2005 年 5 月 10 日 星期二 【晴】

勁心散o既一日...
下晝出到去灣仔, 去shirley 公司攞鍱, 之後去HKU music library 借書, 唔該哂阿婆~!!
只係置富→灣仔→HKU→置富, 就用左我$14.7, 香港搭車真係貴....

聽日考Internet Security, 應該係好多security o既野響個腦度先o岩
但係我偏偏無咩....反而成個腦都係creativity o既野....咩係creativity 呢??
我都係無心機多咖啦....聽日都係死多.......唯有tip o的黎讀, 死就死, 無咁多時間~~

仲有 1 日 + 多兩日~!!

>>May 11, 2005 at 7:23:43 PM GMT+8

2005 年 5 月 9 日 星期一 【綿綿細雨】

今日考costing, 仲記得半年前諗左好耐....re 唔 re-take好呢?! 而家GPA 真係好底下喎...
再加上金毛kel o既成功例子, 真係值得一試, 唔得的話, 最多咪唔讀....唔會要extend呱....
唔覺唔覺就半年過左...半年前o既決定, 就係等今日尼個考試啦~!!

講返今日o既考試, MC 唔多sure, 不過都叫識做得哂, 好多B下.... 都唔知係唔係
long question, 比我tip 中3題, 都係大路野, 特別係cash budget, 好似送分咁
做完之後我有時間篤多一次機, 睇下有無計錯, 果然係有, 仲夠時間改返o岩哂佢tim ^^
今次應該唔錯, 唔錯o既定義係一定會好過上年, 即係C以上, 咁我GPA 點都一定會拉高啦~!!
做relevant cost o個題, 計到直頭有一個product 係唔做, 我諗無理由咖.....不過計多次都係咁喎
諗住算啦, 錯就要佢step 同 format 分就算, 點知出到黎, 好似好多人都話o岩喎
好期待尼科會有o的咩grade ^^

考完costing, 我同erica, alex + su 同埋潮激in 班野去左南山食野, 今日唔係好active, 可能有心事...
成日想走想走咁, 但又好鐘意一班人o既感覺, 好開心好熱鬧......結果原定十點前走, 都無走到
而shirley 第二日要返工, 都話唔落黎, 我要聽日出一出去佢公司搵佢先得, 都係自己攞黎
算啦, 我又唔信我成日響屋企會好專心溫書啊...

要開始prepare 我o既aptitude test啦~~

仲有2日 + 多兩日~!!

>>May 11, 2005 at 4:01:10 AM GMT+8

2005 年 5 月 8 日 星期日 【綿綿細雨】

終於有機會, 有時間可以打下日記啦!!
近幾日, 溫書o既心情好似好左好多, 起碼無之前咁hea, 專心左o的
真係溫多左書, 雖然唔係話好熟...

今日考e-logistics, CN Lo 比左o的唔係tips o既tips, 點解咁講呢?!
因為o個o的係exactly 考試o既題目, wow~!! 即係我讀o既全部都係答案, 原來尼個世界真係有咁旬o既事
上年o既econ 我都唔多信, 結果衰左, 之後我就唔會再唔信, 咁耐以黎, 除左BM kenneth 之外
好似個個比o既tips 都有七八成準!! 今次....直頭係十成準tim啦, 哈哈!!
不過都唔係o的咩咁值得開心o既事, 因為我識, 即係人人都會識, 好在我mid-term 個分ok
我諗應該唔會太差o既...

聽日就係re-take account o既考試, 有o的驚....應該會好過上年, 希望係啦, D 都唔緊要, 唔好fail..!!

仲有3日 + 多兩日~!!


2005 年 05 月 08 日 星期日
本應今日諗住唔返教堂, 多o的時間留響屋企溫書, 因為星期一二都有考試
真係唔多時間, 但係又想問惠敏 攞o的考aptitude test o既意見, 仲有佢o的鍱
佢仲介紹左芝琪比我, 芝琪真係帶左好多鍱比我, 真係要多謝佢地兩個
仲要多謝shirley, 知道佢都好忙下, 但係都好好人, 幫我搵左本書, 麻煩哂~~

有私心而返教會, 一直都唔係我鐘意o既野, 咁樣同o的想個小朋友入名校而返教會無咩分別
今日, 我就做左尼個角色, 講道o既時候我都係成個心都係logistics o既野, 好唔o岩!!
好在惠敏叫我返去聽主日學o既小朋友獻唱He Knows My Name, 好在我有堅持返去聽 (因為好大雨, 有諗過放棄)
聽到o既小朋友無邪o既歌聲, 真係好好聽, 好有心, 我彷彿見到惠敏響佢地當中o既一份心機同誠意~~
我諗佢都好滿意今日主日學小朋友o既獻唱~
而我都比佢地o既聲音潔淨左我, 個心好似平靜左咁, 上帝o既力量真係大!!

