2005 年 5 月 28 日 星期六 【晴】

結果今日都係無返到詩班, 有o的唔開心.....今日係詩班o既入部禮, 真係好想返咖....
再加上之前jimmy 叫過我返.....唉......不過我真係搞唔掂惠敏隻歌......佢幫過我好多, 我一定要幫返佢
就係咁, 我用左一大朝先搞掂隻歌, 所以返唔到詩班

6月12日有個大野, 響cultural centre 唱, 江uncle 之前都有叫我去唱
而且老姚佢地都去睇, 咁我唱o既機會都好大下
如果有人有興趣o既就問我攞飛啦~~

今日座94A, 見到EMI, 佢好似又黑左 (定係不嬲都咁黑?! 唔知)
佢又話尋日發夢見到我囉, 咁邪?! 近排我響人地o的夢境出現率幾高下喎......
唉......我都唔想尼個係我最後一個暑假......


2005 年 05 月 28 日 星期六
本來想早o的返church 同佢地食lunch + 傾下福音營o的野
不過要補習, 搵緊要緊......今日仲比錢tim, 有成$400, 聽日仲話要補多一堂, 即係一個wk有$550
真係好搵, 希望佢summer 都會補啦~!!

打波先黎落雨, 可惡 >.後備節目: 上homan 度打牌 (homan: 做兄弟o既野, 都無咩好講, 總之咩都好, 撐你~!!)
我真係燥囉~!! 本來 -4xx, 之後比我追到 +3xx, 點知老姚一輔自模十三么........真係無野講囉
最後我-80 左右......雖然唔係玩錢, 只係輸左個早餐, 不過心裏面有條好x 大o既刺囉~~

黑仔o既事情無因為輸麻雀而停止.......
我企左響巴士站半粒鐘都無車, 先知原來已經無埋最後一班車, 仲要係我睇住佢走o既....
結果十二點幾走, 我兩點幾先返到屋企囉.......灰!!


2005 年 05 月 27 日 星期五
今日好黑囉, 返city 諗住做gym, 點知無電.....咁就上去 canteen食個tea啦.....
上canteen, 頓時見到一個龐然巨物飛過黎, 說時遲那時快, 當我望下咩事o個陣, 尼個龐然巨物已經用佢o既寬闊o既身軀抺緊地啦, 呵呵
不過佢有巨大"goo"旬, 應該唔會太傷o既, hehee~~~
款, canteen 又無電囉, 好多野都無得食, 只係得燒味o個邊o既野有得食, 仲要無冷氣, 救命啊!!
結果only 返左去攞功課, (project 得個B,有o的失望) 清locker, 同攞手信 (多謝celia啦)

夜晚去寶翠園打波, 好貴, 3個鐘要$180.....好在唔洗比
打完去食飯, 好感動, 叫左杯飲極都飲唔完o既大檸檳, 好味好味
食完野本來唔太飽, 不過飲完杯大檸檳就飽到上腦......愛死你啊"仔仔"


2005 年 05 月 26 日 星期四
他約我去迪士尼 竟然係yahoo 熱門搜尋 第三位?!
好悶啊......而家好多人xanga /showhappy 都係尼隻歌, 不下十個囉.......
不過又真係幾好聽o既~~

<他約我去迪士尼>

原曲作者: kellyjackie @ Royals
原曲作詞: 海藍 @ Royals ／ 庭 @ Royals
原曲編曲: 林柿 @ Royals

兜過幾個圈　看木馬旋轉　美夢似是遙遠　仍埋藏著繾綣
快樂旅途中　有沒有熱戀　看著這入場券　如同尋獲溫暖

笑問你　你話連夜候票再多的困倦　也不怨　似在平靜地說出　絲絲的愛戀

畢生也願記起　香港迪士尼　煙火璀璨夜晚定會很美
坐咖啡杯　溫馨記憶　旋轉中細味　天邊星宿也沒法比

今天心碎或痛悲　只需要記住陪伴在你身邊有米妮
始終可以幸福地　沉迷在美夢裡希冀

要是你　決定明日伴我去闖天與地　會很美　故事延續下世紀　一生都記起

不必理是與非　不需要顧忌　穿梭堡壘內陪伴我嬉戲
米老鼠　比精品店的美　輕輕靠近　都可使我快樂跳起

當　身邊掛著相機　假使到最後還未望到不准你別離
可知心裡正準備　無緣合照亦抱緊你

公主與白雪都　不需要羨慕　因可跟你在長夜裡擁抱
見阿拉丁　本想說聲坐飛氈　卻又不可媲美你待我好

星空不算是太高　假使有你在旁陪伴我一起每段路
可將一切記心內　明日共你愉快傾訴



2005 年 05 月 25 日 星期三
尋日出camp, check下e-mail, 收到香港歌劇團o既通知囉, 真係比我入到做chorus...
真係好意外, 因為我audition 真係好hea, 而且阿莫生咁講, 我覺得唔得多......但又比我入到喎....
我覺得唔多唔少都關jimmy事, 仲要今日比我知道hk opera 個chairman 係 Moses 囉......有排尷尬......

