2006 年 4 月 24 日 星期一 【晴】

好多謝嘉欣, Angie, sarah, debbie, B女, celia, chindy, 招生, Jessica, Erica, Racheal o既SMS
亦多謝我地Sound Dept o既生日紙包蛋糕, 多謝大肥好早送比我o既生日禮物!!

最感恩係有您陪我過左整整一晚!!
好多謝您~!!

今日全日上o既堂都無break, 6~7個鐘直踩, 一直一直咁期待同你食飯o既一刻
雖然, 依然有好多唔開心o既感覺, 但係有您願意同我過我o既生日, 已經好開心滿足

以後o既野我唔知, 但我依然會盡力好好對您!!

>>April 28, 2006 at 4:56:32 PM GMT+8

2006 年 4 月 23 日 星期日 【晴】

2006年4月24日23:58......
一直我都期待一個電話, 您的來電, 但一直電話都未響起
電話只剩一格電, 好驚您打唔到比我......一直等.....到59分, 我想打比您, 但又好矛盾
如果您仲響街, 咁就會好尷尬, 如果你已經返左屋企, 點解又唔打比我呢? 唔通已經唔記得
還是已經不再仲要?? 我唔敢諗, 但尼個時刻, 我依然想留比您
所以, 我決定離開人群, 躲於街角中打比您.....原來您已經返左屋企
真係好開心, 但又唔知講咩好.....好快就0:00啦......你卻要去洗面.....我只好收線

唔通4月25日00:00 對您已經不再重要, 不再值得把握?!

結果, 尼一刻過去, 我再也留不了這一刻...

一分鐘後, 您再打黎, 原來您依然記得, 依然重視, 您說您手機的顯示才剛00:00

那一刻才是真正的00:00 已經再不重要, 當我知道您還重視這一刻, 我已感到滿心喜悅~!

多謝您

>>May 6, 2006 at 8:10:56 PM GMT+8

2006 年 4 月 21 日 星期五 【晴】

本身以為兩星期後, 一切都會好明顯.....
的確, 答案好明顯了......「我們無見更長的時間也有吧~」



從來對文字都唔太敏感, 亦因為咁往往都忽略您心情
同時...在您的文字中, 我發覺我越來越渺小, 甚至已經不再有位置~

>>April 24, 2006 at 6:04:25 AM GMT+8

2006 年 3 月 31 日 星期五 【微冷】

我唔知您仲有無睇我o既日記, 但有o的野我好想好想講清楚你知
除左日記, 我就諗唔到一個地方比我可以咁赤裸咁講自己野!!

尼幾日我睇返自己好多好多篇o既日記, 原來......我幾耐之前已經有不安o既感覺
真係不安到要響日記打o既日子係2006年1月3日, 到而家就係兩個月啦, 真係買六合彩都無咁準~
再睇下自己o既日記, 原來......我大部份o既日記都係講學校野, 反而我地兩個o既事相對少好多好多.....

原來我真係咁忙......同時......原來我真係疏忽左您.....

有好多野我好想同你講, 有o的同你講左, 有o的可能講唔出口.......我都想一一講出黎
我唔係放棄!! 我只係放手, 而我放手只係唔想你難做, 更更加唔想你再唔開心~~
我知我跟本無得鬥o的咩, 淨講時間我已經輸哂, 最緊要係........您同我一齊, 我會令您唔開心
又一次, 我盡力為我鐘意o既人做好多事, 到頭來原來都只係令佢唔開心
尼個感覺好難受, 真係好難受!!
但我唔甘心, 自問一直我都無放棄過, 一直努力返學工作學習, 一有時間就抽出黎比我地o既關係
我就連可以去多倫多o既機會都放棄, 就係想暑假多o的時間陪您
幾年黎我多次嘗試帶你融入我o既生活, 了解我o既生活, 但當一知道您會悶o既時候, 亦已經卻步
我難受, 我心淡, 我心痛, 我唔開心, 我抱怨, 我傷心, 甚至我身體有事, 我都不會直接話您知, 我更不敢
唔話你知, 係唔想您難做, 唔想您受我氣, 唔想您為我擔心.......
日子耐左, 我都分唔清係我唔想您擔心, 定係驚您唔再擔心我........
但尼一切都唔重要, 我自己o既問題我會想辦法搞掂, 大前提係唔會因為我而唔開心就得啦
原來....我錯, 錯哂! 尼個做法反而令我地o既距離慢慢拉遠......

