2006 年 2 月 13 日 星期一 【晴】

今日係情人節, 成日都好似無咩心機上堂咁, 可以因為預備左咁多野, 都想快o的可以enjoy下~~
可能讀左sound都係always in black, 好少著得好好睇睇, 今日個個見到我都話唔同
其實大家都有唔同啦, 又會only話我一個o既~~~

本身要上christopher堂到1800, 但我話要早o的走, 因為訂左富豪酒店自助餐
6點去到銅鑼灣, 不過阿ling 成六點十先黎到, 都無所謂啦, 好過七點十先黎到
o的野真係幾好食下, 又多野成, 又成日refuel, desert又多, 仲有鮮波羅, my favourite!!!
食得幾係急下, 但都叫飽, 咁就幾百蚊無左啦


之後去左睇戲, 睇韓劇"真的愛你", 無想象中咁好睇, 都係o的會令係想喊同諗好多野o既戲
不過o的結局都唔係咁好, 好似唔太o岩情人節睇.......但無第二套更好

睇完戲就返屋企lu, um.......其實我唔介意一份hea o既禮物, or even 唔送都無問題
不過態度都hea就真係難受o的, 唉......但又可以點?!

>>February 22, 2006 at 2:29:27 PM GMT+8

2006 年 2 月 12 日 星期日 【晴】

今日sem 2 day 1 返學, 都係咁啦, 有o的唔慣, 好眼訓咁啦.....
可能太耐無早起身啦, 真係好辛苦 >.<

今日上albert 堂, 都幾唔錯, 學o既野好似無sem 1 咁難掌握, 自己有o的信心做得黎
frankie 老師都係無返, 好似話去左遠遊, 所以我地music appreciation II 早左上
亦都係咁, 早左放得學啦

之後我地幾個去左食lunch/tea, 然後陪boolu 去買情人節禮物比sheeta
唉.....人地幾型, 買i.pod movie比女朋友, 幾屈機........如果佢鐘意男人, 我都想做佢女朋友

返左屋企, 食完飯洗完碗就昏迷到第二朝lu~~~


2006 年 02 月 11~12 日 星期六, 日
一連兩日o既教育展就咁就完左啦, 我尼兩日就幫天麟教育做helper
負責一間叫Canterbury christ church university 做介紹, U 代表叫Susan, 係一個好nice o既人
好就好在佢唔識聽廣東話, 一o的都唔識聽, 所以, 呵呵, 我勁趕客佢都唔知
就因為我夠中肯同老實, 趕客都無所謂, 所以o的客就鐘意問我野, 而響Susan 眼中我係一個ok做得野o既人啦
個exhibition當中仲見到好多人, 好似馬太阿邦啦, a cappella eric啦, 隔離屋uncle auntie啦
cityu ECWT program leader CN Lo啦, 最特別就係Kenfair 識o既vancy, 尼個世界真係細!!

完左兩日show, 最辛苦都係closing, 要搬返o的野返公司, 真係好攞命, 不過$60 一個鐘, 咩都抵啦
最抵都係做完野之後一大家一齊去食鏞記, 我咁大個仔都未食過鏞記, 估唔到真係咁貴
但係......都真係幾好食, 特別係鵝啦當然!! 真係叫多o的都食得落!!
我地6個人, 加埋食左千幾蚊, 真係估你唔到, 好在係公司比錢請, 我地先會食到咁大, 呵呵
真係多得homan o既好介紹, 有賺得多, 又食得好, 待遇都好好tim ^^

賺左o的錢, 應該夠比情人節o既巨款, 咁諗有o的消極, 但都好過欠卡數~~


2006 年 02 月 10 日 星期五
今日終於都搞掂好情人節o既自助餐 同 禮物, 係就係例牌左o的, 但都叫plan過啦
希望佢會鐘意, 呵呵呵!!

