2005 年 12 月 24 日 星期六 【晴】

今個聖誕要入沙頭角同阿婆補做冬, 都幾係灰下
24th 就好o的, 同阿ling出左去睇KINGKONG, 真係幾好睇 ^^
夜晚返症 church 崇拜, 今年係我第一年無唱詩班, 就咁聽真係幾好feel~

完左崇拜, 我地同若記人就邊行邊唱咁佈佳音, 感覺都幾唔錯, 哈哈
daniel 為cityu choir 送左張e-x mas card 比大家, 都幾係靚
響尼度都送比每一個睇我日記o既人啦 ^^





>>December 27, 2005 at 7:48:37 AM GMT+8

2005 年 12 月 10 日 星期六 【晴】

今日係我o既堅信日, 但係我真係唔多係ready, 事關日日都跟show......09~23咁....
唉....真係.....堅信禮我都遲到, 真係好唔掂當, 希望慢慢可以有返尼個心啦
忙碌之中, 真係好需要一個潔淨o既心去面對種種問題!!

之後同阿ling去左睇 如果.愛, 都ok好睇, 但係無我想像中咁好睇
我都唔識講, 可能係我太攰, 有o的野唔多明白, 亦有hup著左o既時間
但都係一套幾唔錯o既電影 ^^, 聖誕節仲有好多野想睇 ^^


咁快又一年, 又到嘉欣生日啦, 尋晚做野做到點半先走得, 都無時間打比佢講聲生日快樂
諗住做唔到第一, 都搵勄第尾做啦, 點知佢o的朋友個個都係咁講, 好似好cheap gap咁tim~
唔知點解, 我覺得佢生日都好似唔多開心咁, 睇佢xanga就更加.....
希望佢....有咩事都可以迎刃而解, 唔好唔開心啦, 年年我都係咁望, 但都好似望唔到
今年, 都希望佢可以開開心心啦!!

>>December 14, 2005 at 5:08:14 PM GMT+8

2005 年 12 月 3 日 星期六 【微冷】

話咁快, 兩個星期o既production week 就完啦!!
本身我係無show跟, 可以有兩個week假期, 但係我always返左APA幫手, 結果都係勁忙
今日先勁唔開心, 就係因為我勁忙勁幫手, 連卡數都唔記得左找......又要比late charge, fxxk.....

尼兩個week, 本身plan左執房, 溫theory, 作曲, 做research, 做report, civil essay....
最後.....只係做左civil essay同執左房張書台咁大把, 其他都無咩點做, 真係食屎...

但係我就幫手跟左兩個show, 一個係studio 1 - 新宅風雲, 另一個係drama 1 - Trojan woman

其中幫得最多o既就係drama 1, 因為個show太大啦, 跟本就唔夠人, 而且Doris 18th 就會飛台灣
所以我都要當自己係一個assistant sound operator (ASO) 咁跟先得~~
唯一有o的唔開心係, 發覺自己真係好多野未識......差一兩年真係差好遠......
之後溫神叫我同佢聽住intercom先, 咁我就聽啦, 但聽到要sound cue o既時候, 我完全唔知做咩
又唔識用gtype....又唔知佢地o的plot 係點......總之覺得自己好廢啦!!
我唔怕辛苦, 最怕學唔到野, 我要比多好多心機同時間追返人地識o既野先得!!

Studio 1 下星期on show啦, 加油啊~~

>>December 4, 2005 at 1:50:05 PM GMT+8

2005 年 11 月 23 日 星期三 【晴】

今日一早返左APA o既studio theatre幫溫神手做studio 1 set up
好真係勁多野唔識, 真係唔掂當, 好多terms 都唔知佢地up乜, 我要進取o的先得啦!!
今日都叫學左o的野, 知道下o的speaker, 識多一部console, O2R, 係咁走線
原來溫神好多野都唔識, 係自己睇menu咖, 好勁啊, 我就應該mun o的啦~~
尼o的態度先係學野o既態度, 我要多多學習先得!!


《Yamaha O2R, Digital Recording Console@Studio Theatre》

下晝有男人之虎o既open dress, 我入左去睇, 發覺都唔係人地講到咁好睇
我仲睇睇下訓著左, 好似有o的浪費咁tim, 哈哈~~
今日o既open dress 只係得唔夠5個人睇, 我諗占瑞文自己都灰灰地
唔緊啦, 男人之虎今日又開show啦, 一定好多人睇, 因為又sold out 啦

夜晚去左佐治同homan + 佢個朋友仔阿泰打波, 勁爽
一o的都唔叫打得好, 真涼涼地, 可以出一身汗, 真係好舒服
我都好似返返地黎, 開始識入波啦, yeah!!! ^^


2005 年 11 月 23日 星期三
今日present "Touch Of Evil" , 自己o個份果然係做得嘛嘛
有好多野我都無咩點諗過, miss左好多好緊要o既野, 我唔可以咁求其咖啦!!