其實...我真係好辛苦, 返學上好多好多o既問題, 同學問題, 老師問題, 學習問題, 屋企問題, 時間問題
好就連訓都無幾多時間, 我都好想有人錫下我, 關心下我, 體諒下我
好多朋友都同我講: "如果一個女仔鐘意你, 幾悶都會陪你啦......而且跟本唔會覺得陪你係悶"
如果係咁.....係咪您已經唔再鐘意我?! 一直我都唔想諗尼個問題, 結果....唔到我唔諗
而家咁....我真係好失望, 好傷心, 六年黎大家建立o既信任, 一次過瓦解
唔通我地六年o既感情真係咁經唔起考驗? 定係眼前o既快樂對您真係咁重要? 比一段六年o既關係更要重要?!

尼一切一切, 我都無開口同您講, 因為我唔想您難受
我好唔容易先可以咁冷靜咁面對, 同時......我亦再唔想合埋眼, 亦都再無心機食野
我好想您知, 好想您會關心, 但我更害怕答案

我自問由此至終都係對您一心一意, 您想食自助餐, 無論幾多錢幾多時間我都同你安排
到而家o的卡數都仲未找得哂...
我真係好錫您, 您應該知的, 到而家......我都係一樣!!
我唔會令您難做的, 但我亦唔會放棄, 我深信我會係尼個世界上比到最多愛您o既人
或者係最後最後您都唔會揀我, 但我唔會介意, 我一定會盡力做好自己, 繼續去鍚您關心您
我會盡力將我地o既關係拉返近, 唔再去疏忽您, 好好咁改善自己! 結果係點都唔再重要, 起碼我已經盡左力
而我可以為您做o既, 亦只有咁多.......


我愛您!!









(朋友們: 請唔好嘗試去問佢咩事, 如果你地令佢難做難受, 你地就唔再係我朋友！！)

>>April 1, 2006 at 7:00:39 PM GMT+8

2006 年 3 月 30 日 星期四 【晴】

我寧願好傷咁聽真話, 好過聽一o的好聽o既大話
唔好當我係傻仔!!

>>April 1, 2006 at 6:59:51 PM GMT+8

2006 年 3 月 24 日 星期五 【晴】

好難過o既一日......好辛苦!!
做到唯一可以做o既野, 但比人話左一餐, 但又好有道理
唯一的支持同贊同........多謝你, 嘉欣!

>>March 27, 2006 at 5:31:47 PM GMT+8

2006 年 3 月 23 日 星期四 【晴】

一直.......都以後自己痴心一片
...........原來我只係痴旯撚線!!

>>March 24, 2006 at 6:29:39 PM GMT+8

2006 年 3 月 18 日 星期六 【晴】



>>March 19, 2006 at 3:55:24 PM GMT+8

2006 年 3 月 13 日 星期一 【微冷】

今日dept head wingwing老師話我: "你呀.....規矩就做壞哂, 讀書.....都ok"
好唔開心, 佢仲記住, 我都好耿耿於懷....真係唔關我事咖~~~~
佢仲問我今年收唔收BFA 1, 我點知喎, 咁我讀成點?! 而且我仲為輸經驗而介懷中......

好在都有o的開心野~~ 今日終於去買左支flash drive啦
ScanDisk 512M 都只係$190, 太抵啦
好多電腦野都好平, 真係想買好多野 >.<, 但唔得囉
4 月要去北京, 要儲錢啊!!

今日好想做chore B run through, 但要做picture project, 希望聽日會有時間去睇啦~

>>March 14, 2006 at 2:44:09 PM GMT+8

2006 年 3 月 10 日 星期五 【微冷】



>>March 11, 2006 at 7:57:42 PM GMT+8