2009 年 9 月 2 日 星期三 【晴】

今日又half-day sick leave....其實又係去見工~~

點知一入o左地鐵站就發現,自己唔記得帶筆...哇..真係第一次咋~~突然個心好驚,因問人借筆好樣衰~~ 坐係到地鐵又發現自己冇帶紙巾....哎呀....對我來說係一件好重要架物品..不過哩個7仔有得買~~

去到九龍灣,第一時間,就搵哩2樣野,筆就真係搵唔到啦,所以硬著頭皮去坐車啦~~ 本來諗住坐的士,發現係有穿梭巴士的,但個度寫住,係比租客用的...咁我一問等車架人,點知佢話唔係的~~ 仲要佢好好人咁,帶埋我去個到~~

要見工了,先又係填表,想開口問佢借筆時,已經見到佢夾埋筆比我了,感謝~~ 勁填,仲要有張係作文咁架東西,係講自己的,咁就亂寫一通!! 到電腦test了....哇...要我張份英文翻譯回中文,又係亂來....最後仲要excel 部分做漏o左個表....好彩個admin.manager 好好人,比我補做返~~ 感激!! 連個staff 都問我點同佢講...我話:「照講,話我睇漏o左,冇做到,唔係唔識做」哩個其實都係事實!!

in 完又要返工了....唔知係咪in 個間公司冷氣大,有少少凍親,搞到真係似病,所以half day sick leave~~ 同auditor 們都好好,都有問候下!! 除了上級&港女....都唔明大家所謂架同一team 人...但咁冷漠的!!

>>September 3, 2009 at 2:36:35 PM GMT+8

2009 年 9 月 1 日 星期二 【晴】

今日很特別....D auditor們同我食「散水飯」哈哈....我18號先last day 呢....不過佢地有D人遲下可能要外出工作or放假~~

去到酒樓,本來係book o左8個人,點知....變o左11個人...真係估唔到,仲要有D人,係唔知係食「散水飯」....多人到由如擺酒咁....anyway 都係食餐飯啫~~由於太多人,所以都係各有各傾~~

當要走架時,突然覺得auditor們,都真係幾好....其實個個同事都幾好(除o左港女,我真心咁勁憎佢) 不過為o左自己前途問題,都真係要離開哩間公司....當我說出要走架原因,大家都會覺:「咁又係...其實我都想走」看...公司都真係好多人想走....但大家冇哩個勇氣,同埋audit 哩一行太細了!!

奇蹟準時收工,仲同kathy行o左一震,先返屋企~~

>>September 3, 2009 at 2:21:46 PM GMT+8

2009 年 8 月 31 日 星期一 【晴】

完來我已經有一整年離開了校園生活了....今日見到D 學生開學,突然回想...返學真好!! 但相反做學生架時,要考試,都幾慘~~ 不過見到D 學生著新校服,好有朝氣,好精神,自己就好似死氣沉沉咁~~

返到公司...一心以為冇咩野做,可以hea下...點知係慢慢咁越整越多...多到個個見到都呆一呆...唉...此地不以久留,真係想快點到18號...我心中已經係到倒數中....因仲有17日,但真正返工,只有13日...因我要請多1日假去interview~~ 所以太好了!!

最後都係要OT比公司...唉...kathy成日都話我,辭o左職都仲係到OT...算吧....良心問題,因我想好頭好尾,唔會因為我要走,就勁hea...因咁樣就會影響到其他同事架工作~~

>>September 1, 2009 at 2:41:59 PM GMT+8

2009 年 8 月 30 日 星期日 【晴】

今日意外地冇咩野做....亦都可能係港女同事放假...所以工作架flow 順o左~~

但臨收工架時候,上級突然比o左份野來....oh~~你唔係唔記得我要返日文嘛.....

最後,好urgent咁 打埋去,就走人啦~~

返日文...今日我估係最後一堂了...我估唔會在學了,一來怕轉工就唔到時間,二來自己又入唔到腦,所以我估都係唔會繼續架啦~~ 只希望之前學架野,唔會忘記吧...同都有點唔捨得D 同學仔,因個個都funny~~

>>September 1, 2009 at 2:34:16 PM GMT+8

2009 年 8 月 29 日 星期六 【晴】

星期日...同o左屋企人行街

先去o左買整月餅架野....今年要挑戰冰皮....但傳統架都要整成30個先ok...真係努力!!

之後,去o左圓坊~~

>>September 1, 2009 at 2:30:03 PM GMT+8

2009 年 8 月 28 日 星期五 【晴】

今日返去開組...

夜晚,去o左亞哥屋企食飯,但我落錯車,去o左王小mo屋企....因佢地都係馬安山友,最後我要搭的士,去回亞哥屋企~~ 馬安山迷路.....

yeah...今日book o左去singapore 架package啦~~ 20/9 ~ 23/9 要去relax 一下!!