之後去左歷史博物館睇多次東西物品o個個展覽
不過睇完都無咩可以寫到, 只係偷影左o的photo, 都唔知有無用

今晚用盈盈傾左一陣計, 發覺原來佢都唔係平時想像中咁底B
佢都幾有理想, 有目標, 對自己要行o既路都ok 清晰, 比起好多人都上進
講得o岩, 入得APA 就唔應該o徒咁多時間, 我都要珍惜多o的可以學野o既機會先得!!
希望佢都可以好好用之後3年學到多o的想學o既野啦~~

>>November 27, 2005 at 5:13:12 PM GMT+8

2005 年 11 月 16 日 星期三 【晴】

尋晚食完飯就訓, 一訓訓到大天光, 應該好夠啦
但上civil 都依然係咁訓, 好似訓極都唔多夠咁, 呵呵

上完堂, 大家食個飯之後都返屋企lu, 聽日實在太早啦, 大家都想早o的返屋企抖下
準備聽日o既廣州之旅~~


2005 年 11 月 16日 星期三
今日chris 堂, 唔洗present?! 唔係呀??? 頂.....早知早o的訓啦
不過都好, 傾下o的detail, 可能再做好o的, 話哂都計credit啊!!

之後我就返左城大, 今日係我o既畢業典禮, 無錯~~
雖然感覺唔係好特別, 但都好開心, 阿爸阿媽都有黎, 老爸係咁煩阿媽叫佢黎
阿媽真係就咁黎左, 雖然我唔多贊成, 但都要謝老爸!!
佢兩個一齊就好xyz 麻煩, 尼個都係佢地分開o既原因之一, 搞到我都煩哂, .>.<.


之後同好多同學影相, 我發覺有好多人我已經唔多記得叫咩名
太多人啦我地ECWT, 真係記唔哂.......熟o個o的就一定記得o既~~~
影左一陣我都走lu, 太攰啦, 要訓下 ^^



2005 年 11 月 15日 星期二
今日frankie堂, 好似唔太load到咁, 我諗我下星期要返去練下部SSL先得啦

完左frankie堂, 我同阿珮+debbie 去左拎回鄉証
本身諗住今晚去保羅堂唱聖誕歌, 都係無返, 太多野做啦
又要做普通話錄音, 又要睇touch of evil 做present, 所以無練

最後都做到4點幾......


2005 年 11 月 14日 星期一
今日albert份功課得我一個有做, 搞到我唔係好想交咁.....
比佢改完一論, 真係好聽左好多, 頂.......我點先可以spell chord快o的啊?!

完哂o的堂, 我同debbie + boolu 去左睇藍色大門, 做普通話功課
套戲都ok好睇啊, 好青春feel ^^

夜晚去CC 唱 Mozart Requiem, 得我一個人由APA去, 頂.....早知我都唔返啦
又要加班練?! 又話九次o既? 新schedule 又加左rehersal 時間, 過份!! 加鐘加錢先o岩!!

唱完, 出去聽Perliner Philharmonic outdoor live, 個video 有delay o既.....
頂級orchestra 真係頂級, 話收就收, 就咁聽都知齊, 其他野我就聽得唔清楚啦
尼o的勁野, 有錢真係應該去聽下, jimmy都比二千蚊去聽~~
------------------------------------------------------------------------------------------------------------------------------------
賢仔: 我應該無咩o既, 而家都無事 ^^ 幾時re-u 啊我地?!


2005 年 11 月 13日 星期日
今朝晨早就陪不易拎返早堂, 真係攞命......仲早過返學
雖然遲左5分鐘, 但我已經好盡力咖啦, 比足面啦 ^^
練好o的氣啦, major vocal 咖, 行幾廿級樓梯就喘哂氣咁, 點得咖, 呵呵!!

按守班, 之後午堂, 再食飯, 好似好食得咁, 呵呵
之後就返城大影相啦. 先先搵左豬頭同son哥先, 阿ling都有黎, 開心~~
我都知佢會好悶, 所以尋日問左一次都無再問, 佢都肯黎悶, 多謝妳啊!!
太多人啦, 本身諗住要搵多一日返去影, 但我地hea下hea下, 又影左好多地方下喎
應該唔洗再返多一次, cityu又唔係大, 最有代表性o既野都影哂啦
而且........畢業o既感覺好似唔係好重咁, 可能我真係唔多在乎尼個副商學士


夜晚同choir 莊食飯, 前+上莊人都齊, 係差erica, 唉......真係唔係好明~~
同大家食飯, 真係開心, 阿ling問我黃銘謙點解xxxxxx o既?! 我都唔知點答好~~
仲以為自己玩大左搞喊豬頭, 原來係佢阿媽......唉.....早知佢比阿媽話完我就唔玩佢啦
10個唔好意思呀豬頭~~

一踩就踩左16個鐘出黎, 真係激攰!!
返到屋企仲繼續做albert 份功課, 做做下就3點幾4點......


