2005 年 8 月 3 日 星期三 【晴】

教區o既camp, origin 終於完了~!!
我覺得今個camp 真係好有意義~~ 響個program 當中, 我聽多左好多聖公會o既野
好似係祟拜啦, 禮儀啦, 歷史........
不過我就唔係成日都集中到, 所以吸收到o既.....都唔算好多

最有用, 都係day 2 晚同大家傾計, 如果唔係聽到尼o的野, 我一直都有唔同o既諗法
尼一刻, 我覺得我個角色好重要, 我再一次感受到上帝要使用我~!!
主啊, 如果有用得著兒子o既地方, 請差遣~

同大頭芳, 娜姐同徐徐 睇左一個有o的搵笨o既日出, 都叫有一個難忘o既時刻啊 ^^

佢地今晚去睇讚美之泉, 希望佢地香港之旅可以得著更多!!

>>August 11, 2005 at 3:41:50 AM GMT+8

2005 年 7 月 31 日 星期日 【晴】

本身想一早陪阿ling 再去漫畫展睇野, 點知.....算啦 ^^
小便唱K, 再加homan 同mr.jer, homan 仲會走tim, 我.......都係唔join lu, hehee~~

下晝同阿ling 去左睇robert, ok 好睇喎~~ 好睇過madagascar 好多~!!

夜間就去左上最後一堂a cappella course, 話咁快就6個wk啦....
今堂都係口水野多, 講software 同 arrangement, 都okay 有用, 不過好多野我識, 所以有o的悶
唔緊要啦, 其實6個星期都學左唔少野o既 ^^

之後去左食飯, 又傾好多野, 大家都好似唔太想走咁, 可能......咁樣傾計o既機會唔係多~~
哈, 唔係o既, 實再會有機會o既 ^^

聽日又入camp啦, 好想真係玩返野勁o既~~


2005 年 07 月 31 日 星期日
落雨啊~~~ 比賽cancel, 又要改期lu~~ 唔知幾時先有時間再打呢?!
今日一早就去左翠華食早餐, 我九點二就到啦, 阿釗九點七先到....唔遲就奇啦~~
今日唱as a deer, 個arrangement 幾好聽, 幾正下!
午堂之後去左聽個新紀元 o既talk, 講玉, 瑜珈, 水晶.....尼o的似無野o既無型宗教思想
其實個topic 都ok o既, 不過......都好眼訓下, 而且個博士話尼o的新紀元宗教係o的中產人先會信
咁......我尼o的無產人唔洗驚啦, 有排都未論到我!!

聽完talk 就打左一陣波, 唉......好唔知點, 好似好多球都差好少咁....係球運?! 定係我自己唔穩定?!
唔理, 點都好, 我要打多o的, 打好o的, 集中好多做自己想做o既野!!

夜晚同cityu choir 佢地去食飯, 有而家現莊o既人, 我, raymond, erica, celia 同 candy
仲有兩位貴賓, 偉大o既粉皮kinsen 同 karen kwok
好開心karen 記得我, 而且仲開我之後點, 咁即係佢唔係只係記得我個名啦, 真係好開心~
佢叫我得閒返choir 幫手, 哈哈~~ 得閒真係無問題啊~ ^^


2005 年 07 月 30 日 星期六
今日一早就返左教會, 一早都講緊兩點幾~~
因為今日係變相怪camp o既re-u, 所以早o的返去撐下場
陳sir 做主持, 都係班返獎門人o既野, 都.....ok 好玩啦 ^^

之後撤母耳查經, 查雅各書第二章, 講到信心同行為o既問題.....
我覺得......大家都好應該聽下, 因為我團契好多人.......都扮有行為, 但其實好無信心
我就似係有信心, 但行為唔多夠o個隻......我地咁樣好鬼唔掂下.......