完左祟拜, 我homan老姚edwin, 雪同sushi 6個人竟然去左飲茶, 仲要食左$80 野...係每人囉....
好鬼貴.....同阿媽食飯都無咁貴啊, 太豪啦!!

對住5題tips, 都唔知聽日係咪出尼o的, 但我又無時間去睇其他.....唯有全信啦!!
希望聽日真係出尼o的啦~~ 咁我背左o既野就exactly 係答案啦!!

仲有4日 +多兩日~!!


2005 年 05 月 07 日 星期六
聽日係母親節, 媽媽返沙頭角探媽媽的媽媽, 但我星期一有試要考, 所以陪唔到佢返去
就因為咁, 我地今晚就同左媽媽食左個靚飯啦, 當預祝母親節啦!!
請媽媽食飯, 用左幾百蚊, 咁就洗左我成個星期唔出街儲o既錢啦, 錢真係唔見洗~~

今日溫書都唔多... 係咁搞尼搞路~~

收到電話費單, 四百幾蚊?????????????? 點解會咁咖?! 原來爆左幾百分鐘...
我真係完全唔知, 知我唔會爆咁多啦....我連我同邊個傾咁耐都唔記得 >.<
唯一記得就係FYP o個陣係咁用手提傾, 佢地4個都無一個係新世界, 可能係咁呱......真係唔記得
唉.....越窮越見鬼, 啲錢唔見洗!!

仲有 5 日 + 多兩日~!!


2005 年 05 月 06日 星期五
今日考multimedia, 應該考得唔錯, 因為用左好多時間去背o的野, 好多都記得
我仲驚好似EC咁咩都唔記得, 我仲係咁背係咁抄o的書, 所以都ok 熟下~~
今日份卷真係咩都考咁, 應該都okay o既, 高分就唔知, average 應該有o既

返到屋企, 本身諗住溫o的書先, 因為下星期一二都考, 但係.....太攰, 訓左一個下晝囉, 哈哈~!!
返屋企攞信, 嘩, 無信?! 唔係呀???? 咁我APA o個度咪無行?????
點知返到屋企, 老爸話有封演藝信放左響我台面, 原來佢攞左信, 好少咁積極~~
勁開心, 有信應該有得in啦呱....我估佢唔會咁無聊寄封信話唔收我咖.....
點知....無得in, 唔係無o既.....係要attend 一個aptitude test囉... 好似考入境咁
仲要...個test 好似好難下咁.... how would you define creativity? what's make a person creative?
亦要寫一編自己o既musical event experience, 對一o的statement 比comment同介紹自己
另一個section 係聽o的音樂, 再填返o的musical period, tone color, instrument, pitch, rhythm
我覺得.......好難囉......而且自己唔係always 聽classical o的歌, pop 就多~~ 唉......有o的驚
最後一個section 係聽完15min lecture 之後有一個short quiz about the lecture
3個section 加埋3個鐘, 即係仲長過而家o既考試.....仲要係14號囉.....即係我考試o既日子要加多兩日先完
睇黎我14th 都係無得唱K 多, 唔開心 >.<
pass左個aptitude test 就有機會in, 希望得啦.....

就因為咁, 距離我考完試o既日子仲有 6 日 + 多兩日~!!

>>May 11, 2005 at 4:43:32 AM GMT+8

2005 年 5 月 4 日 星期三 【酷熱】

唉......今日考EC2, 好似咩都唔記得哂咁....o的essay 我寫得好少....
如果唔係左MC, 我都幾驚會大炒...而家我都幾有信心MC有30分以上, 希望eassy有20~30分啦
咁我EC 就應該唔會點大炒.....尼科係最驚的...

12點考完, 同tracy+calvin同nicky 食左個lunch, 佢地就去in IS啦
今日有好多我地ECWT o既人都有得in IS, 我又著suit喎, 好似我有份咁....有o的尷尬
眾人問我幾點in, 我都要補一句, 「我唔係in IS啊, 只係part-time BM」....「哦.....」 >.<
就因為佢地要in IS, tracy叫我幫佢去交收.....陪佢去就多, 單拖去都係第一次...
好啦, 是旦啦.....生產力促進局門口.....好x熱, 我下次一定要收服務費啊!!