2005 年 11 月 12日 星期六
今日約左小愛同佢個朋友仔阿輝/Holly, 去聽佈道會
真係勁唔好意思囉, 原來佈道會對象係青年學生, 聽o的野好.....唔o岩聽, 連我都唔識笑....
我諗小愛同佢朋友仔都odd左o的......下次都係清楚哂o的野先邀請人好o的~~


夜晚去左homan度打牌, 輸到喊.....無試過輸到無哂feel
好在唔係玩錢, 玩分only, 早餐, 豪比你啦老姚!
------------------------------------------------------------------------------------------------------------------------
Erica: 唔知啊, 無事呱, 我都唔知......~


2005 年 11 月 11日 星期五
今日present Macbeth, 都唔錯, 梗係啦, 原先就係prepare左尼個

下晝去左睇NANA, um......都幾好睇, 但無好多人口中咁爆好睇囉~~
我覺得, 其實個故仔都好一般, 如果無左o個幾隻theme music, 個情景一定無牽得咁好
我更開心而家讀緊sound design, 將來有機會響尼方向發展, 雖然我composition 嘛嘛地~~


夜晚見到嘉欣, 佢仲要返學, 真係辛苦~

>>November 25, 2005 at 5:22:35 AM GMT+8

2005 年 11 月 9 日 星期三 【酷熱】

今日下晝無tutorial, 可以好早走, 就去左抽血再驗
驗完, 又係勁快, 之後.......只可以等.......我仲有第二樣野要睇, 唉...
唔知點呢?! 再一次見紅, 好似有o的預左o既感覺, 其實......我係有事定無事?! 我都唔知~~

成個下晝睇哂之前o的酒店風雲, 開左學咁耐都未試過可以咁hea
可以hea o既日子真係.....都應該好好珍惜 ^^


2005 年 11 月 09日 星期三
今日sound design o個堂唔洗上, 我去左上computer, 咁下晝就有時間可以去睇醫生啦
終於比我攞到籌, 四點幾o既籌, 九點先有得睇.....真係唔知比咩反應好....
返左屋企訓左一陣, 食左個飯, 就落去睇醫生, 落到去等左半個鐘, 睇左半分鐘就出返黎
結論.....都係無結論, 要我驗多次血......驗幾多次都係咁咖啦, 我覺得...唉.......
仲要.....我想睇埋見紅單野, 個醫生竟然同我講: "今次我地處理左一件事先, 第二件事咁擔心, 下次先再處理"
唔係呱??? 我預左睇政府會hea o的, 但都無諗過會hea到咁, 咁即係點?! 我要再排過再睇多一次??
係佢地有問題, 定係我有問題唔明佢地o既做法呢?!

記得細個斷腳o個陣, 阿爸都係一早叫我去排街, o個陣我都勁反感~~ 覺得一o的都唔安全, 無保障
當時老爸同我講, 因為專科好貴, 而且都唔一定好, 政府可以轉介, 都係一樣姐~~
o個陣我有一個諗法, 我要努力賺錢, 可以的話, 我寧願比多o的錢, 都唔想咁樣等, 轉來轉去
我亦都唔想我o的仔女要咁樣, 有需要先會睇醫生, 如果都要等, 比佢地hea, 一定會好難受!!
我知道我咁諗好唔o岩, 唔係錢大哂, 唔係等得耐就有問題, 我覺得係安全感o既問題
可能尼o的野都係我自己一個人面對, 我唔要人陪, 唔要人幫, 所以想有多o的保障同安全感啦!!

睇我係一個女醫生, 我覺得佢同我差不多大, 有種趕收工o既感覺
隔住個口罩, 我都覺得.....佢應該唔差, 我講樣~~
究竟我睇緊醫生, 定睇緊女仔呢?! 有咩分別啊, 眼前o既醫生, 咪就係女仔, 尼個女仔, 咪就係醫生囉
比佢hea我半分鐘, 最好o既印象, 應該就只有佢個樣應該唔錯!
希望下次唔係睇佢~~


2005 年 11 月 08日 星期二
今朝無上sound operation, 係我第一次因為溫書而走堂
但走左堂o既時間, 我都唔係溫左好多書, 文化荒真係文化荒
就算比我對住o的notes 幾耐, 我都係咩都入唔到腦, 我真係點都唔會係一個文人

music recording I 派卷, doris 改, 發覺佢真係好mean, 相對黎講我都幾鬆手
算啦, 分數我一o的都唔計較, 而且我真係溫得唔好, 對o的mic 唔係好熟, 考得差都唔怪得人
wingwing老師問我會唔會re-exam......我諗......我唔會lu~~~~
而家66.5分, 再考過, 就算比我100分, 都係83分左右, 仲要我一定唔會100分的
比我最多拉高10分左右, 即係總分多4% (尼個mid-term 計40%), 幫唔到太多
其實都係我懶, 唔想再pick up返o的野去溫~~