團契完左, 我地男人魅o既班底 (其實係201房o既人) 就去左點心皇食dinner
經蘭桂芳好熱鬧下, 原來今日係啤酒節, homan 比人tum到佢買左支budweiser
仲有個好奇怪o既杯, 就係尼個杯一罐budweiser 就要$30, 真係.....搵人笨 (好彩唔係我比錢^^)
食飯...又係得我地幾個, 講真, 我唔係想搞小圈子, 不過我地gathering 其他人唔join, 咁.....可以點?!
唉.....個心有o的亂, 想返屋企, 想hea下~~~ 又變返尼個心態......


2005 年 07 月 29 日 星期五
今日同阿ling 去左漫畫展, 原來今日第一日喎~~ 我都唔知tim~~
漫畫展真係比書展多好多人......而且年齡層勁唔同~~
仲有好多cosplay, 不過好多都唔靚, 我同阿ling 睇極都唔係睇到好多個得
成個hall 1 都係人, 而o個o的東立, 文化傳信, 天下........尼o的點都要排4~6條蛇餅
基本上係無可能睇到野, 排是旦一個都應該要一粒鐘以上先入到去, 都唔計睇
而我夜晚又要去學日文, 時間上唔係真係咁夠, 所以我地睇左一陣就走
sorry啊, 好似入左去咩都睇唔到咁, 我下星期一陪你一早去啦一係 ^^

夜晚學日文, 好悶.......由頭學真係.....好鬼無聊, 但為左小肥, 為左一個國際試, 悶o的都頂硬上啦
好快就唔悶咖啦 (希望)
---------------------------------------------------------------------------------------------------------------------------------
Youjeen: 大家咁話~!!
mi, 老姚, elaine, sarah: 多謝哂啊~~ ^^


2005 年 07 月 28 日 星期四
『Dun be so hea首部曲 之 執房篇』
無左healthy day, 好似有o的hea o既感覺, 入左APA, 真係唔想再咁hea
所以決定實行我想做左好耐o既野 --------執房
我間房真係好多垃圾, form 6~7 讀phy, applied, computer, asso 讀e-commerce, 而家讀音樂
之前o的notes, 書都唔知要定唔要好, 要又好似無咩大用, 唔要, 又好似.....想做返個reference 都無
結果, 都係留~~ 但係無咁多位, 所以都dum 左好係多野下~~
亦都將我部epson C41 dum左, 因為.....print 野o既quality 真係好差下......比返多o的位我放CD
執執下就成個下晝, 只係執左張書台同電腦台.......我覺得已經ok 好~~
其他野下次再執啦

之後返hk opera, 嗶.........high C sharp 囉.......我尼個second tenor 都要 high A 去 bland first tenor 囉....
唔好講笑, Turandot 真係好難唱下, 我覺得我好似越唱越depress 咁~~
我覺得我同其他人o既距離好似好係遠下~


2005 年 07 月 27 日 星期三
今日去左APA 交留位費$5000, 原來個balance 可以一次過比哂, 早知問阿爸一筆過啦
而家我又要比左$5000先 >.<~~
health check package......原來係要join 佢個package, 用o個份medical report 去complete 佢個condition....
好似比佢谷咁~!!

之後上左homan 度同老姚 + JJ 打牌, 其實我就幾係好運下, 不過都輸, 輸-96
一鋪上落only~~ 算啦, 其實都幾開心 ^^

夜晚camp 後分享會, money 同 蕙敏都有一個好好o既分享
我...唔係唔想做, 不過可能真係心o既問題, 我無諗過自己可以行多幾步......
或者我響自己心理上o既準備都真係唔夠, 所以........我更加唔想做前線工作~~~


2005 年 07 月 26 日 星期二
阿ling 舊曆生日快樂啊~~~

>>August 1, 2005 at 4:02:09 PM GMT+8

2005 年 7 月 24 日 星期日 【晴】

出camp lu~!!
雖然今次camp 同半年前大家希望o既camp 有好大出入, 不過都叫上左一課
知道我地仲有好多野要學下, 有排都未可以擔大棋下~!!