>>February 14, 2006 at 5:32:02 PM GMT+8

2006 年 2 月 8 日 星期三 【微冷】

執房工程終於完畢啦, 叫做執左八九成啦, 仲有o的要花多o的時間諗下整理下先執到
總算係達成左我目標, 有返張台同, 仲多左好多位, o的野亦有條理左好多
希望我唔會好快就將佢打回原狀啦~~


執完房睇左少少Derby o的info 之後, 就成日搵自助餐o的野啦
唉.....好多buffet 都好鬼貴.....我又唔多熟邊o的好邊o的唔好, 真係煩....
好似豬頭佢地咁就好啦, 睇個concert 已經一晚
而家有左target, 希望聽日打去訂到位啦!!

有o的擔心星期六日個exhibition, Derby 都幾多科可以apply, 我應該記唔到哂.....
要搵個方法盡記下先得!!!

>>February 9, 2006 at 4:15:42 PM GMT+8

2006 年 2 月 7 日 星期二 【微冷】

今日係咁執房, 見到好多好多photo, 我都影幾多相, 但係好多都唔係好執
所以搞到好亂咁......好多相都好搞笑, 以前我都好似幾開心下~~
好多相都係我未買DC 前借人機影的, 反而買左DC之後少左影自己o既相
得閒要多o的影返自己先得, hehee~~

間房就黎執好哂啦, 多返好多位, 咁先似一個做野o既地方, 新年第一個目標叫做達到啦~~

今日陳sir 話半價賣星期五晚o既白蛇新傳比我, 唉......但我又唔得閒, 真係唔開心
第二日都好啊, 哎呀.......衰氣未清咁tim!

自助餐.......究竟邊度食自助餐ok抵又好食咖?!

>>February 9, 2006 at 10:00:15 AM GMT+8

2006 年 2 月 6 日 星期一 【微冷】

今日去恆生打卡數, 真係唔開心, 找哂下次都仲要比多$130 late charge
已經唔係第一之, 尼o的教訓已經夠啦, 我要再organize好o的自己o既財政先得~~

之後去宜家買左個間櫃同o既布盒, 又記錯左個價錢, 唉......又out左少少budget
不過都係買左, 因為.....真係幾有用下~~

買完返左cityu 搵阿ling, 一來想見下佢啦, 二來想試下city o的tea啦, 雖然都係食唔到
仲去叫做探過下choir o的人啦, 都係吳依橋only, 其他人都唔係好理我actually~~
無端論攞埋佢地年soc褸走, 睇睇下, 都幾好睇, 係大件左o的

夜晚上左去一間英國大學agent度驪briefing, 是關星期六日要做exhibition helper again
今次係大學helper, 我負責Unviersity of Derby, 我都唔識佢係咩黎, 又唔勁, 又唔係屎
又唔平, 又唔係出名, 又唔係成績好, 又怪, 都唔知有咩好, 我諗.....我都係hea hea地就算
sell 得多我都係唔會分得多, sell 唔到佢又唔會比大學話
尼o的就真係做又64, 唔做又係64, 唯有係過到自己就算啦, 呵呵


2006 年 02 月 06 日 星期一
太過份啦, 又話10~14 個櫃會黎, 點先成1500 先到.....
我整新櫃, 轉牆, 上鏡........都搞左我3個鐘, 阿爸仲話我半個鐘就得, 我都唔敢講.....
原來轉牆都好好玩下, 而家識轉......係諗下整返個simple sound system 響我間房先得啦~~
六點左右總算整好哂o的野, 間房又好似少左好多位咁, 不過o的野整齊返
我會慢慢執好o的野, 目標係開學之前dum走o的一定唔會再用o既野.......
總之.......要有返張台用, o的野唔會再咁亂啦!!

夜晚上左阿ling度食飯 + 同佢哥哥慶祝生日
哎呀, 打機打到博頭位勁痛, 真係自己攞黎 >.<

點算過利是總數, 真係比上兩年都要少, 有少少唔係咁開心
唔係錢少唔開心, 係自己少少預算錯左, 更唔開心係我又記錯左找卡數o既日子
又要比late charge, wholly shit!!


2006 年 02 月 05 日 星期日
今日homan 叫左阿lun 返黎祟拜, 叫左我去食早餐, 本身我都唔遲
但係搵極都搵唔到年波衫, 灰到爆, 結果遲到之餘都搵唔到 >.<

今日比賽, 都ok啦.......一o的都唔係打得好, 不過叫做盡左力, 都有打波feel~~
反對唔係正式比賽o個陣仲打得開心好多, 打得仲好, 真係要練返先得!!