下晝civilization mid-term, 好彩我無咩點溫書, 仲要War I, II 都無溫, 真係吹水野多
是非題就真係要溫, 其他都係吹多, 我覺得我溫左都係唔識多, 而家.....分別唔大~~

今日無frankie堂, 返左屋企抖一陣, 又去香港仔攞籌, 五點就無哂籌?! 又話五點九先派o既?!
問左好耐先知原來改左制, 大小肥同我講o既野而家都改哂, 所以我去多幾多次都唔會拎到籌
而家夜籌派籌時間係1500~1700, 仲有個好底B o既system, 就係可以book 時間睇醫生
唔係book 晏o的o既時間, 係今日book 聽日o既時間, 真係無x聊, 唔通我可以知聽日我會病, 前一日去book定?!
但又真係有人book 定哂o的位, 搞到我日日去都無籌咖啵... 我都好唔明!!

好氣憤咁走左, 真係o徒哂我o的車錢, 時間, 精神 >.<
返左church 練聖誕歌, 估唔到得2個tenor 2 個bass 4個alto 同5個soprano囉
都幾係hea, 估唔到會咁hea, 就連部長都唔響度, 想點啊?! 下星期我諗諗練唔練先


2005 年 11 月 07日 星期一
今朝無albert 堂, 勁開心, 好耐都未試過返下晝堂啦
本來想溫下civilization o既, 不過.....都係hea左個上晝, 呵呵

今日派sound system design mid term, 真係比我地改返
我有95分囉, 都唔知自己做咩, 係咁寫哂o的野落去, 大包圍, 真係要哂咁多野喎
我覺得咁樣唔好, 比我高分一次又點, 我一定唔會次次都記得哂咁多point.....
佢又無一個standard o既marking scheme, 真係靠佢up......

之後basic electronics 又派, 84分都ok啦, 其實可以好o的.....
明明自己識, 又衰careless, 真係唔掂當, physics 野姐, 溫返以前o的書就得咖啦
真係.......好耐無溫書, 而家溫書無咩efficiency, 真慢慢培養返先得!!

放學同盈盈+佢個同學去CC, 又去返尼個地方, 我地去練Mozart Requiem
又見返好多人, 阿茄啦, 細路啦, cirrus啦, 黃志樂啦, KK啦......好多好多
仲有, 又見返一個中學同學, 但我唔記得佢叫咩名, 我要搵下先得~~!!!
同阿茄座, 真係開心, 先先就係唱唔洗擔心, 佢唱過, johnathon 又唱過, 比佢地夾住我地易就跟到
而且o的歌真係幾好聽, 我諗我會鐘意唱requiem 多過turandot 囉 ^^
再者, 同阿茄有傾有講有笑, 笑o既時間又好多囉, 都幾難好似初頭唔太熟咁樣齋唱
唔知jimmy會唔會mind 呢?! 我諗佢唔會o既, 我地玩又唔係太過, 又唱到佢要o既野, 呵呵
乜都我講哂!!! 點都好, 我開心又可以同大家唱歌仔~~
------------------------------------------------------------------------------------------------------------------------------------
520: 起~~ 叫全名親切o的嘛, 呵呵; 多咩謝啊, 我都唔係好熟, 有咩問阿釗會仲好; 佢地.....有時都幾hyper ^^

>>November 10, 2005 at 12:02:37 PM GMT+8

2005 年 11 月 5 日 星期六 【晴】

今日畢綺玲過左黎保羅堂 做佢research paper o既實地考察, 哈哈.....
我就做尼個響導, 佢都跟得ok 快啊, 我諗好多禮儀上o既野, 大家都唔係差太多姐
係我地多o的唱囉.......其實我都唔知!!

之後去食飯, 大家同佢都ok 溶合, 真係好, 大家對新朋友真係有改善
不過可能我尼個朋友比較outgoing, 佢自己都唔會摺, 呵呵~
下星期要陪佢返早堂, 真係大檸檳咯......

之後去左沙田, 同amanda 佢地睇黑社會, 我完全唔識沙田o的路囉, 搞到好樣衰下~~
套劇, ok啦, 但係好似miss左唔少野咁, 都係我搞到大家睇少左, 唔好意思!!


夜晚上阿ling度打邊爐, 好多野食啊, 又係我食到最後一個, 真係幾唔好意思!!

今日開大又見紅........我諗我真係有事!


2005 年 11 月 05日 星期六
今朝去左探boolu 女朋友仔, sheeta, 佢捐左個肝比佢爸爸, 而且個手術好成功
真係好值得感恩啊!! 願上帝都保守佢同佢家人一切o既健康, 亦賜平安比擔心佢地o既人啦~~

下晝返團契, 之後返左屋企, 但又要出去同媽媽食飯喎
大家o的溝通真係有問題, 次次都搞到大家唔知點咁~~
唔緊要啦, 一家人可以一齊食飯, 真係好難得, 特別而家大肥住左hall~~

今晚開大時......見紅, 仲要好勁紅下, 好耐....都未試過咁空虛...
o個一刻, 我個腦真係function唔到, 完全唔知自己可以做咩...