打去confirm o個陣, 我叫stephane 搵返吳依橋同佢表妹o個張fax, 比佢兩個去audit
原來佢上次有搵吳依橋咖.......有o的lor 囉........算!!
希望佢地都入到啦, 咁我就無咁悶, 更加無咁尷尬~~

尋日亦都收到part time BM 比我o既offer, 諗左一日, 我都係決定decline 尼個offer
因為我好多night time 都要用黎唱歌 同 練戲, 我一定就讀唔到尼個part time o既degree, 所以......唔要lu~~

homan.........我都唔知講咩好..........
-------------------------------------------------------------------------------------------------------------------------------------
Danso: 我知啊, 不過想特別o的之嘛.....我覺得Danierca 都幾好, 佢地o既"你唔得閒" 都幾得~!!
______客咩氣啊, 但係做咩無人肯陪你出去o既?!
Sarah: 哈哈, 梗係, 尼個camp 係我上莊咁耐最期待咖, 不過之後唔知再有無機會有咁齊人就真......

>>May 30, 2005 at 11:31:02 AM GMT+8

2005 年 5 月 23 日 星期一 【綿綿細雨】

出camp lu, 話咁快4日3夜就過左啦, 尼個係我上莊咁耐最渴望o既camp, 當然係好正啦 ^^
有少少遺憾就係萍萍同janet尼對double J 無黎, 下莊就有angel 上左山東, 仲有winter, mandy 無黎
所以尼個camp 雖然叫3莊聯camp, 其實都仲差好多人, 上上莊就更加啦, 得celia 一個代表

camp o既野實在有太多啦, 我都唔知由邊講起好, 就由前一日開始啦:

5月20日 星期五
入camp o既前一日, 成日都覺得有好多野未搞掂, 好似係VCD機啦, VCD啦, speaker啦
仲要contact + confirm 其他人集合/補給時間...搞搞下都搞到十二點幾
又比我見到有好多新片有得download, 咁我就download埋佢, 諗住可以帶入camp 大家hea o個陣都有得睇~
點知......
當晚執野執到四點!


5月21日 星期六 (day 1)
一大朝日真係唔該哂某人叫我起身, 唔係我一定唔知醒, 不過知醒都無用, 我都係遲......
起身o個陣見到阿四想睇o既"後備甜心" 已經100%搞掂, 咁我就燒埋佢先出門口啦
約左1130等, 座1150 o個班快船, 由我屋企去天星只需20min, 我已經11點出門口, 點知堅道塞車
原來要20min o既車程我同左成個鐘先去到, 當然佢地已經走左, 而我就一個人響大會堂食左o的野, 再座1230慢船入去~

掃興o既心情好快就無, 因為一入到梅窩見到佢地列哂隊咁等我, 哈哈, 好搞笑~~
之後我地就去入4日3夜o既野啦, 有BBQ 野啦, 柴米油鹽啦, 零食啦, 乾貨啦, 洗頭用品啦, 之類之類....
買買下我地阿梁尚宮就駕到啦, 佢有佢買我地o既用饍, 我有我地執我地o既雜食
買完之後, elaine, angela, su, victor 就座的士入去先, 我同son哥同alex 就座巴士入
入到去老圍村, 嘩......我地間屋好x大啊, 得o個3層, 我地租左兩層+天台, 仲要一樓無人租, 即係成楝野都係我地, 勁!!
不過...其實我地得物所用, 尼個絕對係奢侈!! 我地無一晚係齊人, 而且無當初諗o既二十幾日咁多.....
另一奢侈就係我地租左兩副麻雀, 諗住有兩間屋, hea o既時候可以大家分開有麻雀打, 點知一副都唔多打....又係o徒左...
(好, 唔好理尼o的野) 我地hea左一陣就出左去沙灘睇下可唔可以玩, 點知都玩左幾耐下
最搞笑係有班goolook 驚深水唔肯行, 但我已經過左去第二邊, hehee~!! o個度好得, 而且個海景仲有10個靚tim~!!

我地係咁易玩左一陣數字球就返返去睇阿梁尚宮啦, 但可惡o既阿四同angela 竟然響尼個時候去訓覺, 太唔要得啦!!
搞左佢兩個一陣都唔肯起身我就放棄左, 出返去睇阿尚宮o既情況, 嘩, 真係掂, 佢煮o的野樣同味道都好得
一o的都唔似係第一次煮囉, 唯一一樣野唔係咁妥當就係佢禁錯左個抽油煙機, 所以o的煙返抽入屋 (我day 2 night 先知)

食dinner前celia 終於都到啦, 原來佢話一點左右黎, 點知七點幾先入到囉... 不過都多得知o既補給~~

當晚o既麻雀大局有我, victor, raymond 同 alex, 底B咖......我打左4圈, 只係特登出左一輔同唔覺意出左一輔充, 點知輸成四百幾....
班野痴線咖, 下下都自模, 係咪咁好摸手呀?! 打到我燥 >.<
好在, 尼個劣勢好快就逆轉, 係幾時呢?! 就係danielso 入到黎o既時候, 自摸o既手氣就黎左我隻手度啦, 哈哈
先黎一兩輔清一色, 再整多兩輔自摸爆, 位位128, 兩輔384, 就係咁, 最尾我就贏548啦, woh~!!
玩錢就好lu, 個camp 一蚊都可以唔洗比, 而輸o既就當然係話想收學費o既alex啦!

