2009 年 7 月 14 日 星期二 【晴】

一早返到公司...個tray..又好似要山泥傾瀉咁...多到爆!!

唉...所以咩心情都冇了!! 仲要OT....所以5點多時...同o左manager KC 去o左食麥旋風....好正!!

之後,再返上公司努力...不過都係一路做...一路發顛,係咁玩~ 最後連manager KC都頂我地唔住...話我地傻架...唉...咁辛苦工作...為咩呢,有時傻下都好呀!!

今日發現我真係好想快D辭職走人...除o左auditor & audit manager 之外,同其他人好唔夾,即如港女同事....完全係傾唔到....佢地太小人了,同無交流都好,都會唔知幾時踩親佢條尾....又係背後勁話你..所以唔講野又死,講野又死...咁即係想點呢~~ 所以令我更加上走...唉...時間快點過吧...快點到我set架時期吧~~



>>July 15, 2009 at 2:35:20 PM GMT+8

2009 年 7 月 13 日 星期一 【晴】

又係忙、忘、亡.....

全日都係到打、打、打....咩都冇講過....仲要下晝同事N放假...唉~~ 最後搞到6點多就走人啦...因冇可能獨力做完!!

回家,睇埋中醫回家!!

今日奇早咁去瞓...10點多,就瞓o左~~

>>July 15, 2009 at 2:16:58 PM GMT+8

2009 年 7 月 12 日 星期日 【晴】

又係星期一...一個星期架開始...又係最多野做架一日...

仲要今日同事N sick leave....因佢要去睇工...幾時到我去睇工呢....我都想快點脫離哩個鬼地方~~

最後同事N, 唔知點解比見工個度放飛機,所以下晝,就返來公司了...佢架回來,真係好好多...起碼,可以收工前做好晒D野~~

準時收工,係星期一架慣例...因要返日文

P.S. 哎呀...我的MR.智慧齒....你仲咩突然又痛起來呀...你好耐冇咁痛了!! 今次仲要痛到發惡夢...同食野架mood都冇咁....唉...真係想拔o左你...但都係會痛....牙痛...真係會影響心情....咩都唔想做咁~~

>>July 13, 2009 at 2:31:55 PM GMT+8

2009 年 7 月 11 日 星期六 【晴】

星期日...同o左靚媽去o左機場到一試睇3D 電影....

坐o左成個鐘巴士入去...同發現入機場架時間,同我返工架時間差唔多,仲要平過我返工...不如我返機場,好過返上環了!!

去到機場,先買飛...哇...full o左...洗唔洗咁多人睇呀,同機場都唔係近啫...之後食個lunch...又好多人哦...平時係去旅行係機場食飯都冇咁多人,可能香港人都當入機場,係一個新玩點!!

睇o左Ice age 3....冇想像中咁好睇...可能唔係坐正中間啦...

之後又搭返成個鐘車返屋企~~

>>July 13, 2009 at 2:20:17 PM GMT+8

2009 年 7 月 10 日 星期五 【晴】

由於近日組員們都去o左外遊...所以今日冇返教會~~

所以全日都係屋企hea....冇咩好做...很悶的一日!!

唉...放假先黎打風,落雨....

>>July 11, 2009 at 4:08:22 PM GMT+8

2009 年 7 月 9 日 星期四 【晴】

太好了...星期五...由於昨天上級比o左心理準備,話今日要OT...所以今日做事都平常心了~~

加上港女同事放假,上級又要忙...所以同事N和我今日完全無往管....講野、做事都feel好多了~~

不過又係臨收工前有好多野做~~ 好彩上級幫我頂上其中一份麻煩野,所以差唔多8點就收工~~

收工,同manager MT一齊去o左尖沙咀食飯...哈哈~~估唔到可以同一個manager 咁熟...一來佢唔係年紀大個D,所以我覺得佢好勁了,大我4年,就可以當上了manager...我都想~~ 有點羨慕佢...最後十一點多返屋企了!!

