2005 年 6 月 10 日 星期五 【清涼】

底B, 洗唔洗熱成咁呀?! 成日都熱到我燥!!
今日端午節, 我地要入沙頭角同阿婆做節, 媽媽就最錫阿婆, 唔想佢一個人做咁多野
所以我地就晨咁早入去啦......

八點幾出門口, 十二點前終於去到啦...
支裝凍奶茶, 勁好味, 吹左兩支大囉我, hehee~~~!!!
本身只係叫左個少麵, 點知媽媽叫多左一個淨魚旦 同 一碗雲吞麵, 若書亦食唔哂一個飯
所以我就食左......好多野下啦~!!

幫阿婆整冬姑........搞到成手都係o個o的味, 成日都未散...>.<

唔算太hea 咁過左一日, 雖然都有訓, 只係一個鐘only, 都ok 啦
聽日又要早起, 要唱詩班!!

>>June 13, 2005 at 4:28:56 PM GMT+8

2005 年 6 月 9 日 星期四 【酷熱】

終於都去左剪頭髮, 都......ok短下, 有o的唔係好慣, 好似young左好多下
而家要gel 頭啦, 好煩啊, 搞好耐都唔知個樣似咩咁.... >.<

原來HK OPERA 要我去攞譜, 我今晚先check到要去灣仔拎
早知今日去啦, 唯有星期一in APA o個陣去埋啦~~
之後仲要比返佢?! 唔係呀?! 到時先算~~

stranger, 要同strange method 去處理!!
真叫人擔心...

好憎o的有權力o既屎忽鬼~!!

>>June 12, 2005 at 5:40:16 PM GMT+8

2005 年 6 月 8 日 星期三 【晴】

今朝阿ling 早機去泰國旅行, 好開心啊~!! 我都想出去玩下.....
本來想送佢機, 不過實在太早, 而且佢地一家4口座的士, 再加行里...都無位啦
結果都無送, 今朝佢打比我, 我ok清醒咁同佢講左一陣
我仲記得我話打比佢, 佢話唔好, 因為佢無帶電話, 但係佢又比左個no. 我, 咁.....?! 起身諗諗下唔知自己有無聽錯~~
have a nice trip 啊~!!

今日hea hea 地又過左, 只係出左去補習咁大把
本來想出去行下, 食個飯, 不過......一來唔想一個人食, 二來唔想洗錢.....
結果都係返左屋企食快熟通心粉~~

「雷電」「會記得你」「把戲」「想飛」「心掛掛」「我真的受傷了」「原來如此」「一秒感動」
好有意思o既一隻鍱~~

"Dun be so hea...." 睇黎我要好好諗下~!!

>>June 10, 2005 at 7:51:23 AM GMT+8

2005 年 6 月 7 日 星期二 【晴】

今日又係我地o既healthy day, 先打波, 後食lunch, 再游水, 點知......原來今日唔係好日
先就係老輝遲到, 我地幾條友fing左半個鐘傻下傻下咁囉.....
之後....原來源成興星期三唔開, 而且......游泳池星期三要大洗........
所以我地決定, 以為的healthy day 永遠都唔會係星期三!!

從未試過打牌輸咁多....... -6xx 今日真係灰!
尼餐翠華早餐, 有o的唔甘心...


睇過嘉欣o既留言, 再睇佢o既日記, 覺得有o的諷刺.......
一件一直令我耿耿於懷o既事, 今天竟然係佢反過黎叫我算, 哈......
好幾年無尼個衝動, 尼一刻真係勁想喊...

嘉欣: 雖然你咁講, 但我自己覺得o個陣做o既所有野, 都只係比到妳更多壓力同唔開心.......
_____點都好, 希望妳日後都可以開開心心


好耐未試過訓唔著, 好多謝王苑之隻鍱陪左我一晚~~ 好在尼個世界有音樂!!

>>June 12, 2005 at 4:34:19 PM GMT+8

2005 年 6 月 6 日 星期一 【晴】

尼幾日諗返以前有o的咩做......終於比我諗到......就係成日幫阿爸找卡數
shit......記得o既原因, 係因為我記得自己要找卡數.......
但係已經太遲, 過左期, really shit.....late charge $100 + 息.....唉......