完左麻雀, 我就入左去佢地women's talk入面, 不過好似o個陣已經無野講
佢地好似玩truth or dare, 而我就係比阿四點左下鼻哥仔, o.....我o既少少鼻哥仔啊, 你好可憐啊~~
過左一陣阿mark 就入左黎, 佢好似比火燒咁黑, 唔知佢去左做野的話仲以為佢屋企火警, 響我地度避難tim, hahaa~
之後我地玩左一陣講大話, 玩左truth or dare, 聽左好多野, 又知左好多野, wow~!! 處男處女真係好難搵~!!
訓之前入左阿四佢地間房, 我同阿mark, 阿四 + daniel 訓一張床, 雖然好迫, 但係o個個感覺好正, 好camp feel
不過daniel話好懷念一個pillow o既日子, 咁我就走左lu, o個陣先知我地阿梁尚宮原來係開口訓的!!
第一晚我好拿咋無沖涼就訓左lu~~


5月22日 星期日 (day 2)
未起身就聽到阿mark 同angela 搞醒左son哥, 之後我見只係11點幾, 就訓多陣先, 哈哈
十二點幾我就起身, 原來我係最後一個起身?! 係喎!! 唔緊要, 沖個靚涼先 ^^
沖完涼, 梁尚宮已經準備好我地o既午餐, 今日係長通炒, 但係比我發現佢動用左我地o既10磅丸丸......算啦, 應該夠食o既~

食完, hea左一陣我地就去左沙灘玩啦, 真係正, 理想o既陽光與海灘就響我地o既眼前啦
我地又例牌玩左個數字球, 我好想輸, 因為想落水, 哈哈, 果然亂dup 之下, 我就輸左, 即刻衝落水
嘩......o的水暖咖, 一o的都唔似泳池feel囉, 但係都唔錯~!!
有人唔落得水, 所以落水hea左一陣就上返水啦~~ 之後玩尼個猜情尋, 上上莊+現莊 vs 上莊 (即係我地)
佢地好咋, 全輸囉.....哈哈, 之後大家都泳裝示人, 最搶鏡就梗係celia啦, 鮮粉紅囉......
狂玩左一輸, 完全唔記得左要玩dup 人落水...... 算啦, 大部分人都濕哂身, 都唔係咩特別game~
玩玩下elaine o既甩皮開始嚴重, 我地都要移動去高地, 避潮漲~~
之後我地都無咩點再玩, elaine, 4, 我, son哥, 阿mark 5個就訓沙灘灑太陽, 頂佢~~~舒服到......真係唔想走
訓訓下真係訓著左一陣, 我feel到AI (alex) 響我地周邊係咁踢o的沙過黎, 我地都無人理佢, 哈哈~~
同時佢地有一咋人就返去準備定當晚BBQ o既野, 我地就繼續訓, 訓左一陣就去正灘o個邊沖身, 原來o個邊dirty 好多的 >.<
好在我地響另一邊玩姐~~ 沖完我地就去lu, 麻煩angela, erica 同 daniel 等左我地咁耐啦~~