入左3日2夜, 無咩玩過o的咩, 最開心同深刻都係我地幾個麻甩佬o既男人魅時間啦~~
哈哈~ 估唔到其實大家都仲有咁多野講, 尼o的機會真係好難得!!
好唔開心男人魅part 2 後半我訓左啊!! 聽唔哂老姚o的野, 哎呀.........>.<
都係個場地衰, 要我地做咁多野, 整攰我!! 哼~!!

因為今次個camp, 我地教會又添置左一套amp + speaker, 我地叫佢做"怪獸"
同怪獸搏鬥真係好辛苦, 但係佢又好鬼勁, 所以我地要借架法拉利serve佢先得, hehee~~

再一次感覺到保羅堂好有錢, 而且好似太富裕了......

過左3日2夜, 我地又熟了, 大家都是好兄弟, 而兄弟已經唔再係3個人了~~
希望好快, 成個團契都會好似我地咁熟落~~~

>>July 27, 2005 at 5:36:21 AM GMT+8

2005 年 7 月 22 日 星期五 【晴】

入camp 啦~!! 有咩打比我啦

>>July 22, 2005 at 6:22:54 PM GMT+8

2005 年 7 月 21 日 星期四 【綿綿細雨】

勁開心, 今日收到APA 的信, 比左個offer我, 係一個bachelor offer
初時諗就算有offer 都只會係dip 2, 因為個department head 問我讀唔讀dip 2
而家有(hon)bachelor degree o既 offer, 真係開心到跳起~!!
成世人都好似未試過咁開心, 真係好有安排~~~~~~
當我見到APA o既信o個陣, 我真係有o的驚, 唔想拆住......
之後我祈禱, 我同神講, 一切都係佢o既安排, 希望佢安排最好的比我, 果然....係最好的~!!
大佬真係marvelous啊!!

今日行書展, 我真係......一個文化荒......就算見到我一直好鐘意睇o既張小嫻我都唔太感興趣了
我真係要好好整頓自己, 慢慢練返o的睇字o既耐性先得~~

多謝ling 陪左我一晚, 不過我唱唔好隻歌, 出camp 再錄啦, 唔好mix 住啊~~~

kinsen 話佢會間佢studio多一個錄音室, maybe 遲o的搵我幫佢做野, 勁開心囉, 哈哈~!!
係咖啦, 照住我至好啊~!!

太開心啦真係, 不過........最要多謝o既, 係大佬, 衷心感謝主!!


2005 年 07 月 21 日 星期四
本來今日去書展, 不過阿ling 話唔夠行, 因為我七點要去hk opera, 所以聽日先去

今日唱hk opera........act II o的歌好散下, 得閒一句半句, 好難跟下......

今日識左個讀緊physics master o既 Rapheal, 佢話差唔記得幾多萬字就grad 得, 勁.....
佢同一個叫阿茄 o既frist tenor 都唱得好勁, 要多多同佢地學下野先得~~!!
佢地亦介紹多一個阿bell 我識, 太好了, 又識多左3個人, 係一個好開始 ^^

2005 年 07 月 20 日 星期三
聽日係兄弟homan o既生日, 我地預早同佢慶祝, 因為聽日佢要比一個重要人
我地就12點幾去左neway 唱K, o的牛展勁好食啊, 可惜得好少...>.<
唱得兩個鐘多o的, 真係唔係好夠下~~~~~ 好想再唱多o的
原來5個人輪住唱勁歌金曲都幾好玩, 點解我要唱"太陽星辰....." 得一句仔.........

之後去左食勁抵魚生, 不過我就唔食的, 唔多好, 就咁睇都真係好鬼底!!

