2009 年 2 月 12 日 星期四 【晴】

今日做過D咩.....咪又係打字囉~~ 全日打到冇停手....不過都預o左啦,因為星期5嘛!!

上級又有新招,今次玩調位....不過唔係調去好遠啦,只係同對面的同事調位....看...佢多無聊!! 佢話調o左位,希望我同新同事一齊做野,會好D哦~~ 都唔知係咪真架!! 定內裡有古怪.....所以由星期一開始,我就由自閉位...調到一個勁開揚架位啦~~ 到時冇咁多機會偷拍...玩msn....sms....等啦...唉...真係唔想調,一來自閉位幾好呀...free...我承認,之前話好慘,因好悶,冇人同我講野...但坐耐o左有感情唔想調呢~~ 二來其實與我對調的同事都唔想呢.....

全日最出奇係....我可以準時收工...哇....今日係星期5哦....準時收工哦....太好了!!

其實,我收工,都係去swimming.....only me 去咋.....同今日勁多人囉,係學水多呢....成個池80%係學swimming.....所以想游都冇得游....仲要冇啦啦比人一腳踢中我條腰.....好似去比人毒打咁啦~~ 所以游 o左1hr....走人....(我估都冇足1hr 啦....因多人到要游下停下咁) 今次游完冇上次咁爽了....但都好精神,同好健康架感覺.....哈哈~~

swimming架時候,遇到一名叔叔,指點本人架泳姿....唉...我都知差架啦....因冇受過正式訓練,不過佢都係好人提點下啫...走架時候,又見到個好可愛架小男生....為著吹頭一事,煩惱....因為佢唔夠高去按住個吹風機....所以我幫佢按住去吹....等到佢叫停為止.....突然,感覺自己...為什麼會對小朋友咁好呢,仲要覺得佢可愛...看....我哩D鴉烏婆!!

>>February 13, 2009 at 4:46:37 PM GMT+8

2009 年 2 月 11 日 星期三 【晴】

昨天游完水....今日成個人都好精神哦...好似同平時好唔同!! 做野都冇咁燥....

不過我架「雞肋」工作,真係令我好矛盾...一方面,唔想做....另一方面,唔做,就冇野做~~

所以我偷影了「雞肋」,亦都係我平日主要做架事的內容:

先係,看以下2張....

明明好地地一張A4紙,就比人貼野貼到成張「聖旨」咁長....大家記住,我係要打埋眼見到的字哦!! 同仲要唔係一張係咁,分分鐘係30-40 pages.....勁架係有more than 60 pages....死未!!


這位auditor已經好好架啦....剪貼得整齊,字體清楚~~因有好多xyz@!&# auditor們....係混亂,睇完都唔知佢做咩~~


好,我地再看看以下2張,係一D大大粒架人寫架字,不過都係叫睇到架哩...
因最大粒架ADR架字真係由如一條直線...有機會偷影比大家睇!!
同我心諗,係咪最大粒架人,對手就越委縮呢,如果唔係點解D英文字,變晒草書呢!!

本人了解到太遠看唔清,所以有近影一張.....若有再人看不明,可以請翻譯組來的...(亂說)



最後,臨收工時,上級竟然來找我, 問:「phenix你可唔可以開比我睇,你今日做過D咩」
咁我就真係好老實咁逐隻逐隻咁開個softcopy比佢睇.....
仲要佢好順手咁係我枱到,拎起我架mark鐘紙來看
我心想:「哩個week都估到你每日都有check架啦,因我每朝返到公司都見到張紙放得唔係我平時咁放,感覺比人郁過,仲要比我見到你好順手咁拎,証明你一早就知個張野放係邊啦」
好彩比上級睇完都平安渡過!!

同比我知道,我上次真係食o左死貓,因今日問了新同事,有冇比上級check timesheet,佢話有,仲要係比我耐了!!
同樣又係話佢入錯...搞度篤爆晒D客架鐘 (記住,我地做架野,每日分鐘,都係會計返個客錢的)
咁我突然就諗起:「我同新同事,都係由港女同事教我地點入timesheet架啦,咁好明顯係港女同事,一路教錯我地,如果唔係點會2個唔同期入職架人,會錯同一樣野呢
同我真係上打爆上級囉,咩叫做「港女同事一定唔會咁教我呢~~」看....就真係錯了!!
死貓已經食o左啦...仲要消化完...痾埋啦.....燥到我都唔知自己講咩啦~~

>>February 12, 2009 at 2:19:23 PM GMT+8

2009 年 2 月 10 日 星期二 【晴】

今個week好快又到星期三啦....幾好...幾好....