返到去, 原來佢地仲未沖完涼, 我等左好一陣都未到我, 我就放棄, 實在唔忍心見到佢地係咁做野, 而我就座響度等沖涼~~
所以我就上左去天台起爐, 天台真係唔係人留o既地方, 多蚊, 多蟲蟲....又熱, 再加埋個爐, 真係燥底!!
好在兩個爐都起得唔錯, 大家都夠火燒野, 咁都開心返o既, 但係見到我心愛o既"仔仔"得返一啖, 好唔開心
後尾比我知道比人?左大半支去煲so-call 五花茶囉, 哼!!
燒左一陣, sarah 同 wilson 就入埋黎, yeah, 尼一刻係我地camp 最齊人o既時候啊, 不過我唔記得黎個大合照, 好失敗!!
o個下佢地黎, 尼下daniel 就差不多要走啦, 同佢say 左拜拜之後, 我就頂唔順, 要去bath~!!
bath完上完見到無咩人, 我就落返去, 因為我唔想執野, 雖然咁諗好衰, 不過我起爐真係好辛苦, 而且沖左涼, 真係唔想執, 麻煩哂celia同elaine 同有份執野o既等人, 辛苦哂~!!
之後我就入左2樓大房 hea, hea hea 下我就同佢地玩o個o的o camp 搵goo look game, 先黎就係信心測驗
尼野已經笑到半死.......我地阿AI o既所以申直隻手, 完全check到佢驚囉~!!
玩完dup牆, 我地就玩磁力共震, 原來好多人都未玩過, 好難搵helper tim, 咁無辦法啦, 要個個都做helper先得啦
目標亦都好一致, 哈哈, goolook 亦都好明顯~!! 哈哈.........
(唔得.....尼個一定要記底), 玩完尼個磁力共震之後, 就到我地今晚o既戲玉, 「念力測試」~!!
普通人玩尼個game, 最多都係起30~40度, 起到90度o既人真係好少好少, 我好似都未見過tim
點知我地阿鄺大師衰左一次之後, 竟然野野都90度 or 以上, 仲要第一時間, 真係笑爆
之後仲要唔信, 連玩左幾次, 真係激爆笑, 錯過左live o既朋友仔就會辦法啦, 唯有睇返video lu~~
之後我地就玩killer, 唉....好悶, 做左兩次MC 已經悶咖啦, 之後比我做inspector, 又比人殺.....
到我做killer, 竟然比我殺哂所有人win左, 咁易o既, 都唔好玩o既, hehee ^^
玩完killer 就玩大話事, 有一次比阿大師抽中大煙, 佢竟然要搵兩個人同佢做多次念力測試, 死啦, 佢做傻左啦~~ 真係笑爆~~
仲玩左好多賤野, 好似69啦, 咀大脾內側啦, 交換食過o既香口膠啦.....唔記得哂....>.< 都幾癲下
不過今晚大家都唔係玩到太夜, 因為聽日要去踩單車所以好多人都訓, 5~6點左右我都訓lu~~
今晚同阿mark, 阿四, 大師, raymond 5個訓廳, 終於似camp啦~!! son 哥一個訓房, 有鬼好玩?!


5月23日 星期一 (day 3)
今日十一點左右起左身, 其實都起左幾次, 不過見阿mark同阿4都未起身, 咁我就照訓, 唔係阿mark 起身我都仲可以再訓
我醒左就係搞人地o既時候啦, 先先就係搞raymond, 不過佢好似唔搞都醒, 阿4.....尼o的無得救lu, 得佢一個都可以照訓
之後就係吳依橋同佢表妹, 我已經搶走左佢地張被, 佢地都仲可以繼續訓, 真係頂佢地唔順.....
搞多兩搞, 唔想知兩個凍死, 特別係吳依橋啦, 一陣病左懶我, 就比返張被佢地, 佢地真係繼續, 頂佢地唔順~~
唔理佢地, 我就攞返尋日BBQ 食剩o既野出黎, 整拿咋公仔麵比大家食, 都幾係豐富咖, 哈哈~~

食完個hea lunch, 再hea左一陣, 我地就大伙兒出梅窩踩單車, 座3M後座, 估唔到變左玩過山車, 哈哈, 好玩~~
之後想去租車之際, 款佢爸爸, 落雨?! 咁我地唯有去老麥hea陣啦, hea到太陽出, 都仲有雨, 好在最終都停左雨!!
咁我地就去租車啦, $20 比阿四講到$15/day, 好鬼抵~!! yeah~~ 好耐無踩單車啦, 終於有得踩~~~
揀好車之後, 即刻車左轉去空地, o個度依然係咁靚, 咁正, 又好風, 個景又無敵啊~ 但係唔係好多人跟住...
所以我地就返返去睇下咩事, 原來sarah 同 son 哥 學緊踩, 學左一陣都係唔識, 尼樣野真係唔係學時間
一下得就得, 唔得就幾耐都係唔得, 結果佢地兩個都係還車唔踩, 跟我入村, 但佢地行, 我地踩~
上到瀑布, 好鬼正, 今次無人響度, 得我地, 所以o的車可以亂放, 影相又無其他人, 無得頂啊~~
不過筠筠佢驚, 所以佢響亭等我地, 阿su 又因為咁返左過去, 所以我地瀑布相都係唔齊人的, 有點可惜~~


踩完, victor 買左一打有多o既blue ice, 我都唔知比咩反應佢好, 我一定唔會再飲囉, 因為last 我唔想lum~
之後我地去左茶餐廳食dinner, $27 only, good choice~~
我地o個台果然係唔同o的, 都係尼個combination 最開心, o的gap 野都係我地先會諗到
我起o既七言絕句已經變左有4句啦, 好勁, 有尼個sms o既人, 好好keep 住佢啦, 我自己都唔一定會記得!!
仲有: 唔好比其他人知啊, 知無?!
食食下我地台o既spy 響門口等我地啦, 仲食住尼個荔枝雪條, 成條tongue咁, 之後我地都食lu~~ 都幾好食 ^^

我地等埋阿舜之後, 就諗住去補絡給飲品, 跟住見到有一大班goolook 早半個鐘走都上唔到車
哎呀, 唔鬼理佢, 我同阿mark, son哥, wilson, sarah 同阿四就去左買野, 唔鬼理佢地
又估唔到一pack 維檸同菊 都係$19.9 兩pack囉, 即係一盒野都係個幾, 超抵......我地就係咁易買左36盒, 哈哈~!!
返到去, 見到一個好奇怪o既組合, o個一刻我覺得我要拯救友人, 我就拉埋阿四齊齊送佢走 (如果唔係我覺得佢會發癲囉)
送走佢, 我地就返去睇學警雄心, o......得返一半都無......only睇到李sir 死.......是旦啦
頓時見到廁所無人囉, 第一時間去沖個靚涼先, 咁多日都係第一次咁早有得沖, hehee~~

