2005 年 6 月 28 日 星期二 【綿綿細雨】

頂.....晨咁早返city, 點知......都係幾丁友食頹飯
叫做交底左choir website o的野啦, 阿chris 都幾好傾 ^^

要作文, 不過一見到我台面.......有一大楝書......完全無尼個動力囉.....
睇下聽日有無機執下啦


2005 年 06 月 28 日 星期二
今日終於無落雨啦, 唔只無落下, 仲要係勁好天, 正啊~!! 有得healthy day啦!!

一早我就陪老爸去瑪麗, 老爸腸胃唔好, 要照內窺鏡, 睇下o的腸有無事
仲要飲兩公升瀉藥, 見到佢就辛苦, 真係慘!!
陪左佢成個朝早, 我都係得個座字, 幫佢睇野之類, 多數都係.......訓
實在等左太耐啦, 九點去到, 十一點半先入去照, 真係.......早舍遲個半鐘先出門口啦~!!
照完, 老爸好似好辛苦咁, 快快送左佢返屋企先, 見佢都可以, 我就出去打波啦

嘩, 今日真係好好天, 正啊!!
不過勁好太陽下打波, 真係好鬼易攰, 不過我尼o的打不死o既人, 攰極都係勁打, hehee
最最唔開心就係今日打波比人"long", 跳到老年咁高, 比人"long"到應, 直跌落地......
真係pk咁痛, 我即時勁興, 因為我跳高望住成個情景, 實在太唔君子啦!!
而且.....真係好痛, 痛到......成日都痛.....shit, wholly shit!!!!
好多人同我講意外, homan 同我講佢無心 (但佢睇唔到), 佢話個男仔好乖
好........就算, 我接受佢無心, 但係......佢一定係"long"我!!
之後, 我就再同唔到腰力轉身 or 跳, 可惡啊!!

之後成源成興, 真係無得頂, 腰痛都食哂成鍱豬扒炒烏冬, 正!!

食完, 已經4點半, 5點就close swimming pool, 真係有o的唔好意思
叫左小便的mandy + vannessa, 佢地等左我地打咁耐波, 都係想游水, 但係我地就打耐左
搞到佢地無得游, 真係10個唔好意思啊~!! 下次我地會打早o的咖啦~!!

夜晚去homan 度unhealthy night, 攻打四方城
今晚條腰好痛, 打打下仲肚痛, 好似內外齊痛咁, 勁無態
點知咁樣, 反而比我羸到, 哈哈~!! 真係波場失意, 賭場得意 ^^

只係打左四圈就散, 因為我想早o的返睇老爸
返到屋企, 見到佢無事, 好精神, 放心好多~~~~

我條腰...盤骨位....瘀左..............
好痛~!!

>>June 30, 2005 at 2:42:58 PM GMT+8

2005 年 6 月 26 日 星期日 【酷熱】

今日去APA final interview, 唉......從未試過有咁大挫敗感......
自問經歷過咁多野, 好多時都處之泰然, 懶理扮腦定咁, 今日都唔例外......
不過.....有o的野, 都唔到我扮, 真係衰到無遮無掩, 唉......~!!