今日vanessa家姐都有黎睇, 希望佢地兩個快o的無事啦, 貓去唔會樓空o既~~

終於執哂鏡櫃o的野, 成個櫃都dum埋, 原來我間房都幾係大下, 有機會真係大執下先得!!


2006 年 02 月 04 日 星期六
今日人日, 人人都生日, 我同老姚homan 同一班小便團友仔去左唱lunch K
13:30 佢地要返去團契, 之後就係我地3個勁唱o既時間啦, 呵呵, 我地勁唱medley囉
原來好多medley都唔係好識唱, 真係.....要練下先得 ^^
好似好耐無唱K咁, 好多歌都唔好熟, 而且多左好多歌唱都唔知, 就連克勤concert hall 都已經有"十年前後" 同 "勝情中人"
真係....有o的out, 要襯未洗返學, 唱歌一次先得 ^^

本身今晚係上homan度打牌的, 不過vanessa家姐隻貓死左, 所以無心機打
我地洗完地之後(波地), 就大伙兒去左鵝頸o個邊食dinner, o個間榮記o的野都ok好食
但係o的野上得好慢, 態度又麻麻, 都係blacklist多lu~~

之後佢地仲去食甜品, 仲見到肥大(veda) 同一個男仔朋友一齊食糖水, 呵呵, 咩都唔知
我就唔食lu, 無哂錢, 唔想再借~~~

今日都過得幾係豐富, 波都睇左半場就訓啦


2006 年 02 月 03 日 星期五
因為要準備星期一新櫃黎, 所以成日都響度勁執野, 執返o的鏡櫃唔要o既野
唉.....好多野都唔知dum 唔dum 好, 好似有用, 又好似無咩用咁......

今晚homan又去打波, 我都幾想去, 不過無去, 都係留響屋企執野好o的~~


2006 年 02 月 02 日 星期四
今日去睇克勤演唱會, 去之前響宜家傢私買左個新櫃, 希望整好o的間房
um.......有錢有時間的話, 真係大整我間房先得 ^^

今年克勤演唱會, 真係勁!! 四大樂手都請到, 只係吹洞簫o個個唔同左
其他都係原鍱人馬, 阿龍博士仲要用麻雀同佢jam 歌tim, 真係勁啊~~
亦都好好笑下, 仲有鼓機玩, 呵呵, 個scenic set 都幾好, 簡單得黎都有o的心思
佢講阿lucky o既離開o個陣, 真係全場靜哂, o個一下......真係心都酸一酸......好感人o既一幕
聽覺上可以話無得頂, 聽鍱咁聽, or 仲好過聽鍱, 尼樣野真係唔係個個做到
但視覺上, 我覺得可以再好o的, 例如快歌真係可以練下舞黎跳下, 唔洗好勁, 多o的動感已經差好遠
除左尼樣, 都無咩可以插, 哈哈~~~ 祝佢幸福滿滿啦~~



>>February 7, 2006 at 6:47:02 PM GMT+8

2006 年 1 月 31 日 星期二 【晴】

新一年啦!! 今日已經係初四, 好似好耐無打日記lu~~~
之前實在太忙啦, 完哂所有o既返學野, 功課, 仲要有個Lighting Auido and Directing Workshop

尼個workshop 真係大獲野, 好似做一個show咁!!
我地要做Midsummer night dream o既一個scene, 我就做sound designer
做一個sound designer 真係唔易, 我諗我仲有排先學到點做先做得好o的~~
要多謝Sincere 比左佢o既"第一次"我, 做operator, 雖然係漏左cue, 但overall 我都好滿意 ^^

完左個workshop 就真係放假啦, 本身想執屋執房, 最後都係無咁多時間
應該過完年先會做尼個工作!!
23th 亦唱左個Mozart Requiem啦, 係我唱咁多次choir 都算係最難跟o既歌
但係一次好保貴o既經驗, 因為今次有葉詠詩做指揮, 佢指得真係幾好, 而我地都唱得唔錯
同小交一齊唱, 感覺好好~~


之前o既cheating 事件, 我一直都耿耿於懷, 不過都唔到我點, 鬼叫斷正
講唔講我都係死, 最衰係我無出貓.....點都好, 當過左去, 希望新一年做好o的, 補返o的印象分啦!!