食完homan 同敏婷就去左睇書展, 我同jerjer + 老姚去左dum骨
都係佢兩個only, 我就無錢, only 上去訓左一個鐘~~~
meet埋阿輝, 等佢兩個睇完書展, 我地就上homan 屋企打牌啦~~~
今日手氣好好, 不過運氣就唔多好, 好多好多次叫糊都輸自摸, 仲要有一鋪出左比老姚o既不求人
真係黑到爆......似係位o既問題, 因為就算man ting 打都係咁, 算.......好快又返返黎
之後就食左九番lu, hehee~~~ 都係玩下姐, 我都無咩所謂~~ 最緊要大家開心, 一餐早餐我比到 ^^

Homan, 生日快樂啊~!!


2005 年 07 月 19 日 星期二
無左healthy day, 真係好唔慣....
結果出左去剪頭髮, 剪左個潮頭, 真係幾係潮下, 潮到我覺得自己細個左好多下咁~~~

夜晚去左跟劉燁學營歌隻舞.......
嘩.......原來無跟底真係食哂屎咁, 我覺得自己只係郁得o岩, 不過一o的美感都無
只可以叫做郁動身體, 同跳舞有一段好遠o既距離下~!! 真係想學下

學完就去左CWB meet 返朱sir 佢地, 點知朱sir 已經要走啦, 都係我衰, 遲左 >.<
之後同dickson 佢地去左杏花樓食糖水, 個個都好似有哂offer 咁, 大家都好忙
係我咁得閒, 有o的唔知點咁......

>>July 22, 2005 at 6:17:04 PM GMT+8

2005 年 7 月 17 日 星期日 【酷熱】

今日去游水, 我用我過左期o既學生証都過到骨, 仲係比$9
唔知仲過到幾多次呢?!
一粒鐘勁游, 先游到廿個塘, 雖然仲有好多力好多氣咖, 不過要上堂, 都係唔游lu~

夜晚同elaine 上a cappella course, 見到阿輝放工, 傻下傻下咁, 哈哈~~
今日上course, 出去唱歌仔囉, 仲要攞咪, 我覺得唱得嘛嘛地即......個肥佬唱BASS 好勁!!
之後馮東play GEI SINGER 去o的中學o既片比我地睇, 嘩.....比我見到蕭建輝喎?! 尼個世界真係細
我記得中學同佢夾band o個陣佢有問過我入唔入o的唔知咩, 我都唔多記得
唔知係唔係就係GEI SINGER 呢??



其實我而家想做o的咩呢?!


2005 年 07 月 17 日 星期日
今日同主誕堂打友賽, 我地贏十八分, 幾勁下!!
好多人都好fit, 打得好好, 不過唔包括我
我都唔知, 唔叫打得唔好, 不過......真係好無火, 好安守本份o個隻
攻左一兩球波, 攻唔到, 就唔鬼攻咁囉......總之就唔知自己想點啦, 無火真係打唔到好波!!


2005 年 07 月 16 日 星期六
今日同老姚去左搵中環新天道, 大左好多下~!!
原來讚美之泉第十輯仲未出, 又比老姚fake左我 >.<"

團契請左wilson 講投資, 都有佢道理o既
而且有好多野同老爸講o既野好似, 搵到錢唔好亂洗, 用錢搵錢先可以搵大錢
同錢搵返黎o既錢攞去洗會好o的...........真係?! 我未去到尼個竟界囉!!

之後開福音營o既工作人員大會, 阿雪同edwin 都無黎, 話唔知
我覺得係無可能唔知, 不過佢地話唔知, 咁我就唔知佢地知定唔知, 我都唔想再理佢地!
再聽到edwin 將所有野比左B女搞, 咩都唔做o既時間, 我就火都黎........
咩人黎咖?! 有無責任心咖?!

開完會, 食完dinner, 我同homan, 老姚同阿Ann 打左個快牌, 都真係ok快
之後原來無車座, 唔知做咩無左香港仔華富o既紅VAN?! 我就行左去西營盤等970X
結果又差不多兩點先返屋企, 聽日多數唔返詩班啦......