話說今日就去APA interview 啦, 一入到Classroom 4, 就有4個大人物等緊我
department head Lee wingwing, Senior Lecturer Christopher Johns, Lecturer Albert Ho, 仲有個唔知邊個o既青年人
一開始, department head 就問我好唔好轉左我個second choice 做 dip 2, 因為dip 2 可以上到Degree
如果AD 都入唔到, 咁就無機會, 咁......轉囉!!~
之後, 個青年人就叫我同5張A4 紙, 一支水筆 同一舊泥膠 整一舊art work, 用1 min 整, 之後3min 做presentation
嘩.......我真係唔知整咩好.......只好扮腦定, 諗到咩就整咩啦......夾硬黎都ok o既......
之後就到chris 問我讀開science 野, 比較systematic, analytic, black and white.....有咩relate到sound design?
比我講左一論, 叫講到自已布creativity 啦, 佢又問我, 邊樣野強o的呢? creative? analytic?
唉.....吹左o的野, 都唔知好唔好, 只係講得吹完都有o的廢咁....
完左, 就到全個interview 最精神o既部份啦.....
mr. albert ho 問我攞成績表, 咁我就比佢睇啦, 仲要中學o個o的喎......
之後, 佢就勁睇o個陣co-ed o的先生o既comment, 唉..........
睇完, 就問我......."your conduct was not really good......" "how can you convince us that you would be a good student"
"your teacher said that you are friendly with your classmate, but not the teachers, why?"
點啊.......N 年前o既野, 都要講嘛?! 細個BB o個陣會賴屎, 唔通你而家又會再賴咩....!!
唉......最後, 佢就哼左幾句野, 叫我作埋下半佢, 講真, 我唔多記得佢哼過o的咩, 所以.....都係亂哼返o的野比佢聽
就係咁, 我o既final interview 就係咁完啦.........勁唔知點咁.......唉!!

in 完, 去左唱K, 無咩心機, 有少少hea, 可能仲有意interview o既野...

thx 嘉欣!!

夜晚又去APA, 今次係上A cappella course 第一堂
比我想像有少少出入, 仲以為係教和音, harmony o個o的, 原來唔係
不過都唔太差, 知道左a cappella 個主要element: 無意義歌詞, 口技, 1 to 1 singing
今日大家唱butterfly, 都可以啦, 不過男仔唔係咁多人ok, 所以有o的唔知點咁, 我都甩甩地
無音比我起的話, 我發覺自己真係好弱, lost 哂咁~~

完左a cappella course, 我就同erica + elaine 去維園食巴西燒
我唔太鐘意o個度, 因為......個泳池, 雖然過左好多年, 但係......都有o的野
不過, 尼個池都唔係最勁, 有另一個池, 令我更難受~!!

巴西燒, 勁多人, 有17個.....我地台好似幾係嘈咁, 成日都有好多人望住我地咁
o的野食出黎o個陣, 問我地要幾多, 我地都要一半, or even 要哂, 好勁.....
之後o的人都唔問, 有咩都落一半, 特別係燒菠蘿, 哈哈!! 我一個人都好似左4~5條
食左十一點幾, o的人再落野, 我地話要兩條, 佢地反問我地 "下? 唔係要哂咩? 特登攞比你地咖喎?!"
我地真係食到出左名, 哈哈~!!

十二點多o的散, 好在座到尾班38, 唔係就有排行...!!

聽日原先係healthy, 不過老爸有事, 聽日要去瑪麗照內窺鏡, 我要陪佢
所以聽日未必打到波!! 兄弟們, 10個唔好意思啊~~


2005 年 06 月 26 日 星期日
今日返詩班, Moses 指, 好似無咩野學到咁, 我個人都係鐘意jimmy多o的
今日叫左阿ling返黎崇拜, 唉.....一直都唔叫佢, 係因為我地聖公會個崇拜好趕客
而且做好多野, 意義都唔知響邊~!! 唔知佢對個崇拜點呢?!

之後我地撒記 + 若記 去左飲茶, 好x 多人, 要兩台大台囉
今次only 食左50左右, 算係咁啦 ^^ 不過都係因為有o的事, 大家先無咩心機食

食完就齊齊去IFC 睇頭文字D, 有19個人睇囉, 包左兩行半, 好型下!!
套戲幾唔錯下, 好多人都好型, 余文樂 型左好多, 黃秋生又勁.......睇人就真係無得頂
車, 都好得, 全部都係真車咁跑, 當然唔係周杰倫佢地drive 啦, 好pro 好型
就連o的後期 sound effect 都做得好好, 好多轉波, 車o既engine 聲都好o既bit
好更令人意識到o個種速度感 同 技術應用, 真係幾唔錯!!

