2006 年 5 月 18 日 星期四 【晴】

對唔住啊, 我遲到, 仲遲成個鐘添, 要您等啦
恭喜您啊, 您有工返啦, 仲響華潤大廈添, 而家我地好近啦, 可以搵您食飯, 更可以接您放工
希望我地之前拉遠了的距離也可以慢慢拉近吧!!

尋晚您話唔想出街, 感覺話我知係關我事的!! 又可以陪您更多的時間, 好開心 ^^
從來對油手指甲都係一竅不通的, 但今日可以幫您油指甲, 卻又覺得好幸福快樂
原來我地真係好耐無過o的咁有情趣o既生活, 都係我o既錯, 我應該放多點時間比我地o既關係!!
油極都唔靚唔好睇, 希望您會keep住佢耐o的, or 下一次都叫我幫你油啦~~
可以做到任何事令您開心快樂的, 我都會願意做的!!


夜晚見到您一直都訓得唔好, 真係好擔心 >.<
究竟係身體唔舒服, 定係個心有地方唔舒服?! 我好想知, 我想同您分擔...
但我無用, 只可以響床邊照顧您...

今日您第一日返工, 都順利嘛?! 單向SMS 真係叫人不好受, 特別係諗到您對佢的短訊那麼著緊時......
不打緊吧, 可以同您食lunch, 可以接您返工, 都好滿足!!
原來返學好攰好辛苦之後可以見到您係咁開心同咁relax的, 點解一直我都唔表達自己呢?!

今天您累了, 好好睡一覺吧, 尼幾日您都訓得唔多好, 如果疲勞可以令您好好休息的話 亦都係好事!!
我唔係迫您講o的咩, 只係想知道多一點您o既野, 特別係您o既感覺, 因為我從前太疏忽了!

開始有排山倒海o既工作同功課要做要完成, 好想您可以陪我一一擊破~
可以嘛?!

>>May 19, 2006 at 7:45:57 PM GMT+8

2006 年 5 月 17 日 星期三 【晴】

終於我都跟您說了!!
雖然您口講無事, 但從您尼幾日的一舉一動, 都叫我擔心非常
我覺得係關佢事, 但我又唔知可以點... 佢對您唔好? 定係佢蝦您啊?!

我所講的一切一切, 都係想您知我想同您分擔, 唔想您一個人去心煩
選擇, 的確係您自己的事, 但您o既唔開心, 您o既壓力, 您o既一切不快, 我都希望可以同您分擔
可以的話, 開聲跟我說您內心的感受, 好嘛?? 我求您, 不要獨自承受!!

好開心看到您肯定的點頭話您依然愛我!
您做o既一切, 我未必一一都知道, 但我感受到的~~
您對我的關心, 擔心, 您為我付出的時間, 為我特意的化妝........我都知道, 而且好感動!!
知道您還愛我, 叫我更加要堅持!! 我知我尼個選擇會好辛苦, 會好難受
但我唔介意, 亦唔怕!! 我深信我倆依然深愛大家的話, 咩問題都可以解決的
為左您, 為左可以照顧您, 為左可以將幸福都比您, 我會堅持, 我會等您
唔好問我點解, 我都唔知......我只知, 我真的很愛您!!

>>May 19, 2006 at 6:48:40 PM GMT+8

2006 年 5 月 16 日 星期二 【驟雨】

再一次失望......我真係好想同您睇卡門的, 好不容易先搵到人可以比open dress o既飛比我
但......我可以點?! 響一個佢咁需求您o既時候, 我做唔出咁殘忍!!
如果佢要您留底, 唔通您真的可以輕鬆抽身?! 請原諒我, 我只係唔想您難做!!

腦海裏有好多矛盾o既問題......我.......又可以點...?!

傷心失望之極也好...起碼我都叫同你分擔過尼件事
如果正如您所講, 您早一點去, 然後我地看卡門, 那就只有您一人默默承受當中不快
尼件事太多變數啦, 要您一個去面對, 我更加做唔出...
就讓我忍痛將件事簡單化吧!!
--------------------------------------------------------------------------------------------------------------------------------
我如舊一直都係訓唔著, 整晚一直想您, 更想您的說話......
「唔講了, 唔想煩....」「但其實我想睇.....」我單方面o既決定又令您難受嘛?!
但我已經決定左, 又可以點??? 唯有盡一盡力啦.....