>>July 11, 2009 at 3:32:48 PM GMT+8

2009 年 7 月 8 日 星期三 【晴】

終於到o左星期四了....今日真係好悠閒...冇咩野做~~

不過係哩個星期最睇唔過架係...港女同事不斷煲電話粥...仲要係內線的~~最勁個次係由我返工開始傾電話...再同其他同事傾計...再傾電話,咁佢就過o左半日....但見到我地忙佢又唔會幫手,相反上級會幫我地手!! 同港女同事最叻就係瀉膊....扮慘,由D野分晒比人地做...自己又繼續上網,傾電話,都唔明佢有咩咁好傾...我和同事N..日日見住都傾到唔知傾咩好了!!

奇蹟架一天,準時收工...不過節目預告,明天要OT到好夜...唉~~幾時先可以唔洗OT呀~~

突然架事又發生,有auditor 收大信封...其中一個係我飯腳之一....唉....第2次有熟熟地架auditor要離開公司...真係好唔開心...其實同事要走可能對好多人來說係家常便飯...覺得我咁傷心,只係我太小朋友...放太多感情係同事的關係到..因我真的希望可以找到個同事朋友,但我知係好難的~~由其我公司架人流咁高!! 再見了yuki.Ling~~

>>July 9, 2009 at 1:54:28 PM GMT+8

2009 年 7 月 7 日 星期二 【晴】

太好了..一天比一天嘆...仲可以去傾下閒計....希望繼續嘆下去!!

但又係臨到最後....urgent...有時衰D唔理,因過o左office hrs....好彩係6點多做好晒D野...走人趕住投胎咁!!

今日好無聊咁和同事N全日都係到傾M記新出o左D咩....唉...佢今期出o左好多士多啤梨味架野...令到我好苦惱....因為好想一次過食晒咁多樣...但冇可能架事,如果係咁即唔洗食飯架啦~~ 最後被同事N話我無聊....諗埋晒D咁架野...「有得食就食啦!!」哎呀....真係好苦惱了...因要找時機去食,又係一個問題...食咩先又係一個問題....同可唔可以一次過食晒...又係另一個問題....看來我都係自尋煩惱...隨緣吧!!

同m記架網...真係好想讚下...因為...好靚,好吸引...又生動!! 好想知係邊個做幕後的~~

>>July 8, 2009 at 2:58:13 PM GMT+8

2009 年 7 月 6 日 星期一 【晴】

回復平靜架日子了...工作好似冇咁多...不過証明公司都真係冇咩做~~

但都仲係唔明,D人成日都要臨收工前話比你知有份野趕,要你留係到等...真係想講,你明知份野講趕架,你就做快少少啦....你做得慢時又會影響到人哦!!

不過最後,都係6點半到走人~~

仲同kathy 2個人一路食住雪糕,一路行去搭船,有長唔大架感覺~~ 行埋街先返屋企....

kathy竟然講o左句野:「不如你搵返個啦」令到我突然覺得....「連朋友都要擔心我了」架感覺...雖然我知係有哩個需要,但從來都冇渴望過....好明顯係我架問題,同一路都遇人不淑!! timing 唔岩~~

>>July 8, 2009 at 2:18:29 PM GMT+8

2009 年 7 月 5 日 星期日 【晴】

星期一....唔想返工架日子....其實日日都唔想返...因返到去又會諗,都唔知幾時先可以收工!!

一如以住..忙、忙、忙...好彩架係,最後收工前都可以搞掂D野...唔會有好多手尾~~

今日連manager KC..都係到話我同manager AH係同黨...oh~~係manager AH反應太大了!!不過我覺得係我膽子大....同佢一齊講....搞到而家好似咩都唔怕咁...最多咪炒我!! 咁簡單~~

我都唔明上級和港女同事,點解成日問埋D咁搞笑架問題,就係:「點解你哩到會錯架,你冇睇清楚架咩」「print 漏o左,你對個時睇唔到架咩」...最勁架係,港女同事,今日完全係企係到想我比個完整架答案佢~~我真係想同佢講「你想聽真話定假話」真話:「我唔小心...冇留意到」假話:「我專登整錯、漏比你有機會話我」妖....諗起火都黎埋!!

返日文...今日時間過得好快咁哦...每次上2小時堂,都真係會有點攰了....

christy: 其實佢一路都估到下架啦...但冇正式咁講啫...不過佢好似都唔太接受,但我會堅持!! 相反靚媽同亞哥都ok...冇咩反對!!

>>July 6, 2009 at 3:28:56 PM GMT+8