補習之後返左詩理練歌, Jimmy always 話男聲好"白", 叫我地唔好唱咁多K....
我覺得佢係講緊我, 所以我.....好用心聽佢講野, 再唱.......
可能好耐無唱choir, 自己都adjust 唔到, 唔知.....係唔係我都好, 我都要慢慢練返o的choir 腔先得~~

練完歌一大班人去左翠華食dinner, 真係好多人
有betty, vena, 雪兒, susanna, hellen, raymond, 釗, 佢女朋友, wing, 嘉琪, shirley, yvonne........
仲有新識o既jocy.......好耐都未試過咁多人食野傾計啦.....
雖然咁多年, 我都係唔都夾o個個, 得我一個廿頭, 讀書.......不過......都可以傾到下計, 而且幾開心 ^^

要多o的自己唱下o的歌先得, 星期日就要唱.....

>>June 8, 2005 at 6:14:35 PM GMT+8

2005 年 6 月 5 日 星期日 【綿綿細雨】

今日同駒仔+ruth出左去, 好開心下~!!
好似出咁耐笑咁耐, 唔係我地笑囉, 哈哈~~
都係同駒仔有默契o的, 講一兩句就知我串緊人
記得入左浸中第一年, 唔係好多朋友, 叫最好o既就係阿駒, 傑, 餅, 後期有埋阿坤
我地5個打全場真係好勁下, 之後......道不同不相為謀, 可以做到朋友o既, 就只有阿駒
佢o個陣算唔到中六真係好可惜, 我覺得如果我地一齊上去讀form 6, 再上大學, 我地會仲friend
我要搵多o的佢先得, 好朋友真係好難得, 要好好珍惜

同佢地睇多左一次"抱擁這分鐘", 雖然上半場係有o的悶, 但係都唔係無feel
睇第二次我都仲覺得有幾個位依然觸動到我, 可能上星期五前後o既分別, 好似觀點有o的唔同左
之後阿ruth補習, 我同駒仔入機舖睇左一陣, 又行左去太古, 打左一陣機, 又傾左好多計
咁樣o既傾計, 感覺好好 ^^

兩個鐘後搵返阿ruth 再食飯, 好似Choir AP 之後又好少10點先食dinner lu, 有o的唔係好慣...

今晚知道嘉欣女麻女麻病情好轉, 唔洗做手術, 好快可以出院......好開心, 好感恩~~
咁多位弟兄姊妹, 多謝你地幫我幫佢地代禱, 真係好多謝你地~!!
我真係無咩可以做到, 做到的, 就只有尼一樣...

>>June 7, 2005 at 4:41:45 AM GMT+8

2005 年 6 月 4 日 星期六 【晴】

今日起到身返左詩班, 唱國語.....字就唔多跟到, 不過音就無問題
跟Jimmy o既指揮唱, 感覺好好, 自問係唔鐘意classical o既歌, 但係勁鐘意jimmy o既教導
下星期要出show 唱啦, 要多多練習先得~~~
→Click here for Poster←

今日補習出糧, 出左$600, 有o的唔好意思
之後就用左一半有多請左阿媽 同 miss mak 食飯, 好豪下.....
哈哈, 我無幾何有咁多錢, 一次咁多啦 ^^

同阿媽講返前兩日同嘉欣食飯, 佢已經唔記得嘉欣叫咩名lu, 不過仲記得個人
正常o既.......真係好耐之前, o個陣若書都仲未出世~~
----------------------------------------------------------------------------------------------------------------------------------
嘉欣: 有咩咁敬畏.....?! 以前都唔知你諗咩o既, 你又唔會多講, 咪好似難觸摸咁囉
_____但係我覺得從你身上學到好多野, 所以.......咪咁囉, hehee ^^
_____dun be so tough~!! 而家o既妳可愛好多, 講過考慮下, 就諗諗佢啦, hahaha

龐然巨物: 尼個名.....幾襯你啊, 哈哈!!

>>June 7, 2005 at 6:22:42 AM GMT+8

2005 年 6 月 3 日 星期五 【綿綿細雨】

諗返好多野......
特別係o個件事......
突然諗起一隻歌.......