結果我搵左carol, elaine 仲有無飛, 亦希望叫HK Opera o既stephane幫我keep住張飛
再響Brian 門口等左佢好耐, 都係想搵到多一張飛.....
太好了, 兩張飛終於比我集齊了, 如果您可以抽身的話, 我就可以達成您想睇卡門的心願了

之後我去了殯儀館門口, 一直等, 一直等, 我控制自己不了, 即使睇唔睇卡門都好, 您去左一個陌生o既地方, 我都係好擔心您
如果您真係要一個人返屋企, 起碼一出門口我就可以接您, 不叫您獨自回家
我同自己講, 如果您七點半出到黎, 我地就當有bonus 可以睇卡門
遲過七點半也沒辦法, 起碼我都已經盡過了力~~
然後可以做的, 就只有等, 正如我而家可以做的, 都只係等您的一個重要決定
我既然已經同您講左唔睇, 我就唔會因為搵到飛叫您睇的
「我已經搵到卡門飛, 我響殯儀館門口等您...」尼個短訊最後都係無send到......
我知道尼個短訊一定會令您不知所措, 或要您難做, 或.........我做唔出, 太殘忍了
還是默默地等吧~~

結果實在太好了!! 雖然卡門同想像中有o既出入, 唔係真係咁好睇, 但我又可以達成到您一個願意
可以令您開心, 一齊疲累同心機都已經無所謂!!

>>May 19, 2006 at 7:10:17 PM GMT+8

2006 年 5 月 15 日 星期一 【晴】

電話傳來他的聲音......"邊個?" "邊個黎啊?".......
係咪我打錯比您?? 要您難做了...
o個一刻, 我覺得佢好煩, 我有o的後悔當日無上前打佢, 我覺得佢都唔係我想像中咁錫您


今日響學校受o既氣, 真係講都講唔哂, 我已經唔止一次一個人出左去座.....
一來我想個電話可以收到, 收到您o既sms or 電話, 二來我想靜下, 可惜從來都未靜到過......

心裏很不快, 原本今晚我地約好過的.......
卻......


食壽司?! 睇黎咩都只係我諗, 其實您地都好開心下~~

>>May 16, 2006 at 7:08:04 PM GMT+8

2006 年 5 月 14 日 星期日 【微冷】

今日您最後一日考試啦, 本來您話會去玩的, 結果返屋企訓覺
感覺話我知係關我事的, 但我唔肯定, 點都好......都係開心的~~
心想送您返去, 但預期中的結果, 預期中的失望!!

結果今晚就幫boolu 燒碟, 都無過去art centre幫candog手...

又再一次唔想返屋企, 真係好失望...
我地唔係約好左吧?! Albert 老師叫我去幫手recording我都推了...
我地之間o既承諾唔通就係咁兒戲?!
問題又開始一條一條由心裏不斷浮現......
我故作輕鬆, 希望不會令您難受彧不知所以, 其實自己也很難過~~
唔係打風咩? 可以將我腦內o既一切都吹走吧?!

我有好多野想同您講...唔知會唔會有尼個機會, 唔知我有無尼個勇氣, 唔知.......

>>May 15, 2006 at 7:45:46 PM GMT+8

2006 年 5 月 13 日 星期六 【晴】

終於都搵到啫喱糖啦!! 真係好開心~~
十萬個多謝易妙蘭, 好在你公司曾經訂過, 唔係我都唔知搵到幾時
去到一個完全陌生o既地方, 有o的虛......但當問到有啫喱糖賣o既時候, 真係滿心喜悅!

我再一次推左我可以做o既第一次街show, 係有錢的街show~
如果經驗同您, 我一定會揀您, 因為我唔怕失去經驗, 但我怕失去您
可以做的唔多, 只有將工作都推開, 將一切都推開, 可以的話, 將有的時間都留給您!!

希望您鐘意我o既小小心意啦, 前晚您訓得唔好, 尋晚您卻訓到下晝3點多
感覺話我知您有事, 雖然您口話無...
點都好, 可以的話, 我都會陪伴您, 就算人唔響度, 都有有我汗水的啫喱糖陪您
希望您可以好快無事啦!!
見到您開心o既樣子, 身體幾攰幾唔舒服都頓時無事, 好開心今次出o既力真係令您開心!!