響拉記溫左幾粒鐘書, 我就去in尼個part-time BM啦, 果然.....我hea in 之餘, 佢都ok hea.....
introduce urself, what is ur future career? what do you expect?......5min 搞掂......o徒哂我o的時間
我都幾串下, 但......我覺得佢會收我囉, 唔知點解, intake 400都無我?! 我唔信!!
唉, 算, 返屋企溫書

返屋企, 好期待信箱, 尋日吳依橋話我知佢有得in APA啊, 唉....好羨慕, 唔知我有無呢??
答案係.............無
唉...唔通真係無機?! 唔知, 希望聽日啦, 我諗都係尼個period o既, 如果今個wk都無, 咁就應該無lu...

嘩, 返到屋企, 發覺頭先響拉記溫左好多書下, 而且係好入腦, 我屋企果然唔係讀書地方
一返到黎, 又係好慢咁溫, 結果我都係飛哂o的notes一次, 再睇返o的revision topic
本應係想唔訓都背熟o的野, 但係太攰頂唔順.....3點幾都死左lu......

仲有7日~!!

>>May 9, 2005 at 6:49:46 AM GMT+8

2005 年 5 月 3 日 星期二 【酷熱】

嘩, 唔係講笑, 尼幾日kinsen係咁打比我喎, 問我cool edit 點用
哈哈, 好似我好pro咁, 而家係我教佢mixing 囉, 感覺自己好勁下, 哈哈!!
原來佢星期五要去禮賓俯表演唱歌, 而家先整MMO? 時間好似mun 左o的囉......
亦都同佢提過APA 個part-time multi-track mixing o既course, 佢話星期六佢都有興趣喎
真係?! 迫下佢先, 好想同佢做同學, 大家平起平座, 哈哈, 講mixing, 我可能勁過佢tim咖~~~~

聽日就考第一科, e-commerce 2, 不過溫得唔多熟, 本來想背好o的最未兩課, SCM, MRP
不過rehinie 話我知有MC 喎, 我覺得肥佬咁mun post o的ans出黎, 一定會就咁出返o既
佢咁鬼死懶, 九成九係exactly一樣, 所以就谷MC......谷谷下都唔係睇, 係記答案
好耐都無讀書讀得咁消極下!! 好, 捱多8日~!!

聽日就in part-time BM, 咩準備都無, 只係睇左少少website咁... 是旦啦, 聽日先算

>>May 5, 2005 at 1:07:33 PM GMT+8

2005 年 5 月 2 日 星期一 【酷熱】

尼幾日好得熱, 最憎熱.....成身都好"lup"
咁樣溫書好辛苦......好掛住自修室o既冷氣......唔得...唔要o徒錢, 唔落去!! 捱多9日

今日收到阿ling o既郵寄禮物, 係一份幾有心思o既禮物
其實...我唔係想要o的咩禮物, 講來講去都係o個句, 只要有心就得
可以的話我更想你專心溫書, 準備考試, 唔洗咁急整好份禮物比我, 考得唔好真係好難追...我已經追唔到...
我都唔想再諗得返上星期一o既野, 點都好, 多謝妳!!

尋日吳依橋叫我同佢同成個group一齊報一個APA o既A Cappella workshop
老實講, 我好想報, $850 6堂, 每堂個半鐘, 真係唔算貴, 之前跟jjimmy學vocal仲要貴得多...
但係而家o既我, 就連尼$850 都攞唔到出黎, 唔係無o既.....不過仲有卡數, 仲有電話費, 寬頻....
仲有我期待已久o既3莊camp, 樣樣都要錢......唉......
如果我搵到野做, 咁有無10% off 我都會報~~

再睇下APA o既part-time course, 好多都好正, 好想去讀, 特別係一個教multi-track mixing o既course
不過仲貴, 要成$1920.... 但係12堂, 最最最緊要o既係上完個course 會有返張cert比我
um....點睇尼個都有用, 就算我入唔到APA 讀full-time, 有尼o的cert backup我, 下年o既機會又會大o的!!

好, 我決定啦, 再有商科o既野我都唔會揀, 我唔會再o徒尼o的時間~~
就算business 有offer比我我都唔要!!
真係無科收我讀degree的話, 我就搵野做, full-time又好, part-time又好, 散工都好, 有錢就得
將o的錢用黎做自己洗費, 唔再要老爸一分一毫, 再報APA o的part-time course
而家就咁諗都覺得會好辛苦, 不過應該會開心好多, 起碼到時就係用自己錢學自己想學o既野!!

>>May 4, 2005 at 7:05:17 AM GMT+8

2005 年 5 月 1 日 星期日 【酷熱】

今日溫書...都係緩慢, 但係總叫專心, 差兩份ppt 就within planing
聽日應該可以飛哂multimedia o既notes, 要開第二科啦, 捱多10日!!

