2009 年 8 月 13 日 星期四 【晴】

昨天架早走...就今日多野做...其實都冇咩關係...只因今日星期五!!

由於昨天答應糖姐一事,所以全個早上都比o左佢....其他人架野,做都冇做過~~仲要個個都urgent...唉!! 公司又唔很請人...想死!!

做到好攰啦....七點多走人...只係完成大部份,但我估星期一,都會有好多野做!! 真係唔好諗..要放返2日假先!!

>>August 14, 2009 at 2:02:06 PM GMT+8

2009 年 8 月 12 日 星期三 【晴】

終於星期四了....真係想快點星期五...

昨天上級幫我出頭令到佢唔開心,有點過意唔去,所以今日一早返公司...執手尾,希望佢唔好咁唔開心啦~~

同今日糖姐又繼續發顛,我臨收工架時候,問我:「你仲有冇野整.」我話冇啦 (哩個係一個事實) 最後佢都冇我符,就同我講:「咁明天一早,你要打我份野先哦」我一口答應佢....所以今日有得6點多走人,真高興!!

收工去下圖書館...好舒服~~睇下書..人生一大娛樂!!

今日亦都好開心...lunch架時候,見到蔡瀾,wow..我偶像!! 真係好型~~同佢寫架書好好睇哦~~ 佢去o左一間新開架米線店到拍野!! 等我下次去食下先~~ 同我由如一個小fan 係到發顛...最衰冇佢架書係身,如果唔係就叫佢簽書~~


>>August 15, 2009 at 4:24:09 PM GMT+8

2009 年 8 月 11 日 星期二 【晴】

全日都比Senior manager 糖姐架野煩住晒,阻住晒....搞到好似成日都只係同佢做野咁~~

lunch 約o左同事N,(其實佢都唔係我同事了...要改回原名 natalie) 走o左一星期架佢,都暫時未有野做,唉...搞到我好擔心自己都會係咁~~

同今日整糖姐架野,仲要OT....點知我OT整好o左一份比佢架時候,佢就身恨咁同我講,不如整埋多一份....哇..我即時同佢講明天先吧,佢竟然黑面,我就話明天一早比你吧!! 佢都係好黑面,所以我就搵o左上級求救!!

最後,我都係可以8點多收工的,同上級話我知,糖姐老屈我,話我答應o左佢整埋份野先走,哇...哩隻死貓真係食唔落啦~~仲要有好多auditor 可以做証,我係冇答應佢架~~不過上級今次就好慘了,因為我,佢得罪o左糖姐,最後我仲見到佢眼紅紅咁,即刻好過意唔去,因可能因為咁樣,佢會比糖姐向HR投訴,唉...但糖姐都真係無理的!!

第一次見到上級脆弱架一面,完全唔知點好,安慰架說話都唔識講,只有同佢不斷講「唔好意思」..唉...連累到佢了,心總係難過,我現在只希望佢唔會有咩事吧!!

>>August 12, 2009 at 4:05:36 PM GMT+8

2009 年 8 月 10 日 星期一 【晴】

星期二....都咁多野做架....

臨收工前,admin manager 搵我傾計...講返昨天架事,話佢已經同上級講過了~~ 怪唔知得佢今日黑黑地我面啦~~ 但結果都係一樣不變....仲要講到好似係我問題咁...

最後,我問admin manager 其實會唔會有機會學下其他野,佢話暫時未有哩個空間,同佢暗示,叫我走唔會留係到~~ 都快架啦...快架啦~~

今日做到炆炆地....所以7點多走人!!

>>August 12, 2009 at 3:51:38 PM GMT+8

2009 年 8 月 9 日 星期日 【晴】

唉...又係星期一...又係一星期架開始!! 真唔想返工~~

同本來上星期想同admin.manager 傾工作架問題...點知今日係toilet到同佢傾o左....同佢好講到明,唔會請人!! 唉....真係想死啦~~ 唔知係manager 反映o左比上級知,定係點....今日感覺輕鬆o左..唔理了,而家得返我一個..係咁麻煩架啦...炒我囉,勁想你咁做,補返一個月我,咁就正啦...(發夢)

今日好無聊咁,login o左個icq....一睇冇人online,係正常架~~ 所以最後剷o左佢...唔好阻住晒!!

