2016 年 11 月 7 日 星期一 【晴】

2016年11月5-6日
HK168 – 93.5KM (實際89.5KM左右)
19小時31分25秒
總名次 20 / 84
性別名次16 / 66
組別名次 2 / 15

下午五點起步呢個時間幾岩我，唔使早起冇咁眼訓，去到起步點15:45左右，施施然執下野，拉下筋，可惜到最後都係唔記得左開賽之前祈個靚禱。比賽接近開始，場面都係好冷清下，個出場名單有128人，但我諗唔知有冇80人，運雙成日叫我同森哥搏獎，我都冇乜理到。

CP1 城門大壩去扶輪公園
 一開始，參賽者好似玩33KM咁，係咁跑勁快，我地跑6分披醒都要排30-40位左右。
 除左上果600級樓梯外，其他都好似幾好跑，所以也是開快了
 過左川龍入黑，拎頭燈出黎既時候跌左幾粒電芯，冇留意
 去到扶輪公園，我地成10個人去到，妐雱琣a錯路，要撓返400米左右，指示很不清晰
 橙好好味

CP2 扶輪公園去林錦公路
 慢慢上波波，其實都OK
 落萬德苑同埋出去林錦好似又快左

CP3 林錦公園去和合石
 冇乜特別，印象中都OK
 但蝴蝶山落去和合石，又跑得幾快
 去到和合石，拎電話同運雙報告下第一段既路況，順便休息下。有個FA既師兄同我地吹水，仲話我地玩得咁風流，咁HEA….
 朝上同我講我排得7，森哥第9，但我誤會左，但我都冇乜理呀

CP4 和合石去鶴藪水塘
 大會講既一粒星，辛苦度個屎忽都爛，瘋狂上斜，好恐怖!!
 終於上完，預備落鶴藪，個分叉位比人搞過，指左去九龍坑山，我諗果邊冇乜可能落鶴藪呀嘛。之後就出現貴人，妠N係錯路返左轉頭，商量左一輪我就行返之前落鶴藪條路。落去既時候，D絲帶D牌都係亂咁黎!!! 應該係比人換左，10米內有個交叉，但係又有條絲帶喎
 再之後明明唔使去流水響，又有絲帶在流水響方向，我地同個貴人商量後都係覺得就咁行返衛徑條路就算
 落到去鶴藪CP，超級冷清，我問CP義工，妐雱琣a應該第10幾，但和合石我第27
 之後飲飲食食，開始多人，有好多之前冇見過既人開始追上，大家都對路牌好迷惘，大會義工話頭兩名既人已經同呇a投訴左
 我飲左杯有昆蟲既華田，飲左一口有少少電油味，吐出黎有半隻螳螂物體
 在這裏拿POLE，準備打BOSS

CP5 新娘潭去南涌道
 夜晚走東北既路好惡劣，頭6KM我行到想殺人，路況好差好差，夜媽媽冇可能快，阿師兄話平路真係不得了，尾6KM就真係平路多，我地都跑左下
 呢段慢慢長路，凍凍地但又時凍時唔凍，我覺得唔覺唔覺CHUR走左我好多能量，勁肚餓，我都知大鑊
 去到尾聲入村，遇到有狗，本身冇乜野，有個外國人話妗孕�20分鐘，吨騋扛祠g吠，唔比妏L。但我地三個人一齊又冇事，個外國人好感激我地
 去到CP，其他選手都話隻狗好惡，有個仲比狗追，PIERRA三人組話有兩個話：又話平路個半鐘搞掂…..之後FER問吽A黎緊呢？條路點架？條友答：唔知呀，有座山仔呀 (後來就知係486米龜頭嶺)
 補給好廢，我已經食左兩條蕉同埋NUTS，薯片食大半筒，食左好多朱古力，但我覺得為時已晚，漸覺又有作嘔感覺

