2005 年 8 月 21 日 星期日 【陰】

今日終於都創停雨啦, 太好啦~~ 好天真係可愛o的!!
雖然我好怕熱, 但係我寧願熱都唔想落雨, 因為落雨實在太多問題啦.....
街都唔會想出, 熱極我都唔會唔想出街的!!

今日好似好做好多野咁, 先去左睇左個好快o既醫生, 只係拎張form 去驗血咁大把
之後就去驗血, 真係激快, 15min 就ok, 之後就係等......唔知今次我個血報告又係點呢??
之後就去左恆生買旅遊保險, 都幾係抵下,$140 仲有85折, 先$119, 仲要包好多野下~~
希望我咩都用唔著啦, 尼o的野好係煩下!!
我仲對左四千蚊台幣tim, HK$1008 --> NT $4000, 抵嘛?! (我就唔識啦)

之後去左同嘉欣食tea, 今次見佢, 有o的.....怪怪地咁, 可能自己都有野煩啦
而且.....佢隻迷你牧羊狗今朝救唔返, 隻狗好乖咖, 我記得我上到去佢都好乖咁望住我
唔會好似隻松鼠狗咁係咁bark我 (都講緊數年前)
唉.....我都唔知講咩好, 都係講第二o的野多~~
希望佢快o的無事啦, 外表雖然無事, 不過總是講得滿是放不底的樣子~~

夜晚練hk opera, 今日莫華倫都有黎, 不過黎一陣就走左, 仲以為佢會同我地夾下歌tim
今日係咁練同幾版, 好悶下, 又攰喎, 唱極都係o的高音野, 好難頂!!
星期四去左台灣, 可以rest一次lu, yo~!!

>>August 22, 2005 at 6:34:11 PM GMT+8

2005 年 8 月 20 日 星期六 【微雨】

一早就去左同阿爸食早餐打底, 食完去翠華同老姚+eugene 食第二餐
太早我都食唔到太多野, 所以我都只係飲左杯凍鴦, 無得頂!!
今日阿wing 有約詩班門食早餐啊, 我叫做兩邊都座左一陣啦 ^^

今日大梁講道, 我都無訓啊, 不過聽哂都唔係太明
要多多思考先得!!

下晝上左homan 度打牌, 今日好勁, 自模十三么都比我食到~~
我打咁耐都未食過十三么, 叫就叫過好多次......今次仲要係自模, 勁啊~~
唔只tim, 之後我仲要kaan kaan 都比我食到, 就由本身小數百分, 去到正千幾分
最後都win 好多下, hehee~~~ 比我威一次啦 ^^

今日之後, 可能有一段時間都唔會再見eugene, 希望佢一切都順利啦~~
AA test.......好自為知~!!



聽日......又要驗多一次血啦 >.<

>>August 21, 2005 at 6:25:20 PM GMT+8

2005 年 8 月 19 日 星期五 【颱風】

唉.......屋企真係好多問題, physical o既問題仲要係幾係嚴重下, 特別係漏水
今朝一早, 原來大廳已經有一半係水, 個琴底仲不斷不斷有水慢慢流出
我跟本就分唔出o的水係由落地玻璃入屋? 窗入屋? 定係牆入屋?
只係知......再唔正視尼o的問題, 打後都會係咁.......更加唔洗諗搬屋, 搵鬼要!!

去左攞所謂o既血報告, 只係一張紙咁大把o既report.....
原來我o的血, 仲有好多問題下, 唉......咩事呀?!

今日主持小便週會, 有點hea, hea 係hea到自己一來唔係prepare得太多
而且身體同屋企o既問題, 令我都幾係心煩下, 都無咁o既心情同感動去帶尼個週會
但我個心無hea咖, 我有諗同大家講o的咩, 想同大家唱o的咩歌咖!!

撒記今日查各3, 都幾易明~
不過.....大家都唔多分享, 少左我地幾個把聲, 就只有零丁的分享, 好似唔係慧美就蕙敏
我就唔太想講野, 因為......唔想影響大家
但我都係唔明, 咩先係有質數o既傾計?? 咩先係團契應該講??
如果我要係咁計住o的野我可以講唔可以講, 應該講唔應該講, 咁都係真心o既分享????
我真係搞唔清楚!!

今晚諗左好耐, 都係去左睇士堤反堂o既: 祟拜‧讚美‧DanSing Grace
都幾好睇啊, 不過就有少少睇show feel, 我對跳舞o既體會唔太深, 真係唔同音樂咁易有共鳴~~

買左隻新牛, 裝左上廳部電腦, 整得返啦, 我第一次整牛, 咁樣成部腦我都玩過哂啦
下次真係可以自己落手玩下都得 ^^ 好有成功感~~~

>>August 21, 2005 at 6:37:15 PM GMT+8

2005 年 8 月 18 日 星期四 【颱風】

一直都覺得自己好係健康下, 因為我幾多運動, 又少病痛.....
點知, 我o既驗身報告......話我白血球含量過底, 要我再睇下醫生.....
咁....即係點? 我會唔會入唔到APA 咖????