聽日您最後一科考試啦, 要比心機啊!! 之後又會去玩嘛?!
我知我控制不了, 希望您萬事都小心, 唔好太夜返屋企~~ 我會好擔心您!!

>>May 14, 2006 at 7:41:07 PM GMT+8

2006 年 5 月 12 日 星期五 【微冷】

好不容易返到屋企了...
我真係好想聽下您把聲...好想打比您, 但您出左咁耐街, 一定好攰......
我寧願您訓一覺好的, 尋晚您訓得唔好, 好擔心!

本身今晚您係同我睇"我愛你, 你咪理, 死未", 但你要考試, 沒辦法吧...
想唔到無得睇舞台劇, 就無左一晚可以見您o既機會, 而您更好夜先返到屋企
真係好擔心您, 掛住您, 但我可以做的.....只有等
SMS往往都係單向的, 電話還好, 但無電...... 搵唔到您o既感覺真係好徬徨, 即使我明知已別有人伴隨您...
我唯有等... 唔想返屋企, 因為只要我仲響街, 您有咩事, 我都仲可以短時間出現您面前~

當知道您已經安全返到屋企, 心裏雖然不快, 但也鬆了一口氣
起碼您真係無事!!

但之後, 我就無動力再做任何野, 只想飲, 唯有咁.....我先可以有機會訓到覺

好多謝您, 多謝您依然緊張關心我, 知道這些都已經很開心了~

>>May 13, 2006 at 9:06:47 PM GMT+8

2006 年 5 月 10 日 星期三 【晴】

推左眾多事務, 都係想陪您, 但係......唔係話我想陪就陪......
想您陪我, 就更加難開口...... 到真係有尼個勇氣o既時候, 電話已經無電了.....
"第二晚一齊食飯好嘛?!" ......................我身不由己!!

讀書其實辛苦極有限......上個sem 幾辛苦都好我都頂得住
但而家好容易我就氣餒, 成日問自己咁辛苦做咩?!

一個人響街, 座響公園......好多好多好多o既問題響我腦內出現
我好想hea下靜下, 唔係環境o既靜, 我個心好想真正靜下~


.............其實我唔係嬲您返學, 只係您返親學我都諗好多野.........我控制不了~~

>>May 12, 2006 at 4:23:37 AM GMT+8

2006 年 5 月 8 日 星期一 【晴】

唉...我話陪您, 您話要訓覺, 結果就同您o既同學去唱K......
諗住搵到者喱糖都可以見下您啊, 結果都係搵唔到, 就算問到邊度有都無用.....
您要去您嬚嬚度食飯........哈........就好似個天同我講: "你收皮啦!"

嬲? 我又反問自己可以嬲o的咩? 有咩資格嬲? 我係邊個?
一定要我陪咩? 所有野都只係我一廂情願.......究竟......您想點? 您有咩決定? 我可以知嗎??

我隻眼紅到個個都問......眼都淨唔大.......我都唔敢出聲, 我唔知會有o的咩回應~
可以點?! 咩都唔做?! 我都想 想做咩就做咩.....但我而家係想做咩都做唔到.....

趕頭趕命咁趕返屋企, 希望同佢地食個飯, 點知個個都食哂.....
我最憎就係一個人食飯, 偏偏我突登趕返屋企自己同自己食飯
wholly fucking shit!!

係咪我做錯o的咩, 樣樣野都唔順利, 突登返學又無野做, 無人理, 遲o的又要趕工
推左眾多工作騰空時間想陪您, 結果都係自己一個人...就連食飯都要一個人
我係咪真係咁差?! 要咁樣折磨我~~

再係咁, 我會撐唔住......

>>May 9, 2006 at 6:08:13 PM GMT+8

2006 年 5 月 5 日 星期五 【晴】

其實您嬲我睇您o的野, 定係嬲我睇到您o的野?!
而其實.....我真係好想知下, 但我好又驚知......


一直我都唔想響您面前表露脆弱一面, 因為我想堅強, 堅強到可以保護您, 為您護蔭~
但........我已經開始做唔到......!


我知我要撐, 我亦願意撐落去, 但尼一切...極需要您o既支持
究竟..............您的想法, 我可以知嘛?!

>>May 6, 2006 at 8:18:22 PM GMT+8