2005 年 07 月 15 日 星期五
今日同阿ling 去左睇"荒失失奇兵"(Madagascar)
dreamworks o既production, graphics 一定無得頂啦, 不過個故事就....我覺得好麻麻
都幾係爛尾下!!
今日買飛, 個買飛o既人睇得我張學生証好仔細下, 原來......我張student card 過左今日就expire
唉.......今日先後我就再無平戲睇, 想睇平戲就要早場啦, 一係就數碼港啦唯有
唔經唔覺, 我就hea左兩個月, 我........已經唔再係一個學生!


2005 年 07 月 14 日 星期四
今晚練HK opera 就好少少啦, 因為我有prepare過下個score
o的音.....都叫可以啦, 點知......今次已經唱意大利文........
唔好講笑, 我都未睇得清個o的併音, 就已經第二版, 唔係第二行, 係第二版
但係又唔係死哂喎, 好x多人唱到咖啵......係咪真係咁勁啊?!
睇黎要再多o的時間pre 下個score先得, 仲有......搵人教下我意大利文~~

完左rehersal, 我同TY 同幾個opera o既人去食dinner, 我到而家都唔係好記得佢地o的名
而且都唔係講到好多句野, 好似有o的gap 咁......佢地都有返咁上下大......
希望再多幾次會好o的啦!!

原來HK opera 好多HK Youth choir o既人, 響香港識唱歌o既人真係唔多, 來來去去都會係o個o的~~

>>July 18, 2005 at 2:47:52 PM GMT+8

2005 年 7 月 12 日 星期二 【晴】

今日本來想做好多野, 點知...都係一個晏覺就訓哂o的時間
我好似hea左好多下~~~

夜晚返保羅堂練波, 今晚叫打得okay啦, 集中左好多
集中defence多, 攻波都仲有待改變, 但有少少起色咖啦~~
之後同大頭芳同瑪利亞堂o既Lily 去左翠華食野, 仲見到肥力同may
翠華尼o的都唔知咩鬼地方, 咁鬼多人o既~~

聽日無healthy day, 有o的...唔知點, 好想打
既然無波打, 就睇下去唔去游水啦~
聽日仲要read 多o的turandot 份score先得~!!


2005 年 07 月 12 日 星期二
今日healthy day, 嘩......完全覺得自己.....唔係路!!
明明仲好有力, 下下射波都大力左傻.......無左距離感
唔理......而家要練快射, 先係練快, 再練準!!
無咩火........唔理........定左目標, 慢慢求進步

今日又游唔到水, 真係難為左johnjohn 黎到, really sor!
我都好想游, 不過真係打晏左, 下次真係要再打早o的先得~~

夜晚開會, 唔好講笑........一o的心情都無, 唔知係咪中暑, 個頭勁爆痛
homan 同我都一樣, 我地食左panadol 都係咁, 真係唔知做咩?!
camp.....已經唔太想理, 因為......佢地好煩~~ 想點就點啦, 我會做野, 不過....唔會再有o的咩特別建議
唔係放棄, 但係唔灰就呃人o既~~~


2005 年 07 月 11 日 星期一
今晚去左我入HK opera o既第一次rehersal, 第一次就遲左10mins, 真係.....>.<
我都唔想咖, 我下次會早個半鐘出門口, 我屋企....真係去邊都咁耐...

入到去, 個氣氛真係好唔同, 開聲都勁好多, 用major switch minor o既chord 做開聲practice
老實講, 我都幾係有困難, minor chord 我勁唔熟囉...
之後唱score, 嘩......勁多8分16分32分音囉, 仲有好多dotted o既音, 仲有好多complicated o既3連音..
真係好難跟下, 不過.....好快就跟到, 因為我周圍o個o的都唔係人黎.....個個都識唱
識唱都唔叫勁, 當佢之前read過啦, or 真係睇得咁快啦 (sharp, flat natural 都攞到....)
但係下下高音都勁容易唱到囉, "first tenor please sustain your high A".......嘩........
話sustain, 真係話咁易就上到, 痴線咖!!
仲有, first soprano.......C sharp 囉.......有無病啊.........
我唱左6年church choir, 2年cityu choir, 中學choir........都未試過有咁大壓迫感!!
佢地真係應該受薪的, 而我......真係自愧不如~~
我要比多o的心機, 追下人地先......遲o的仲要做戲, 唱都有困難就唔得掂~~

HK opera 見到肥力(felix), 仲有co-ed o既TY, 好耐無見啦~~
好似有5~6年, um......佢lady 左, 長左頭髮, law graduate
我.....仲係一個左fing右fing o既一個傻仔, 哈.....

