2005 年 4 月 27 日 星期三 【晴】

下星期就考試, 應該係開勁快車溫書先o岩
但我就係咁神奇咁hea左大半日, 做o的咩呢?! 聽左半日歌...
睇左孤忍132話, 又睇左張學友演唱會一次

更加無聊o既係我整左一個新o既homepage opening~!!
一直都無諗過會整, 但係原先想用黎做director project o既effect 做唔到
反而響flash做到, 咁就好想試下啦... 果然, 真係整到...
kksite

夜晚溫左一陣書, 就好眼訓, 好似....好耐無溫過書咁....再係咁....唔多係辦法!!

>>April 29, 2005 at 5:58:54 PM GMT+8

2005 年 4 月 26 日 星期二 【晴】

今日做左好多野, 不過一滴書都無溫過, 下星期三就係第一科, 真係勇!!
用左好幾個鐘, 去掃地, 吸塵, 拖地, 洗厠所, 洗哂o的碗, 係咁易執空左少少間房
而家叫夠位讀書....就係咁就成日啦.....做左好多野, 都唔關讀書事.....

hea埋今日, 聽日要收拾心情, 準備我最後一個大學考試!!

>>April 27, 2005 at 5:28:04 PM GMT+8

2005 年 4 月 25 日 星期一 【晴】

同阿ling老姚homan頌怡個friend+chindy去睇林一峰x蘇玉華xW theatre o既音樂劇: 「你今日拯救究地球未啊?!」
演員全部都係馴情記出現過的, 再加埋蘇玉華, cast 好勁下

林一峰唱live 真係勁得很, 你唔係望住佢, 真係覺得自己聽緊鍱
高音真係靚, 又到位, 而且...一o的都唔辛苦...係天生o既靚聲?! 定係後天努力過?!
我覺得, 兩者都應該有, 我想有一日我都可以好似佢咁, 有自己唱, 作, 編, 詞, 監o既作品, 一隻都好...

睇完大家去左打邊爐, 大班人食飯真係開心 ^^
死....享樂完, 就要籌錢比返homan......第10行o既代價......
-------------------------------------------------------------------------------------------------------------------------------
豬頭: 傻啦, 我都無買野比你生日啦, 有心已經夠哂, 大家都係忙人, 我明白得很!!
Sarah: 傻啦, 我都無話你知 ^^
吳依橋: 少有留言落全名喎!! 我只會用平常心對每一日, 唔會用開心....都係o個句, 唔想會調返轉
_______點都好, 真係多謝你
駒仔: 傻啦, 無所謂喎, 有心記過已經好夠!! 搵日出黎打波啊 ^^

>>April 27, 2005 at 5:13:24 PM GMT+8

2005 年 4 月 24 日 星期日 【晴】

今日生日, 一o的生日氣氛都無, 預左....
由過12點到我生日, 到1545 我都係比kenny ma o既multimedia project包圍住....
連日黎都未停過, 仲要趕今日五點前交, 唉...>.<

今日終於睇左いま、会いにゆきます(藉著雨點說愛你)
我一直一直都好想睇, 但係太多野做, 真係抽唔到時間
今日, 我話過, 我一定要去睇, 就算一個一都會, 差o的真係一個人...
可能唔係咁開心, 所以都睇得幾投入下, 有幾個位都真係眼濕濕
但係我覺得幾好睇, 有少少情節係夾梗左o的, 但係感情控制就非常之咁好!!
「我走了」「慢行啦」‧‧‧
就係咁普通o既一句, 一句由心而發o既「慢行啦」, 已經好足夠, 好溫馨, 好動人
一向做咩事都係講心, 同樣都係想會有人對我有尼份心意
可惜, 尼份心意, 真係好好好難得

同樣一句「生日快樂」, 同我講o既人都唔多...所以, 更加要多謝對我有心o既朋友
多謝肥的, 未夠鐘已經串我老, 多謝阿恩on time sharp 0:00祝賀我~
仲有老姚, Kimmy, Celia, Christie, son哥, 詩琪, , 阿健, alex o既ICQ message, 陳sir o既e-mail
多謝豬頭兩年都係送同一樣野比我
多謝阿mi, chindy, jessica, 招生 o既SMS, 亦多謝chindy追加多一個電話
尼度要特別多野Tracy, 佢唔只ICQ同親身同我講生日快樂, 仲買左禮物比我~~
係我勁鐘意o既ナルト 弧忍公仔, 仲要係一套~!! 係我生日當日o既唯一一份禮物, 真係勁多謝佢

佢仲話本來想買個細cake比我, 感動死 ^^ 亦要多謝高街, 除左tracy, 佢就係唯一個ECWT記得我生日o既人~!!
仲要多謝吳依橋o既電話, 雖然只係同佢吹左一陣水, 但係心情都好左o的...
莊員就係得佢同alex記得, 固碌就得celia, 加埋都係得3個, 19th 晚有廿幾人食飯
原來真係知我生日o既人一隻手數都多得濟......所以更加要多謝daniel 同 吳依橋你兩個咁有心!!