尋日響ICQ 收到一個msg:

『傳說,在五月一日收到鈴蘭花的人是會有幸福之神來找他/她的哦~^^ ~~~by 4

__特別嗚謝 好友香水~!』

雖然, 尼個可能係multiple msg, 但係有心將尼個msg forward o既人, 都係有心人
好開心, 下莊(而家o既現莊) 個個都係有心人, 下年一定係一個好有感情o既choir
----------------------------------------------------------------------------------------------------------------------------
Raymond: 係咩? 同你提過?? 佢想但係無人知喎, 真係要白色就同我講, 置富仲有~

>>May 4, 2005 at 3:09:38 AM GMT+8

2005 年 4 月 30 日 星期六 【晴】

今日同阿爸去食lunch, 見到出面有個roadshow叫人開儲蓄戶口
問人有無一千萬, 無野啊?! 如果我有一千萬都唔入你銀行啦!!
再睇睇係咩銀行啦, 荷蘭銀行?! 尼間咪傳說中o既"ho land bank"??
如果真係有人開戶口, 又出支票戶口, 咁咪真係"ho land bank cheque"? 搵鬼開咩!!

溫書都係唔多掂, 不過總算專心左o的...好似好多同學都係咁...
唔通我地尼o的final year o既final sem exam 個個都係hea o既?! 我唔覺得係囉...
前一兩日我知原來我係七日考五科, 5th 考到12th. . . .都幾攞命
要收心兩個wk, 好快就咩都完......
--------------------------------------------------------------------------------------------------------------------------------
Daniel: 下?! 唔好咁大期望....我唔識flash 要請教你喎 ^^
駒仔: o個個concert 係DVD, .VOF format, 5.3GB喎
四: Glay....以前有, 睇完delete左lu, 你要我等閒同你搵下啦~~

>>May 2, 2005 at 6:22:39 AM GMT+8

2005 年 4 月 29 日 星期五 【晴】

原先諗住返教會溫書, 離開尼個魔鬼屋企, 應該會靜o的同專心o的
點知...仲衰...homan 響度睇clean, 又話打波, 又要團契, 都唔係溫左好多
太多魔鬼啦, 我又再一次被試探倒......

完左團契去左打波, 好鬼正, 好耐無打波lu~
唔知係咪餓左波好耐, 今日好得準, 好似無記錯係未輸過
仲要有一球clear guard tiger囉, 呵呵....tiger 185cm, 我得172, 哈哈~!!! ^^
但係比老姚成份撞過黎, 撞到我成個人跌落地, 我都分唔清邊一度痛, 好似度度都好痛咁
之後個頭暈暈地, 無同佢地食飯就返左屋企, hup左一次, 都無咩事

今日諗住食個中薯條做tea, 點知睇到choir下莊成日講o既M記手蠅手帶whatever 今個wk有藍色喎, 係我地莊o既顏色, 咁...就叫左個餐, 加多兩蚊雞換左條藍色啦 返屋企, 上網睇返, 真係笨.....原來藍色有好差多隻...起碼有5隻 好似條條多好靚....有機會要哂佢先^^所有顏色

>>May 2, 2005 at 6:11:23 AM GMT+8

2005 年 4 月 28 日 星期四 【晴】

底B....又係好唔專心溫書o既一日....
無拉拉比我搵到L'arc-en-ciel o既2003 tokyo dome o既concert, 咁梗係要睇啦
好鬼正, 聽返stay away, driver's blue, drive to blue 呢o的歌, 好energetic!!
尼一兩日都聽返好多日本band, 應該係Mr.Children, 聽返innocent world, 好有feel
仲有Kurumi o既MTV, 好有意思, J-rock 真係好特別, 香港band 真係唔知做咩...係做唔到o個個feel

part-time Business Management 今日打黎叫我5月5日去in, o個日要考試, 考EC2
第二日仲要考multimedia, 唉......本身都唔係好想....因為我覺得佢會收我, 因為錢....但我想再讀商科
不過點都好....當有個後著都好啊....最後都應承左......但我覺得自己會hea in, suit 都未必會著

今晚出左去灣仔同老姚開程序會, homan 放左我地飛機囉....唉.....主席.....
終於買左玉置浩二 隻鍱"今日というの日を生きていこう" 就當係我送比自己o既生日禮物
都想要好耐, 而家叫多少少錢, 補祝自己生日快樂, hehee ^^
但係隻鍱無我想像中咁好聽...唉......買鍱就係有咁o既風險......


再係咁...我考試會大炒, GPA 都會有新底...

>>May 2, 2005 at 5:27:43 AM GMT+8