2009 年 4 月 3 日 星期五 【晴】

又到一年一度架清明節...哩個節日好辛苦呢~~又要早起,又要香港一日遊!!

先係6點起身...去柴灣....再去荃灣...(完全係地鐵架對角)......再要去埋鑽石山....最後2點收工...成個旅程用o左約7個鐘....仲要係揸車先係咁快,如果唔係....要分幾日去了!! 拜山...係好辛苦呢,同返工冇咩分別~~ 但都好叫做活動下!!

拜完山,去o左旺角行震...再返屋企瞓....攰到想一睡不醒!!

>>April 4, 2009 at 4:17:47 PM GMT+8

2009 年 4 月 2 日 星期四 【晴】

終於捱到星期五了...由於工作忙...所以時間好快過~~

今日冇咩野做...太好了~~同上級都再冇咩特別~~

最勁係...可以6點前收工....哇...真係開心到暈!! 因哩個星期都好攰啦~~

返屋企hea....

>>April 4, 2009 at 4:13:16 PM GMT+8

2009 年 4 月 1 日 星期三 【晴】

工作...都係一樣...比上級「哦」.....有時我都覺得....咁樣比佢講法...佢唔煩,我都厭....唉...好討厭!!

哎呀...我唔想比哩份工,侵蝕呀!! 同哩2個月...真係好似要耗盡我架人生咁.....OT...O 到快要死了!! 日日做足12hrs....慘過做快餐~~

同唔經唔覺,做o左野9個月了...時間真係過得好快~~ 由返哩份工架第2個星期開始,話要轉工,到快做滿一年都仲未轉....唉....海嘯令我企o左係到....為有忍!!

以下就係我工作生活


原來我很少同人講我工作上架野,除了王小mo....可能大家返工都一同msn...所以一有咩事,就會第一時間同佢講.....加上我唔想收o左工,都仲係到講工作....好煩...同講人地都唔會明,因工作環境唔同!!

>>April 2, 2009 at 2:36:16 PM GMT+8

2009 年 3 月 31 日 星期二 【晴】

愚人節.....冇玩人...亦冇比人玩!!

今日上級繼續有很多無聊小事架訓話~~ 唉...聽架時候,很火...但當冷靜下來,就會覺得,佢都係為大家好啫....好矛盾哦!!

突然OT..又係我架指定動作....同今日真的頂唔住要向上級傾談.....內容係同事N...即打小報告,唉...我都唔想的...因我真係忍唔住,同佢有點唔醒目,風頭火勢,都仲係咁~~加上我之前已經放風比佢,要小心點...但沒有改善!!

做事唔上心...返o左半年工都仲未記得上級架ext no.,唔識分邊D野要做先or做後,唔係好認auditor架....做咩都要問,日日遲到,7點走人....大佬而家3、4月tax months 呀,忙....要OT係正常架....如果audit dept. 哩個時候都唔忙架話,公司會執粒架啦~~ 最慘係...若佢保持原狀唔改善架話....死個個會係我....因我同佢做同一樣野...佢做唔好....就係我執手尾!! 令我做錯野架機會大了!!

不過今次同上級傾談..都學到不少...「唔好同人比較,做好自己本份,做唔做到野,人地會有眼睇」

死啦,係我開始做慣哩份工呀...定係....我開始變做了工作狂呢....唉...我2樣都唔想呢!!

4月岩岩先開始...就好想快D完啦....因咁就可以過o左D 煩忙架日子了~~

>>April 1, 2009 at 3:50:51 PM GMT+8

2009 年 3 月 30 日 星期一 【晴】

月尾了.....終於3月份過o左了...因哩個月一日假期都冇,自製假期,都要用黎病o左~~

今日上級又有新花樣了!! 就係我每做完一樣野都要比佢check....算吧!!鬼叫我之前整錯野咩...不過我知上級都係為我好....唔想我再踩屎....加上同事N都要比人check,但唔係比上級係比港女.....如果我比港女check..可能死得仲慘~~

由於上級工作煩忙....佢最後比我架工作打敗,因我架工作量都真係好多~~ 係打唔停手!!

manager 月亮小姐要走了....仲請食糖水~~ 佢走o左....就冇咩人要我OT了,因之後我差不多係佢架專用人員,而家可能會有突然OT....同manager月亮小姐...佢都教o左我不少野...所以都有少少唔捨得,此終夾慣o左~~

收工....去o左文化中心...又繼續我架電影節....睇架係「天水圍的夜與霧」係一套真人真事.....係講回2004年4月 架新聞...天水圍架家庭慘劇!! 成套戲2個小時...但整套都好震撼,冇悶場~~ 亦很真實!!最記得架對白係:「警察係只會查案,唔係社工」....完全可以反映社會架現實!!

其實上年電影已經睇o左「天水圍的日與夜」....2套戲係好唔同的,「日與夜」係一套好鼓勵性很重...但「夜與霧」係叫人反省的一套~~

>>April 1, 2009 at 3:04:45 PM GMT+8

2009 年 3 月 29 日 星期日 【晴】

又係要返工啦....今日帶著一個好複雜架心情返工...因我仲未忘記星期五的事!!

返到去...就見到上級已經有行動了....張D工作分好....同佢多o左黎留意我地D野....最後差唔多收工架時候,佢發現我枱面突然多o左好多野,就即刻明白到我架慘了!!

不過,哩個上級都叫唔太差了,起碼佢都會做點事比你睇....但我知過多一排都係會回到原狀,算吧~~都係萬事自己做野小心點吧...唉~~

收工,返日文....又一day!!

>>March 30, 2009 at 3:24:41 PM GMT+8

2009 年 3 月 28 日 星期六 【晴】

星期日了.....瞓到成12點....