>>August 29, 2009 at 4:51:53 PM GMT+8

2009 年 8 月 27 日 星期四 【晴】

今日上級終於冇發顛了!! 因佢要做interveiwer....要in我而家哩個post,佢都係第一次,但突然覺得公司好差囉,可以周圍搵D 亞豬亞狗,就可以去in 人...仲要上級只不過係一個sec., 邊有knowledge 去in 人啫,可能佢一入到去要問D咩都唔係好知~~

不過我覺得公司HR好勁,因完全係踢返個波比上級,因我而家個post,轉o左好多次人了,好似冇人合佢心水咁~~ 因佢架性格咁煩,好難有人合佢心水架啦~~ 仲要今日in o左4個...只有一個似後生女,其他的都係上o左年紀,若要叫佢地OT,我怕難,因可能人地要趕住返去照顧屋企 (其實係上級太愛OT....)

所以今日風平浪靜,可以6點到收工~~

之後同o左manager MT,去旺角行街,佢竟然同我講「好耐冇試過行旺角係可以咁耐,因多數都係工作完,出到去旺角食埋飯,D鋪頭就close o左啦」唉...做audit 架苦!!

>>August 29, 2009 at 4:44:46 PM GMT+8

2009 年 8 月 26 日 星期三 【晴】

今日一返到公司.....由如有CCTV咁....我個公司電話就響啦,係上級打來的....仲要係好記得8:50....若我真係準時返工,都只係返o左公司20分鐘,更何況我係8:40 先返到公司架人~~位都未坐定,就要有以下內容啦~~

上級:「phenix,你昨天係咪有打糖姐架野??」
我:「係...2份」
上級:「咁係邊2份??」
我:「xx個份同xx個份」
上級:「佢又send e-mail黎投訴啦!!」
我:「咁佢講咩呀」
上級:「未知,我未得閒睇」(我心中暗地想罵佢,你未睇,就唔好打黎話我先啦)

隔o左一震,拎住個2份野行黎我位,我心中...「唔係呀嘛又中招」

上級:「你昨天係咪打o左哩2份」
我:「係,xx個份係xx比架,哩一份係糖姐比架」
上級:「即哩份出事啦,你好遲先比返人地呀??」
我:「冇呀,我一打完比返佢啦,個時6點多」
上級:「咁佢幾點比你架??」
我:「2點幾囉,因當時我打埋手頭個份,就即打佢個份啦」
上級:「哦....」最後佢對住港女說:「我而家去受死了」完全係比說話我聽~~

最後個份野流到我手,我打去問上級,要唔要比佢睇一次,佢竟然話唔洗,因已經知咩事~~

咁我就想,若真係我有錯,佢都會即時向我開火....但一早佢未搞清楚之前,就比晒說話我聽啦!! 妖~~

>>August 29, 2009 at 4:30:45 PM GMT+8

2009 年 8 月 25 日 星期二 【晴】

又回復正常咁返工...返足全日都真係幾辛苦..由其係下午....係趕,又眼瞓~~

同上級今日又唔知咩事,發顛!! 好話我D野唔對下先比佢~~但明明係佢上次同我講出draft 唔洗我對,留返比佢對,因重覆o左工作.....第2次比佢咁屈了!!

上級:「你要睇清楚D先得架,哩到同個到都唔同架」
我:「因為你上次話唔洗我對,所以我先冇對」
上級呆o左.....因佢估唔到我咁直接寸佢~~

但之後,佢就搵其他事,又話我~~

真係心諗,你想我頂唔住提早走咋...唔會囉,我要錢,唔要假呀!!

>>August 26, 2009 at 2:19:41 PM GMT+8

2009 年 8 月 24 日 星期一 【晴】

今日上午,又要詐病,因又要interview....由屋企出發去到鰂魚涌勁遠....係可以坐係個地鐵到瞓著,都仲未落車!!

今次in我個個女人....完全feel 到佢係好麻煩的,如果一但入職,就要under 佢...哇....佢架感覺比上級仲要利害!! 好快咁in完~~

直接返公司,仲早11:45.....咁早返去,因擔心好多野做,但其實我已經辭o左職,都仲要有咁架諗法,lunch架時候,kathy 見我話要買M記返公司食架時候,佢即刻同我講:「唔洗咁慘呀,一齊食啦」但當我想推佢話:「仲有好多野未做呢,因今朝冇返」佢就一句:「你辭o左職架啦」突然覺得係哦~~所以最後同佢地幾個auditor一齊食飯..仲要食到遲晒到咁~~

由於真係多野做,所以我都OT到7點多先走人~~

同今日上級又發顛,又叫我放annual....仲要指定日子...大佬放annual都要你指定...有冇搞錯呀,上級架意思係,因個2日公司冇咩人,所以叫我放假~~但最後

我:「唔放住啦」
上級:「咁你想幾時放呀」
我:「我諗住D annual唔用,一係用黎早走、一係計返比我」
上級:「哦...你想早走呀...等我睇下多唔多野做啦,如果唔多野做都可以的」
我:「其實我係想計返比我」
上級:「咁我再同佢地傾下」

咩事呀,好唔想補返annual 錢比我咩...得個5.5days...只係千幾蚊都唔比,公司有冇咁窮呀!!

>>August 26, 2009 at 2:14:44 PM GMT+8