久未放晴的天空　依舊留著你的笑容　
哭過 卻無法掩埋歉疚
風箏在陰天擱淺　想念還在等待救援　
我拉著線 複習你給的溫柔
暴曬在一旁的寂寞　笑我給不起承諾　
怎麼會怎麼會你竟原諒了我

我只能永遠讀著對白　讀著我給你的傷害　
我原諒不了我　就請你當作我已不在
我睜開雙眼看著空白　忘記你對我的期待　
讀完了依賴　　我很快就離開


我想講一句: 對唔住, o個陣保護唔到你, 真係好對唔住~

>>June 7, 2005 at 4:08:35 AM GMT+8

2005 年 6 月 2 日 星期四 【綿綿細雨】

今朝一早就返左聖保羅男女中學 (co-ed), 要講得咁清楚, 因為今日係返co-ed, 而唔係保羅堂
我遲左一班40, 所以遲左15min 之返到, 返到去竟然要我做野?! 唔緊要~~
不過估唔到真係同無prepare 過無分別......
好啦, 到assembly啦, 好令人懷念o既一個assembly, 雖然有o的野唔同左...
開始我地o既宣傳, 點知個projector work 唔到, hea左一陣, 都係要我同homan 出去勁爆肚先得
早知係咁, o個日就唔洗o徒咁多時間錄野啦~!! 反應都ok, 可能係我同homan 太gap啦, 哈哈~!!

之後同楊傑偉傾左兩堂計(佢肥左好多), 知道而家o的學生好唔掂, 我都知~!!
所以我先唔想教書, 亦唔敢諗我第時生唔生仔...
學校, 先生, 同學生都同我地o個陣好唔同, 真係一代不如一代....
以前, 我唔敢講我係co-ed 學生, 因為我驚我尼o的人會影衰co-ed 個校名, 但原來而家o的學生仲要比我衰
危險動作=過馬路??? 不如叫o的學生唔好出街...

過左楊傑偉o既空堂, 我就成間co-ed 周圍行左幾round, 真係好值得回味, 係有好多地方唔同左
但依然有好多回憶, 見到o的學生傻下傻下咁跳來跳去, 好似見到自己細個咁~~
下唔o既發叔仲響度, 佢話做左10年, 咁即係我10前就係o岩o岩入黎o既form 1 仔啦...
咁快就10年, 我都走左5~6年啦......有機會, 我都想返多去一次, 今次唔係做野, 想同o的co-ed人一齊去回味下 ^^

夜晚約左嘉欣七點, 多得homan 啦, 放我大飛機.......我都唔知中間o的時間點hea好......
好在cityu choir 今日去唱K, 我都叫有個地方hea 左大半個下晝先
唱完K, 陪son哥佢地返city print transcript, 食左個靚tea, 先後個個都要走
為左唔好咁早去銅鑼灣fing, 我就送陪阿四去到寶琳, 再去CWB啦, 果然兜左個大圈, 就差不多七點啦

見到嘉欣, 第一個感覺.......佢瘦左好多, 而且好似無咁黑
我地行左去一間我都唔記得叫咩o既野食左個dinner, o的野食黎到, 佢就攞佢部DC出黎同o既食物影相
佢話DC 就係要黎咁用喎, 咁......為左迎合佢, 我都影左一張 ^^