CP6 南涌道去鶴藪水塘
 上極都上唔完既龜頭嶺，我淨係記得我忍住唔狂嘔，等坋齯④U
 太陽開始出，係另類既辛苦
 去到鶴藪水塘，食野，換衫換襪，胃口差，食GEL，臨出發，嘔哂，YEAH!!
 我見到有個同組對手內地人到左，仲坐左一陣就走，而之前果個毒男睇號碼係同組，同埋我唔知道原來好早行最快果個人都退出埋，我已經冇諗住有獎 (其實大部份時間我都覺得勁人會追上黎)

CP7 鶴藪水塘去鉛礦坳
 最後一個BOSS，有心理準備好辛苦，由沙羅洞上九龍坑山，真係想死….
 然後落九龍坑山都好痛苦，係慢慢行慢慢行，又曬到乜咁，森哥話21個鐘都唔知得唔得
 落到太和，去左買保礦力同埋忌廉，我再唔入去另類味道既野，我會死亡
 呢個時候，有個橙衫人追左上黎，呇P我同組，妐嗃係錯路，追返上黎，咁就又再更加唔使諗得獎。
 在太和是09:50，森哥話坅鷚伈ㄜn20小時內，幾好戰意!! 1300前返到終點就20小時內。妐�1130前到鉛礦坳，最後跑返去，當時我地以為最尾一段有10KM，所以覺得時候好緊湊
 去到碗窰底係1100，半小時要上到鉛礦坳，森哥快放爆SEED，我死跟爛跟都有20米距離，要留力最尾衝。我感覺上左去成粒鐘咁，辛苦到痺，但原來上到去1130岩岩好

CP8 鉛礦坳去終點
 發現仲有8KM就過終點，只要跑10分披左右就達標，好興奮
 飲少少水，收行山杖同埋嘔就走了
 見到橙衫人，吤i能唔知自己有機會拎獎，所以玩手機行路，或者我計錯數睇錯人有機會拎獎喎，咁我幾大過左呢個人先啦，或者第三都好呀
 跑左幾公里，無啦啦又上又長又斜既路，XTE真係好唔人道
 最尾幾公里，阿FER又出現，傾左陣計就同妎]返去，不過跑跑下頂唔順，呇菑v跑。森哥都冇跟上黎，我估坁器D可以20小時內就唔跑。
 終於過終點，拎個電話睇成績，第二，我有懷疑係計錯左，所以好猶豫。到頒獎既時候，大會話SENIOR只有一名過左終點，我心諗：咁我係乜黎…..
 毒男係OPEN組，橙衫人拎第三，內地人拎第一

後記
1. 原本諗住DNS呢個比賽，但最後拎獎，世事係難料既，但唔係特別話好開心，始終如果唔係班人錯路，我係唔會拎到獎。
2. 非常感謝森哥阿嫂黎左車我地，唔使行返段路去搭小巴再搭的士。
3. 每次玩完長途，心理都大受影響，ULTRA點算…..救命…..真係唔多想玩了

>>November 7, 2016 at 4:37:28 PM GMT+8

2016 年 10 月 15 日 星期六 【晴】

2016年10月15-16日 雷利長征80公里
Team名次 34/132

這次要打個Recap，好大掙扎，好似要重頭經歷那些辛苦，沮喪，絕望的心情。

出發前，咪咪麼麼搞到好少時間拉筋，同埋好似冇乜氣氛就開始了。

CP1: 運雙一馬當先跟左高俊跑，我同森哥朝上在後面慢慢Jog。上紫羅蘭山，有個參賽者喪嘔，運雙之後講返係瀑布式嘔吐
大家狀態：🙂🙂🙂

CP2: 頭兩段其實不難，但我們太進取，落地鐵前係跑七分披醒。趕到地鐵唔使等，非常好！
大家狀態：😊😊😊

CP3: 出左地鐵要上斜，朝上開始慢，因為太熱。所以都冇頭兩段咁進取！有個小朋友叫破喉嚨咁叫加油，聽到都覺得辛苦！
井欄樹食野大休
大家狀態：😶😶😶

CP4: 大家知道要打東洋山，都如臨大敵，加上都好曬，好緊張。朝上在後很慢，勁多人過，原來岍Y痛，又怕爆。後來篤促下吽A上東洋山過返所有人乜濟，途中見到五金同Ida。但唔知係咪呢段太chur, 所以埋下囥漟洵J伏線。落到沙田拗道，食冰菠蘿，正！落山既時候撞到鷹鷹雪姐
大家狀態：😐😐😐

