2009 年 3 月 14 日 星期六 【晴】

今日好緊張哦....因為要返我架舊中學...陳南昌哦....openday....

昔日本人要搬屋,加上讀書成績一般...所以讀過唔少學校,1間幼稚園、3間小學、2間中學、1間專書院、1間大學...讀得最耐都係哩間中學架啦~~

同亞豪一齊返去...見返好多以前有教過我架老師,不過佢地叫咩名我都唔太記得啦,只係記得佢教過我咩科...其實好多老師都唔係好認得我...因變化太大了...昔日架我,係肥到爆炸!! 雖然而家都唔好得去邊,但我估見過以前架我...大家就知我變o左好多架啦~

係校學仲撞到好多舊同學,個個都冇咩點變,可能平時都有出來聚下, 但全日最開心係坐番係課室到,講番以前返學架曳野!! 真懷念~~ 突然,自己好似變返個中學生咁,只欠套校服啦!!

之後,我地一班去o左食糖水,聚下舊~~

夜晚,約o左八婆去swimming....哇...星期日,夜晚冇人游,所以游得特別專心....同發現自己開始慣o左每星期都要游一游...如果唔係,好似周身唔舒服咁...努力...為夏天做好準備!!

深夜....同william & donald...傾o左個好開心架電話....真係..好耐冇同OU架同學,吹下水....講下笑了!! 雖然傾架內容好似冇咩意思咁...但就係咁咩都講,大家先會保持到朋友架關係了!!

哈哈....今日完全覺得自己做返學生架感覺...真懷念~~ 哩種感覺,唔知要到幾時才會再有了...希望唔會被工作侵蝕啦~~









>>March 16, 2009 at 2:36:14 PM GMT+8

2009 年 3 月 13 日 星期五 【晴】

今日返去開組...玩o左好耐冇玩架"猜"皇帝....即刻諗起細個,小學架時候...係要一路dum 地一路"猜"...哈哈~~好白痴呢~~

開完組...三姐弟行葵芳...我& samuel & B...哈哈~~因比人話我同samuel似樣,samuel 又比人話同B似樣...最後就變o左「三姐弟」......都好,多o左2個咁搞笑架細佬~~

同我發現...我差不多2星期,冇正式坐係屋企食飯了....因好多時要突然OT...所以冇返屋企食!!

好彩今日補返...仲可以係屋企做下自己野....幾好~~

>>March 14, 2009 at 3:16:40 PM GMT+8

2009 年 3 月 12 日 星期四 【晴】

終於捱到星期5啦....太高興了

今日好精神....同做好了心理準備,要OT....不過又好似冇想像中咁忙....同工作量岩岩好,可以做到收工~~點知當我關了電腦時,manager CY竟然比野我做

佢仲講:「咦,熄o左電腦啦」之後,就走開o左...

最後我都同佢講:「星期一,一早幫你改好嗎??」

佢咩都冇講,只有笑住咁回應....

哎呀...突然感覺自己好衰,其實可以開返電腦幫佢做的,但都冇咁做..走o左,最大問題係,怕上級知道,又唔知會講D咩....矛盾地,我真係好想收工了,因為OT o左成個星期,今日終於可以叫做6點前走人...已經萬分感謝!! 不過係帶著良心過意唔去咁收工...唔知係咪我太有責任感呢???

原來王小mo,冇講錯....我架焦慮症,冇因為唔洗返學,就變得冇o左,我一樣都會擔心,怕上級點睇、怕做錯野、怕比人篤背脊、怕突然比公司炒 (哩個其實都一半半想架啦,成日OT...同我而家個post仲細,可以易D搵到差唔多價錢,如果大粒少少架話,咁就慘啦!!)

>>March 13, 2009 at 1:46:34 PM GMT+8

2009 年 3 月 11 日 星期三 【晴】

話咁快又到星期四了....

一早都唔係太忙....但點知lunch之後...惡夢,就開始了~~ 先黎一份大大份架...再接住就係2份urgent...哇...完全係陷入瘋狂....燥底狀!!

最後7點走人....亦很堅持去o左游水~~ 好舒服,頓時咩壓力都冇晒,可以明天再努力!!

今日donald 黎o左lunch....好似讀U個時,成日一齊食飯之後,都冇咩哩個樣會了,係都係去佢工作架地方,搵佢吹吹水咁....同返o左工之後,就好掛住讀書時候....可以有無限架精力去玩,咩都去做...咩都玩一餐,但返工,先係會冇晒時間,同冇晒精神去玩啦~~


感謝王小mo,用o左佢一日架annual leave去購買電影節架飛,昔日係本人去買架,因當時仲讀書,走下堂係好閒架事.....但而家返工,好難咁做了...(其實我公司可以冇啦啦請半日假,但又唔扣annual,只會當係sick leave....不過而家哩個時候....咁做好似唔係咁好咁~~)


>>March 13, 2009 at 1:35:41 PM GMT+8

2009 年 3 月 10 日 星期二 【晴】

今日....半hea....

