2005 年 4 月 6 日 星期三 【酷熱】

今朝一早去左APA 交form, 唉.....原來要寫兩版A4字咁長o既eassy.....點寫啊.....
唔寫住, 後補比佢, 因為要趕去九龍灣考入境....

我考1100, 要15min 之前去到, 我1035去到牛頭角, 行左一陣都唔多知自己響邊.....
頂唔順....好無安全感, 要搭的士, 點知.....阿的士司機都唔知邊度係祥業街.....
甩下甩下, 終於搵到....不過已經係1103.....即係遲到...
的士司機有o的唔好意思, 話收我$15 就算, 個錶成$35個幾....我比左廿蚊啦, 其實....都唔關佢事o既....
入到去, 有好多人都遲......過左一陣有個阿sir 落左黎, 係咁話我地.....
"你地有無睇學生須知?! 而家已經開考左, 你地其實係遲大到....今日你地係唔會有試考的"
"如果你覺得入境助理尼份工都唔係好o岩你, 咁你可以行出尼個門口"
"如果仲覺得你有好特別o既理由, 覺得我地應該比多次機會你o既, 就上黎寫你地o既理由...."
唉.....最後都叫比我補考, 不過o徒左個朝早 同錢, 得個吉, 有o的灰....

今日響podium 見到萍萍, 佢好似有o的攰咁, 無事嘛?! 我都未送野比你, 咁快多謝我 ^^
之後同choir個board 影左幾張相, 係年頭我有份親手一筆一筆畫的, 仲有好多人都有出過力, 好多回憶
尼個board 唔會stay 得好耐, 希望我可以睇多幾眼...
我決定, 要整返一個homepage, 一個以choir 做主題o既homepage, 日記.....公開多兩日啦, 之後唔show出黎啦
係friend o既一定會記底, 一定會返返黎留言比我o既, 係8 o既, 就算啦~~

夜晚又去左kinsen's studio, 諗住幫吳依橋capture佢audition要唱o既歌, 亦都想問kinsen我apply APA o既意見
同佢傾左好多野, 佢話我好似唔多o岩玩幕後, 我似幕前人喎, 而且無耐性, 唔多似玩mixing
講講下佢都好想讀sound engineering咁, 仲話不如一齊讀, 好啊好啊~!! 有kinsen做我同學喎, 幾好啊~!!
原來條粉皮之前有offer 唔要, 哈哈, 串啊啦, 而家咪驚人地唔收你?!
um....如果佢真係讀, 而我今年無offer, 籌備一年, 下年再試過, 都有得諗下~~

son哥決定聽日唔去佢地新莊唱K, 咁我都唔去lu
又要去補考, 都係專心o的早o的去, 唔好再遲好o的啦, 再遲真係black list我, 以後無政府工諗~

我對襯o既定義: 唔會睇樣, 身材; 兩個人present出黎, 比我有一個整體, 一個方向, 一個中心.....o既感覺, 就係襯
絕無抄人, 100 % 剛仔出品; 今晚仲講左兩次甜苦之道, 好似好多道理咁...


好多人問我野, 「我咩都唔知!!」 日記已經好明, get到o的咩就咩啦, 話左唔會講就唔會講, 唔好再問我!!
--------------------------------------------------------------------------------------------------------------------------------------------------
嘩, 你兩個一係唔留言, 一係就齊齊留言喎, 仲要差唔多時間, 一齊睇咖?! ^^

Daniel: 要我講對group o既感覺, 我都講唔出, 我o的中文都唔多好...
~ 雖然我係有尼個權, 但係都要你堅持同爭取, group 先會係而家o既combination~~
~ 而你o既熱誠, 支持我對揀group成員要求o既執著, 我深信有心唱歌o既人先會真正用心唱歌
~ 我都希望我可以繼續同你地齊齊唱group, 我無教過你地咩野, 大家都係group o既一份子, 大家都係互相比意見, 齊齊成長 ^^

Erica: 有幾靚啊, 我心目中o既畫面係仲靚仲溫馨, 我中文唔好, 唔識形容
~ APA....哈哈, 希望啦, 到時成個APA 又係得我地o既拗交聲, 哈哈~~~
~ 我諗主已經保"佐"我咖啦, hehee~~ 多謝你 too~

Sarah: 參與多少唔係最重要, 得著多要先係最緊要~!! 我深信響大家合作o既過程中大家都有唔同o既得著 同成長
~ 我知你屋企有事, 但你都好有心, 最後階段幫左好多 ^^
~ 唔好諗付出多與少, 一切都唔重要, 重要o既係我地響2004~2005年係一條心一支莊, 大家都係好朋友

>>April 8, 2005 at 4:36:02 AM GMT+8

2005 年 4 月 5 日 星期二 【晴】

今日終於去左睇"哈爾移動城堡"啦~
um, 真係幾好睇, 係有o的唔係好明, ....係咁咖啦, 宮崎駿嘛~!