今日真係幾攰下, 連我最鐘意睇o既pride 都睇到訓左~!!
都好, 訓好o的, 希望聽日in 好o的~~

>>June 27, 2005 at 6:33:07 PM GMT+8

2005 年 6 月 24 日 星期五 【綿綿細雨】

今日要去堅小帶唱歌, 原來係十二點......結果我點半先去到
帶唱歌.......我覺得都可以啦, 唔叫好好, 但係叫smooth, 我已經接受

團契家會, 大家都傾左好多好有用o既野, 大家o既近況!!
尼o的, 唔係吹水野, 而係大家o既生活, 大家o既開心唔開心, 擔心, 憂慮......
無尼o的交心時間, 你幾想比人關心都無機會~~~
大家都喊, 因為.....大家都想個團契好, 唔好再講o的discouraging o既說話
要我付出, 我無條件!! 只要大家都唔放棄, 上帝無放棄過我地, 大家都唔可以放棄~!!

一直都覺得尼個CE 同 當年o既所謂教練 好似
好在, 你都覺!! 今天你大左, 尼個CE 相對地較君子
但......都唔係一件好事... 求下你, 唔好比自己有機會去面對尼o的危險
今次, 可能未必講到會有危險... 但終於......佢可以做o既野...係你估唔到的~!!


2005 年 06 月 24 日 星期五
今日返city print transcript, 已經有個associate degree award 啦~!!
classification 只係credit......唉......6萬幾蚊就係買左個credit 返黎, 真係.......有o的對老豆唔住.......
諗諗下, 對自己唔住多o的, 因為入o的錢係用我個名借....shit!

睇左batman, 都幾好睇, 亦幾抵睇, 有成兩個半鐘, 哈哈!!
夜晚去左一間叫東京o既日本料理食dinner, 我對日本野就無咩特別
有少少野唔食, 唔食生野, 同爪類, 其他都ok
不過.....o個度o的野, 貴得黎, 又唔係好食, 款又唔多, 最緊要係......無非吸煙區
尼間野......唔會有下次, 入 bad list!!

聽日要帶唱歌.......仲無咩頭緒tim.....

>>June 25, 2005 at 6:42:29 PM GMT+8

2005 年 6 月 22 日 星期三 【乍寒還暖】

大半日同老姚 + tony 陪homan, 打左一個下晝牌
哈哈, 我同homan 又win 左一餐啦~!!

之後, erica 同 elaine 決定唔聽阿may 唱歌, 咁我......一個人, 都唔想去, 好似好怪咁
又出開去, 咁就諗住去APM 探下阿Ruth啦, 佢成日叫我探佢我都唔理佢
搵佢食下飯都好啊, 去到APM.......嘩.......第一次去, 有o的唔知點咁.....好很大下......
又唔多識路, 好在有index 攞, 咁我都叫可以o既.....
去到princess, 見到佢, 好鬼casual 下, 都唔似返緊工, 講左兩句就叫我走, 話老細好快返
又話唔可以出去食飯......shit, 咁我o既目的又無左.......
princess 有好多皇冠野, 阿ling 好鐘意的, 搵日同佢去睇下都好, 有七五折喎!!

打電話.....又係一個失望......好憎失望......唔想有太大希望!!

結果, 都係一個人食飯, 我最憎一個人食飯
仲要勁無心機, 食完好想快o的走, 點知.....快得黎就唔記得左把Sony Ericsson遮
o個把遮我勁鐘意咖, 係我之前買電話o個陣屈個sales 送比我咖.....唉.....

可唔可以唔好再落雨, 好唔鐘意落雨, 無得打波, 出街又麻煩~!!