今日成日同阿駒整佢部新電腦, 又識多左野, 因為新HARD DISK 用SATA 拎電
唔同左以前o的牛用大頭, 又易左插tim~~

好在最尾都搞得掂, 咁佢就真係有部新機用啦, 恭喜哂 ^^

但係.....同時.......廳部電腦"pak" 的一聲, 壞了
無估錯, 應該係燒左火牛, 開部機睇下, 好多地方都好濕下, 究竟我屋企係o的咩鬼地方???

>>August 21, 2005 at 6:41:36 PM GMT+8

2005 年 8 月 17 日 星期三 【微雨】

成日落雨, 幾係煩下!!
今日同駒仔去高登砌機, 見到o的野好鬼平, 好想買....
先係lite-on o既DVD writer, 都係$390 only, 仲有kingston 512MB RAM 只係$380
尼兩樣野, 我一定會響短時間買的, 因為實在太抵啦~~
另外就係sony o既memory stick pro duo 1GB, 先講緊$770, sony 行貨, 有一年保
ScanDisk o既 memory stick pro duo 1 GB utlra 都只係$970......太抵啦
比起我半年前買DC o個陣, 買$128 都要$4xx, 而家真係勁抵買
不過尼個就可以再遲o的先諗, 因為我DC 又未去到成日影video, 只係唔想o徒左個function
我又有排都有錢買PSP, 所以.....hold 住先啦~~
砌完駒仔請我食tea, 多謝你啦, 不過部機install 唔到window, 唔知咩事
我聽日同佢睇下先~!!

今日hk opera, 係咁唱act i, ii, 好高音啊, 好攰......

小肥入左City 讀毅進o既hotel management, 都幾好啊, 起碼係佢想讀o既野~~
比心機啊!!

>>September 30, 2005 at 5:29:22 PM GMT+8

2005 年 8 月 16 日 星期二 【晴】

今日真係好無聊的一日, 唉~~~
晨早就起唔到身, 遲左大半個鐘先去到medical check, 之後等左好耐.....
又驗血驗尿睇野照肺.......咩都check啦, 最後......MEDICAL FIT!!

之後, 就去左煒峯找埋o的尾數, 見到阿基囉, 勁開心, 佢今年返左黎都未見過佢 ^^
搞掂o的尾數我就同mr.jer + yikmus 去join homan 唱k~~
尼個k 我覺得自己好無謂, 唉.......無野講~~


2005 年 08 月 16 日 星期二
在家的一天, 熨衫, 執房, 已經用左大半日......
之後就要學日文, 我o的時間好似唔多夠用咁o既?!


2005 年 08 月 15 日 星期一
今日同homan 出左去報台灣o的野, 終於都決定去
只係得好少人, 好多人都hea我, 唉.....唔開心~~~
希望好玩啦, 要食多o的野先得~~~


2005 年 08 月 14 日 星期日
出左退修, 返保羅開左一陣籃球隊o既會, 都幾唔知開咩, 哈哈~~

之後座左差不多3個鐘車入沙頭角同阿婆做節
阿婆好似搞笑左, 明明成日都好惡同我講野, 而家好似唔同哂咁
係, 都係好惡, 不過唔係鬧我, 叫我比心機讀書, 又比心機拍拖...
呵呵, 好搞笑, 仲要偷偷地比利事我, 祝我入到大學喎....
原來, 阿婆都幾鍚我(地), 我以為佢只係錫舅父們o的仔女

"阿婆, 咪做咁多野啊, 多o的抖下啦"


2005 年 08 月 13 日 星期六
撒記入左大嶼山退修, 都無咩點真係退傷, 都係講團契問題
雖然, 大家係講左好多自己好耐都想講o既野, 但係......我覺得大家都係好有責任的

希望大家真係新心為團契而加油啦!!