之後去左APA, 諗住去攞張form, print出黎好似唔係咁好咁...
仲諗緊會唔會見到阿德, 點知真係見到喎~!!
佢瘦左好多啊, 讀APA 好辛苦咖?!
之後佢帶我地去行APA, 好似迷宮啊.....唔係佢帶, 我一定唔識路囉...
睇左music, dance, television, theatre 幾個school, 好有feel, 特別見到人地剪片玩mixing
um......我真係好想可以讀到自己想讀o既野~!!

今晚聽到一個好消息, 仲要係佢本人講我知, 好開心, 又一對我覺得好襯下o既配搭
尼一刻好快我就諗起son哥同底能芝, 嘩....好快, 咁就一年, 一年後, 又有另一對"跨莊戀"
無錯, 絕對無跨張, 係跨莊戀~!! 嘩.....仲要係第一次, 好sweet啊, 成個picture 都好靚, 好似聽緊一隻好lum o既歌
一諗就諗起侯佩岑同周杰倫唱o既屋頂....送比你啦~!!
衷心祝福你地啊~~

上莊最好o既朋友 就係得o個幾個, 而choir 係我響city 最開心同最珍惜o既地方
我最好o既兩位朋友, 響我最鐘意o既地方, 搵到佢地鐘意o既另一半, 上帝o既恩典真係可等o既美~!!

「主啊, 願意將兩對好朋友都交上, 希望以你o既大能祝福保守佢地, 從今時直到永遠, Amen~~」

>>April 7, 2005 at 6:00:01 PM GMT+8

2005 年 4 月 4 日 星期一 【晴】

又睇返AP o的相一次, 其實睇左N咁多次, 都好鐘意睇, 真係睇幾多次都咁好笑~!!
send左成晚, 終於都send哂千幾張photo 比erica, angel 同 jessica....

今朝都係起唔到身同阿爸去拜山, 好似又係完全無反應o個隻....
一起身就搞左一陣電腦, 之後同阿爸出左去食台灣野~~
反屋企同Erica 傾前途問題, um......佢話佢會apply APA vocal, 兩年前我都想報...
但係...如果係讀唱歌, 第時就好有可以係唱歌搵食, 到時.....我唔知我會唔會唔鐘意唱
如果真係, 我會好唔開心......而且, 當係一份工作, 就會好交貨, 同我對音樂o既宗旨有好大出入!!
但係係咪點都好過讀商科呢其實?!

無啦啦erica 叫左我去kinsen studio, 都唔係無啦啦o既, 我都幾掛住o個度
而且我都想要返household 最尾o個兩版, 佢又叫我喎, 咁咪去囉, 順便burn o的photo 比kinsen
去到啦, 好似有o的唔同咁, 多左o的野, 少左兩度大門出去, 無左幾張台.....多左個細琴......
唔想搞住erica, 都係同candy 齊齊分下譜, kinsen真係好多譜下, 好多佢都唔要o既~~
聽住好多french 既audition歌, 好多都好好聽, 但係classical o個o的, 震音好多....好煩....
pls erica, 唔好唱o個o的, 我真係會好憎你震音o個個樣, 如果你唱o個隻歌的話....
um....kinsen又傻左, 係咁唱歌, 係咁比佢諗住錄o既love song albrum歌我聽~~
哼, 得啦得啦, 你o既歌嘛, 無人唱得嘛...
Erica 啊Erica, 記得唔好唱英文啊, 我o個陣mu fes 真係輸英文....為自己好, 死背一隻歌都好啦~!!

返到屋企, 補返哂AP o的日記, 仲up 哂o的photo 上去, 又睇多一次o的photo, 真係好好睇~!!