2005 年 06 月 22 日 星期三
今日返左city 做左一個鐘gym, 再同erica, elaine, angela 同阿四打左兩個鐘badminton
打打下都係座左響個場度傾計, 幾搞笑下~~~
其實本身都唔係想做gym打波, 係想返去print多一份transcript, with sealed envelop 比APA
點知個office staff 話我個award 未出, 叫我星期五再返去, o......好似o徒左o的時間tim...
唉.....算啦, 都無得我唔算

咁我就盡用下city o的facilities 啦, 去CSC print 野, print church 野, 橫掂仲有好多quota
一落到CSC, 頂.......真係頂.......成個CSC o的CRT mon 換哂新LCD mon, 所以Dell 機 換哂做HP
全部printer 換哂做HP, express printer o個隻, 而家printer 一行一部 (4部機一部printer) 多左好多....
o的機都快左100倍...........頂你.......又話無錢, 又話要cut 位.......
又黎咁多錢換哂o的電腦??? 之前o個o的Dell 都唔屎咖!! 痴線咖!!

夜晚去左一間叫MR. PETER o既野食飯, 同福音營o既各程序負責人有個briefing
真係....講到我燥......好多野好煩.......唔理啦......總之我要講要交帶o既野就係咁多
最後係點, 你地到時再report 比我啦, 我都理唔到咁多野...!!

>>June 23, 2005 at 5:26:02 PM GMT+8

2005 年 6 月 20 日 星期一 【微雨】

原來因為老姚, 今日healthy day 要 cancel, 點知.....落大雨, 點都係無得healthy day
最衰就係落得勁大o個隻, 搞到街都唔想出, 仲想睇batman tim.....
都係過幾日睇啦~~ 仲有頭文字D......好多戲想睇 ^^

今日最後一次補習, vicky 問我computer, 勁開心囉~!! 最鐘意教人computer
仲要係program, 仲要係C, 我yr 1 sem A C programming 就係攞A+啦, 哈哈~!!
physics 佢應該無咩問題, 有都之前問哂~!! 希望佢考得好啦, 考埋就唔洗砸讀phy chem bio
對佢可能係一件好事~!! 好似過左好耐咁....其實只係補左佢3個wk
賺佢成二千幾蚊, 真係有o的唔好意思~~

補完就去左HK OPERA 度度身, 嘩.....好x多人囉, 個個都......應該3字頭啦, or 2 字尾o個隻啦.....
仲有o的......明明個樣係中國人, 但係唔識講同聽中文o既人囉.....
上到去, 比我見到阿釗喎, 好囉......有個識o既人陪下我啦, 唔係一定悶死!!
度身o個陣, 勁搞秧笑, 個嬸嬸度到我o既腰o個陣, 話我好fit下
再問下我唱咩, 我話tenor, 佢就好驚奇........"下?! 男高音?? 多數男高音都好大份下咖啵...."
"咁你真係幾fit下" 再度埋個胸, 手臂, 腳......"um......度咁多個, 你叫係最fit o個個黎"
哈哈, 我心諗, 咪玩啦, 而家係一個22歲o岩o岩grad o既青年人, 同o個o的3~40 o個o的中年人比
我如果都唔fit o既話, 到時我咪肥到腳指公都見唔到?! hohohoo~!!

我......討厭一個人食飯!


2005 年 06 月 20 日 星期一
連續補左4個鐘習, 真係.....聲都無
本身諗住無問題, 不過non-stop 講4個鐘野, 真係...唔多好受下!!

老姚唔舒服, 聽日healthy day cancel, 有o的唔開心!!

>>June 23, 2005 at 5:06:03 PM GMT+8

2005 年 6 月 18 日 星期六 【陰】

今朝返早堂派野, 同佢地食早餐, 再返去練詩班
今日jimmy 係咁話Tenor flat左, 唔夠lift up, 座得唔夠直, 唔夠耳仔......
好用心聽佢講野, 做adjustment, 但都好似做唔到佢想做o既野......我要比多o的心機先得!!