佢搞a cappella group, 希望佢成功啦~!!

今日我就無左百幾蚊a cappella course o既錢啊 >.<

>>July 13, 2005 at 6:34:15 PM GMT+8

2005 年 7 月 9 日 星期六 【晴】

一朝早就返詩班, sorry老姚啦, 我忘記左, 累你遲到
今日又係話tenor, 今次真係覺得唔關自己事, 因為......我無咩出聲
下星期六......真係有o的mun.......好矛盾下!!

之後去左Ozone 做camp T, 唉.....都唔firm 22th 前可以搞得掂
老闆娘已經好好人, 唔收我地訂住......唉......真係煩到人

之後返保羅堂練波, 打得唔多好, 得分少, turnover 多, rebound 都還可以......
覺得自己.....打唔起, 因為好似無咩火咁.......就連拗交o既火都無.......有心事?! 係呱...
總之上唔到力啦, 都唔知想點......我要打返好o的, 最起碼, 都要有進步!!
目標: 改善上籃穩定性!!
今日打左3個鐘多o的, 暗抽兩次筋; 大抽一次, 之後都唔敢咁出力, 好似好耐無賣老抽

夜晚同媽媽食飯, 因為今日係媽媽生日, 生日快樂啊~!!
大小肥同我陪佢去食pizza hut, 唔係o的咩好野, 但起碼有得座
因為佢要陪維維表演而走來走去, 勁辛苦.......
食完飯, 我地幾個等維維唱完個concert 先有得走, 11點幾先響TST返屋企, 慘, 媽媽仲慘!!
仲要買左好多shusi 比大小肥食, 仲有湯, 不過今日太夜, 聽日落黎飲啦!!


一路順風~~!!


2005 年 07 月 09 日 星期六
福音營, 一pat野.......
唔開心, 一開始無人聽我講野, 而家......真係變左我地夏令營
成個事工o既意義都唔同哂......
我會撐落去, 不過......我唔會再有o的咩期望, 太多失望比我啦, 青年日我都唔會留晚會
我要好好諗下有o的咩係應該做!!

今日wilson 帶團契, 都ok o既, 唔講得勁有用, 但都學到o的野o既, 應該下星期會好o的~~~
我o既夢想: 可以幫到人, 包括自己; 唔好比機會自己後悔
真係得咁多????? 都係o個個諗法, 唔敢諗太多似o的.....

wow~~ Tracy 同攣毛Cal 上蘋果喎, 係cityu community college o既adv, 咁都得.......
勁啊, 咁多相都揀到你地o個張 ^^


2005 年 07 月 08 日 星期五
今日同小肥出左去報日文, 大家齊齊由頭學起, 希望學好o的
打後o既日子都會係幾忙下, 真係要整頓自己先得~!!

之後去左幫嘉欣傳話, 嚇親個sales~~ ^^

今日係A-level 放榜, church 有 joyce, 偉恩同匡善考, 佢地3個都考得唔錯, 應該都問題不大
而大肥都係, 佢就考得都ok 啦, 係stat 炒左, 中文有B, 都ok o既.....應該有大學讀, 應該好過我
(係我自己屎姐.......)

APA.......

>>July 10, 2005 at 7:01:10 PM GMT+8

2005 年 7 月 4 日 星期一 【晴】

今日healthy day, yeah~!! 好好太陽囉
今日打波, 都打得幾好, 好集中, 阿輝勁準......我要再打好o的
游水o個陣, 個頭好暈, 唔知係咪曬親.........
之後就到頭痛, 真係......有可能真係作病~~

今晚打牌, 輸二百幾, 唉......真係事到喊!!