之後因為等其他人沖涼, 我地就打左一陣牌先, 點知有事就咁發生, detail 我都唔係好清楚, 只係知大師離家出走
好似仲話攞住支酒出去tim, 咩事呢?! 我去了解過, 都唔知佢係唔係因為o個件事, 我覺得唔係囉
而係某人做得太激太出面, 所以搞到有o的彊, 尼個係我o既睇法, 大師因咩事而出走, 到而家都係一個迷
最後victor都搵到佢, 佢地無聲無色咁返左黎, 咁就算啦, 繼續玩, 終於有個game 唔係我出咖啦
wilson up 左個心藏病唔係ice breaking o既版本, 都幾好玩, 初頭無咩腦汁去記人地o既生果, 我聽完點玩大約知點樣可以贏啦~~
我就係尼個"日本富士大蘋果"’尼個名應該係全場最長咖啦, 哈哈~~ 點知elaine 都可以好快up 到, 勁~!!
可以可惜佢尼個"芒果" 最後都要輸比我尼個"日本富士大蘋果" 隻6仔 ^^
老實講, 我除左wilson 係"山竹" 同 elaine 係"芒果"之外, 我就無一個人係記得, 咁都win到有o的fulook, hehee~~
之後又玩左一次講大話, 又係好快我同son哥o個o的就玩完, 哈哈~~ elaine 唔知係咪眼訓囉, 成手牌, 最尾要raymond救佢~
玩完, 見到大師返黎, 我地就玩耍盲雞啦, 好好玩, 不過間屋唔夠大, 無咩地方走, 所以玩左3round 就停
sarah o個round 最好笑, 條友傻咖, 係咁傻笑, 又唔捉人喎, 底B~~
到大師做, 都幾好玩, 佢都捉到幾多人, 不過無一個認到, 仲認左我做阿mark, 整鬼佢~!!
active左一輸之後, 又係truth or dare o既時間, 大家都好der皮, 個個都truth, 得阿四一個dare
又搵我黎搞, 仲要搞完思想強姦我, 哎呀!!!!!!!!!!!!!!!!!!!!!!!!!!!!好過份啊~!!!!!!!!!!!!!!!!!!!!!!!!!!!!
其他內容唔打lu, 有好多都係私人野 ^^
3~4點左右大家都攰lu, 唔少人都lum左, maybe 係踩完單車o既關係啦
最後就得我, elaine, raymond, son哥 睇霍老爺, 阿舜就打機, 其他人半訓半睇咁啦, 好多人齊齊訓廳, 尼o的先係去camp嘛~~
睇完之後我地就睇"尼蒙利斯-連環不幸事件" 有o的失望, 唔係咁好睇, 之後換"後備甜心", 好似幾好睇咁, 不過我都頂順 lum 左lu.....


5月24日 星期二 (day 4)
夢中傳黎黎明o既眼晴想旅行, 我隻眼睛就由旅行返左現實, o......天光lu, 要起身啦, 唔係check out唔到
我都唔知我地有幾多人齊齊訓廳, 左邊o既阿四就仲響度, 右邊o既elaine 就唔見左, 上面o既victor 同 大師就仲訓緊
我都唔訓lu, 要執野啦, 太多野要執.....天台o既野又未執, 尋日既公仔麵又無人執.....
搞掂哂尼o的立雜野, 我就執自己野啦, 點知比我見到阿四換好哂衫咁話要走先囉, 咁快o既?!
佢要返city 上ELC, 真係慘啊~!! 佢就係咁一個人走先啦~~
搞掂哂o的野, 佢地就分哂食/用剩o既野 (我只係分到樽鹽 >.<) 我就計數, 嘩, 最尾大家都係比三百幾蚊
如果唔係屋租 同 租多左副麻雀, 可能可以唔洗$300 tim, 今次去尼個camp 真係好抵玩~~
出返香港, 我四日都可能洗唔止$400蚊, 如果日日出的話~

check out完我地就去左東涌食lunch, 食完大家就散lu~~

++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++
尼四日三夜真係好開心, 無擾無慮o既四日三夜
camp之後唔知大家仲有無咁o既機會再癲過, 我覺得......今次無黎o既朋友仔真係一個好大好大o既可惜
我深信少一個人, 感覺都會好唔同, 如果再有下一次搞choir camp, 都未必會再咁好玩~~
而家最唔開心就係萍萍同janet 無黎, 因為兩個唔係成日同我地一齊, janet 就CO, 萍萍就默默咁為我地做野
如果佢地都可以同我地齊齊玩, 唔洗四日三夜, 一個夜都好, 都多一個我地支莊一齊o既回憶, 唉......

