2006 年 6 月 10 日 星期六 【綿綿細雨】

只係去toilet一陣, 您已經快速將電話拎返入房, 訓返......好似無郁過一樣

唔通個電話真係咁重要?!

>>June 11, 2006 at 11:31:44 PM GMT+8

2006 年 6 月 8 日 星期四 【溫暖】

『咪一樣......』
我o既意思係......無論您今日陪唔陪我, or 聽日陪唔陪到我......都一樣
因為我唔開心o既野唔係您陪唔陪到我, 而係知道您同佢出街........您明嘛?!

本身今晚有o的野想講, 不過.....都係講唔出
其實同您一齊真係好開心, 一切都好好, 好溫暖, 好甜蜜, 好幸福.....
..............如果只係兩個人



『我要努力搵錢，比您努力洗錢......』全都是真心話!!

>>June 10, 2006 at 6:28:30 AM GMT+8

2006 年 6 月 5 日 星期一 【陰】

「有人幫我鏈骨，好幸福...」 『真係？！』
聽到您講尼句話, 真係好開心, 但我唔敢有絲毫開心流露出黎
因為...我知道可以為你按摩的人唔止我一個......

好想可以成為唯一一個每天為您按摩的人, 我......可以嘛?!

>>June 6, 2006 at 5:28:10 PM GMT+8

2006 年 6 月 3 日 星期六 【暴雨】

嘩, 今朝一起身就勁痛啦......
一定係尋晚o的蟹太辣啦, or o的紅酒太勁.......

好在有您, 有您煮o既通粉, 真係好好味!!
雖然我唔係餓, 但食哂個通粉之後, 感覺真係好左好多, 起碼無再好痛先

多謝您!!


>>June 6, 2006 at 6:18:10 PM GMT+8

2006 年 6 月 2 日 星期五 【陰】

我覺得我真係好幸福...
本身今日出去買電腦, 不過而家.......買唔買到都唔重要
我反而經歷左一個好開心好溫暖好幸福o既下晝

辛苦您了, 要您為我特意煮飯, 再炒飯比我食
今日我要返APA 做recording, 其實都唔太想返去, 但太早之前應承左, 好難推...
有您煮o既飯, 辛苦當中都感到好開心....甜甜的......
好耐無食您整o既飯盒啦, 記得上一次已經係您會考, 即係4年前o既事lu
o個陣我地真係好開心, 同樣可以同您一齊煮下飯, 齊齊食, 仲有得帶飯返學食, 真係開心

如果以後都可以咁, 您話多好......

2006 年 5 月 29 日 星期一 【綿綿細雨】

今日響您公司樓下尼五十分鐘真係好辛苦...
我唔介意等, 等幾耐都無所謂, 但我都希望知道要等幾耐, 好想知您做咩做耐...
一直等, 想買比您暖肚o既湯都凍哂, 手勁震, 最衰係個肚定胃勁痛, 我係咁標冷汗...
我無野求, 幾辛苦我都會等您放工, 但我想有個回覆比我知您發生咩事都好, o個一刻.....其實係好擔心您
擔心您有事, 擔心您會遲到, 擔心佢等您耐可能會對您唔知點...

其實今日o既事, 就好似我地而家o既情況咁樣
我真係一o的都唔介意等您, 幾耐幾辛苦我都會等, 但我真係好想知道您o既打算
想知道等到幾耐, 等到幾時幾刻, 想知道您o既難處, 想知道您o既心意, 想同您一齊去面對

如果我地o既事真係好似今日咁就好啦~~
可以等到您問一句「你今晚得唔得閒啊?!」, 『佢唔係同您去嗎??』「...」
叫我應該繼續再等您, 守候您, 每當有一刻您需要我, 我都可以陪伴到您!!

我深信, 有一日我一定會等到您的!!

----------------------------------------------------------------------------------------------------------------------------

對唔住, 我唔係比面色您睇, 真的, 只係我唔舒服同擔心您而已!

>>May 31, 2006 at 5:23:28 PM GMT+8

2006 年 5 月 27 日 星期六 【綿綿細雨】

我最唔想比您見到o既野.....都係比您見到......
一定嚇親您啦......搞到您訓得唔好, 對唔住

而家o既我就係咁.......一靜落黎個腦就好多野諗, 好多問題浮出黎, 好多情景....
好快好快, 我就會好似發惡夢咁嚇醒, 甚至不斷打冷震...
亦都係咁......好多晚我都係望天花版望天光

好眼訓訓唔到覺, 好肚饑好胃痛又食唔落野, 真係好難受!!

雖然我唔想承認, 但我o既身體的確係有o的問題, 唔再健康, 唔再捱得
肚痛胃痛.....我都唔知邊度痛, 日日都係咁......手震頻密......
我已經大不如前~~

但身體點都好, 我都會一前撐落去, 因為我要照顧您, 所以我唔會比自己撐唔住的!!

----------------------------------------------------------------------------------------------------------------------------

我知道我睇到o的相一定會好難受同唔開心, 但我都決定去睇, 當然都問準您同意先啦
「最好唔好睇」我都知, 但我唔想逃避, 所以我決定睇, 我等您出黎問過妳先睇
哂相日期係2006年2月10日, 相入面o既您真係好開心, 同我一齊真係咁差嘛?!
信封中仲有一o的貼子相, 係您著suit 個樣啊!!
如果我無記錯, 當日就係我同您去睇 "不期然遇上的男人", 當時您話有人唔記得著suit無影到相, o個個人應該係佢吧!!
越睇相中o既您, 越覺得您同我其實已經身處很遠距離, 你地兩個真係好開心下......
......我之前究竟點對您?? 係咪真係咁差?!

