2009 年 8 月 23 日 星期日 【晴】

雖然遞o左信...但我架工作一齊如常地多.....

不過而家做野冇咁大壓力,因都要走了,又有咩所謂呀!!

但估唔到,公司架消息傳播率都幾高哦~~我明明只係講o左比5個人知,但最後,係其他人都知,不過算啦....因哩個係事實,又有咩所謂呀!!

準時收工,啦啦聲返日文,因今日有test...但只係溫o左半日都冇架我...一打開份卷,係呆o左...勁唔想做....最後都係硬著頭皮咁去做,如果今次test 唔合格架話,就唔讀啦,因真係入唔到腦!! 又一次証明,返學同返工架分別,返工,真係冇時間比你去溫,同冇咁好記性,因已經用黎記晒工作上架野了,有時間都想relax下~~

由於係test 架關係,所以今日係提早完堂,我地成班去o左食飯了~~

>>August 26, 2009 at 2:02:23 PM GMT+8

2009 年 8 月 22 日 星期六 【晴】

全日係屋企....

王小mo來了我家,探好耐冇見架"李細佬"....

唉...煩架事,又出現了...大家又問我點解要咁衝動辭o左份工

可能我咁樣做係好任性，但當中架苦，真係冇人明白～～

冇人明白，每天起身架時候，都有唔想返工架念頭

冇人明白，每天不停打字12小時架苦悶、沮喪

冇人明白，每天都聽著一群八婆架冷言冷語

冇人明白，每天都只有自己一個人，被8x個同事點你做野，又要urgent 架炆憎

冇人明白，每天都唔知自已做緊咩，人生好似冇目標，睇唔到前途架感覺

冇人明白．．．

>>August 23, 2009 at 1:34:02 PM GMT+8

2009 年 8 月 21 日 星期五 【晴】

瞓足12hrs...真舒服~~

之後,返o左教會開組....

夜晚,組員們一齊去o左旺角据排...好耐冇咁齊人一食飯了!!

開開心心咁過o左一日!!

返到屋企...收到亞豪張北京post card....wow,好意外哦~~

>>August 23, 2009 at 1:27:45 PM GMT+8

2009 年 8 月 20 日 星期四 【晴】

一早返公司,即比上級吹放假一事.....顛架咩

但我答佢...我係要resign...所以唔放,佢架反應係「得」之後就係講工作上架事了...完全冇問過你點解...留你架感覺都冇....最後我正式比封信admin. manager....佢都有問我點解想走,我話「做得唔開心、發展空間不足,睇唔到前景」之後,我估佢大至估到做得唔開心架原因係,是非...因上次同事N都係咁講,好明顯...係一個問題架存在~~

點知上午比完信...下午natalie 打比我,話公司打比佢,問佢會唔會返黎做...哇...大佬人地走o左一個月都冇,你睇我走,又叫返人地返去~~ 都幾賤哦!! 好彩我一早同natalie 夾好o左啫....大家都唔會再返去架啦,因一齊都捱過...若2個人架時候都係多野做...可況1個人呢...仲要係成個dept. 8x人,個個都可以點你做野...問你死未~~ 妹仔一名~~

比完信,心情很好...亦好開心咁同o左D 相熟架同事講....完全冇唔捨得架感覺~~

放工,同kathy 去o左睇戲食飯....好搞笑咁,我地食完飯,係到hea等睇戲,點知我突然發現我地張飛係7:30架囉....但其實我地買架時候,係7:24....好明顯係個個人比錯飛啦~~所以去換飛...好彩換到~~

其實我唔係第一次與到,之前係試過個個人賣o左張第2日架飛....仲要入場時個個人都唔覺,係坐o左,先發現人地都係拎住張又係同一個位架飛...先發現!!

公司咁多位同事....最唔捨得,只有kathy...因大家互相呻下....講下其他同事....幾開心~~

>>August 21, 2009 at 5:25:45 PM GMT+8

2009 年 8 月 19 日 星期三 【晴】

今日又要返工了...唔知係咪好緊張...3:00am 起o左身....