>>August 10, 2009 at 2:41:47 PM GMT+8

2009 年 8 月 8 日 星期六 【晴】

又去機場睇戲....睇"up".....4D版

初時抱住一個去睇卡通片架心態入場...點知,一套卡通片都可以咁感人,係講述一個老伯伯,佢用盡所有方法,要達成老婆架心願,因佢答應過佢老婆的~~好感人!! 同最後佢唔但止達o左佢老婆架心願,仲改變埋自己,唔在係食古不化!!

睇完戲,搭車入o左去元朗到搵聰聰食飯,好耐冇見過了,今次一短聚,勁唔夠喉!!

>>August 10, 2009 at 2:51:12 PM GMT+8

2009 年 8 月 7 日 星期五 【晴】

今日返o左去開小組.....返去架時候,搭巴士...差點撞車哦..好彩最後都冇事,個一刻我估全車人都好驚,由其坐係車頭的一群人~~

開組時,講下自己架近況時,哇....突然想起2個字迷茫...好似好多事都好亂冇planning....人生好冇目標咁...都唔知自己做緊咩~~ 好似咩都唔可以自己預計之內,一咁諗成個人都好唔開心....灰o左!!

近都成日比人話我諗得悲觀,係哩個不嬲都係咁....同而家做野冇目標,所以更悲~~

同近日要儲錢(其實都有shopping,哈哈) 為唔撈做好準備,所以成日都想做「宅女」...看我真係一名「乾物女」

>>August 8, 2009 at 3:58:46 PM GMT+8

2009 年 8 月 6 日 星期四 【晴】

又 到一星期最忙架星期五了~~

工作量完全失控....多到嘔....連上級都幫手打埋一份,但最後佢都有自己架野做,所以都係我一力做返晒....最討厭架係,港女同事,眼見我咁多野做,佢都仲係到傾電話,幫都唔幫下人,真係火都黎!!

個一刻完全覺得,要問一問自己:「我係到做緊咩,點解我要係哩到做埋D咁架野、點解我讀咁多書,最後都係做埋D咁白痴架野,仲要同佢捱,都唔知話我自己笨好...定話我捱得好,定係話我太有負責心~~」越諗就越傷心,真係打到想喊!!

最後都冇....因明白到人地係唔會因為你咁樣,會同情你、幫你、可憐你...因哩個社會就係咁現實、殘酷、冷血,大家只會理自己架事,人地架野...最後唔好理咁多~~

收工時間,已經係9點了.....知自己做咩要咁遲收工,明明5:30 收工架....都要搞到咁夜!!

>>August 8, 2009 at 3:09:26 PM GMT+8

2009 年 8 月 5 日 星期三 【晴】

點解今個星期咁難過....時間好慢咁....過o左好耐都未有一星期架!!

一諗起返工要做個D唔用腦,又忙、又冇意義架工作,真係唔想返工!!

但最後都返o左,因都起o左身囉~~

哇...又係咁多野做...手唔停...完全比唔到反應任何人....人地叫我做野,只有一個反應:「哦」就係咁多,因做到呆o左~~

最後今日7點多走人,但仲未做好晒D野....哎呀....好煩呀,清唔洗D野就走,個感覺唔太好,但其實D野又唔係話趕,但習慣o左D野清...得返一個人做,真係冇可能!!

>>August 6, 2009 at 2:23:38 PM GMT+8

2009 年 8 月 4 日 星期二 【晴】

今日好多人生日...我識得架已經有3個....

唉...今日忙到爆....仲要勁多urgent....人就得一個urgent都要等....所以有manager 發脾四....都唔理佢了,冇計架...叫公司請人囉~~

最後,上級搵人幫手打...先可以進到快D...所以6點多就走人了!!

返到屋企...勁攰....咩都唔想做...就啦啦聲瞓...都唔明點解會咁攰...又唔係去擔泥~~

>>August 6, 2009 at 2:11:41 PM GMT+8