CP5: 進入超悶平路，我們行下Jog下，運雙超眼訓，大家又悶又頹，之後行孖子征，行極都出唔到個金山郊遊徑。
大家狀態：😑😑😑

CP6: 去到城門水塘，有熱飲，有個膠杯送，成個比賽既精華。朝上抽筋情況開始嚴重，還有ITB都有爆發危機。環塘同運雙Jog左陣，上鉛礦拗途中，朝上首次提出drop out，去到鉛礦拗，有個阿叔忽然話：九龍坑山，諗起都打冷陣，唔好話行。我們開始諗朝上應該留下還是離開
大家狀態：😣😣😣

CP7: 落到元敦，都仲未確定。但後來朝上一落斜，就連普通行路姿勢都變埋，就應該係搞唔掂。交低身後事，我們就行老窩過太和。在太和7仔補給，我第一次嘔。之後我們三人出發打大佬，用左52分鐘上到九龍坑山頂。果時我地都諗有冇可能追到20小時內，太天真！落到鶴藪其實只係爭20分鐘，呢段路行好鬼快。但評估大家狀態，我們在CP大休了35分鐘
大家狀態：😩😩😩

CP8: 打大大大佬，上屏風山去黃嶺八仙嶺，又停又休又抽筋，成段路其他隊既人都係咁上下狀態，辛苦但都有目標。楚健同火車在仙姑峰過了我們。最後打完八仙嶺，仲有8.7公里，呢段冇試過路，條路悶到顛，我淨係想快啲完，快啲返屋企，但行極都未完，絕望到呢！間國際學校，望極都未見到。呢段路真係行到又嬲又絕望！
大家狀態：😵😵😖😖😔😔

賽後沒有歡愉的感覺，剩下是灰心和眼訓
要重新評估自己究竟日後點發展。

檢討
1. 點都要試路，最尾果段冇試路，灰到盡頭！
2. 18小時目標太進取，冇好好評估自己能力同埋路況
3. 自己補給得不好，唔夠能量，後段狂嘔。我過終點嘔到我覺得要嘔啲內臟出黎，有一刹那，我以為自己要入醫院
4. 肌肉同肌力有進步，冇以前咁廢了，而且行完唔算話好痛好辛苦

>>November 7, 2016 at 4:36:11 PM GMT+8

2016 年 9 月 4 日 星期日 【晴】

2016年9月4日 追逐賽
男子排名36
全場排名38
時間 2小時7分7秒
距離：16.8公里

出師不利，唔知醒，遲左半小時起身
用左4分鐘出門，帶漏左小腿套
天氣算不錯，沒有雨，太陽收埋左

排頭位出發，仲同成堆精英跑手影相
運雙頭百幾二百米係個壩係一馬當先
跑第一！達達轉彎先過到�
我頭幾百米都開3分尾
確認唔會點塞人就減返速
跑得都順同舒服，起碼橫隔膜冇乜野

環塘係熱下身咁，之後冇耐就開始要上斜
意想不到運雙仲未拋離我
我見唔太斜就會Jog下
去到3定4公里左右
開始追到運雙
同埋見到Ada
我地一路都同呇n近距離
慢慢繼續用同一原則
Jog到就Jog，過左運雙
我見呇n辛苦下
喘氣聲好大聲
（後來妐嗃平時行路都係咁）
過左第一個水站開始上草山
形勢差不多
我都幾discipline
我估運雙係死跟
之後我同岏縉琤媦衪曮Y要贏�
唔需要兩敗俱傷
我按自己的法則繼續跑
運雙話最遠我試過拋棄�30米