仲記得上星期六老爸問我"你下星期二定星期三生日啊?" 我都唔想答....
今年已經好好, 都叫記得我生日就到, 前3年都係唔記得......

我唔包我自己記得哂所有人生日, 但係重要人o既生日就一定會記得
甚至係我曾經鐘意過o既人, 我都同樣重視
每年, 嘉欣同伍少貞生日我都at least 會send 個SMS 比佢地, 有時都會打電話
估唔到今年, 佢兩個都無SMS/打比我, 唔通佢地已經唔記得?!
定係我咁失敗, 到而家都唔值得佢地記得下我呢? 我唔知!! 不過"個個"都唔記得, 係咪真係我o既問題?

一直我都唔會有o的咩期望, 因為唔想失望, 咩事情上都係咁, 我已經分唔出係我無期望定唔敢有期望...
而家o既感覺好難受, 我無嬲, 真係一o的都無嬲, 不過.....我唔識講我o既感覺.....但可以肯定o既係, 一定唔係開心!

>>April 27, 2005 at 10:29:33 AM GMT+8

2005 年 4 月 23 日 星期六 【晴】

一朝早起身, 見到大肥煲緊粥, 煲比我食?! 唔係喎
原來佢又病左, 仲話我傳比佢....無野呀?! 又唔見我有事?! 我only發燒
佢就擺到明係大傷風啦!! 又關我事?!

下晝去左中環同lisa, homan, edwin + snow 食飯同傾下場地問題
無通知到陳sir, 比佢款... 無計, 真係太急, sorry

全日勁做director, 就死咁o既款......
--------------------------------------------------------------------------------------------------------------------------
醫生: 做上腦咩, 你邊度似醫生呀?! 得啦, 未死得, 仲有大把野做, 想死都唔得!!
4: 你有睇我showhappy咖?! 唔睇醫生啦, 訓返一兩日會好返, anyway, thx so much!!

>>April 25, 2005 at 5:59:42 PM GMT+8

2005 年 4 月 22 日 星期五 【晴】

今日係4月23日, 上年o既今日我就正式成為cityu choir EVP
但今日, 我就再唔係尼個title lu~!! 都有o的感觸......但點都要放底......
我相信, 佢地會比我地做得更好!!

頂!......發燒?! (37.5度)
無野呀?! 我仲有好x多野做......

>>April 24, 2005 at 12:16:18 PM GMT+8

2005 年 4 月 21 日 星期四 【晴】

今日係2005年4月22日星期五, 亦係我大學返學日o既最後一日, 俗稱last day~~
過左今日, 我就再無一個regular schedule 返cityu 啦...

七點起身去陪阿女麻醫院覆診, 前4日尼個時間我先係o岩o岩有得瞓
阿女麻今日好好精神, 不過都係唔記得我, >.<
陪到佢九點半我就返左city 溫書

今日係e-logistics o既so-called mid-term, wk 13先黎mid-term囉....
10課書, 最後溫左一課, 飛左5課就去考啦.....老年咁多題都唔識, 都係common sense 咁隊
都唔到我唔隊, 真係唔識, 係咁易睇到前面3個同學仔o既答案, 3個都唔同....抄唔落手, 靠直覺
做完, 收卷, 即堂對, 有20/30, 開心死我同kelvin, 大家都係溫得好少, 但係有唔底分喎, 哈哈~!!

之後應該係去CSC print 野 + 做report, 點知....勁精景...底B, 一部機都無, express printer....1630 先到
無計, reserve左機, 之後去到city top 食high tea, 好耐都無咁好心機食野, 食左好多野, hehee~~

今日比隻XP 阿ruth, 好耐無見佢lu, 不過佢病左.....祝佢快o的好返啦~!!

我大學o既last day 就係咁過, 都叫開心, 唔係帶住burden 咁走, 係有好多野仲未做....
但係尼o的野都唔重要, 尼一刻我響度諗.....我尼兩年之後有咩學到, 有咩帶得走呢??
如果有人真係咁問我, 我一定會答choir, 特別係group, 上過莊, 仲有攞過詩歌歌唱比賽冠軍
唔係攞走個冠軍而開心, 而家兩年都從人地o既分享得到好多反思機會, 學到好多野!!

今日係22號, 本身就係諗住last day 做一樣我成年最想做o既野, 可惜.......
尼一刻, 有o的唔知點, 無衝勁, 無方向, 有o的空虛, 想瞓一覺好覺~

>>April 22, 2005 at 4:43:07 PM GMT+8

2005 年 4 月 20 日 星期三 【晴】

結果我都係天光先訓, 訓到八點半, 就仆左返city
要setup server o的野, 仲要開定哂QTVR, FLASH, map, 所有portal
仲發玩有錯link.....真係好灰......
最終都係同唔到tracy rehersal一次, 一次都無, 真係好過份o既唔掂~!!