今日好多人食lunch, 同陳SIR 角力左一輪, 終於都定哂所有程序PIC
之後有好多contact 野要做, 唉........要多o的祈禱先得, 我驚我發皮氣!!

之後陪阿爸去書局搵書, o個一刻, 覺得自己果然係一o的文化都無
睇到咁多字, 我又開始無心機, 仲係謝哂o個隻......我要練返睇字o既耐性先得
點都好, 陪到阿爸都係好事, 父親節快樂啊!!


約定續成.....好易會變定習慣; 習慣, 唔一定係好事
習慣會叫人唔理智咁接受唔應該接受o既事, 亦會叫人將防衛 同 警戒 都漸漸放底
PLEASE!! 千祈唔好咁易同自己講習慣~~


2005 年 06 月 18 日 星期六
今日早左返church, 買野比homan 同 老姚食, 突然和尚同我講星期六要帶歌?!
真係幾係突然下, 歌都未知唱咩, 動作又唔識, 要我帶歌?! 又要睇下到時有無感動啦!!

之後團契, 請左Irene 過黎同我地做職前準備~~ 同我地講resume 最緊要睇o的咩
仲有同我地做左個好長o既personality test, 真係好長......

我個Code 係 6 7 1 1
Ｄ: 1 (Directive, dominant)
Ｉ: 13 (Interpersonal, influence)
Ｓ: 1 (Conscientiousness)
Ｃ: 1 (Steadiness)
6711 解籤後o既結果:
我o既personality 係: Inspirational
屬ＤＩ (大D大 I 類)
Goal: Control the environment and audience
Judge Other by: How they project their strength, character and social power
Influences other by: Charms, Direction, Intimidiation, win of rewards
Overuses: "Ends Justify the means" approach
Under Pressure: Become manipulative, quarrelsome
Fears: Being too soft, loss of social status

我覺得.....好係準下, 一個價值幾千蚊o既test, 真係好唔簡單
好多謝佢黎我地團契帶左咁多有用o既野比我地 ^^

團契完去左打一陣波, 好火!!!
先因為自己打得唔多好, 都唔緊要, 我都好認真好比心機咁打, 點知.....
某高人, 就似住高過哂我地, 就好唔認真咁打!! 我最憎輸高!! 我要練返我o的跳躍力返黎!!

之後去左阿活食dinner, 佢地就開團契會, 我都比左o的意見啦...
但我一向都唔鐘意當團契係一個交貨野咁做, 唔鐘意聖公會o既所謂系統
所以....好多我都係reject o既意見, 有無諗過........大家要為上帝搞好人與人o既關係, 定係比教會睇我地有做野?!
究竟大家係點睇團契係咩?!

十點左右, 去左銅鑼灣搵dickson 佢地, 都有好多人下
有肥的, penny, ball, 池少, 團, 安, 樂, 劉銘, jason, wing, 詩琪, mary......
好似大家都無咩點變咁, 大家一齊行, 好似仲係中六七咁, 感覺好正, 依然有一陣傻氣 ^^

點幾, 佢地仲去cafe 座, 我...?! 唔去lu, 第二朝要返早, 去派禮物
而且想練詩班, 都係早o的返去, 早o的訓好過~~

>>June 20, 2005 at 4:58:53 AM GMT+8

2005 年 6 月 16 日 星期四 【綿綿細雨】

今日HK Opera o既stephane打我, 叫我去度身做costume
嘩......我只係一個少少chorus仔, 竟然係有自己o既一套costume, 仲要係度身訂做囉...
好似好pro 咁, city choir 我都係著自己衫咖........
我要好比心機先得, 要學多o的野~!!