今日我將我生日日期響ICQ delete左!!
我想做尼樣野好耐, 我好想知有咩人, 幾多人會記得我生日, 每一年都有期望, 每一年都有唔同o既失望
最失望係我阿爸, 好似連續3年都係唔記得......
如果搞大party 就應該唔會唔記得o既, 其他人就真係唔知~~
一句生日快樂, 已經係一份好好o既生日禮物, 不過年年都好似唔多過10個人送尼份禮物比我
今年, 好希望...有人記得, 已經好開心!!
------------------------------------------------------------------------------------------------------------------------------

Julia: 係啊, 睇返o的photo, 好似尋日上莊咁, 好快就一年...
如果有人問我, 我都話choir o既事係最難忘的, 最唔捨得都係choir
我都好希望大家永遠都會係好朋友, 我仲未比禮物你啊, 唔知幾時再見呢?!

>>April 5, 2005 at 7:15:38 PM GMT+8

2005 年 4 月 3 日 星期日 【晴】

九點幾起身, 仲係好耿耿於懷, 但係1250前都要做完個FYP demo 先我
死死地氣咁做, 叫ok啦........都叫show到, 不過好多野都要改, 死得啦咁...

成日都唔太開心咁......maybe因為o個件事啦.....
一見到o的仔女, 就開心返o的, 因為又可以聽下AP feedback:
佢地話幾好睇, 又唔會太悶, 幾多唔同o既野~~ 我幾驚悶親佢地
最衰得賢仔阿欣有黎啊......估唔到我尼個阿爸出show 都只係得一仔一女會捧場...

夜晚, 好想打返好多日記, 慢慢打返先得~!!
仲有無人有feedback啊, 我好想聽啊, 特別係group~!!

>>April 4, 2005 at 5:34:14 PM GMT+8

2005 年 4 月 2 日 星期六 【晴】

尋晚聽收音機知道教宗返左天家......都有哂心理準備......
今朝原來要返church的, 不過個心無尼個動力起身, 因為真係好攰, 想訓覺好o既....
不過最後11點左右都起左身, 返左去, 因為要開會, 而最最因為係想知佢地覺得AP點~!!

返到去, 12點幾, 仰祟拜中, 唔入去lu, 咁樣衰...
落左去主日學度睇o的小朋友上堂, 之後見到惠敏, 就係咁問佢個AP點啦, 佢真係好用心聽我地唱歌咖:
"mass choir唱得幾好, 不過o的尾音就唔多齊囉" "group 唱歌好好, 不過第二隻MMO大聲左少少"
"個女高音(erica)高音好清, 把聲好靚" "alto 好穩, 好靚聲, 可以bland 到個melody好好聽"
"男聲個mic 可以放近o的, 人數出入比較大" "好得意, 大家都唔係向觀眾唱歌, 係向你(我)唱"
"你格離o既男仔仲要係射尼眼望你囉" "你好似響個台上面發緊光咁, 點解唔多o的響音樂發展?"(因為無錢....)
"MMO 太大聲, 有o的cover左人聲........." "個女仔幾似謝婉雯, 有一個scene睇埋ppt, 真係好似"
"成個performace theme 都有唔少宗教味道, 有信仰o既人會好易有共鳴"
聽到佢o既comment, 真係好感動~~~ 特別係group o既comment
erica 靚聲就大家都知, 佢留左力都咁, 唔留力真係殺死人 ^^
最緊原係alto, 佢一咁講我就諗起elaine, 當然阿su 都唱得好好, 但係elaine 係唔多識睇譜的
佢比每一個人都用多好多時間同心機聽我o既midi, 仲係聽熟o個隻, 咁耐都係得佢同erica 會話我o的midi 有問題
亦即係佢好用心咁聽完o的midi 先同我地練group, 所以就算佢唔識睇譜都唔係跟唔到, 真係好多謝佢~!!
惠敏唱歌咁多年, 佢話alto 好聽, 咁就真係好好聽, elaine o既心機亦都無白費的!!
大家都望住我o個度, 雖然唔係太o岩, 不過真係好感人....大家真係有聽我講, 望多左我好多, o個個picture 我到而家都仲好清楚!!
其實唔係我發光, 係成個group發光, o的光照住我only, 所以先咁sharp, 衷心多謝咁多位group member!

之後見到老姚, 佢話我地musical 好搞笑, 不過就個個都似讀script囉, o的英文唔多alive
"個女高音唱得幾好, 不過同你唱o個陣就木左o的, 好似你投入多o的" (梗係啦, we could never meet again)
"o個個女仔都算咁多個之中最睇得下o個個咖啦" (.............都係o既)
"個group 就幾好聽啦~~"
多謝佢黎捧場啊~!!