但點知....收工前...又有突發事....完全令我要留係公司到OT....妖妖妖.....那位manager E 已經唔係第一次好遲咁比野出黎,今次仲要請埋本小姐食糖,咁即係唔留得啦....收到佢包糖,都唔知覺得佢好人,定嬲佢好!!

最後,8:30到走人....

唉...本來今日去游水,但最後都要取消,呀....唔滯呀!!

>>March 11, 2009 at 2:04:01 PM GMT+8

2009 年 3 月 9 日 星期一 【晴】

一返到公司...my god....昨天架hea....而家唔會再發生了!!

因有一份report....75pages等住我去處理....對住哩份野,足足成日....仲要理埋其他野都真係成個日灰晒!!

仲要OT一震,整埋D手尾....唉...又係一個人OT...遲早係「OT女皇!!」

收工,出o左旺角,同OU同學仔一齊唱K....太好了,感覺好似又回復到讀U時候...只不過很多人都係服務不同...變o左行政裝...

唱完K,我地仲去o左食糖水...顛了....可惜明天仲要返工哦>_<"

>>March 10, 2009 at 5:05:36 PM GMT+8

2009 年 3 月 8 日 星期日 【晴】

又係一星期架開始了~~

但今日意外地冇咩野做....仲有時間和同事N,閒聊、上網~~

最後,緊係準時收工啦~~

不過,又係返日文架時候.....

>>March 10, 2009 at 4:58:00 PM GMT+8

2009 年 3 月 7 日 星期六 【晴】

今日同靚媽去o左行街....

夜晚,本來叫了KFC外賣速遞的,點知遲遲都未到,明明話8:30前送到,等到成9點都未有,足足打o左3次去吹,都話出o左車....最後,取消order....點知9:30...送o左來,我一開門,就同個個人講,我取消o左啦哦....個個人都好無奈咁走o左....真係有冇搞錯,我7點多叫的....話8:30前,最後要9:30出現....差不多2小時呢....咁不如我自己搭車去堂食啦!!

雖然好怒氣,同我都係第一次咁樣取消order.....所以都覺得自己好衰~~

>>March 8, 2009 at 2:52:32 PM GMT+8

2009 年 3 月 6 日 星期五 【晴】

煩忙架一星期...終於可以休息下...

全日都係屋企...好似好耐冇係屋企了~~

所以今日係屋企hea....好舒服,又睇下電視...真好!!

>>March 7, 2009 at 3:32:07 PM GMT+8

2009 年 3 月 5 日 星期四 【晴】

今日....早上....冇咩野做!!

但一到下午....多到要死~~個個都話係urgent....咁即係點呢....你先定佢先呢~~最後,又要OT到成8點多,先走人....好彩有同事N一齊傾下計咁...冇咁悶~~ 同多謝auditor & manager們架問候,不過最好笑係CY manager 對住我地講:「仲咩仲係到呀,大雨得滯,唔識路返屋企呀....」完全係爆笑!!

港女同事,又發威...(唉...都唔明,點解成日都係佢同上級係到玩野!!)

今次,佢又係到管埋D小事....人地manager話要自己做返,咁唔通我同佢講唔好呀,我會比人話架!! 大佬呀,人地係manager來架,我哩D做細架,可以亂來嗎??

之後港女同事,就和同事N說,唔可以咁樣...再之後,又係到問同事N,點解打份新架report唔打o左D改架先....(其實係我叫同事N咁做,之後,佢就即刻問啦...真係八婆!!)

最後,我心諗:「八婆...份野urgent 咪叫人打o左先囉!!你又話打report 唔關你事啦,咁你又要管」同我已經有心理準備,佢會向上級打小報告....算吧,我個底及背脊,都已經花晒,可能係到爛架地步了!!

收工前,港女同事,又好賤地,將一包auditor 比佢架手信提子乾,話要比我

港女:「XX auditor話比你架....話因為你幫個佢打野」

其實我一早知,包野唔係比我架,係比佢架....係佢自己唔想要,所以先講哩個大話

我:「咩唔係佢送比你架咩」

港女同事:「其實係個auditor話分比大家食」

我:「咁星期一先算啦...」

心諗:「你條友賤到呀!! 自己唔要架野,就話比人,你咪當我白痴啦,我知你想玩到我自動唔做啫...八婆cheap精,你比上級更#$%)@xyz」

以下影架,係一堆蛇形文字,係我的大老細(ADR)架字....完全係睇唔到架!!


放大一小部份比大家睇,再請大家估下佢寫咩~~ 估到架請話一話比小妹知!! 因小妹,都係要問人,先可以解到碼!!


答案如下:

2 GMM&GS visit cost
Loss on official dinner
Cost of informal dinner
Hotel costs
Total

唔知大家又估中幾多呢???

>>March 6, 2009 at 3:16:08 PM GMT+8