返到公司...好彩都唔係話勁多野做...份量岩岩好!!

但點知上級就埋黎,同我講「BB(高層)話我地多假,要清咁D....你好似仲有8日」我即答「e-leave到話我有3日咋哦」完全唔明...3日都叫多假,仲要叫我地清埋D 假....大佬我唔會預支我架假囉~~ 最慘係明明我唔想放,但又要迫你放....仲要即日話比佢知要放幾時~~

最後,我都係冇答佢架,因我諗住明天比信resign....因我要休息下,同突然好似清醒o左,知道自己在咁樣下去唔係路,再拖,只會係拖住自己D 時間~~

夜晚,同MEPK食飯....好久不見....原來大家都好努力咁...長肉..個個都肥o左哦~~

>>August 21, 2009 at 5:04:56 PM GMT+8

2009 年 8 月 18 日 星期二 【晴】

今日詐病日...不過唔係去o左玩,係做正經事,見工!!

仲要一日見2份...早上見去o左中環到見...10點上到去,竟然同我講,今日個list中冇我個名,又話係我改o左時間,但事實我又冇哦...佢又真係約o左我10點架....如果唔係我點識上去呢~~ 下午就去o左火炭到見....氣氛好大分別,商業區和工廠區~~

2份工都要test 作信,哇...好耐冇做過哩樣野~~仲要好事但咁作,完全覺得作o左D垃圾出黎!! 我諗真係要搵返D ref. book去睇,點作信~~ 最後,2份工都係一樣要等sec. in.....希望有啦~~

夜晚,去o左教會晚會....做o左一個工作人員,同估唔到自己可以出席到,因咁岩,今日要自行放假~~

經過今日架見工,好深深咁知道,而家哩份工好唔適合我,同一諗起明天要返工,就好沮喪,一諗起明天個tray會有好多野等住我去打足12個鐘,係更沮喪~~ 又有可能返到去又會比人黑面,係勁沮喪....

>>August 19, 2009 at 3:38:11 PM GMT+8

2009 年 8 月 18 日 星期二 【晴】

快點明天吧....因明天自行放假一天!!

不過今日工作量勁多,最沮喪係每日一返到公司,就會見到勁多野得住你打,仲要每日你都冇可能清晒tray,就走人...好似好冇負責咁~~ 所以每日都會做到好沮喪..之後變好炆....

今日上級又發顛,冇啦啦整o左張form叫我填,「工作進度表」...哇...大佬一日打幾十份reprot...仲要份份都墳,話要睇下我一日打幾多,真係好想答佢「好多」當我每日都打到好炆、好燥架時候,仲要比人整埋D 咁架野,完全係想死...真係就黎精神病架啦!!

>>August 19, 2009 at 3:23:49 PM GMT+8

2009 年 8 月 16 日 星期日 【晴】

又係討厭架星期一...因公司一定有好多野等住我去做...唉~~仲要今日完全冇可能做完...所以hea 做...同要返日文...所以點都會盡時走...做得晒又係準時,做唔晒又係準時,所以算吧!!

星期三....非常日....好緊張,好期待,好想快點來....但心情越緊張....希望越大,失望越大...不要抱太大期望,但不能控制...因我已經做好晒所有準備...萬事俱備,只欠東風!!

>>August 17, 2009 at 2:30:47 PM GMT+8

2009 年 8 月 15 日 星期六 【晴】

星期日...家庭日....所以去o左飲茶

之後,就要做日文功課...悠閒咁過o左一日~

>>August 17, 2009 at 2:18:10 PM GMT+8

2009 年 8 月 14 日 星期五 【晴】

今日返o左教會之外都冇去其他地方了!!

不過,返去傾下計都幾好...因返工冇咩同人傾計,由如自閉...大家都一肚氣&火...都費時傾....浪費時間~~

期待星期三架來臨...因有好多野做....chance to change.....!!

>>August 17, 2009 at 2:16:32 PM GMT+8