點都好, 我都想一一去面對, 您呢?! 可以知道您o既打算嘛???

>>May 30, 2006 at 8:24:39 PM GMT+8

2006 年 5 月 26 日 星期五 【綿綿細雨】

終於買到衫啦您, 可以陪您做您想做o既事真係好開心!
原來我真係好耐無陪您hea下行下街買下野, 今日全日都好開心
好希望將來我都依然有機會咁做~~

尋日阿珮問我: 「你會唔會一直都咁死心塌地?」
『其實我一直都係咁, 只係之前太多野做, 無表現出黎~』

之後Boolu又問: 「你唔辛苦咩?」
『盡力對自己鐘意o既人好, 你覺得辛苦咩? 如果你要對一個你唔多鐘意o既人好, 咁樣仲辛苦!』

「你唔覺得你咁樣會縱佢咩?」
『唔覺啵, 就算係都好, 起碼可以比佢知道尼個世界係得我會咁樣縱容佢』

(P.S. 佢地兩個都唔知咩事, 更加唔知我有尼個日記)

今日您同我講:「你真係蠢啊」~ 我答您:「我最蠢就係鐘意您啦!」
我的確係咁諗!!
以前o既我一定唔會再糾纏, 扮哂灑脫咁抽身
但而家我依然堅持, 因為我深信我係尼個世界對您最好o既男人, 我好想可以照顧您
『係......我就係咁蠢』

>>May 30, 2006 at 8:56:36 PM GMT+8

2006 年 5 月 21 日 星期日 【乍寒還暖】

您果然好快就返左屋企, 真係好~~
尋晚辛苦您了, 今晚您好好訓一覺吧
"上帝啊, 求祢叫雷雨都離開, 好讓阿ling可以好好訓一覺, 唔會被行雷閃電而嚇醒"

我會搵野做, 一直都唔訓, 直到一個您應該睡得很甜時間
期間我會守候電話, 等您需要我時, 我可以陪您捱過惡劣天氣

-------------------------------------------------------------------------------------------------------------------------------------

2006年 05 月 21 日 星期日

同您一齊六年來, 第一次響您屋企過夜
記得從前您都有叫我唔好走, 我都因為屋企人問題, 或自己攰之類理由推了您
今天卻很想多留一陣子, 可以多見您幾面, 更可以第二朝一齊返工返學!!

辛苦您了, 要您陪我做功課, 本應應該我陪您嘛...
大家一起為左我份文化功課而用盡腦汁思索可寫o既題材
o個一刻我又有想喊的衝動... 老實講, 份功課我一o的都唔care, 本身仲諗住遲一日交的
但當我望住您, 望住自己, 望住大家都在沙發床上為著同一個目標而努力
尼股力量真係好強大, 好感人, 我更覺得我地好溫馨, 好幸福
一直我希望有的生活就係咁, 大家互相融入大家生活中, 互相補足, 同步向前...
估唔到會響一個咁樣o既情況下, 搵到我一直想要o既感情生活
好多謝您, 您o既付出我都收到了, 我的心意您又收到嘛?!

可以的話, 真想一直都唔天光, 一世都做唔完尼份功課!!

雖然只係訓廳, 但一朝早起身就可以見到您, 感覺多好~~
我訓左幾多唔重要, 您訓得好嘛?!

>>May 22, 2006 at 6:47:50 PM GMT+8

2006 年 5 月 19 日 星期五 【微冷】

2006年2月15日 我因為好唔開心, 一個人去左染一個銀灰色o既頭
一直都唔搞返好個頭, 因為一直心情都無咩點好過~~
今日5月20日, 事隔3個月後, 真係決定去解決尼個頭啦!! (如果沒有您, 我依然會hea住個頭)

原來漂過o既頭再電直真係好似玩火一樣, 結果我而家o的頭髮就好似發菜一樣軟
好恐怖下......同我之前拉直o個幾次都好有出入, 我諗我以後都唔會再漂成個頭啦!!
其實我剪成點都唔係太大問題, 您可以試一個自己想試好耐o既髮型先係最重要......幾好睇啊 ^^

響髮型屋搞左4個鐘有多, 之後去食pizza hut, 食左個好豐富o既set啊 叫左個蟹殼魚圈沙律, 好得意啊~~ 又可以完成多您一個願望啦, 真係好!

食完我地就飛快咁去睇達文西啦 哈哈.....點解我地次次都好似咁趕咁咖呢?! 我地o既特色!! 套戲都幾好睇, 不過就快左o的, 我地未睇過書好似有o的唔係太跟到咁~~ 可能我真係好似您咁講, 唔專心 您將電話都熄了?! 您對我真好~~ 我o既身體真係累事, 成日要您難做了 但同時亦好開心您願意為我咁做~~

只要可以陪到您, 一切我都可以不理, 甚至係功課, 學業, 工作......
而家我成日諗, 當初咁博為咩? 一切都係想將來我地可以有更好的日子
但用將來做籍口而忽略現在的您, 簡直不知所謂, 我諗.....我應該多了解您真正需要什麼
您需要的係我, 我o既照顧, 我o既保護, 我o既心思, 我o既時間......是嘛?!
如果大家o既新髮型可以係大家o既一個新開始, 您話多好?!
容許我再說一聲.........我愛您



>>May 22, 2006 at 6:48:15 PM GMT+8