之後開會, 定左個camp theme: "變相怪camp", 又有好多野要做lu~
開完會, 我同homan 同老姚去左食tea, 之後各自各返屋企
本身返屋企應該係FYP 時間, 不過又好攰下, 所以都hup左一陣
hup醒左就出去同媽媽佢地食dinner, 食完返屋企就真係做野啦...

做做下, 又悶悶地, 想睇下人地o的日記 (都係想睇AP feedback)
erica (無野睇o既....又話打住咁多先....), elaine(umum....好正), daniel(未update, 有o的失望), angel (好多字, 無eneter....), angela+su (um....好平淡), 自己(有留言)......
真係忍唔住要問下daniel 會唔會update, 太想睇下佢o既畫畫神技啦
yeah~!!, 佢仲送左個"我"比我, 好開心, 多謝daniel~!!
見到自己有留言, 就icq reply 下elaine啦, 都真係好多謝佢
傾傾下就比我知多左o的野, 原來自己做過o的衰野都唔知, 但係我尋日先知咩事, 我真係有份?!
我唔知, 我只係覺得好唔開心, 而家講咩都無用, 我應該係唔係都regarded as 有份, shit~
好唔開心, 之前聽底能芝講尼個人已經好憎佢, 估唔到仲有好多野係佢唔知而又發生左的
而家就更加憎......覺得佢好賤.....!!

聽完之後, 無哂心機....做FYP 做到5點幾, 好唔想做, 成個心都係諗緊o個o的野.....
一直好用心搞好大家o既關係同氣氛, 原來之前自己唔知唔知已經做壞左個頭......

---------------------------------------------------------------------------------------------------------------------------
Elaine: 真係寧捨開心?! 唔只我付出o既, 大家都比左好多心機練group ^^ 亦好多謝你比o既努力同時間

>>April 4, 2005 at 6:55:13 PM GMT+8

2005 年 4 月 1 日 星期五 【微冷】

尼一刻我應該係去瞓, 而事實我都真係好攰好眼瞓, 不過我想以最深刻o既印象記底今日o既事:
今日係四月二日星期六, 我地cityu choir AP翌日, 亦都係我地musical o既加場show
因為SDS唔想租左o的野o徒左, 希望可以做多一場比中學o既同學睇, 所以就有今日o既event

尋晚我搞exco禮物, 搞到今朝七點幾先瞓, 唔睇鐘都唔知搞左咁耐...
不過都叫搞掂, 而且仲人人有份, 份份唔同~!!
十點半起身, 都係因為阿妹比我房o既hi-fi + 電視+電話 嘈醒左, 再叫我起身我先會起到
用左好少時間搞個頭, 執左好少野就衝出門口~~
今日o既call 係1230, 但係我要去photomax 搞掂份禮物先得, 所以我1050點就出左門口
去問左幾間photomax 都唔可以即日同我灑到8F size(~A4)比我......
我一定一定唔等得, 而且搞左咁耐, 無理由就咁o徒左o的心機時間同精神
......5R 都殺佢, 最多之後邊個想要8F 我再補送啦, 今晚應該係最齊人, 今晚唔送, 我就無機會...

禮物叫settle, 就返左city, penny o個陣打比我話佢去左city, 不過我要搞禮物, 都係同佢傾左一陣only~
返左去食半左個包都無, 就唔想食, 食食下好鬼眼瞓, 咁我就上左惠卿
上到去, 得alex, candy, celia同阿4 響度, 正君都唔響度, 款爆佢.....頂唔須, hup左一陣
突然聽到come look at the freaks o既intro 就醒左, 要練習啦....
試mic, 試燈, 試volume.....搞完哂, 我地就準備今日o既加場啦
我個樣, 好鬼殘, 叫左吳依橋幫我打左個粉底, 叫精神少少啦, 是旦... 唔眼瞓樣就okay

加場開始, 今日好似無咩氣咁, 亦多左爆肚, 開始前仲想開大.....
做完第三場之後就去左搞掂鋪大野~!!
今日都幾smooth, 不過o的audience 好似唔太明我地講咩咁, 可能係英文關係啦
大致上大家都幾好, 係yammy 同 professor young 甩左o的囉, 是旦啦, 做完lu~!!