2005 年 11 月 04日 星期五
唉.....今日present, 真係David 囉......
我prepare左好耐都係pre anthony o個份, 點知......唉.....
總之就灰啦....好似搞到我地sound dept 好hea 咁 (雖然真係有o的)

之後去聽Pro Tools LE 7 o既seminar, 嘩......真係幾pro下, 真係要買先得
但.....響度黎咁多錢......唔知..... 只知而家好等錢洗!!

之後去左同阿ling睇"再說一次.我愛你", 無想像中咁好睇, 睇劉華一個做哂囉好似
但係個flow 都幾唔錯, 都算一套唔錯o既港產片!!
片尾曲 "繼續談情" 好好聽, 但搵極都搵唔到, 有無人有啊?!



2005 年 11 月 03日 星期四
今日上civil, 調左位, 而家座好高, 真係難專心好多.....我好快就訓左, 太多人都係咁啦, 呵~~

之後同阿珮去左旺角攞headphone, 一手拎一箱headphone, 真係好勁~!!
佢地以前個同學, Danny 話有friend 批發價$1300 就有PSP, 真係好抵啊!!
我同阿珮就即刻落左兩部, 呵呵, 諗起都開心!!

返到APA, 原來有wingwing老師o既補堂, 哎........好有位比佢話我啦....
仲係咁話o的headphone 唔好唔好, 咁.....我地係得咁多錢, 係用尼o的貨咖啦!! >.<

見今日早放, 就去街証睇返我o的血o既問題啦, 頂......點知派哂籌.....
唯有下星期再去啦, 今個wk 應該無時間~!!

夜間出左去同之前kenfair o既同事打邊爐, 果然如我所料, 我係無咩可以講的
因為我真係唔係好識佢地, 只係知佢地個樣, 做咩POST 咁~~
但大家都ok nice 啊, 我諗都可以keep到contact o既 ^^


夜晚同pena 同wilson 都傾左ok 多野, 大公司真係有好多複雜野
我實在太單純啦, 想幫人, 又差o的害左另一個人, 可能我真係多事左!!

有得, 就一定有失, 出左去玩, 就要返黎做野.....
結果prepare個present 到4點幾5點....>.<"

>>November 7, 2005 at 5:06:00 AM GMT+8

2005 年 11 月 1 日 星期二 【晴】

今日返早左computer, 因為想4點去一去cityu聽下佢地o既mini concert
lunch o個陣我同debbie阿珮去左惠康入貨返房, 買左好多野食, 野飲, 有我最鐘意食o既捐血餅, 好開心!!

放學連present都無傾就走左返cityu, 去到惠卿.....原來已經完了
唉.....又白返黎一次, 我又無帶袍, 因為驚麻煩, 我又唔想dress up 咁行來行去....
結果返去就係影幾張photo咁, o徒哂o的時間....

叫做陪左阿ling一陣, 尼樣好似已經係最有意義o既事啦!!


2005 年 11 月 01日 星期二
今日o既music recording I mid term........o的mic o既野.........
我真係溫得好唔熟, 真係好唔掂, 唉......

教我地music recording and mixing o既老師frankie hung 今日講左好多心聲
而家o既人聽音樂"咋"左好多, 唔會追求咁多, 同時.......做mixing o既人都唔會太講究
只要可以match到大陪份o既customers 就ok, 因為咁樣自己就唔會死
所以有好多Albrum 響屋企聽好好聽, 但一入studio 就好唔掂.....
唉.......我仲堅持做監察???

考完左兩科mid-term, 今晚決定去睇劇relax下
同阿ling 去左睇"怪誕屍新娘"(Corpse Bride), 都ok好睇
o的歌又幾好聽, 雖然唔係好多歌, 亦唔係好長, 但故事都係好合理的劇情

今晚食左好多野, 好開心, hehee, 仲有行左好多野, 好多野想買........真係唔得我死~~


2005 年 10 月 31日 星期一
本身想早o的起身再溫一溫書的, 點知......起唔到 (都好正常)
Albert 份功課......hea住佢先, 我想做....不過真係無時間......
sound system design o既mid-term......其實都係考返平時講o既野, 不過真係得個明字
唔多識同字寫返佢出黎, 真係要溫返多o的書先得, 好似太耐無溫書考試, 唔多慣

今日boolu 個女朋友入左去做手術啦, 佢要捐一半肝比佢爸爸
請大家見到我日記都同佢 + 佢女朋友一定人都代禱啊!!


2005 年 10 月 30日 星期日
今日練波, 發覺自己而家唔識入波, 要打返多o的先得!!!