但今日比昨天仲要hea.....hea到全日都只係做o左80分鐘野,但記住...一定會係少過!! 其餘時間,做D咩....就係上網~~

不過又係臨走架時候,港女同事同我講:「不如你打o左份野佢呀,佢話今日要,不過你打完唔好print住,比我對下先!!」但我話唔得,同心諗:「份野明明係位manager叫你urgent,點解要我做??同都唔明我打完比你對,咁不如你打埋去啦,留我係到做咩呢!!我唔係咁好蝦咋哦~~」

夜晚,約o左八婆去o左swimming.....室內池,但水溫18度.....分分鐘凍過出面~~ 哇....好耐冇游啦,游完成個人鬆o左...好舒服架感覺,好似全日架悶氣都冇晒!! 要努力去游多D,如果唔係我怕對腳,遲早委縮,因每日都係坐住張碌碌椅....碌黎碌去...好似殘廢咁....所以要做多D運動補補去!!

今日比我發現,我入職冇幾耐,有位audior請食西餅...原來係文華酒店的....看...哩D咁貴架價,我食完成半年後才知,係高級野....証明比哩我食都好,都唔會覺難食,同比高級野我食,由如食X咁啦~~ 咩都會說:「好味」

>>February 12, 2009 at 2:33:03 PM GMT+8

2009 年 2 月 9 日 星期一 【晴】

好悠閒的星期二

一早仲食o左個好井豐富架早餐...真飽到想嘔,差點lunch都唔洗食架啦~~


全日只係做o左2小時多架工作.....(因有野mark鐘,所以好清楚啦,不過都係有D亂來的)

準時收工,完全係一定架啦...如果唔係打死佢!!

>>February 10, 2009 at 1:34:47 PM GMT+8

2009 年 2 月 8 日 星期日 【晴】

又係星期一....

天氣漸漸回暖,所以賴床架情況好似有改變啦.....真好!! 不過有時心諗,咁準時返到公司都唔知做咩好,因個個都未返~~

返到公司....坐係到見到一份份架工作,真係想...唉.....不過今次已經叫好架啦~~唔係話好多!! 同都可以話係份量剛好....收工前抖抖....就準時走人啦~~

返日文....好似有點跟不上咁了,因為放工再返日文,都真係有點攰,又冇時間去溫,唉...我唔可以放棄哦,因已經唔係得第1次學了~~要努力哦!!

回家,就開始沉迷這樣東西....mosaic puzzla,係用一粒粒的小東西砌出圖案來!! 但最慘係,要分顏色&數格仔...好似要驗我有冇老花&色盲....but puzzla....我最愛...(心)



>>February 10, 2009 at 1:30:03 PM GMT+8

2009 年 2 月 7 日 星期六 【晴】

今日....全家尖沙咀一日遊....好耐冇試過一家人,一齊行商場了~~

去o左食雲南米線...哇...靚媽真係顛架,食到勁辣...大家看張相就知,有幾可怕啦~~


香港....不斷在改變....昔日的唐樓,也漸漸要消失了.....每次看見很殘很舊的唐樓,就會有一絲婉惜,和想起昔日別人是如何生活的??


>>February 8, 2009 at 12:47:34 PM GMT+8

2009 年 2 月 6 日 星期五 【晴】

今日冇咩特別...懶懶的一day

下午返o左去開組.....

夜晚,就全組人同肥鴻補祝生日.....最後大家都食得好高興....又玩到顛o左咁~~大家都以為我顛o左...哈哈~~其實係我架真本性來啦~~

不過今日都真係玩得好開心啦....同無啦啦多o左2個「細佬」囉....哈哈.....大樂!!

近日忙到忘記了打係日記的事:

1) 去disneyland 時,同個staff傾開計,講開扮個D卡通人物的東西,咁我就問佢:「D公主係咪外國人扮架??」佢就答:「D公主係外國人,但佢地唔係扮架,佢地本身就係公主」但我是一名成年人來說,公主們,都是人扮的....世上沒有公主了!!

2) 同王小mo,近日係msn顛了的行為,已經停了畫畫,但我地顛到,可以係lunch後,大講C 哩個話題,真係冇野講到咩都講了~~ 同王小mo公司有一個新project,係幫女性內衣做包裝,佢仲send o左D相比我看,係一D內衣照了!! 最後,我仲要係公司到打開來看.....到現在我心中,都暗暗希望唔會有人看到當時的我,在看內衣照!!