去到草上山頂落鉛礦坳
我落樓梯明顯慢
比運雙同Ada過哂
但距離不是非常遠
眼見到的距離
去到鉛礦坳上大帽山
我地距離20米左右
呢段上山都幾辛苦
呢個時候有個女仔過我地
呇n鬼勁
仍然係上就行平路就Jog
我忽然作抽筋，右腳大髀後面抽
而且有嚴重落去的跡象
我邊行邊按摩，打鬆下啲肌肉
平路我就慢Jog，希望可以鬆返
抱著這個擔心，節奏慢了
跟唔上運雙，Ada在我視線範圍內的
我諗我唔夠能量，所以作抽
好不容易去到四方亭，以為係水站
點知冇，灰到極限

然後就上斜，見到友哥
宎v左我好多相
呢段路我慢左好多
Ada都唔見影
我又怕老抽又唔知幾時有水站
好在行多1公里左右就有站
食左香蕉飲左運動飲品
慢慢行上波波
諗住等野食野飲落下格先
落山就發力
因為我都擔心落山用大腿後肌肉會抽

上到波波要落山
大腿後面冇抽跡象
但係兩隻大髀近膝頭一齊扯住
我諗加速太快就會抽
慢慢用4分幾5分披落山
係咁比人過
又擔心精英跑手要追趕
但我已經同自己講
拎唔到盃都冇計
唔想抽住咁辛苦
去到最後1公里
好多人都抽筋
我諗大家都好驚比精英跑手過
所以好chur
我最初估第一名精英跑手可能2小時返到
我要大約2小時10分才到
都少少打定輸數
好在，最後精英選手係被安排2小時15分過終點。我最後冇抽筋下2:07:07完成
過終點有人派盃，好開心

飲下野休息下
諗住去小個便
一入到廁所就嘔，舒服哂！
出到黎見運雙好唔妥
坅Y咁話自己好暈
再要多15分鐘先可以
睇黎吨Schur死自己
妘怬�2小時2分
僅僅快在大帽山過我的女子25秒
Ada快我兩分鐘
達達第一名 1:37

呢個賽事我滿意既
未抽筋前都順
Discipline，冇懶惰
作抽之後冇強迫自己去都合宜
我初時以為可以同運雙上到波波
落山先比妏L，但冇計啦
狀態不錯應該是8月底都勤力
而且游水好似對氣有幫助
呼吸心肺都暢順
但係肌肉跟唔到個節奏
想再進一步就要加強大腿力量了

下一場就是雷利了！

>>September 28, 2016 at 4:53:20 PM GMT+8

2016 年 8 月 13 日 星期六 【晴】

2016年8月13日 Mid summer 第三站梅窩
組別排名：6
總排名：26
時間：1小時56分44秒
15公里

上星期去試路，試完之後覺得老人山不簡單，心裏不情願地去比賽，加上試路試唔哂成條路，後段是甚麼自己都冇乜概念，臨比賽前直頭頹下頹下，好在最後都調整到。

出發頭幾百米，朝上運雙都比我快，但我已經開3:50披醒，囧潃�😏😏 都要務求上樓梯不會塞人既，之後開始慢慢上山，不知是否太耐沒有用這對小腿套，小腿好緊，而且痛，頗為擔心。頭幾公里都開6分披醒內，比translantau 時快半分差不多一分披醒，都有擔心自己有沒有太快，但都好似慢慢適應到個速度。差不多到拾塱過了朝上，他好像開得太快吧！大約到發哥位，高進追了上來，還叫我一齊跑，但呇n似好快咁，我就冇理吽A轉上老人山過返高進，吨W樓梯好似怪怪地。

原來老人山呢個位上，我地又試錯路，有點沮喪，不過因為個牌寫去老人山係3公里，我計一計有個預算，而且天氣不熱，上山比試路時舒服得多。行老人山，上山或落總會過些人，又會比些人過，我都唔知自己自己實際上係咩位置左右。落老人山個位，好線又斜，爭啲大PK，跟住我後面的人大叫好線呀小心呀，果個位係有點得人驚！