之後,同靚媽去荃灣食個飯....好美味架蛋糕哦....一見到D甜品...成個人都會開心點...食埋就勁開心啦....不過又怕肥死...唉....真矛盾!!


夜晚,就行下宜家...勁多人哦~~好似每個角落都有人係到咁!! 同食o左好耐冇食架蛇羹...唔知係咪好耐冇食呢...好似冇以前咁鍾意食...不過都唔會抗拒的~~


近日,很多朋友都關心我架事....真的很多謝你地呀...我真係冇想到會有咁多人問候我的...所以都好感動了!! 有你地架關心....已經感到好開心、好滿足了!!

>>March 30, 2009 at 2:21:18 PM GMT+8

2009 年 3 月 27 日 星期五 【晴】

Whole day係屋企hea....但好舒服...做o左好多野~~

整o左份生日禮物比我助養架小朋友....一隻bear bear 熊~~


好可怕哦...昨天係第2次發夢自己都仲到返工中....証明我個思想仲未脫離,係睡夢中都仲係到OT...唉...係工作壓力大..定係我自己比自己架壓力大呢?? 真係好似分唔清咁~~

今日同靚媽講我昨天係公司喊的事...亦講到感覺上級好似對我的態度有點差 (但佢對其實人冇咁針對) 初時我以為佢唔like我......但靚媽一講完,我就有點明...亦希望好似靚媽所講:「佢係對你有期望,先會特別針對你」好似又有少少係咁...因如果唔係,佢點會又要話我,但又要比D重任我呢...亦有可能係,佢冇得揀,所以先比我做D重任!!

>>March 28, 2009 at 4:45:40 PM GMT+8

2009 年 3 月 26 日 星期四 【晴】

今日做過D咩....就係全日....14hrs 都係公司做野...8:30 - 23:30....問你死未!!

收工,仲約埋donald 出o左旺角食宵夜....即我架dinner....又1點多先返到屋企

哩2個星期...除o左病個2日...我好似不斷用盡我架生命....差唔多日日都after 12點...先可以瞓~~ 又係咁出街...但如果唔係咁...一早比沉悶架工作....壓死了!!

仲要冇啦啦比上級照肺....當佢話我,有大粒點名,話我打野差架時候....都冇咩...但佢一問我:「點解xxx...」我就忍唔住....喊o左出黎,我覺得佢唔明白我現況....因我成比manager們夾攻....所以工作量係比同事N多...雖然大家同post....加上我感覺有少少比佢屈...因上級話我唔太OT...但..我OT o左佢好似唔知咁~~ 我都好老實同佢講...我OT到manager們都問我仲咩近期咁夜走....連manager 們都留意到架,但竟然我架上級留意唔到...咁係我問題,定佢問題呢~~

做野做到喊...都可以話係第一次....不過,當我講完我架現況比上級知...佢好似有少少明白..(都唔知係咪真明,因佢成日強調,自己都係由我哩個post 開始做起)

哩份工,我都唔知自己可以維持到幾耐....真係唔知,會係我頂唔順走人,定係公司頂唔順,要炒我....返工係一件好深奧架學問~~

"走私"雞米線....OU時代..成日去食...今日就成為我架宵夜+早餐


>>March 28, 2009 at 4:47:59 PM GMT+8

2009 年 3 月 25 日 星期三 【晴】

星期四...點解今日唔係星期五呢~~ 唉..成日都覺得星期四,係星期五...點解咁架!!

一返到公司....哇...枱面已經有份urgent了...之後...不斷都有urgent.....你份份都urgent想點呀~~最慘係...manager 月亮小姐...竟然仲要同我份邊份係very urgent...邊份係urgent....問你死未...咁即係urgent個份,唔係urgent啦....very urgent個份先係urgent~~同都唔係得你一個manager 架野係urgent~~

我哩個妹仔,要照顧晒你地咁多位老爺、奶奶、少爺、小姐....最後咪又係OT收場...唉...又有辭職架念頭了...因哩份工...有點難頂..同太多小人了!!

但今日約o左洗牙..所以7點半到走人了...如果唔係我真係想OT下去...(顛) 因唔想明天星期五咁辛苦呢~~

準時8:30去到牙醫診所...點知....佢竟然同我講,要遲1個鐘....哇...咁我book黎做咩呀!! 算...好彩係葵芳...所以行下街....

終於到我啦....一年一次架洗牙....唔知係咪太耐冇洗,所以唔記得o左洗牙架感覺...今次覺得有點痛...同酸軟....最搞笑係牙醫同我講,我個口有粒痱滋....哈哈~~好好人咁哦~但其實我一早就知啦...洗完牙,好乾淨架感覺哦....同一粒蛀牙都冇...好開心...我再保持哩個紀錄到死個日!!

今日和同事N係咁玩....先係我飲綠茶時,D綠茶粉溶唔晒黏o左係D牙到...同事N話我D牙生青苔...佢仲要我,對住牙醫講,話我D牙生青苔,所以要洗牙...哈哈~~

最搞笑架係...我地竟然真係當自己係監獄到...由於我地2個架公司電話都係,放係大家架對面~~我地就大家拎起個電話,扮人地探監咁...拎住個電話傾(其實我地只係坐對面之嘛) 哩件白痴野足足笑o左半日!! 監獄金句:「出o左哩個公司門口...唔好望番轉頭」真照切~~

我公司架MSN終於復活了...真係要多謝同事架協力...先可以破解到公司架白痴行為....但當我online架時候...發現港女同事...都正在online.....好明顯佢快我很多步了~~

>>March 26, 2009 at 3:41:53 PM GMT+8