2005 年 10 月 29日 星期六
今日同阿珮同debbie 去整回鄉証, 10點幾攞籌, 成點幾鐘先有得整
但係整就整左5min左唔知有無, 唉.....o的時間就係咁o徒囉

之後去左買monitor headphone, 係我地audio 特別用黎執聲的
咁就$530啦.....搵多多錢都唔夠我洗......只係做功課都要咁貴 >.<
加埋回鄉卡, 我nearly 洗左成千蚊, 所以夜晚都係返屋企食好o的
屋企無飯食, 出左去同阿媽食, 都唔錯 ^^

離開church之前打左10mins 波, 只係短短10mins, 勁攰勁無氣
唔通我真係退步得咁快?? 唔得, 要操返下先得!!

本身plan左溫書o既, 但係係咁睇波, 都係無咩點溫
又周阿珮傾左好多野......溫書.....都係聽日先啦


2005 年 10 月 28日 星期五
今日堂sound desgin 又有另一個導演黎講Macbeth, 我覺得好煩.....
尼個cross dept project hea左好多個wk咖啦, 好唔好快快脆搞掂佢啊?!

成點先走得, 都係無去中旅社, 怕會無籌, 食完飯就去左Kenfair 出糧啦
嘩......出左$2700啊, exactly 48個鐘, 勁啊~~ 如果day 2 無請假就nearly有$3000 tim
開心左一陣, 好快就平伏返啦, 因為.....我諗返有大半要找長榮條數.......可惡 >.<

之後同阿ling 一齊去左睇civilization o的exhibition, 我真係對尼o的野好無興趣.....o的畫.....真係好悶
好在去到科學館o個邊黎實物就好睇好多, 而且近代o的, 有返o的興趣 ^^
不過無咩點影相, 我想去多一次, 唔係記唔到可以寫o的咩!!

夜晚我地去左睇Hvanna-Mania Carnival o既林一峰 x Vocal Sampling
嘩.....真係好正啊, 特別係vocal sampling, 簡直.....勁......
6個人, 個隊長識扮電結他, flute, recorder, 好多好多.....
另外有兩個就扮trumbone, 又係勁得, 但係.....最得都係個扮percussion o既成員
佢扮drum set, beat box 都勁似, 仲要真係有drum 個effect囉, 如果聽佢地唱歌, 合埋眼
你一定會覺得係有隊band 黎你前面, 但佢地只有6個人!!
原來我地香港玩acappella 真係同人地差幾幾幾皮
好開心可以買到飛, 有機會見識同欣賞到尼個performance


>>November 7, 2005 at 4:13:43 AM GMT+8

2005 年 10 月 26 日 星期三 【晴】

今日我地放左房同學飛機, 無同佢食飯, 去左同boolu 個女朋友, sheeta, 同SM o既同學唱K
好似好耐無唱K啦, 而家唱K 好似怪怪地咁, 我覺得唔似以前把聲......
之後去左中旅社想re-new 回鄉証, 點知派哂籌, shit.....唯有聽日早o的啦~~

今日basic electronics mid-term, 唔係好難, 應該唔太底分, 不過有o的唔抵
其實好多都識, 只係唔熟, 都怪自己讀得唔夠多 >.<

今日TG Show part 2啦, 唔知點呢? 行過會展真係有o的衝動想入去睇下
不過.....費事啦, 去到都係無得入多, 無謂去到law皮啦~~
-----------------------------------------------------------------------------------------------------------------------------------
Froggy: 食lunch? TST?? 真係要約下喎, 我得一個鐘lunch break only
______ 如果去TST的話, 應該要等我下晝堂唔洗上先得 ^^ keep contact啊~~


2005 年 10 月 26日 星期三
今朝本身約左小洪早o的食早餐練下conversation, 點知佢遲到囉
好在都考得唔錯, 我覺得above average啦 ^^

3個鐘空堂, 阿珮去左睇黑社會, 我無join, 唔知Amanda 佢地係咪睇呢?
我同boolu 留左響房溫書, 之後上左老師堂
今日左老師話我地啊, 上堂唔講野, 又成日讀錯o的普通話, 好似有o的不滿咁
好少見左老師咁樣, 可能我地真係好唔掂下~~

溫書....真係好眼訓的!


2005 年 10 月 25日 星期二
今朝上鬼佬堂勁攰囉....好似訓左好少咁.....
頂, 今日又無frankie 堂, 即係成個下晝都無堂
同阿珮doris 食完飯先後就返左屋企訓, 訓到六點先再出去

今晚要練a cappella, 11月4 日要唱一個master class 比唔知咩group 聽
detail 我都唔係好清楚, 我只係知今晚好hea......我o既groupmate 唔多pro, 好多都唔係好識唱
識唱都唔係叫唱得好, 老實講, 唔係馮東叫我, 我諗我唔會o徒尼o的時間!!