今日homan 同阿輝打黎, 叫我去佈導會, 我呆了......
真係唔太想去, 唔係唔想聽, 係驚落雨, 而且真係好大雨下......我就話5點無雨落就去
補完習, homan 打黎, 又真係無雨喎?! 上帝真係勁

所以我補完習就出左大球場去聽尼個咁特別o既報導會啦
好憎一個人食野, 好彩homan 放棄某人過左黎, 我都係一個人食左半個粉only
食完去大球場, 初時都無咩人, 以為好hea下, 點知......到七點左右......
座滿左底台囉......勁多人.......第二台都半滿, 高台都有人........原來有成萬人......
好鬼勁......大會詩班都有成百人囉.......wow~!!
最勁o既係個天, 明明就落緊雨, 點知大家祈個禱之後, 就雨都無一滴......
我地一話熱, 就有一陣好勁o既風吹向我地, yo~~~大佬幾係勁!!
勁鐘意敬拜, 可以真係worship到上帝~~~ 同時亦可以打動到人, 今日尼個人就係homan!!
分享o既人係大長今o既尚膳大人, 即係邊個呢?! 我真係唔知.........
前面o既阿太就同我地講: "尼, 咪成日跟住皇帝o個個囉"......."哦"........
而且有言語阻礙, 我真係好憎韓文, 好似拗緊交咁, 好煩啊......!!
到講道, 個牧師o的英文都幾ok, 不過.....佢講野句句都係一個tone, 聽到我.....釣釣地......
不過今晚場面真係好震撼, 真係好多謝homan 同阿輝

Homan: 雖然係唔開心, 但目標係正確, 我地會多多為你祈禱!! 做兄弟, 一定撐你的!!


2005 年 06 月 16 日 星期四
本來同homan 佢地出去唱K, 點知.....得返幾丁友, 決定唔去
就返左city 打 squash 同做gym啦.......無錯, 係打squash
今日都係我第一次打, son哥都係, 我地兩個唔識打o既人入到去, 好似.....唔知做緊咩咁
以為好不知所謂啦, 點知到erica 同 elaine 打o既時候......好似睇緊自己咁....
我地兩個都唔係好差姐, 哈哈!!

今日做gym 好博下, 30min 單車, level 10 non-stop
之後做20min 蛙艇, level 10, 再黎跑左15min步, speed 6.5, incline 2.5
仲有一組anerobic, 左玩左30min weight........勁攰, 呵呵~~~

夜晚同son哥同豬頭食飯, 去元氣食, 好似......好耐無食尼間, 唔多識有咩好食
原來佢約我係想比歐遊手信我囉, 點知.......又話唔記得帶.......
唉......有o的野真係講心o既, 而家.......明哂!!
空姐啦......識飛啦, 唔識人啦......>.<
算啦, 如果真係過期, 你食鬼左佢啦, 好過壞, 下次買份大o的比我啦~!!, 呵呵!!


2005 年 06 月 15 日 星期三
本身諗住執下間房, 點知...打左成日機囉....
最後, 都係無執到......

有權o既屎忽鬼越來越過份!!

>>June 17, 2005 at 6:13:43 PM GMT+8

2005 年 6 月 13 日 星期一 【綿綿細雨】

今日去左睇MR. & MRS SMITH, um.....可能有o的期望咁入去, 有少少失望
其實都係好睇o既, 不過無想像中咁好就真o既 ^^
下一套, 想睇......batman, 過兩日就上啦, 應該會幾好睇~~

今晚上左阿ling屋企食飯, 4個人6碟餸, 好似有o的過分......
佢同屋企人去完泰國返黎, 買左好多野比我食下, 有o的唔好意思, 真係又食又拎
好多都係好熱氣o既野, 要慢慢食先得, 唔係會出唔到聲 ^^

今日裝左R.O.S.E online, 都幾好玩 ^^

>>June 16, 2005 at 4:11:01 AM GMT+8

2005 年 6 月 12 日 星期日 【綿綿細雨】

今朝落大雨囉.....有半身都係濕o既.......
今日要去APA interview, 係first in, group interview...