去到水站還有100ml水，加滿水就行了，呢座山我冇乜印象幾高，慢慢跟住前面的師兄行，妘ㄚY上山就會行，平路就慢跑，同我節奏頗相似。到一個位我地就傾計，當時已經要開頭燈，妐雱琲噪籅p等等，我feel到妧C左，但我都想慢，偷懶左兩三分鐘。我發現自己都幾回得8899，就過呇菑v跑，其實我成日都會怕跑太快會miss左啲位而行錯路，所以時不時望下後面，睇下有冇人有冇光。有一個位，壞習慣又黎，當時好黑，跑緊但我睇錶，無睇路，左腳踢左落大石度，我大叫一聲，我懷疑方圓十里既人都聽到，右腳小腿即時作抽筋，好大既教訓，冇成個人跌低甚至食個吃狗屎已是大幸。繼續跑，聽到車聲，應該就到最後車路，我呼吸都順，身體也不太疲倦的。

一出馬路就跑跑跑，都開到4:30披醒跑最後兩公里，知道應該可以兩小時內完成，舒一口氣同埋迫自己盡量努力，過終點1小時56分44秒，跳起過終點。終點見到運雙，吽u只」快我4分鐘，哈！我未至於好滿意自己既時間，但我覺得開心既，冇話跑到要死或者負面情緒好高漲咁。運雙話有人同岏褡第13，我就聽到人講我排21，冇理由咁前掛我。最後睇返成績，運雙18，我26，可能工作人員數漏左5個人。

下一場追逐場，要努力！

>>September 28, 2016 at 4:53:16 PM GMT+8

2016 年 7 月 13 日 星期三 【晴】

2016年7月9日 Mid summer 第二站
組別排名：12
總排名：53
時間：1小時53分45秒

賽前有試路，但試錯了比較重要的那部分，加上近日天氣超熱，體感溫度45-48度，空氣污染指數超勁，多了變數。這場有森哥朝上古嘉如DNS，慶幸跑前沒有下雨，否則謝夫也不來，我們就一半人出賽也沒有。

起步前特別緊張，站在所謂的精英區，壓力不少。運雙霸氣提出應該唔需在check point加水，真唔真事？起步個個喪衝，係咁比人批踭，運雙提醒前段要爭取向前，跑快些，否則那些窄路必然塞人。我今次都叫開快了，上斜開五分幾，以早段時間來說算是不錯，而且一直都見到運雙身影，但都少少擔心開得太快後面爆。去到針山底23分35秒，氣很喘，要慢慢回，感覺行得很慢，而且好像有很多人上山過我，好辛苦捱下捱下上到針山頂，50分10秒，即係PB左針山，可能自己不自覺平均了快了。

落針山落得頗快，到底就加水，其實應該叫義工加滿些。見到上斜那段路，不太猶豫之下就改為行路，好需要回氣。然後就正式去一段我們從沒有走過的話，舖得靚靚的樓梯。又再繼續比人過，我都估到，因為未回氣，所以感覺只係可以略略跑下。之後入小徑，唔簡單呀，但覺得都幾好玩。開始入黑，我後面有個師兄比我塞住左，岕N帶電筒所以唔過我我諗。之後同妎氻U計，岏羲薷籅p比我知，心情都沉重埋。後來見到Frances Lai，估唔到會追到吽A可能吨J林慢或者傷傷地。

爆完呢堆小路，我問義工仲有幾耐，妐雈穧�4-5公里，Oh shit....灰！又行冇耐，竟然仲有林要爆，已經冇哂水，好噢惱。上樓梯上下斜終於到友愛村，對呢段路都有少少記憶。最初好驚兩個鐘返唔到終點好灰，好在竹跑下行下就返到終點，但都辛苦。

見到運雙，呇阪Z成1小時42左右，咦！快唔過我15分鐘！妦敓O排第4，屈機！我組別12，成績都算滿意。運雙告知高進在針山跑回頭，我都估到，因為唔見妏L我，而且見呇n痛好辛苦咁。