>>February 8, 2009 at 12:38:35 PM GMT+8

2009 年 2 月 5 日 星期四 【晴】

終於等到星期五,一個星期又完了,不過到星期尾.....又係忙!!

lunch約o左日文同學仔食....因佢都係上環返工啦....仲要大家好近,好野...又多個飯腳啦~~

又要OT一震....又係ms. 月 manager 令到我OT.....但今日有MEPK聚會,所以事事但但,求求其其咁就打好D野,放抵走人....好彩趕得到聚會時間~~ 好明白「過o左海就係神仙」哩句說話....因為我返工是港島區,但我活躍係新界、九龍了....所以收工過o左海就會relax點了!!

聚會前,本人去了書店,對....又買書,我知道我睇書架速度連龜都不如,但買書架速度快過火箭!! 但心癮....就是當看到想睇架書,就會買下來,唔理自己會唔會好快睇都好,都要買下來....所以我整間房都係書了,就黎瞓架地方都冇,每次亦都會聽到靚媽講:「你又買書呀,你邊有位放呀,又睇唔切哦!!」對....我係認同架,但心癮!!

今次我地係食開年飯了,去o左「笑笑」.....足足等o左差唔多成個半鐘,最好食架係白汁芝士蟹焗飯....同人生第一次食了半生熟的牛肉片,唔....好難形容....但我都係希望下次唔好食到半生架牛肉 (其實我地叫架時候,冇想到佢係生生地架)

最後我地去o左朗豪坊影相,遇到個好搞笑架保安幫我地影相,唔知係咪佢幫人影得多,佢完全係叫我地係邊個位企去影了....(汗)之後3人行,食雪糕....係到傾下無聊野....唉...但我地架話題,竟然係工作囉....昔日學生時代,一齊講行街、買衫等....而家竟然係.....工作生活,係我地架主題,唔係嘛...真係老了!!

今日好搞笑架事有2件....

1) 12:00架時候,見冇夥做架我...拎o左個嘉X egg roll 出來食....當知比個ms. k manager見到....佢就話:「仲咩你係lunch前食蛋糕呀!!」聽到之後,我只有傻笑了事....,同其實個ms. k manager係叫我做野,同昨天OT時,佢亦都好X咁同我講:「phenix呀...你可唔可以幫我print 5份report呀!! 你可以今日比我,亦可以明天一早比我」我心諗:「即你想今日要啦!! 同無了期架OT」不過....ms. k mananger好多時候,都係好人啦!!

2) 係公司見到有名同事...好似新來的,佢竟然張個LV袋....放埋一齊坐....唔洗咁錫呀!! 咁不如攬住佢一齊做野啦!! 真係有時唔明,點解D人又要用名袋,又要錫到比半個位個袋坐.....死物來架,洗唔洗咁呀!!

近日,覺得自己真係搏炒 (其實一路都係) 例如: 無理manager們 照玩MSN,不過,亦有好多人同我講:「唔好轉工呀,而家個市咁差,一走o左,就好難搵啦」唉...真矛盾!!








>>February 8, 2009 at 1:49:56 PM GMT+8

2009 年 2 月 4 日 星期三 【晴】

好邁向星期尾了....又係要忙架時候...不過都ok啦~~未死得!!

同又係最克人憎架事囉....上級係5:15 要我整野....頂,真係想同佢講:「有心架你,有冇睇時間架,即擺明要人OT啫」最後,又係我獨力OT....搞掂晒所有事~~ around 6:45 走人....

今日都唔知上級係咪食錯藥,冇啦啦...冇野搵野黎話我timesheet入錯,即意味住我係亂入, 但我同佢講,之前港女同事咁教我入的,但點知佢一句說話: 「佢一定唔會咁教你入架」接住我心諗:「你又咁很定架,同唔係佢教我入,我又會自己識入囉...加上入o左成半年,你而家先話我入錯,玩咩...定係你太無聊啦!!」最後,我都係扮傻,咁食o左哩隻死貓了.....飽晒~~

timesheet 係計我地做每隻job 用o左幾耐時間去做,之後計返個客錢架東西!! 係呀....account firm就係咁cheap架啦,咩都講錢,連print張野都要$2張,問你死未!! 但又唔見佢加人工比我哦~~其實我都覺得D客好唔抵....因亂print or print錯野時,都會charge個客錢.....有時都覺得對唔住D客啦~~

>>February 5, 2009 at 2:07:51 PM GMT+8

2009 年 2 月 3 日 星期二 【晴】

YES....今日又係冇咩野做....太好了!!

不過最慘係lunch之後....飯氣攻心...個時會雙眼就快會合埋....仲要加有野做,完全係想瞓著...所以最佳架辦法係....行下~~

準時走....太好了...其實仲有野未做好...但都係唔理啦~~

哎呀....夏天又快到啦...又係時候,要做下準備....而家架我...不論生活、工作、外表...都真係頹到嘔!!

>>February 4, 2009 at 12:06:05 PM GMT+8