封letter 明明係寫11:00, classroom 4 的, 不過11點都未見有人, 而且classroom 4 燈都無開
原來classroom 4 只係集合地點, 11點過o的個鬼佬阿sir 同 albert 阿 sir 就黎, 帶我地入TA 啦
入到去, 可以玩下佢地o的device, 因為個interview 好practical 的
first part 要睇一張statics picture, 之後講下對個picture有咩feeling, 同埋同咩sound去表達 (but no music)
second part 就係睇一段video, 之後mix 一段音樂仔比佢
段音樂一早就作好, 有melody, chord, bass, percussion, 我地就要揀唔同o既instrument 同 volume
令到段music 係最suitable for the video clip~
完左兩part practical o既野, 就到discussion, 都幾係悶下, 都係佢問, 我地一個一個答
一o的都唔似discussion, 而且仲有o的九唔搭七o既人, 都唔知點同佢discuss.....

department head, lee wingwing, 問我如果比dip 2 我讀唔讀.......我sure話讀啦......
其實都諗得過, 起碼唔係dip 1 啊.....最緊要o既係.....我一定會學到o的我想學o既野嘛 ^^

in 完APA, 我就上左HK opera 攞譜, 本野真係好x大本下.......full score, 我要搵返chorus 都幾係野....
到時唱, 點攞住黎唱啊?! 到時先算....
stephane 又開我唱唔唱family concert啦......我都想唱, 不過.......錢錢錢錢錢......仲有個a cappella 都幾難得下.....
算啦, 決定左, 就唔好再諗!!

本來好想搵人一齊食lunch, 最後都係返左屋企, 始終.....我都唔係咁鐘意一個人響條街道行~

今晚, 好激氣!!
---------------------------------------------------------------------------------------------------------------------------------
豬頭: 有咩搞作?! 我同你都差唔幾, hea下hea下又一日; 星期四係咩出黎啊?!
n 咁多個名既人: 哈哈, 唔係好多人見過, janet尋日見過only
______________HK opera 應該機會大o的, APA.......我唔太樂觀......intake 4個, 最多5個.......唉.......
易拎: yeah~!! 多謝哂, HK opera auditon 你地都要比心機啊 ^^

>>June 13, 2005 at 7:28:44 PM GMT+8

2005 年 6 月 11 日 星期六 【晴】

今日唱香港聖詩會, 嘩........真係無得頂~~
個感覺一勁grand, 有隊orchestra, 仲有聯合詩班, 加加埋埋有成6~70人唱
成個文化中心都好似充滿左詩歌咁!! 音樂真係好偉大~!!


講真, 真係幾係攰下, 由朝早9點開始練, 練到6點幾, 7點開show, 唱到10點......
我仲要中間去左補習, 把口都未停過, 真係攰到爆......
不過...今晚好特別, 見返co-ed orchestra 個首席, 梁孟傑, 仲有以前o既同學梁玉儀
亦有大學o既同學smile, 同埋choir o既janet (雖然佢無得唱)
唱o既時候都好特別, 唱咁耐我都可以話聽唔到自己唱咩, 只係聽到orchestra, 好近o既鼓......
我都係第一次moses響我格離我都可以聽到其他聲, 今晚真係好正~!!

唱完見到kinsen 做緊cam man, 原來佢同moses 識咖啵?! HK OPERA? 我估多數係
佢都有黎, 睇黎今晚其實係好大件事下, 好開心有份唱到尼個concert ^^

返到屋企係咁易prepare 下聽日in APA o的野, 之後同大肥個friend, sunshine傾下interview o的野
佢話有機會係傾下o的時事野, 咁......我死得啦, 決定算, pre 咩都假, 平常心好過~!!

「主啊, 求你賜健康比有病o既人, 同時亦求你賜力量比其家人, 令有病o既人可以得到其家人o既支持, 得以醫治, 願將一切都交托於主手中, 希望上主悅納, 奉主名求, Amen!」

>>June 13, 2005 at 5:03:49 PM GMT+8