之後大家就執野走, 要1730前clear 惠卿交返個場
響個個都忙於封野o既時候, 我就係咁搵人影倒影相, 又玩吹波波
總知我就唔會執啦, 因為唔想, 而且好攰 (當然係藉口啦 ^^)

清完場就到清惠卿出面個8個board啦, 清之前我地同個board影下相咁啦
最得意都係同吳依橋影返自己張相, 相中又有相, 好搞野~!!
半玩半做野之下叫清哂o的board, 之後係咁吹水, 又唔知可以做o的咩喎
上到locker o既野我地都上左先, 之後就分批去左灣仔先
我當然留後啦, 我要攞大家o既禮物嘛, 叫左吳依橋陪我
本身想叫son 哥, 不過行行下唔見左佢, 我又唔想一個人去, 如果我響街暈左都想有人同我報警!
不過我都無比佢睇個product, only比佢同elaine睇個失敗版
唉......5R 真係無咁靚, 不過都叫睇到o既, 總知今日內攞到就算啦...

去到灣仔, 打比kinsen佢先落黎, 真係粉皮~!!
仲要佢都好似唔多sure 間野響邊, 模模下都叫去到啦, o個間野好似叫M.Oasis
我地應該係包哂成個場, o個度唔算好大, 不過一定夠我地廿幾個囉
有成個場玩, 好野~!!
一入到去, 大家都好興奮下, 不過我同吳依橋都好攰(我唔知佢攰咩), 就響門口張台落腳
一o的都唔似我地o既style, 我地尼o的core 通常都係入面最鬼嘈o個咋, 不過今日真係無energy
但係又無死喎, 結果係幾開心下~!! 初時我都好眼瞓下, 之後佢地話傾下計, 好啦
傾傾下就有erica 同正君(導演) o既「除邊件?」故事, 再加上我口快快o既『城大多少女, 件件卜卜脆』
口快快o既說話竟然引起哄動, 傳傳下句野都唔同哂, 哈哈......而家你地知原本句野係咩啦 ^^
之後正君o個句仲衰: "乜唔係；『城大多少女，件件都"木"咀』咩？"....
大家o既急才都有返咁上下啊 ^^
之後都有好多密密計傾, 我尼o的core 梗係知得最多啦, 不過都有o的唔多知... 跟得都幾係野...
兩pair「神女」同「相王」都算係全晚最神秘啦... 我撐正君喎, fanny 好勁~!!

食下, 傾下, 笑下, 癲下, 玩下 就十點幾就到十一點, 個個都好似靜左一陣咁
尼個時間就係我送上對大家小小心意o既時候啦~!!
尼張5R o既合成相雖然唔係貴, 亦唔係咩值錢野, 不過係我花左好多時間心機同精神整的
上莊咁耐, 樣樣野都好比心機做, 目的都係想大家過左一年會有野係可以回憶到, 紀念到
唔會話過左一兩年就唔記得大家咁......
尼張合成相就係我地上左莊一年同未上莊響choir 玩o既時間o既點點滴滴, 係我o既小小心意
好希望可以比到一個美好回憶比大家~!!

kinsen 正君同fanny o個張我會遲o的補返咖啦, 我一定會整張更好睇o既比佢地~!!
雖然中間比人話我地嘈, 不過都唔會掃興, 佢都好有禮貌下~~ (係我地大聲左o的o既)
十二點左右, 大家都散啦, 今晚o既慶功宴亦告一段落...

好多謝大家, 莊員門, 特別係group member, 尼一年都比左好多好多野我
我會記得由我o既意念, 到落year plan, 到我續個電話打, 出e-mail reminder, 迫人reply我, (多時收返non-sense reply)....到mini, daniel o既執著, 佢o既加入, 到miya san走, 唔夠人唱soprano, celia 加入, alumni concert, art fair, AP......o既CityU Group Choir

希望大家會永遠記得大家, 記得今年大家出過o既力, 做過o既野, 大家都係好朋友~!!

>>April 2, 2005 at 7:17:23 PM GMT+8

2005 年 3 月 31 日 星期四 【晴】

今日就係cityu choir AP o既日子~!!
搞左一年都係為今日, 真係好緊張啊~!!
病情, 都係咁, 無好, 亦無特別太差.......撐硬上啦~!!