等埋謝夫就落山，落山既時候瘋狂閃電，勁行雷，又好大雨，勁驚！而且又唔知去邊度沖涼好，搞左一輪有搞小巴去荃灣，又立即開車。去蕙荃沖涼後吃飯。

又完一個比賽了，正！

>>September 28, 2016 at 4:50:07 PM GMT+8

2016 年 7 月 4 日 星期一 【晴】

2016年7月3日 Yes 越野賽第三站
組別排名：2
時間：56分5秒

賽前沒有特別期望，因為頭兩場數下對手已經覺得拎到奬的機會不大。臨開賽發現達達無來，而且上一場第四的那位也沒有來，超陽說他病了，心裏覺得要拼一拼。

開賽跑輕鐵旁的路，超陽竟然拍住用運雙的速度，坁眯w唔知爆呢個字點寫。前列的人都是曦哥，邊邊，墨士等人，他們都在我的視線範圍。不過一上山，就影都冇。上山那段斜路，我有全跑。之前的訓練沒有白費，覺得不太辛苦。然後上樓梯就慢慢上，用未來師傅火車頭教的叉腰方法上山，氣喘但可以接受。一上樓梯就見真章，開始拉得散，我冇耐就過左超陽，前面是坦克，他是我的目標，距離大約幾十米，眼見到的範圍。落山我追到同呇n近，而同時被後面一兩位師兄過了，睇落唔似同我同組。我繼續用自己的節奏跑，開始入小路，因為行過條路，又知道這些位不易被人過，反而輕鬆少少。出返大路，又一位師兄過我，但也不似我的組的。之後開始上返樓梯，提自己要控制節奏，過了長髮師兄，沿路我一直望下超陽有冇拉近，但一直都冇，我諗岍雩茼n早爆了。

上到分叉路，原來不用再上山了，我地上次試路又錯了，義工說不用再上，全落，心情開朗起來，路況同小路差不多，初初都怕PK，但諗下尋日段針山路運雙話妘ㄚY跑落去，我就諗冇理由唔跑快啲，呢條易過尋日的。落山落樓梯加速，但條氣好喘，落到何福堂，遠遠見到坦克，終於見返囮嚏C（後來先知尨蒧芊^，望一望後面冇人追上來，太好了。Chok埋樣過終點！

過終點係辛苦既，但都開心因為都冇話好難受，同埋心理狀態幾好，自己內心既爭戰都是正面的贏了。

運雙說我前面有兩個唔知咩組既人快過我，所以我能唔能夠拎獎還是未知之數。後來坦克話吨餼茼P組既人過左，咁我就估應該拎到季軍掛。成績出了，竟然第二，搞笑！真係冇話特別開心，可能知道個時間都係麻麻，始終上落山既速度仍要努力改善。

這是首個在香港得獎的個人比賽，感恩！

練習過的距離，得到的經驗，是不會背叛的。

>>July 4, 2016 at 5:14:18 PM GMT+8

2016 年 6 月 23 日 星期四 【晴】

早幾日練四小時跑
跑既時候已經好疲倦
心靈上是不斷想放棄
卻又不想放棄
跑左三個鐘既時候
發覺唔跑夠四個鐘好蝕
到下次又要跑返四個鐘
於是拼命的挨下去
跑完身心疲倦，又嘔左一次
又唔多訓到覺

半夜醒起來，有谷阿莫 - 飛躍傳奇
香港叫我要做鷹雄
睇完之後又覺得都幾激勵

同日發現早幾個月面書Add羅啟邦
他無端端Accept我
然後我終於可以再看他的48小時賽事的分享
於我而言，我挺相信是上帝的安排
雖然日後不知是否有能力賽力精力跑超馬
但至少我都叫有D心努力下去
記錄一下為超馬努力的點滴
如果上帝願意用，請用我