真正我地o既final year project presentation啦
CN LO 同 PAUL CHAN 再加一個師兄都有黎睇....
Kelvin, Calvin 同 韓佬都好well prepared, 特別係韓佬, 真係好sharp, 好smooth
佢係我地咁多個最早瞓, 最早做好哂野o既一個, 我真係慚愧....
我同tracy o既website demonstration..... 真係唔掂當.....勁唔smooth, 部機又唔知做咩事
唉....總之就唔好啦....不過overall 個feedback 都okay, PAUL CHAN 話幾impressed
咁應該唔底分啦, 係咪?! ^^


雖然完左fyp present, 不過仲有個final report, 唔理lu, 完左final先做
聽日e-log report + wk13 先黎o既mid-term....咩書都未溫過....4日加埋都瞓唔夠10個鐘
今晚都係捱唔住多...

>>April 22, 2005 at 5:20:17 PM GMT+8

2005 年 4 月 19 日 星期二 【晴】

全日都係fyp, 好想死....仲有幾個function 未整好....
但係而家可以live update, 改interest course information.....仲差value add services...
太重要啦尼個, 我一定要撐埋佢....

媽媽整親隻腳, 腳指仲有骨裂, 好擔心....但我又行唔開....sor
電話同佢講左幾句, 佢話返我煩?! 哼...

死得啦....兩點幾三點都仲執緊website 同英文.....
我present o的野都要prepare過....聽日.....死得....

>>April 22, 2005 at 3:46:28 PM GMT+8

2005 年 4 月 18 日 星期一 【晴】

尋晚又天光先瞓, 我記得係七點半.....之後八點九tracy打黎叫我起身
好似無瞓過咁.... 唉..... e-logistics last 一堂lecture, 點都死返去啦, 點知....無tips 好唔開心

之後account 堂, winnie 同我地對返上次mid-term 份卷, 我mc 好似都啱一半以上啊
part b o個個analysis sheet, 我allocate 多左個canteen啊, 如果唔係啱哂 (winnie 話), 10個唔開心~!!
佢話我份卷照計, 有69分, 而且仲有得加, yeah~!! 同個mean 差不多啊, 希望考試好o的啦~

比左$4 CSC print左份color 封面做group report~!! um.....真係抵比錢佢, 勁靚......
做到3點o既report, 唉....都仲要錯, 30週年, city 都無咁耐.....激氣!!

e-logistics tutorial 上左一半就同tracy+nicky走左去OA, 見到好多人地o既director
唉.....我真係"自愧不如", 我o既process still=0%

夜晚AGM, 都叫okay smooth啦, 比人插左幾野, 仲要覺得你有心諗野插我的....唉....
等我仲咁仁慈唔問o的難野tim......太過份啦~!!
新莊consultation, 應該係consultation, 我無串錯啊, 最後係變左message to 下莊, 更變為"張林之鬥"
講心o個句, 佢兩個好火煩.....我地仲有個更加重要o既會要開咖....
完左AGM, 終於有機會送返我份禮物仔比萍萍 同 janet, 因為佢地上次慶功無黎到, 但唔知點解會係下莊EVP同我解話囉?!
收錢?! 唔洗我?! 咁揚....都想我唔知?? hea o的喎....

AGM之後就係我地上現下莊廿差幾人o既南山飯聚啦~!
真係好差多人....兩張圓台都唔夠座囉, 而且....好x 熱, 又多人....
今晚連豬頭都黎埋, 哈......仲唔係親齊人搞我同candy+raymond o既生日?! 仲要celia 之前問我好唔好....
叫左好多野食下, 不過好快就無哂, 真係太多人啦.....阿mark都唔夠食, 仲叫?? 唔啦, 仲有野要做, 唔食咁飽啦
我地o既3莊camp 終於都定左地方, 亦都firm左渡假屋, 太好啦, 日子都定哂, 話左去o個o的無得話唔去啊!!

果然, 大家係今晚同我地慶祝生日, 我好鬼眼瞓, 又攰, 見到個蛋糕都無咩感覺...
而我生日亦都有一段距離下, 想有感覺都有o的mun.... 同人一齊慶祝, 呵....真係個個都想?? 係唔係個個知都成問題
raymond有好多禮物啊, 真係羨慕死人......真係羨慕?! 又唔係o既, 我夠有禮物咯, 哼!!
成支莊一份, 我都幫人買得多, 都預左自己會有一份咁o既禮物 (有o的例排o既感覺)
但係Group 有一份, 真係有o的surpirse, 而且無咩energy o既我都起一起勁....開心左幾個字
無諗過佢地會知 (最多都係一兩個莊員), 知都無諗過佢地會夾一份比我, 多謝哂啊~!!
我就用我起勁o既少少energy 同豬頭癲左一陣, 周圍影左好多傻相, 之後又謝返...