2010 年 8 月 13 日 星期五 【晴】

很久沒有打日記
竟有想打的意欲
至於內容有冇質素
已決定不去探究

由夏令會開始至今
好像沒有喘息的機會
幾乎日日有約
夏令會門訓營開會門訓聚生日飯局
門訓組員生日打NOTES
突如其來的事發生也有
傾電話傾到十二點幾一點也有
MSN到兩三點也有
雖然累，但這些事我是願意去作的
最悲壯的是我的睡眠質素欠佳
很多人訓六七個鐘都夠
但我訓八個鐘都未必夠
因為半夜會醒又會發夢
昨晚訓覺之前祈了個禱
求主讓我不要發夢不要半夜醒
最後仍有發夢但是起身時精神還算不錯，感恩的

我猜想要到下個星期三四先有機會好好休息
但我真的是很需要很需要
青春不再了，哈﹗
不過其實我細個既時候
都唔係好挨得
玩通宵的情況甚少的

之後會更忙
因為要做返GYM練返跑
可能做運動個人會精神些吧
(順帶一提，好似好耐冇著過ADIDAS對跑鞋啦)
好期待休息完向前直奔的日子
就到返練跑季節了﹗去呀﹗

>>August 13, 2010 at 12:32:21 PM GMT+8

2010 年 8 月 11 日 星期三 【晴】

她……在門訓營中，已充份表現了她的暗湧
我……很欣賞這個人，對她的評價很高
她……是個慢熱的人，但熟左之後，就是熱情奔放了，哈﹗
我……也開始鍾意叫佢璟璟
她……煮野食超級好味的呢
我……同她相處合作的是快樂的事
她……每次用心整的禮物也是驚天地的 (第一二代+舒媚都不會忘記去年她整的蛋吧？)
我……希望再吃她的招牌芝士焗蝦
她……幾乎不會不覆SMS的
我……見到她在信實的投入，她真的很愛信實家，也愛門訓，也愛良善吧﹗
她……常令我感覺很安心的
我……希望她的家人明白她多一點
她……是咖哩飯的和平人
我……特別要多謝她一件事，但不能公開 (在短訊才講)
她……很細心，又愛關心人
我……在等待她受浸的那一天
她……能寫得一手好字，好有才華
我……祝福她在主裏更成長，更走在主的路上
她……一定要找個配得起，襯得起她的好男人
我…… 只用了十五分鐘就寫好啦，哈﹗














她是陳璟璇﹗生日快樂﹗

>>August 16, 2010 at 9:27:12 AM GMT+8

2010 年 8 月 10 日 星期二 【晴】

她……越來越LADY啦﹗
我……很記得有次同佢傾左個幾鐘計，果次我在余宅樓下的
她……真的很喜歡把冷漠變成愛
我……記得高考放榜在唐記的情況
她……不喜歡玩遊戲的
我……喜歡聽她的分享
她……是很認真的人
我……很驚訝她咁快睇哂o個隻宮琦峻DVD
她……是個愛家的人
我……記得她煮茶薰雞翼，好好食呀﹗(幾時再煮過？)
她……喜歡查經，傾信仰的門訓
我……覺得自己可以關心她更多
她……最近常常拿起結他來彈~~
我……收到她的短訊，是很高興的
她……有時都幾我行我素
我……想她有多點突破﹗
她……是個動漫迷，鍾意龍珠呀...﹗@@
我……祈禱她入到RN，倘若是上帝的心意
她……是個愛恨分明的人
我……祝福她早日有個好歸宿














她是鄧家文﹗生日快樂﹗

>>August 16, 2010 at 9:27:48 AM GMT+8

2010 年 8 月 10 日 星期二 【晴】

他……很喜歡曼聯，生是曼聯迷，死是紅魔鬼
我……常常記得他第一次在敬拜隊出隊唱的展翅上騰
他……有個口頭禪：岩唔岩聽呀？
我……記得放榜那個小小的角落
他……是當無呷醋事件的男主角，是小師弟
我……對他很有期望
他……很想很想開門訓呀
我……還記得在約團時點名就認識他了 (o個時我問佢係邊個凊，佢好唔耐煩咁自己寫個凊字)
他……小時候好靚仔，而家就…都okay既﹗
我……上過佢屋企，"領"左野，哈﹗
他……也是小方舟的開荒牛呀
我……欣賞他在門訓中勇敢的分享
他……超級討厭榴槤
我……今天忽然超級即興約了個男人聚同佢慶祝下，好開心的。(雖然大家可能不覺得有這個purpose)
他……被家豪說過他中一時好乞人憎~~ (而家上帝改變了他很多啦)
我……懷念以前在青山灣碼頭那裏傾心事
他……很喜歡無啦啦拎支結他出黎練，嘈生哂~~
我……覺得他做組長都很稱職，但仍有進步餘地的
他……成日應承了我交老良，通常都會再遲下先交
我…… 祝福他更愛主，也在的高考有好的成績














他是葉偉凊﹗生日快樂﹗

>>August 16, 2010 at 9:25:24 AM GMT+8

2010 年 8 月 4 日 星期三 【晴】

應門訓組員思娃的要求
寫寫簡單的影評

看完的第一感覺
1. 有點兒太長~~
2. 有點亂~~ (可能我狀態不是相當理想)
3. 不是其他人講到咁正
4. 相比不赦島，劇力及內容都好像比下去

看完之後問舒媚
有些位我才清楚返
一齊睇戲真好
有得傾返，嘻嘻﹗

我認為此片最值得欣賞之處是創意
一方面夢中夢中夢中夢的概念不錯
而且當中的犯駁位不算多
最令我IMPRESS係夢裏面可以天馬行空的景象
那些建築物可以UP SIDE DOWN
那些靚到盡的環境真的好正﹗