>>June 23, 2016 at 10:58:03 AM GMT+8

2016 年 6 月 12 日 星期日 【晴】

2016年6月12日 Yes 越野賽第二站
組別排名：5
時間：1小時16分30秒

上星期XTE後，決心比賽盡量盡全力，加上昨晚看了「點五步」，心態戰意都不俗。

早一兩日喪落雨，今天就算沒有下雨，地下也是很濕的，又要污污糟糟濕濕咁比賽。頭幾百米上斜路，反正上完斜就要上山減速，於是頭頭跟住最快的堆人跑，感覺不錯。然後就是上山，主要上樓梯，我的假想敵超揚在視線範圍內，也迫使自己不會太慢。慢慢追近了，搞搞下原來連埋我有5個人一直很近地玩，意想不到，人數少，理論上不會這樣。

上山的尾段，我過了超揚，在這五人中上到第二了。終於出鉛礦拗，我最初的目標是追住前面的藍衫師兄，追左好耐都追唔到，反而超揚一步一步進逼，終於在九公里左右比他過了，我都開始爆爆地同無力，落斜唔夠快呢快面係要改善一下。過終點見到運雙等我，囮盓琱C分鐘，咁屈機！

出成績，超揚第三，我以為自己第四。原來之前一早追唔到個藍衫師兄都係同組，反而超揚過左吽A所以我就第五。心態上今日達標的，我好多地方都有提自己要努力，累到要行的都只係行10秒左右就立即跑返。賽前我都話呢場會輸比運雙多，大上大落好岩坁情C我要多多努力操山了。有說是我昨晚捐血了，對表現有影響，是但啦，哈！同埋頂多快多一分鐘左右姐。

運雙呢場力逼曦哥，不得了

>>June 22, 2016 at 1:21:42 PM GMT+8

2016 年 5 月 7 日 星期六 【晴】

2016年5月7日 Yes 越野賽天水圍站

賽前冇乜鬥志，因為早兩日去左The north face個training, 成身酸痛左兩日。沒有試過路，而且天氣太熱，我已經覺得好灰。抱著完賽的心態就是了。

去到會場，一睇青年組，男子得五個，女子三個，森哥冇黎，即係運雙只要跑贏一個就拎到獎牌。我一見到運雙就同岏縑A你賴野啦，要砌獎，冇得散步。我果組廿個人，當然Walk in the Park! 起步前運雙見到個疑似青年組的人，卒眼好似成晚冇訓，打機打通頂再比人逼黎玩咁，坅H心大增。

運雙叫我起步要跑快，免得塞人，我連叫個環節都冇理。排得廿幾左右，不過一上山幾步，就好多人行，咁我順勢都要過下人，上到山頂望落去，運雙超進取，排在第五位，朝上死敵也只是第十左右。上第二坐山，運雙已經急速被人過，死敵都唔見埋。我用普通速度上山，好多相機下！落山超斜，好快比兩個阿叔過，但落山我又過返其中一個。落到山，我竟然見到運雙在遠處，都係爭百幾二百米，唔差喎。後來我又覺得自己開太快，5分10左右，立即提自己要去返5分30
運雙附近有個藍衫師兄一路貼住吽A我都唔心急既，其實真係唔太大戰意，唔比呇a甩得太遠就可以

我後面係完全冇人乜濟，好遠先有，去到最後幾公里，運雙已經甩左藍衫師兄。妠N成為我既獵物，我跟左囧滮T公里，覺得自己有氣有力，就一野發力，過坌J時候表現得好輕鬆，等呇n灰，意志減低，呢朝Elton Ng教既。過多一陣，我望下後面，都幾確定坉灠l上黎，又慢慢跑返。大會話12公里，但好似就到終點咁，咁我唔敢再跑太快，但果然好快就到終點，總共10公里左右。跑到追返去，運雙話坁藂麮袌I都係見到5，6個人，岍雩茬ㄓj機會拎奬，我計落都似係4，5，6左右，滿意到極啦，跑完都唔辛苦。果然，最後出成績，運雙第三，坉茞梐臚@係Max lau, 第二係朝上死敵，我果組第三名都快我3分幾鐘，第四都冇蝕。第五係藍衫師兄。好在有過吽A因為大會玩三場，跑第一有五分，第二有四分，第三有三分，第四有兩分，第五有一分，三場加埋頭三又有獎。希望之後兩場我果組既勁黎唔到啦，哈！