點都好, 希望打後大家都係好朋友, 有得玩記得搵埋我 ^^
(打左5個鐘, 終於打完啦......)

>>May 30, 2005 at 4:38:50 PM GMT+8

2005 年 5 月 18 日 星期三 【晴】

做左大半日家務, 一起身就去洗衫, 掃地, 抺地, 用手洗左之前想洗o既衫......咁就大半日
之後就hea 埋o個半日, 由七點開始打機, 打到五點, 打亂online, 終生免費, 哈哈~!!
有興趣可以齊齊玩~~

>>May 20, 2005 at 5:35:11 AM GMT+8

2005 年 5 月 17 日 星期二 【綿綿細雨】

5月18日, 就係final report o既due day, 我覺得我地group 個個都好hea.....
因為...尼個fyp 對我地o既意思已經唔大......我同韓佬就無可能上到3, 阿攣同tracy 就已經有offer
係金毛kel 一個比較緊張o的, 因為佢o岩o岩好3.0, 尼個fyp 做得好佢個resume 會好睇好多...
結果就係我同佢趕埋個report o既尾段, tracy 同阿攣返工唔理, 韓佬又入左camp~!!
但係最後我都等唔到kelvin一齊交, 因為....要趕住睇戲 ^^

之後去左睇早熟, 果然係好唔錯~!!
之前聽絕情谷大joe 都話套戲唔錯, 而且幾有教育意義; 尋日elaine 都話好睇~
咁我今日就有o的期望下咁入去睇, 真係唔失望喎...
個故事係幾好, 可以比到o岩o岩拍拖 or 熱血方剛 o既青年人一個警剔, 唔好亂搞野, 因為.....你未必負責得起
演習方面, 薜凱琪就比學警雄心做得smooth好多, 真好多, 亦無咁多"呀嘛", 而房祖名就好"靚"仔啦, 好green
而成套戲最最最好o既係有兩個影帝級o既曾志偉+黃秋生, 令到起伏位好好
特別係曾志偉喊住鬧JC, 話自己唔係好老豆o個幕, o個一刻都幾深刻下~~
另外就係兩位媽媽, 毛舜筠同余安安, 特別係余安安, 先先就係一o的都唔覺佢係五張幾
仲有當黃秋生打薜凱琪 o個陣佢o既激動, 點都要保護個女 o個度, 真係好正~~~~~~~~~~
所以, 有睇我日記o既人, 如果無野做, 真係可以一諗, 去睇下"早熟", 仲未落咖, 快o的去睇下 ^^

夜晚, 去左audition, 先發覺我做左一o的好唔應該o既事.......唉!
我完完全全係唔知自己audit o的咩, 只係之前吳依橋叫我地一齊玩, 咁我就諗住係"一齊玩" o既心態去...
一知道得我一個, 一個人玩手指咩?! 我就好hea, 歌就越揀越易, 越揀越底音, 真係諗住hea 就算
點知.........一切都唔係我諗咁!
我一入去, 就見到我成世人最最最最最最尊敬o既音樂老師, Jimmy Chan 陳晃相
我唔係跟佢好耐, 只係短短三四個月, 但係已經學到好多好多好有用o既野~
唉...我真係唔想比佢聽到我咁hea咁唱隻hea歌, 但係o個一刻我已經返唔到轉頭.....一係就走.....
咁一場去到, 又咁辛苦 (因為lift壞左, 要行上九層樓梯), look返落去都唔係咁易...
最後都係決定入去, 死就死.....點知.....再比我見到o既就係......莫華倫.......
另一刻, 我先知道自己apply o既香港歌劇團, 就係kinsen 半年前做茶花女 o個個機構
我apply o既唔係一個可以"一齊玩" o既角色, 而係一個一被揀中就"終生" 係香港歌劇團o既"受薪"演員!!
唉......唉.......唔知打咩好.......
雖然比莫華倫贊我, 不過........真係好唔開心, 好似影衰左jimmy咁.......
audition detail 唔打啦, 想知就問我啦, 我都唔知到時我想唔想講......

audit完座船過海, 我對住個海, 好後悔自己hea左一個咁好o既機會, 唔係人人fax去都有機會去audit
我決定, 再係有關音樂o既事, 我都唔會再hea, 因為尼個係我想做o既野, 我要努力好好裝備自己~!
到我覺得自己夠quali o既時候, 我一定會apply多一次, 係好認真o既一次!!