一朝早, 都遲左o的先起身, 因為要整print o的musical note 比佢地整board, 尋晚都唔早訓
飛出去搭貴貴忙命van 返去啦, 點知得....得angela...erica 1120左右先到, celia 1145
其他人我都唔記得時間啦.....講真, 有o的失望, 一心想練好哂o的歌加試mic的, 但係.....
個心無咩動到氣, 其實大家都盡左力返黎, 大家尋晚都2300打後先走....算啦.....希望之前practise o的野仲響度啦...

之後快快脆食左個lunch, 大家都食蒸飯囉, 唔想熱氣, 係吳依橋一個大碗飯
1300, 我地就上返惠卿, 做我地part B rehersal, 都ok o既, run左一次, 問題都唔大
不過話o的lighting memory 無左, 要set返, 搞左一陣.....影下搞笑photo


搞搞下就四點, 仲想練group, 無時間>.<
好在kinsen都想聽group, 就比多左10min我地練一練~
Dona Nobis Pacem 真係....對尼隻歌嘛嘛地, 反而and god shall wipe away all tears 唱得幾好
又試左兩次同erica o既duet, 好嘛嘛.....我上唔到o的高音.....好唔開心...
Close Every Door 就ok o既, 不過真係無時間唱到The Lord Bless You And Keep You~~
就五點啦, 真係要練mass choir啦......kinsen都知點無時間, 都run唔到一次, 就只係執每隻歌o既重點~
六點放左大家食飯, 我就就咁響惠卿換哂uniform, 執好個場等人入黎~~
erica 響惠卿changing rm換(佢就好啦), 叫幫我打左o的粉, 好鬼白...不過好似精神o的, 唔該你~!!
入場前同erica 試多先written in the stars, 把聲都係咁.....唔開心>.<
好啦, 真係last last rehersal啦, 無啦...

本身我call group 1900 的, 不過都黎唔到......
好想再唱一次the lord bless you and keep you, 但真係無時間.....
仲想同佢地一齊做一個祈禱先開始, 不過無做到.....真係咁無時間?! 我好似比藉口自己咁....
Mass choir 就call 1915, 果然1930 都係唔齊人.....響後台都搞到好亂下
大家都有o的火, 我...無咩野, 係咁同人影相, 因為一陣無得著U影嘛~


開show啦!!!

《Part A》
頭3隻係mass choir 唱的, 大家好似唱得幾好, 不過我就有o的mic咀, 第一次會咁...
完左頭3隻, 就係group o既3隻歌啦, 係我成年最期待o既一刻

And God Shall Wipe Away All Tears:
初時angela比音起, 不過佢比錯左chord我地, 之後比返個o岩o既~~
Erica 一開始o既solo, 次次都比我一種技驚四座 o既感覺, 今次都唔例外~~
雖然係有少少沙, 但係都係一把好有心, 好有passion o既聲音, 有一種draw 人attention o既力量
大家入個harmony 都好好, 成隻歌都好bland下, 只係略有少少rush左
Dona Nobis Pacem:
一嬲都唔多鐘意尼隻歌, 可能因為用MMO o既關係!!
不過今次大家都唱得幾好, 我覺得, 拍子o岩, 無慢, 透氣齊
The Lord Bless You And Keep You:
尼隻歌係group 成立以黎我覺得唱得最好聽, 最唱到個score個feel o既一隻歌
對上一次唱係alumni concert, 大家都唱得好好...
今次我地無咩時間, 唔係唱得好多, 其實有o的擔心...
所以未唱之前, 就算響個台上面, 都想同大家比o的notes先~~
定o的, 靜o的, peaceful~~ shine多o的, 同笑...
好, 真係唱啦~~ angela 彈得好好, 我知道佢之前用左好多心機去摸索隻歌個feel~~
女聲開始, um......好正, 好舒服, shine.....shine得好有愛o既力量
愛唱歌o既力量, 愛group o既力量, 愛大家一齊唱歌o既力量
到男仔入, 響我o既位置聽, 入得好正, 好warm
雖然只係得我, daniel 同 mark 3個男仔, 不過都夠聲, daniel好用心唱, 阿mark都好專心望我
and give you peace.....amen.....amen.....
我真係講唔出野, amen 得好warm, 好有恩典, 一o的都唔亂...
果然尼隻係我地group o既飲歌, 真係唱得好好~!!