玩完都幾開心丫，主要唔太辛苦，又多相機。同埋都只係慢運雙兩分鐘！而且又見識下勁人，幾好！

>>May 19, 2016 at 12:28:12 PM GMT+8

2016 年 4 月 24 日 星期日 【晴】

2016年4月24日 XTE Relay

沒有Pre trip，對條路沒有概念，隱隱覺得影響深遠。一落的士就見到運雙死敵動物，不必多說，一翻吵鬧和嚷著要退出唔玩的聲音穿插。如常拉筋，望下對手們的裝備，無耐就開波了。

運雙先發，主因是他怕馬騮，希望受群眾的保護。但其實Loop 1,2都沒有馬騮，Loop 1開始，我同朝上就等呇P森哥。接近30分鐘就有跑手回來了，運雙大約係全部人既10幾人名，數一數預計同組既係第六左右。運雙同我講一開始可以跑下，之後兩公里就上山，最後兩公里落山。到我出發，在我前方得一個師兄同我接近，但因為係林，好快唔見左人。跑跑下林路我見到條黃色絲帶，唔肯定係咪直去，走左十米見到有其他色的帶，返轉頭迎面見到個師兄，搞左接近一分鐘先知原來最初直去係岩。然後行返岩條路，好焦急，衝上山希望彌補返走錯路既時間，就係呢個位埋下我後尾爆到離哂譜。落山時間唔太差呀，追返唔少，亦都過左人。不過落到去好辛苦，食左條蕉，飲左陣野，去左廁所，朝上就返左黎。

Loop 2運雙返到黎，妐靮Y咁上，上到最頂就落。勁灰，我開始左，上山既時候比個師兄串我，冇試過路呀，呢便呀。一上山就覺得氣好喘，即係頭先個休息仲未夠，唯有死頂，上山係我弱項，好慢。幾經辛苦又去到check point, 上山既時候過左個師兄，妐角s就過返我，不過同坋t距好短，忽然間見妎^低左，坉蚍辿n辛苦，我問呇釩尾馬壖，妐嗃咬柴好痛。我話不如我上返check point位叫人幫手，妐颩屭洁A叫我走，咁我就走，但就諗住跑完loop2 同大會講。落山都還可以，但氣喘，我知應該loop 3死硬，都冇法。

落到底，見到運雙，坅Y咁叫我走。但我要同大會講有個跑手在山頂附近咬柴先出發。運雙話我地暫時係第三，我心諗：唔係掛，咪玩啦！點會？！我覺得應該四五左右。坉曭器D我爆得好嚴重，我亦都估唔到行左一輪都復原唔到，係少少好轉都冇。然後後面有兩隊緊貼住我地，睇號碼布一隊係我地組，一隊唔係。上金山呇a就過我，我都只有被屠宰，唔係意志問題，係能力問題。而且上樓梯根本幫唔到我回氣，平路或落我都盡量Jog. 好鬼辛苦，運雙最初都應該想等我復原再追返前面，因為都叫做有得爭獎。但後來都知冇可能了。頹下頹下落山我都死挨埋去，還可以！辛苦到死過終點，原來第六。過我地果兩隊都係同組既，我地由第四跌到第六，第三果隊完全冇見過咁。第四果隊快我地三分鐘左右，第三果隊快我地成12分鐘，爭太遠。不過如果我唔爆，都唔係完全冇機會。朝上同森哥排第十。慢我地七分鐘左右，都唔錯呀。

今日真係輸經驗，如果第一個Loop 唔急住立即追，應該唔會咁差。同埋我諗如果我跑先，應該都會好少少。

回憶返近年比賽，應該最辛苦係今次。如果條路長，我可以休息下，條路短，濫操迫住唔停，好痛苦呀！

期待有靚既相片，攝影師好似影左唔少！

>>May 19, 2016 at 12:27:43 PM GMT+8