>>May 20, 2005 at 5:31:33 AM GMT+8

2005 年 5 月 16 日 星期一 【綿綿細雨】

今日好有意義, choir 拉隊去捐血, 不過約得幾早下, 所以唔少人遲到, 我當然有份啦
我, 吳依橋, elaine, angel, angela, 4, mark, 再加埋起唔到身o既daniel 一行八人就去大鬧紅十字會
唔係講笑, 真係大鬧, 本身人地o個度都好靜下, 我地一上去就勁嘈, 成個氣氛唔同哂

好, 講返捐血, 我地8個人唔算多, 但係阿護士長都知我地係一個團體黎捐血
仲話比返張cert 我地, 嘩.....好似好威咁喎.....
今日再磅一磅, 56kg......好似唔多健康咁, 要增下肥........唔得, 要增下磅先得!!
今日同我量血壓o既捐血技工 個名叫做「顧家輝」, 我仲以為我睇錯, 點知睇多幾次, 真係喎....
仲要係exactly o個3個字, 嘩, 顧家輝幫我量血壓, 好威啊~~~ ^^ 我叫佢做家輝哥哥
條友都幾好玩下, 我話我見到佢個名, 佢又攞住我張form串返我, "我都睇緊你個名啦"
哈, 真係com串下, 佢仲叫我地下次book時間捐血, 不過齋做我地, 搞到我地好似實有下次咁
之後護士長問我做咩捐得咁疏, er.....唔知啊.....學校有得捐咪捐囉, 主動去捐血我真係第一次!!

之後得返我, mark, danial, angela, erica, elaine 傾下我地3莊去camp o既野, raymond 後join
都傾左好耐下, 3點傾到6點幾, 亦都差不多傾好哂, 但真係好亂下....
過多一兩日要orgainize 好返o的detail, 仲我教會o既福音營o既野我都未搞好....
我要入camp 之後交帶好哂先得~~

夜晚去左上環同tracy 食飯, 傾下我地final report 要寫o的咩, 唉.....佢又有offer, 又有工返
好似撈得好掂咁.....又讀得書, 又有野做, 即係有錢.....唉......我.....
唔知, 咩都唔知, 唔諗, 玩左先算, 我想快o的入camp, 可以癲返下~~

今朝香港歌劇院打比我叫我聽日去audition, 但係夜晚2130囉...
都唔知自己想定唔想, 都係因為吳依橋 叫我我先會fax, 一個人我一定唔會報
但係今朝一早, 我都訓唔醒咁, o個個人就打黎叫我audit....我都唔知佢地有無得audit
問返先知原來得我一個, 仲要好有可能係因為男仔唔夠...... 而家我好唔想去audition.....
為左試下係咪因為男仔唔夠先叫我, 我決定聽日hea audit, 是旦一隻歌, 短褲咁去
如果咁都入, 我都應該唔做.......得我一個對住一咋唔識o既人.....我唔會囉!!

返到屋企, 見到護士長同我插o個個針口.....同我之前o個個口唔同左位......咁我咪又多個捐血lone?!
唔係呀.......咁明顯o既lone 都唔篤落去, 同我整個新o既.....係咁整lone, 一陣阿媽又以為我吸毒 >.<

>>May 17, 2005 at 8:05:19 PM GMT+8

2005 年 5 月 15 日 星期日 【晴】

yeah, 去左游水, 真係好開心, 雖然係一個人, 但係都無咩
我游左成個鐘, 游下, 企下, 又hea下, 成個鐘先游得o個18個塘....真係唔掂
要游返多o的, 練返o的氣先得

今日唔係太好天, 幾多雲下, 所以太陽唔係好勁, 咁先衰.....想黑o的都唔得.....
有時hea下睇下而家o的人, 都幾得意, 有o的男仔係咁睇女仔, 仲要大大聲咁講
我係o個o的女仔, 我都覺得煩, 真係......我覺得睇, 可以同欣賞o既心態囉, 但唔好淫
如果淫, 就好無懶, 咁搞法, 個個女仔都唔肯去游水, 咁咪影響到人?!
唔怪知得好多人都話香港人睇女仔o既眼光都好膚淺, 身為香港男仔, 我都覺得係.....真係幫唔落....

今日唔知做咩好多人游水, 記憶中好似無一次係游到一條直線囉
次次都要避人, 左閃又避咁, 又o徒力, 又o徒氣, 唔係應該游到廿個塘 (當係啦, 哈哈)
仲有, 唔記左我最鐘意o既沙灘椅, 去左邊啊?! 唔係因為多人收起左呀?! 哎呀.....我好鐘意響o個度訓覺咖.....
希望下次會有返啦 >.<

final report, 衝啊!!

>>May 17, 2005 at 6:09:04 PM GMT+8

2005 年 5 月 14 日 星期六 【酷熱】

今日都係無返到詩班, 本身係好想返的, 不過尋晚睇波睇到太夜, 所以都係起唔到身
返左祟拜, 好似好耐無返咁, 前幾個星期都只係返去開會, 今日係andy講道
進步左, 起碼無離題, 都okay啊~~

下晝開會, 都算smooth, 因為無咩要report, 我o的野又未做......
原來27th 就係我搵程序PIC o既deadline, 我得返12日.....下星期仲要入camp tim~~
要早o的搵下人先得!!

開完會, 本來係去媽媽度同佢睇下部腦, 之後佢又叫我唔好上去
咁我就返屋企啦, 唉.....好想去打機打波打牌, 咩都好, 總知就係玩下癲下
點知個個都未考完試囉, 仲要未考tim囉.......睇黎都係玩手指...