我地傾左好多野, 屋企啦....學業啦.....前路啦.....目標啦......感情啦.....
同佢講野, 感覺好唔同, 可能大家有某o的背景幾似, 而且都經歷過唔少野, 所以大家講野, 唔洗講好多已經明哂
我比返我大學玩過o既髮型比佢睇, 佢話有o的睇過, 原來佢都有睇我dairy, 有o的意外~~
食完野, 好多人等, 所以都唔座咁耐, 我地就搵地方再傾, 去左灣仔海旁
o個度都好唔同, 記得以前成日同佢行海旁, 而家.......反而少左尼o的情趣
我地就座左響海旁, 傾左好多野, 傾返好多野......原來我以前都幾悶, 唔係行來行去, 就係睇戲, 不過而家都唔見得好好多^^
記憶中佢好少同我講太深入o既野, or 佢o既心事, 可能我o個陣唔夠man, 比唔到安全感佢
今晚反而聽到好多第一次從佢口中聽o既野, 亦因為咁, 我覺佢改變左唔少
而家o既佢, 學識點表達自己多左, 樂觀左, 雖然無o個陣咁tough, 但我覺得都係好事
硬淨係要, 但係太硬淨的話, 就會局限左自己 同想關心佢o既人, 女仔係應該比人錫多o的, 唔應該咩都自己撐o既~~
如果要我揀一個我最鐘意o既女朋友, 到而家我都會話係嘉欣, 唔好問我點解, 因為我都唔知......
當初知道佢同小鳴一齊, 真係好好好開心, 好似覺得有一個好男仔會照顧到佢咁......
今日知道佢地已經唔再一齊, 有o的可惜, 可惜左一陣...最緊要係佢開心, 如果唔開心, 個男仔幾好都無用
傾傾下, 落大雨 + 行雷......唔理lu......繼續傾, 好似同佢先會咁癲下, 可以話係傻!!
但傻得黎好享受, 衫尾同褲都濕哂, 但係都唔理咁繼續講野, 一段唔理風雨o既交心對話~!!
傾談中, 發覺關於佢o既野, 我都仲記憶猶新, 好似唔係過左好耐咁, 就連o的唔開心o既野都記得好清楚~
我有好刻意咁迴避o個件事, 估唔到係佢題返起......o個一刻, 好似成件事響我個腦入面發生一次咁
o個種感覺好難受.......隔左咁耐都依然好難受.......好盡力去想做好一件事, 為一件事而出力, 但turn out令到成件時更加差
好盡力去為一段關係一段感情而做好多好多野, 但最後反而傷害到自己最鐘意o既人......到而家都好怪自己
尼件事就好似我手上o既疤痕咁, 尼一世都會響我身上, 唔無離開, 唔會忘記
因為尼件事, 我打後對一段關係o既處理方法都有好大o既唔同......
講到尼度, 我開始無咩野講, 因為......個心好痛, 好亂......
之後我地就行返電車路座車返屋企, 如果唔係佢媽媽未訓想飲野, 我地應該會行返屋企, 好似以前咁
我發覺, 可以同我一齊行一段好長o既路o既人, 真係唔多........真係唔多!
好多謝你, 嘉欣~!! 今晚真係好開心, 開心到我唔識用字去形容~~
我一直都幾係敬畏你, 所以如果唔係你搵我, 我應該唔敢主動搵你的~
今晚好舒服, 我講左好多我都未必會講多一次比第二個聽o既野, 一o的響我心入面永遠無答案o既問題......
可以的話, 我希望尼一晚可以長o的, or 你媽媽真係訓左~~ 希望之後都仲有尼個相聚o既機會~~

「下次拍拖, 我可能會結婚, 我想過o的安穩o既生活」
聽完尼句說話, 深深感受到尼幾年佢個心係幾咁攰........衷心希望尼個可以比到安穩生活佢o既男仔快o的出現!!


2005 年 06 月 02 日 星期四
今日返左city print transcript, 仲想做gym, 不過依然未有電, shit.......
同老姚還左本書, 原來頭3日都唔洗罰, 結果遲左成個wk 都只係幾蚊, 都ok 抵喎

之後去左睇抱擁這分鐘, 之前對尼套戲無咩特別期望~~
睇完, 覺得都幾唔錯, 好一段o既韓劇!! 成場勁喊~!! 但有幾個位真係都幾感人下
不過睇完之後有個好深刻o既睇法:

響我地每一個人o既人生中, 總有一樣野係最重要的, 你最重要o既野係咩呢?
我唔知響大家心目中o既答案, 但我相當「記憶」會係其中一樣對大家重要o既野
記憶有好有唔好, 有開心有唔開心, 有深刻亦有善忙......
無論係咩記憶, 都會係大家成長o既一個重要元素, 每個記憶都有可能會帶比你得著
即使係叫人不快o既記憶, 都一定有其存在價值
如果記憶盡失, 腦入面空無一物, 一定會係最可悲o既事
所以由今日開始, 我會盡我o既能力去用所有方法將保貴o既記憶保存, 於自己 同 值得寄存o既人
希望可以將最保貴o既其中一樣野, 響大家心目中留有一個位置~!!


2005 年 06 月 01 日 星期三
今日出成績, retake o既account 有B+, 好開心, 拉高好多分啊
而FYP 就有A, 勁啊~!! 咁都叫無白費大家咁耐出o既力啦 ^^
而家CGPA有2.96, 幾好, 唔過3, 心唔太想過到3, 因為而家先過3, 好似比個安慰獎恥笑我咁, 而家唔過, 係一件好事~~
不過問問下, 都唔係咁值得開心, 好多人都考得好好, 金毛健仲4.04tim......佢unix 有A+. 早知我都讀......