每日返屋企都好期待個信箱會有APA o既信, 唔知幾時有result呢?!

2005 年 07 月 04 日 星期一
一個人去左游水, 游左一個鐘, 訓左大半個鐘, 好開心下 ^^

之後去上a cappella course, 今日學o的識o既歌, 好鬼正!!
最有用係學扮鼓, 尼個真係唔係人人識 ^^ 越來越鐘意上尼個course~
可以的話, 我唔多想走堂 >.<

原來馮東同趙慧 (兩個instructor) 係gay singer o既member, 好勁啊!!


2005 年 07 月 03 日 星期日
今日做左午堂音響, 好老土.....
佢地又唔比我做, 又無人做, 結果都係我做.......大教會......

之後佢地個個都要去主日學結業 o的program
我就去左買讚美之泉飛, 本身係一早去買, 點知十點先開門, 我就返左church 之後先再買
只係過左幾個鐘, 就無左最尾兩日o既$65 飛, 真係勁~!! 我就唔信ACM 有咁勁啦!
我一買就買左40張飛, 係一個人o既upper limit, 勁啊!! 好期待今年佢地o既新鍱

今日鼓起左勇氣打左比小彤, 唔係想講o的咩特別野, 只係想交代返之前搵佢o既野
同埋想話比佢知我地團契o既一o的potential 問題, 希望佢地唔會係咁
........點知, 好似佢都唔太想聽我電話, 唔知係唔係我get左~ 算啦, 無第二次!

夜晚去grad din, 真係好唔抵, $350.....野食好唔掂, service 叫ok啦
抽獎野......都可以o既, 不過我prefer 收到現金卷多o的
就係咁, cityu ECWT o既 grad din 就咁完左, 食完個grad din, 我發覺.......自己兩年黎真係同o的同學唔多熟
響Cityu 可以留底o既, 真係要數choir!!


2005 年 07 月 02 日 星期六
今日阿ling 個細家姐, 阿萍, 個台灣男朋友仔上去食飯
尼o的咁尷尬o既情況, 佢媽媽竟然叫我上去食, 但係我要開會, 所以唔得
點知之後到佢爸爸叫我上去食, 我.......唔係唔想囉, 不過......真係有野做, 行唔開
我都好想睇下個男仔係點~~

點知.....夜晚開會, 勁多人遲到.......初時有o的唔開心, 大家好似唔多在意咁
好在蕙敏同和尚都好認真咁report比我聽佢地o既process, 咁個感覺就好好多 ^^

今日同Thomas 講過下件事, ..... 同佢講, 因為佢係唯一一個唔多知佢係邊個o既人
我唔知佢想唔想其他人知住.....
同Thomas 傾完, 好左o的.....大家對信仰 同教會真係有唔同o既要求, 希望.....係好事~~

>>July 5, 2005 at 6:09:27 PM GMT+8

2005 年 6 月 30 日 星期四 【綿綿細雨】

估唔到, 一直o既關心都係...多餘
所謂關心, 只係多心........可以做o的咩?? 我唔知
淨係覺得自己好底B...

你要走, 無問題, 我亦曾有這想法, 但我選擇堅持
最不快, 係你用一個咁o既方法去整理自己
識左咁耐, 估唔到我會受到一個咁o既對待!

一切亦唔重要, 你已經決定, 我會支持你的
但......我不曉得再可以怎樣, 我不想再受同樣的對待~
知道事實, 真的很難受, 腦海出現很多很多問題......我不想去求證, 因為.......我害怕答案

訓左12個鐘, 下晝照訓多5個鐘, 可以的話, 我想訓多o的, 唔想再諗尼件事!


2005 年 06 月 30 日 星期四
天氣好差, 勁落雨
咩都唔想做, 唔想郁, 唔想執野, 唔想出街..........

>>July 1, 2005 at 8:11:14 PM GMT+8