過年前仲有我地一年一度o既7B聚會, 今年有Miss Hung, 黎sir, 梁sir 仲有朱sir
朱sir 仲要係現金獎囉, 哎呀, 抽唔中我真係有o的可惜, 我就抽中肥的o既廁所用品, 真係灰~~
不過又見返7B o既人, 好開心, 尼個都叫係一個好開心o既預科回憶!!

總括黎講, 2006年開始得唔算係如意, 好多都幾辛苦幾depress o既時間, 但亦有開心o既時候
希望狗年會係一個好開始, 事事都順利啦!!
我希望:
~ 打多o的波, 個人要健康o的, 而且要打好o的波, 令個人有返鬥心
~ 讀好o的書, 仲要多o的practise, 唔係就追唔到其他同學
~ 買好多野, eg. DVD writer, 型o的o既人字拖, tools bag, external hard disk, MacBook Pro.......
~ 下年我offically 第一個show, opera 1, 希望做好o的!!
~ 執好間房, 用o的錢整好佢, 可以的話, 整埋間屋~~
~ hopfully format部機, 再install Pro Tools, 唔得都整左先, 唔係無得practise
~ 考到8級theory, 希望搵到自己o既style, 作多o的歌仔!!
~ 響kinsen 做野, 希望學多o的野, 做好o的, 齊齊搵多o的!!
~ 抽多o的時間陪女朋友, 寧願少o的休息, 唔想佢好似無男朋友咁~~

....................有好多野想做, 當係目標都好啦!! 希望年尾可以完成哂啦~~

>>February 1, 2006 at 5:09:11 PM GMT+8

2006 年 1 月 15 日 星期日 【微冷】

今日可以算係入左APA最唔開心o既一日.....
作曲 同 music appreciation 功課通哂頂做都做得唔好, 要re-do

cheating 事件原來唔係我想像中咁簡單, albert 老師話仲有好多野要做
唔通一早真係唔應該講?! 最衰我又無出猫, 咁樣比佢有個唔好印象, 好唔抵
佢仲要係dept head, 我真係唔想得罪佢o的咩, 我唔想畢唔到業

學期頭講過o既野, 好似唔係好積極咁, 睇黎真係要重整返我自己, 唔好再hea
就算hea, 都要應hea得hea, 應做則做先得!!
第一件事, 一定要執好間房~~ 希望星期四野可以執好哂o的野先~~ 起碼有返張台用~~

希望聽日對卷無咩事啦~~
----------------------------------------------------------------------------------------------------------------------------
不易拎: 其實都唔係10秒咖, 我響classroom 2 都聽左好耐下咖, 係落堂先過到黎咋, 唱得好好啵!!

>>January 16, 2006 at 3:43:34 PM GMT+8

2006 年 1 月 5 日 星期四 【乍雨乍晴】

嘩......今日都幾係凍下, 我仲著短褲出街, 好似好怪相咁
今日係Sound Operation 1 o既cue sheet exam, 即係當op show咁
我做得ok啦.....鬼佬話B左右, 不過我甩左一cue, 有o的唔開心
因為我practise唔夠, 底估左個preset timing......希望有多o的機會練習下啦!!

下星期日日都要考試, 要plan下尼幾日點溫書先得啦~

>>January 7, 2006 at 5:15:24 AM GMT+8

2006 年 1 月 4 日 星期三 【晴】

本身.....今日諗住同Mr. Jer 打波, 佢星期日就走, 點知Homan 又話唔打
又因為咁, 我推左同Kenfair 同事唱K, 之後....唱K又cancel 埋, 因為太多人唔得閒
新一年好似好多阻濟下, 唉!

>>January 6, 2006 at 2:05:22 AM GMT+8

2006 年 1 月 2 日 星期一 【晴】

奇怪的感覺日漸強烈......
係當我不知? 定係乍作無知?

>>January 3, 2006 at 4:08:14 PM GMT+8