完左group, 就係duet 時間啦, 先係兩pair piano duet
之後就係我同吳依橋o既written in a stars...
尼隻歌係講我同佢唔可以一齊, 因為大局o既問題, 如果我地一齊會有好多人會死...
唉.....唔開心, 我覺得自己唱得唔好, 難得有機會唱duet, 都唱到咁....
我覺得o徒左erica 把聲, o徒左一個好好o既機會, o徒左一個經驗, 同o徒左kinsen隻歌...


duet完左就係group o既最後一隻歌, close every door
我返而覺得尼隻唱A Cappella 唔錯, 不過rush o既問題嚴重~!!
我個人覺得尼隻歌同我地group 個style唔多夾, 又試者係同之前我地唱得好o既歌唔似啦
所以個感覺無之前3隻歌咁深印象!! 當然, 都唔係差啦~!!

再唱埋mass choir最後兩隻歌就完左PART A啦~!!

《Part B Musical - Unforgettable》
我地有份做musical o既人就飛快咁去換衫
我廢事煩, 就咁響back stage 換, 阿mark 同 daniel 都係, 好鬼勇!!
有女仔都唔理, 好在o個陣o的女仔走哂, hehee~!!
開show前, 正君落左黎同我地say good show~!! 好有feel, 唔係講笑~~!! 好少見佢咁期待o既樣~~
start musical 啦, come look at the freaks, 大家都好有力量, maybe 真係part a大家都有留力~~

之後有celia o既loving you, 我就同candy, mark 同su 響邊邊度玩, 係入戲先o岩~!!
到我地衝出去啦, 無左ppt o既?! 燈又開左喎, 唔理, 照做.....
講錯左幾句, 又爆左幾句, 佢地`好似唔多知喎, 哈哈, 唔理lu~

跟住到erica 同 yammy o既 I will be loved
尼隻歌係我覺得musical 咁多隻歌之中最好聽的, 真係好好聽~!!
而做返尼場戲, 搵返erica 唱, 都係好合適的~!!
又唔係講笑, 我覺得尼個scene 好正, 真係演繹到個種sweet sweet feel
yammy 又神奇地"calm"到, 又唱到, 甩得唔叫多
erica, 款你......好聽到......我真係感覺到佢真係表達佢對brian(or someone else) o既思念,而唔係為表演而"唱緊歌"
雖然唔可以講佢好到好似阿俊唱"信天翁"咁識笑哂咁sweet, 但係佢自己表達出另一感好真o既style
Great job erica~!! 鐘意死你隻I will be loved


接住又係我地幾個粉皮, 出盡哂力咁叫, 真係唔理有無聲啦...
嘩, 真係有人笑喎, 份外落力tim啊衰鬼

我地o個場之後, 我就睇唔到啦, 因為要返backstage standby
之後o個個scene係愛是不保留, 係我覺得咁多隻歌最夾梗黎的...
我聽到professor young 今次入得o岩喎, 不過都有少少慢
唔緊要, dr.yee 勁啊, 入得o岩, 應該唔太差o既~!!

到我同阿mark o既死城戲啦, 嘩, 勁多人笑, 個感覺好正~~
同佢玩蛇形貂手, 玩到好high, high到唔知自己講咩, 又驚講錯, 亂爆o的野出黎...
哈哈, u first, y me first, you frist, YOU FIRST!!

之後到daniel o既病人, 唔知做咩, "Doctor" o個下都有人笑...
um....雖然只係聽, 但係我覺得daniel 唱得幾好
而且一定好過上次art fair o個次 (o個次唔好意思, 太急)
聽觀眾反應, 應該係唔錯的!!

之後就係3兄妹, 正君話佢地係做得最好o既, keep得最好
而我覺得佢地個scene 係最難做下, 因為要好多時間warm up先入到戲
當然, 正君咁講, 佢地真係present得好好啦 ^^
而Anyone can whistle 係我覺得第二最好聽o既歌~!!


又到我地尾場啦, 我地4個出黎搞下gap咁, 勁多人笑囉, 真係咁好笑?

完埋我地o個場, celia行返出黎, "佢唔係死左咩", 好大聲, 唔知邊個講
成個show就係我地一聲tomorrow, you're always a day away~!! 就完啦~!!

完show, 正君本身叫我地留底, 約聽日call time
真係彩佢都有咪, 我諗佢都明咖啦, 點會唔影相先得咖, 哈哈~!!


好多人同我握手, 好多都唔識, 哈哈, 好搞笑~~
多謝老姚, 惠敏, 仲有阿tim同 alin, 更加有我爸爸, 四姑媽同家姐, 仲有一仔一女
多謝佢地黎捧我場啊~!!