>>August 21, 2005 at 6:50:05 PM GMT+8

2005 年 8 月 9 日 星期二 【晴】

今日一朝6點幾就起身, 同小肥返學攞school cert
可惜佢只係得2分, 可以做o既都唔多, 所以可以好快返屋企抖下
而家應該毅進多, 希望佢可以讀得好o的啦~~

保羅堂o既兩位弟兄都唔係咁好, 但幫唔到o的咩忙, 只送上一個少少的問候
雅各堂o既咁多位弟兄姊妹都好勁下, 阿柴仲26分tim, 哈哈.....
只係阿昆同martin 唔夠分, 仲有jenny, 希望佢地可以盡快settle啦~~

好耐無成日響屋企啦, 打左一日機, 係就hea左o的, 不過感覺幾好
好似有一段時間無hea過咁 ^^


2005 年 08 月 09 日 星期二
今日放jupas, 大肥入左LU con.eng, 都OK啦, 好過no offer~~
佢好似就唔係太想, 咁......jupas, non-jupas, credit transfer......好多方法有得轉o既~~

匡善, 偉恩同豬明都有offer, 而且大家都係入左自己想讀o既野, 太好啦
但係阿ANN 就好似唔多好, 我唔敢打比佢, 大家又唔係咁熟.....都係禱告記念佢啦~!!

>>August 15, 2005 at 5:06:45 PM GMT+8

2005 年 8 月 6 日 星期六 【晴】

生日快樂!!

今日係青年日, 近幾年我第一次遲到.....無計啦, 真係好眼訓~~
今日大家唱得都幾好, 唔可以話好聽, 不過都有敬拜o既感覺, 都唔錯!!

要多謝登嫂o既楊支甘露, 真係無得頂咁好食, 雖然我只係偷食幾杯, 唔係好凍, 但已經覺得好正^^
um.....要同蘇佩豬say 聲sorry, 我口快快講左o的野.....又無諗過......算啦, 總之我多口左啦!

2點我就閃左啦, 之後同阿ling行街~~
但行行下好似係我睇袋咁, 睇睇下, 真係買埋, 近排我好似好豪下, 咩都買....
又同ling睇電話, 不過無咩o岩, 而家o的電話個樣好似多ok, ok o個o的都幾係貴下
或者等多一陣啦, 遲o的可能又出唔少~~
行完一陣街就去食元綠, 嘩...好多新野食, 有o的都ok喎~~

夜晚同招生再睇多一次讚美之泉, 真係好正~!!
雖然個位唔係咁好, 不過....今晚同尋晚o的歌又唔同, 今晚少好多"讓愛走動"o既歌
多o的之前o既歌, 而且sandy 今日帶o既時間, 多係off instrument~
聽住千幾人響伊館一齊開聲讚美上帝, 真係好正, 好有力量, 好震撼
千幾人手拖手咁一齊唱"雲上太陽", 無音樂, 無mic帶, o個一刻勁feel到大佬有幾偉大!!

睇完, 我同招生都好快散, 今次無咩點傾計....maybe 之後約埋之杰先計啦~


>>August 8, 2005 at 5:44:32 AM GMT+8

2005 年 8 月 5 日 星期五 【晴】

今日約左homan早o的出黎食飯, 當然就唔係食飯咁簡單啦~~
我同homan 總叫做講左一o的大家都有o既問題, 而我地應該有o既面對態度
今次只係起步, 我知道我仲有好多好多野要做, 主~ 求你賜我智慧同力量!!

終於買左部NDS 同狗仔啦, 嘩.....好x貴下.....
不過.....無緊要啦, 最緊要係佢鐘意, 咁多年都無特別買o的咩野
好多野都送過, 貴一次半次, 無所謂啦 ^^

就係因為買野, 所以遲左返聯合祟拜, 聽唔到edwin o既分享, 唔好意思
之後就勁練青年日o既歌

練完之後, 我地就去左睇讚美之泉~
我覺得好有意義啊, 唔係money, 阿肥, tiger 講咁....只係似disco, 唔知o的人做咩....
我覺得.....o個一刻係敬拜上帝o既時間, 其他人係投入敬拜定只係鐘意讚美之泉都唔緊要
最緊要係我地自己個心, 係唔係一心一意去敬拜上帝, 如果自己唔係咁o既心, 咁成個聚會就同concert無分別
如果係一心一意去有一個敬拜上帝o既時候, 咁其他人幾假都唔可以動搖到你對上帝o既心意!!

如果要懷疑, 我更懷疑每個主日祟拜當中有多人係真心祟拜? 有幾多人只係機械式祟拜?
有幾多人為左其他目的而返崇拜?!

讚美之泉唔係佢地講o既咁無意義, sandy 響10年事奉後, 今天已經係一位牧師
佢仲講左幾樣好有意義o既野, 我地基督徒要知道3樣野:
1. 我地信o既上帝是誰
2. 上帝是撐權的!! 賞賜是祂, 收取亦是祂
3. 上帝與我們同在

知道尼3樣野, 我覺得上帝又比左指示我!!

>>August 11, 2005 at 4:05:04 AM GMT+8

2005 年 8 月 4 日 星期四 【晴】

今日去睇謊島叛變 (the island), 都幾得喎 ^^

學日文......又係好悶o既一堂......幾時先教書呀???

>>August 11, 2005 at 3:44:07 AM GMT+8