2005 年 10 月 24日 星期一
今日唔洗返工, 應該係無工返, 又回復返日09 o既生活啦
今朝albert 堂, debbie 無返, boolu 仲響北京, 溫神又遲, 得我一個take credit
所以老師都無咩點講書, 我地睇左一段日劇 + 聽左佢o既sound track
久石讓真係好勁, 一個好普通o既melody 可以arrange到好唔同好有味道, 真係要多多學野先得

上basic electronics 補堂o個陣, Dora 打比我囉, 佢話佢唔suppose打比我的, 但唔知做咩打左比我
哈哈, 好搞笑, 佢地3個都係doou doou 地, 可能因為咁3個咁friend, 呵呵
之後同Amanda 傾左一陣, 我好似第一次響APA上上下堂出左去傾電話, 一次咁多啦 ^^

同amanda 收線之後, 好快pena 就打比我約我出糧時間, 我27th 唔知得唔得, 好似要mid-term + tutorial
所以都係28th 先去, 我唔想28th, 因為應該會少好多人, 不過......多人我都係唔識咖啦, 28th啦

今日決定左唱Mozart Requiem, Stephon 好似唔係第一次打比我, 我都想唱, 死就死啦!!
都係練九次姐, 就當學多o的野啦 ^^

>>October 27, 2005 at 3:41:23 PM GMT+8

2005 年 10 月 22 日 星期六 【晴】

一連4日o既Kenfair TG show 咁就完左啦~~
本身仲諗可能會好攰好辛苦, 但turn out 係攰o的, 但係唔係真係好辛苦囉
可能真係做添馬鑑o既關係, 呵呵!!


2005 年 10 月 20 日 星期四 DAY 1
suppose 應該係最多野做最亂o既一日, 但係......好靜
成個場都好靜下, 所以要做o既野, 要受o既氣, 都比上年少, 受氣記憶中好似無咩添
我個leader 係amanda 同 pena, 我覺得兩個都好nice, 好似上年vigin 咁, 起碼玩得串得啊~~
今年要做shift, 無一個特定o既post, 亦即係個個post 都要做, 係尼樣野攰o的啦
做shuttle 同 RC 分流係最開心的, 好似幫到最多人係尼個post囉

shift patrol 真係好矛盾下......有得shift patrol, 就即係可以行下booth, 其實都ok開心
但係成日見到班patrol 勁蛇, 一諗自己係度勁做, 就覺得佢地好過分
唉.....算啦, 上年我做patrol 都會係咁, 唔好太過分就得啦~~
第一日就係咁過啦

2005 年 10 月 21 日 星期五 DAY 2
今朝要上sound design 堂, 但係drama school 個導演上左北京囉, 所以又係hea o既一堂
大佬啊, 如果hea 早知我唔返啦, 我返去添馬開工唔好?! 就係咁我就無做一個朝早o既工啦

12點返到添馬鑑, 原來Amanda 叫我食o的野先返去, 點知我收唔到個msg
算啦, 食唔食我都無所謂, 雖然我好鐘意食野, 但如果我早o的食野就即係一個人食, 我最憎的!!
收唔到尼個msg 可能係好事, 就算收到我都可能唔會一個人食!!

一返到去, 大家都好似好奇怪咁望住我, 又係o既, 大家都一早返, 係我一個咁奇怪十二點先見人
一見到我大家就即係有飯食啦, 好似好開心咁~~
今日scanning o既polly 做到喊, detail 我就唔知啦, 不過聽peggy 同阿茹講佢地似攰到無咩反應咁
其實.....有咩應該出聲o既, 又唔好真係頂唔順先黎喊, 會影響到大家做野
scanning 個post 係比較悶左o的o既, 唔似得RC 有得傾有得座有得玩, 我見到o的RC 都會眼紅
唯有.....可以的話我shift多o的啦, 大家都係做野姐, 幫得到就幫!!
但係polly 今日同我講: "唉....見到你我就興, 雖然我唔係憎你"........~!! 我做錯左o的咩??

今日勁多人攞Trolly, o個邊o的同事都未整完就好快比心拎哂~
所以我又shift左去幫手整左一陣車, 我又想快, 又唔太熟手, 結果夾開左自己隻手指
都ok 痛囉, 頂! 不過痛都要整, 太多客響出面等, 所以流左好耐血都無理~~

Amanda今日發覺到班patrol 成日都唔做野, 叫我去check下佢地
唉.....尼o的咁老土又樣衰o既野, 真係估唔到我都要做, 不過.....佢地又真係幾過份o既.....
我係咁易同佢地講過下醒水o的, 蛇都唔好咁揚之類, 要我報串我又做唔出

行下patrol, 頂下RC咁又一日啦!!
我覺得amanda o個team好似做得唔多開心咁......
尼個感覺唔係太好, 其實大家都係合作4日姐, 唔好成日諗到真係好辛苦咁啦
就算辛苦, 都係應該咖, 我地係受薪咖嘛, 而且比起上年, 已經好舒服咖啦

今日有booth 送左條電話繩比我, 勁開心囉, 仲同我講辛苦哂, 好感動!!