聽日, 我一係就一個人去打波, or 去游水, 點都要運動下, 好耐無郁啦我!!
仲有...我o既final year project final report~ 聽日開工!!

>>May 15, 2005 at 5:57:36 PM GMT+8

2005 年 5 月 13 日 星期五 【酷熱】

今日同潮激in 佢地去唱K, 好似唔多夾咁, 可能我多數都係唱多過玩
不過...無問題, 今日太多burden, 下次練定o的勁歌, 都可以玩下 ^^

有咩burden呢?! 就係下晝o既APA aptitude test啦~
我入唔入到APA, 就要過到尼一關, 先知有無得 interview, 所以都幾重要下
我都prepare左幾多野, 尋晚都3點幾先訓.....但係好似over-prepared 咁喎~~

個aptitude test 真係唔係特別深入同難, o個3題open question, 佢只係比左6行space我地寫
我仲每題prepare左200~300 字tim....都唔知寫咩落去好...我格離o個個仲攞張紙出黎抄
見佢抄, 我又想攞我o個張出黎, 不過諗諗....我記得o既野都唔止六行字....好似無尼個需要...
仲有o的statement 同 picture, 睇完2揀1咁, 都幾得意
聽音樂o個度就無我想像中咁難, 雖然我唔敢話自己o岩哂, 但係都有一半叫有信心, 已經比我想像好
最後o既15min lecture, 係講basic sound system, 上過multimedia之後覺得尼個lecture 講o既野真係好basic
聽完佢講, 叫我寫返o的野出黎, 都寫到唔少o既, 仲要我寫尼個new awareness 同我o既pass knowledge 有咩可以related到
我想講.....我之前學過o既野仲多, 尼o的野都唔係太related到....最後都唔知講咩, 講下mixer 幾重要之類...
總括黎講, 我覺得自己都okay, 希望可以有得in啦 ^^

而家正式可以hea下啦, 比我hea返一兩日先做final report!!

>>May 15, 2005 at 5:51:37 PM GMT+8

2005 年 5 月 12 日 星期四 【晴】

究竟點樣定義creativity呢?
一個人點先可以creative?
Sound Effect 響舞台扮演一個咩角色呢?

Music type: Cantata, concerto, quartet, sonata, air, chamber mysic, orchestral music, symphony
Dances: Auite, Minut, Govtte, Allemande, Sarebende, Gigue, Courante
Musical Period: Renaissance→Baroque→Classical→Romantic→20th Century
Important composers: William Bryd, C.P.E Bach, J.S.Bach, Handel, Vivaldi, Mozart, Haydn....
Schubert, Beethoven, Chopin, Brahms, Verdi, Bartok, Debussy, Liszt, Rachmaninov, Poulenc, Richard Strauss

.....................................仲有加多左o既一日~!!

>>May 14, 2005 at 1:37:36 AM GMT+8

2005 年 5 月 11 日 星期三 【酷熱】

Last一科, internet security, 飛黎溫, 真係好驚要re-take, 而家turn out....應該okay~
唔高分, 但又pass到咁囉, 真係hea溫hea考~~

考完之後陪tracy上左去搵kenny, 問下multimedia 洗唔洗re-take, 佢話覺得自己考得差, 驚grad唔到喎....
結果咪開心死, kenny 保你最多re-exam~~~
大家之後都去玩, 但係我就一個人返屋企, 去prepare 我星期六o既aptitude test~~
其實我真係好想prepare得好o的, 不過無奈時間真係唔多, 文又未作好....鍱又聽唔哂....
盡個人事啦...

總結下個考試先, 我七日考五科, 分別係EC2, multimedia, e-logistics, costing 同今日o既internet security
5科當中, prepare得最多最好就講緊multimedia啦, costing就無咩點讀, 平時計開數, 所以都ok
其餘o既科都用唔多過一日o既時間去讀囉, 我諗係自我會考之後最hea o既一個考試~~
但真係一o的都上唔到心, 考得好, 咁又點?! 都係過唔到3, 考得唔好, 咁又點?! 我又底唔過2~~
如果以prepare APA 個aptitude test 同考試, 尼個考試只係一o的每堂都計o既quiz仔only~
點都好, 我大專生涯o既最後一科, 最後一個event 就咁完左啦, 以後返city o既日子就會好少好少
希望搵到藉口返下去, 起碼都做多幾次gym, 打多幾次波咁....我張學生証仲可以用到七月, 唔好o徒!!

吳依橋 幫我報左APA 個A cappella class, $850x0.9=$765, 其實都ok
開始去APA 上course o既第一步, 如果今年佢唔收我, 我下年就會always take 尼o的course
尼個應該算係一個好開始!! 唔該佢先~~
同時, 我都打左比miss hung 話佢知我要o個份響將軍澳o既補習, 而家急要錢囉......

仲有加多o既兩日~!!
---------------------------------------------------------------------------------------------------------------------------------
老姚: 恭咩喜, 仲有大把野要做, final report, APA aptitude test......你比心機啦~!!

>>May 12, 2005 at 7:14:39 PM GMT+8