另一樣開心事, 就係今日收到APA o既信, 叫我13號去group in, 咁即係我個aptitude test pass左啦
要多謝daniel, 惠敏, 芝琪, shirley~!!
雖然有可能係個個都得, 不過唔理lu, 當自己過左關, 而家要諗o的野準備group in先得~~


近期留意多左歌詞, 可能因為熹哥作左隻「我蠢我認」, 之後都幾鐘意feel 詞:

<我蠢我認> - 李逸朗 蔣雅文
作曲：黃丹儀　　作詞：馮漢熹

李：談笑再多 交心再多 一切亦只折磨
無人夜深 我怎麼講也是不妥
若動情 大概吧 願為誰講
喜歡誰 但妳偏推搪

蔣：明你心意但我沒認 可算得已動情？
話我蠢我認 仍不肯說清
能有寵愛的幸運做保證
又怕真實內心未看清

合：錯在其實過份期待快樂滿足的情景



蔣：誰要甘去被愛想你付出似受害
苦戀痴心懇請不要太慷慨
李：談戀愛大概總有付出的由來
難道實實在在沒有裝載？
蔣：如何被愛？ 李：誰人從沒志在
蔣：彼此交心的 不要你太多 李：無謂憐愛
合：分開一刻我(你)或者 才可清楚知道怎麼先算愛＊


蔣：誰要逼我下決定 可算得太絕情？
話我蠢我認 仍不肯說清
李：能有寵愛的幸運做保證
又怕真實內心未看清
合：錯在其實過份期待快樂滿足的情景



合：再會並非不見 諾言若不兌現
朋友都可再會面
蔣：總算 李：好過
蔣：交往 李：相處
合：說了解分開最終不見 太悲哀



蔣：不要被愛 請你盡早免受害
這顆痴心懇請轉送你寵愛
李：還相信大概一切被逼不能來
才能實實在在學會相愛
蔣：如何被愛？ 李：誰人從沒志在
蔣：彼此交心的 不要你太多 李：無謂憐愛
合：分開一刻我(你)或者 才可清楚知道怎麼先算愛

2005 年 5 月 30 日 星期一 【酷熱】

今日同老姚+homan 去左食源成興, 打波, 同游水~~~
係我地o既最底消費而又最健康o既活動, 今日個太陽都出返黎, yeah~!!

夜晚去拍野 for 星期五o既福音營宣傳, 都幾hea 下.....
不過我唔係負責宣傳, 而家已經做多左野....我唔係話要分工分到好清楚, 不過.....我覺得佢地都要做返o的野囉
唔理!! 我專心做我o既程序~!!

「看吧! 邪力正強大」


2005 年 05 月 30 日 星期一
之後響kellyjackie 個xanga 知道今期東touch 有佢同royals o既訪問, 所以就買左黎睇啦
雖然得兩版, 不過都ok 有野睇 ^^ 原來熹哥一嬲都識佢咖.....果然係音樂人啊!!

今日返city做野gym, 又無電....#@$^%........ 無野呀?! 我交學費到七月咖, 洗唔洗咁快咩都無得用啊?!
勁唔鐘意3樓細房, 真係好細, 又多人, 好迫!! 希望星期四之後真係有返電啦~~

之後同阿ling去食元綠, 原來DBS 無會員優惠咁抵......出張DBS master card 好似多餘左
出左咁耐都無咩點用......而家連ebanking 個login/password都唔記得左......
我都唔知係login錯定password錯.......唉......唔理啦, 過一兩日打去customer services問下先
----------------------------------------------------------------------------------------------------------------------------------
Danso: 下次讀比你聽啦 (我都唔知讀得o岩唔o岩) ; 原來係咁, 唔多謝啦, 都係行過姐 ^^
萍萍: 唔洗sorry, 你有野做嘛, 我知你都唔想 ^^ 得閒再出黎一聚啦~~
Celia: 佢地, 咪包埋你囉, 睇開o的啦, 香港人!!
"舊"P: 款你咩?! 有咩你留言比佢啦, 唔好濫用我個showhappy呀!!!!!!!!!

>>May 31, 2005 at 5:51:50 PM GMT+8