2005 年 10 月 22 日 星期六 DAY 3
今朝原來無37X 特快到金鐘, 唉......又驚遲到, 要打的
成五十幾蚊啊, 成個鐘o既人工啊, 即係頭一個鐘又白做啦 >.<"
七點半多o的Amanda 打比我, 話佢響APA 唔識路, 原來佢都打的, 仲要係架廢的
唔多識路, 響APA 放底左佢, 我就做左佢支遙控盲公足啦

今朝有佢半個三文治, 真係差好遠, 原來前兩日餓住做野會攰好多咖...
今日做多左好多toilet/break shift, 特別係RC o既同事, patrol 就唔洗我shift啦, 佢地自己都會搞掂
記憶中好似無咩點停過shift咁......唔該amanda o既一杯茶啦!!
今日到peggy 好似唔多舒服咁, 攰? 唔知......

是日highlight: River 派左3箱幾Megasia CD-ROM, 有病咖佢!!

request左Amanda 去行booth, 但唔知得唔得, 佢話佢都唔行得喎.....>.<

放左工去左銅鑼灣同阿ling 食dinner, 我地去左沙嗲王食, 勁多人囉~~
係唔係真係咁好食啊, 我又覺得普通姐

2005 年 10 月 23 日 星期日 DAY 4
今日起到身, 好勁!! 尋日真係激攰, 好驚今朝起唔到身
今日做足成日, 無咩抖過, 係咁送megasia, booklet, 仲有捉細路
唔知做咩, 今日勁多細路囉, 又煩喎, 個阿媽帶buyer証, 個女帶exibitor 証?! 吹水咩?
唉......後未都理唔到太多, 真係太亂!!
搵搵下細路見到vigin喎, 勁開心囉, 原來佢走左唔係好耐咋, 而家仲響APA 對面間野返工
等閒真係搵埋上年o的helper 出黎飲下野先得 ^^
今日都可以話係4日黎最興o既一日, 前3日我都無咩, 今日.....勁比客鬧
我真係奇怪o的patrol去哂邊, 可以成個hall 12 都唔見patrol, 之後我響corridor 見到4個o既.....
洗唔洗咁齊人啊, 成個hall 無左patrol 都敢死, 唉......我就做做做....>.<"
完show 還hook, 又勁比exbitior 鬧, 大佬, 我人就係得一個, 你想快我都唔想慢.....
成日最enjoy 都算係朝早同amanda 整kit o既時候........
唉....成個添馬鑑o的booth我only睇中左個bad boy cool cat, 點知.....佢話要返入part 2.....唔sell, 十個唔開心囉~~

原先amanda 叫我OT 做到九點, 我就放棄左去kinsen's studio 影畢業相
但係我做到七點幾就話走得, 所以我都有去影~~
簽走係1900 囉, 我做野做到1930咖......Amanda 仲話偏心喎.......我唔覺, 哼!!
算啦, 佢同pena 都對我好好咖啦 ^^

去完kinsen 度影相之後, 我就join返Amanda 同其他shift 食飯
本身都心大心細食唔食好, 但今晚之後大家都唔知有無得見, 悶o的都無所謂啦
結果真係幾悶下, 好多會展o既野我都插唔到咀, 果然做會展係開心o的o既


--------------------------------------------------------------------------------------------------------------------------
咁就4日, 好似過得好快咁~~
今年做shift, 所以無一個特定o既位置, 亦好難認識其他同事
好多時都係見一陣, 我又要去第二個位做野, 真係希望有機會每個同事都認識下 ^^

亦都好開心可以under Amanda 同 pena, 特別係Amanda 啦, 如果唔係得閒可以同佢吹下水, 我每一日可能都會過得好耐下!
佢勁有Linder o既影子, 佢o的皮氣, 處事態度, 對自己o既要求, 記性(特別係人名).......都勁似
可能因為咁, linder o個套好多人都頂唔順, 搞到好似好多helper都唔多撐佢咁
其實佢都好鍚佢班helper, 有exbitor 屈o的patrol 偷野, 佢都撐班patrol話一定唔會係佢地
可惜尼o的野, 其他人唔知

希望佢地kenfair mkt dept 4個人可以keep 耐o的啦 (Linder x Amanda x Kayley x Dora)
記得大魚話過佢好頂唔順kenfair, 唔當o的員工係人, turnover rate好高
曾經我都想入尼o的大公司做, 而家......又唔係咁諗!! 可以捱到o既人唔多, 要加油啊~~
可以有大公司o既工作經驗會係最有用o既本錢~~!! 唔知我有無o的咁o既機會呢??

>>October 27, 2005 at 3:32:09 PM GMT+8