UST 新莊都有黎, 真係守信用, 不過alice無黎, 有o的失望, 係佢話會黎o既...
而joint u event 我only同佢溝通過~~ 所以係叫佢多幾句計傾過下~~
最豬就係, only揸機, 都唔記得同佢地影....>.<

狂歡時我都要為我o既禮物準備下, 搵哂o的莊員影相先得~!! 仲有新舊莊相~!!

我地group 影左張好開心o既相, 勁鐘意~!!

之後就一大班人去左南山食dinner, 11點30分先入去, 都唔知有無野食
唔理lu, 咁多人, 都唔知去得邊....入到去先算
好在都有得食.....食完, MTR 都無lu~
大家都散, 我同raymond, alex, angela + erica 就行去深水步等車
果然, 最後係得我一個人等車的......灰!

返到屋企, 應該要訓的, 不過要整比exco o既禮物...幾攰都要搞掂~
尼個係我對每人個exco o既心意, 亦係對大家可以做o既最後一樣野~!!

希望搞得掂, 聽日個個有禮物收 ^^


>>April 5, 2005 at 7:19:13 PM GMT+8

2005 年 3 月 30 日 星期三 【雷雨】

款...諗住早少少去金鐘轉車, 可以平2蚊啦...點知一去到...見住架40號走...
唔洗咁o岩呀?! 結果好得攰咁企左3個字, 都好在有尾班車座到
唔好講笑, 聽日起到就起, 起唔到我就座貴車返, 今日真係用哂我o既energy...
09到23先走......仲run左3次幾musical, 咩都假哂...又無哂feel, 更加無哂聲.....
duet...唔係唱得好好, 唔好意思啦erica, 要你就就我啦
希望聽日可以唱得好o的啦, 不過我都唔expect太多野......
最最最希望就係group 可以做全晚最好o既performace之一
上左成年choir 莊, 放最多心機時間精力就係尼個group, 同group member 都比一般member熟
希望大家比左咁多o既時間同努力可以有一個動人o既演出啦~!!
我看重group much much more than musical~!!

期待聽日, 我上莊最後一個使命 (除左final report)

>>March 31, 2005 at 4:28:09 PM GMT+8

2005 年 3 月 29 日 星期二 【晴】

四點練歌, 練到九點, 又練musical, 真係攞命
今日lunch time: 1600, 有粟米雞粒鋦薯
今日dinner time: 0:40, 有排飽......

聽日仲要返09, 有好多MD, MMO 要整.....shit.....

-----------------------------------------------------------------------------------------------------------------------
ling, angie, 老姚:我會頂得住咖啦, 唔洗擔心我 ^^ and thx so much~!!

>>March 30, 2005 at 7:00:13 PM GMT+8

2005 年 3 月 26 日 星期六 【雷雨】

我好似比o的藥搞到傻下傻下咁, 個人好呆下
個個見到我都係咁講, 好在o的藥食埋今日都無啦~!!
之後要靠自己, 無問題!!

今日kebelyn同tiger 洗禮, tiger 洗禮又竟然阿婆有返喎, 而且仲要阿婆個mummy都有黎喎
搞咩呢?! 唔知, 想知.....又唔敢問, hehee~!!
阿登話我一係唱詩班, 一係搞音響, 邊得咖?! 我覺得無contradiction, 可以both咖~!! 哼!!

下晝去左沙田禾輋村o既培英中學睇阿mi 洗禮
去o既過程都okay smooth, 去到真係, 哈哈......唔知講咩好, 左右隔離都無人識
o個種感覺....都幾唔知點咁, 唱o既歌......又唔識喎, 讀o既經文就有80%似 (咁都好o的)
今日o既主席就係上次同阿俊佢地響文化中心齊齊唱共響o個個, 叫陳x能
佢地洗禮同聖餐都同我地好唔同, 真係要去多o的其他教會睇下, 見識下先得~!!
不過......寶血同利賓納仔仔好似有點兒那個...
又一個識o既人洗禮啦, 每次見到尼o的情況我就會反思自己洗禮o既心情, 同諗下幾時要堅信~!!
而家....未係時候, 我仲唔多係基督徒樣咁....

今日要抖下, 聽日要勁做野, cafe content搞掂, login system搞掂, 再plan下之後o既system先得啦!!

>>March 27, 2005 at 4:25:55 PM GMT+8