子特別好過~~ 因好似返下放下..好舒服咁~~

返到公司..又係好多野做啦...同竟然...manager AH突然係到勁講上級壞話...有時都令我接唔到佢講架野...因我又唔想完全同佢一樣勁講上級是非...因點都好小心為妙~~

同今日都好輕鬆....同自己hea...所以工作比平時慢....因同事傾下計....吹下水...咁又用o左D時間...又唔專心做野...因好有holiday mood~~

最後heahea下咁...6點多收工...返到屋企岩岩好食飯...幾好...好悠閒架感覺~~不要被工作迫死!!

>>July 2, 2009 at 2:40:33 PM GMT+8

2009 年 6 月 30 日 星期二 【晴】

又係一年一度架samuel. chow屋企摘芒果之行

今次先去o左游水...篤波...我同karen 發顛...(哈哈~~哩個都係節目架一部份) 肥鴻、亞虫、bear打飛蛾...哇...勁驚了!!

食埋個dinner....就去打麻雀....

好有去camp架感覺...好開心..好好玩...真係玩到唔想走~~

最後smauel.chow車我地返屋企...真係辛苦晒了!!



>>July 2, 2009 at 2:15:38 PM GMT+8

2009 年 6 月 29 日 星期一 【晴】

好野...一諗起返埋今日..就放假,就開心啦...因好成個月有放過假了!!

不過今日又係好多野urgent...因為又係放假前夕,最後收工時間都係六點多~~仲要同D auditor 吹下水先走人~~ 好輕鬆~~

同埋今日同事N正式比信,走人...一諗起人地可以咁灑脫咁未搵到新工就走人...但我真係做唔到~~ 同一諗起,遲下得返我自己一個....打D垃圾reprot....真慘了!!

收工,去o左沙田,食飯...見下好耐冇見架葉小朋友...同anson (另一表姐個仔) 行o左一震街,先返屋企~~

7個月大架葉小朋友....但佢完全似1歲大...大頭仔、大隻仔...已經有一堆花名了!!


同事請食架一大堆零食!! 多謝~~


>>June 30, 2009 at 4:58:51 PM GMT+8

2009 年 6 月 28 日 星期日 【晴】

又係星期一...今日仲要同事N早上請假...因為佢要去見工...唉..幾時先到我呀!!

所以勁忙架一日...

但到o左下晝就好好多了,不過最好笑架係,manager AH..明明今日放假,但突然佢打去公司找我,就係講上級架是非...因上次推薦佢睇「不」打自己人....由於個主角個名,同上級一樣,同時,都係做老闆秘書....所以特別推薦!! manager AH一睇完套野,都覺得寫得好好!! 完全係我地架生活寫照~~

不過令到manager AH咁激動架原因,係上級竟然係別人放假架時候,打比人說公事.....大佬你明知人地放假你都仲要找人,你當人地24小時營業....便利店咁咩~~同可能人地唔係香港咁點先!! 上級有時都幾變態....

返日文...笑下...嘈下...咁就完了....有點唔知自己學o左D咩咁~~

>>June 30, 2009 at 4:27:33 PM GMT+8

2009 年 6 月 27 日 星期六 【晴】

星期日...最適合就係屋企到hea....瞓到十一點多....

同落o左幾個星期雨..都唔想出街~~

夜晚,同o左大表姐、亞昌、清怡、靚媽&姨媽一齊打邊爐!! 聽o左好多野...很愉快架一餐...亦都係有笑有淚架一餐~~

>>June 28, 2009 at 3:19:29 PM GMT+8

2009 年 6 月 26 日 星期五 【晴】

今日冇開組...轉o左只係返聚會...不過都係返得一震...

因今日要去送manling機~~ 佢要去澳洲交流2個月....為表示支持,小組一行6人,去o左機場...但我地去到,由如係機場倒亂,係咁用D行李車...飛車...仲要係D斜路到飛~~不過好好玩...玩o左成粒鐘~~顛o左~~平時去機場都只會係好趕住咁check-in....boarding....唔會三五成群係到玩!! 我地今次完全係機場破壞香港人架形象...因勁多旅客係到睇住我地玩..哈哈~~

之後,我地係機場食埋飯...就回家了!!

>>June 27, 2009 at 5:24:30 PM GMT+8

2009 年 6 月 25 日 星期四 【晴】

星期五...工作不用多提,都係忙忙地....但其實近日都開始發現...公司都真係冇咩生意,但亦唔明架係,冇咩生意,又會忙~~ 即証明係人手唔夠~~

同今日睇o左一份之前打到顛,因全部都係pdf架financial report 變o左做年度報告書架時,突然覺得,哇....好有滿足感,好想講句:份野我打架...勁呢~~ (其實好白痴)但個種滿足感係好難形容~~~可能係辛苦架成果吧~

收工去o左查經,今日係最後一次架查經,下堂要去到9月先再開始,都好...7,8月公司又忙忙地~~所以都係好事!!



飲咖啡真係對身體唔好....因我今日飲o左有點手震同胃痛...可能我冇飲咖啡架習慣~~

>>June 30, 2009 at 4:20:07 PM GMT+8