之於劇情，仍然不失為一齣好戲
如果你沒有看過不赦島
大概你會覺得這套戲很厲害
但有看過不赦島
你就會發現這套的內容其實比下去
不赦島是有好多好多鏡頭小動作都令你去懷疑思想整個故事
這套有的，卻不夠豐富
我相信看過不赦島的人都會有同感

INCEPTION的結局應該不是大團圓的結局
最後應該仍然是主角的夢
幾個位可以諗下
1. 小朋友沒有長大，衫冇換，同一個動作？
2. 陀螺未轉完
3. 主角的媽媽不見了，反而主角的爸爸會接機？﹗

有人說，其實這齣戲不是倒敘法
而是順敘法，一開始已是主角的夢裏
我沒有細細的去想當中有沒有破綻的
但也覺得不是沒有可能

再講結局~~
是不是大團圓結局也好
(指主角真的回到現實同自己的子女相處)
我覺得他在夢中能見到自己的子女並同一起生活
已經比他最初困在夢中好 (即被他的罪疚感困住，見不到自己的子女)
若然長期處於夢景中而永遠不會回到"現實"
我想夢和現實的分別根本就不大﹗
只要永遠"活著"那自己設計的地方就好了~~
哈﹗想多了~~亂來了﹗

聖經這樣說的﹗
「多夢和多言，其中多有虛幻，你只要敬畏神」(傳5:7)

>>August 4, 2010 at 9:43:02 AM GMT+8

2010 年 8 月 2 日 星期一 【晴】

她……瘋狂的喜歡五月天同SHE
我……記得門訓畢業營忘記了祈個重要的禱﹗
她……可以常常發左狂咁自HIGH
我……今年夏令會同佢一組~~~但中她招卻是無可避免的
她……去台灣多過我去九龍灣
我……記得舊年夏令會同佢同龜龜攬埋一舊的情景
她……應該是門訓組員中寫最多卡比我的一位
我……不會忘記門訓其中一次BBQ，她幾乎丟龜龜的袋去海
她……又話同我今年一齊清心寡欲
我……記得要計劃下年去台灣睇五月天演唱會
她……是個喜歡紫色的人
我……喜歡她常常老周老周
她……常常關注自己屬靈上有冇成長
我……想不到她會去跑步
她……以前同子進一齊被稱為碼頭孖寶
我……記得同佢行山，佢係咁鬧：魯莽既山~~魯莽既路﹗
她……是個很主動關心人的好姊妹
我……見到她的屬靈生命的進步
她……要找個靈命好的男人伴她走一生
我……很喜歡她的開朗性格﹗見到人會好HIGH咁啦起碼














她是士巴拿﹗生日快樂﹗

>>August 16, 2010 at 9:28:26 AM GMT+8

2010 年 7 月 26 日 星期一 【晴】

第四天要從媽咪麵說起
話說老人家點半已經訓左
點知兩點有六七個人入黎我房
咁我醒左，就睇住三叔淇哥王子阿谷星爺丁丁
還有阿奇同埋攝影師波波
佢地之前一日下午已經講左要拍甚麼媽咪麵廣告
我當然是O哂嘴，他們也真的唔會放過這些無聊的東西﹗
入到黎他們只用了五分鐘就決定點拍
當時夠人，就唔使我。
心裏大叫：GOOD!! 應該不久之後可以訓下
睇完佢地拍，都幾好笑~~
但三叔原來要走喎
咁好啦我都奉陪啦
反正都醒左﹗
搞搞下佢地話我要一個人企前面
我又突然話要轉兩個圈
試左幾次，都係企唔穩
就是但啦，哈﹗結果係點
大家都睇哂片啦....
之後仲有"時機成熟"篇
又係笑到死﹗哈~~
最衰唔可以太嘈同埋環境都太黑
唔係既話會影多些硬照!!
總括而言，這班人是傻的~~

之後顛完就同左劉恒王子黑帶傾偈
傾下小方舟，唔覺唔覺就到五點三了
好魯莽﹗
哈~~不過我都講過
如果要我遲訓
一係就玩D平時唔玩開既野，好激既野
一係就同我傾教會野信仰野傾心事
唔係既話，我都會毫不猶豫咁訓啦﹗哈

最後的PROGRAM是分享會
我都估到王子淇哥阿丁會出去
果然冇錯﹗
大部份都是男孩子分享
聽到你們每個人的見証感受
為你們感恩﹗
其實可能第時既分享會時間要長少少
我總係覺得有人想分享但冇時間
而且最尾有幾個都係用X16既速度分享~~~~

最尾就係瘋狂拍照時間
也是永遠不夠的﹗

總括今年夏令會，我享受的﹗
因為有你們，見你們成長進步愛主
很高興很高興﹗
願你們見愛主對主更有信心

>>July 30, 2010 at 10:01:03 AM GMT+8

2010 年 7 月 25 日 星期日 【晴】

哈~~去到呢個位
真係有少少想放棄唔打
不過頹打好過唔打
要堅持…

做完早餐後
有個半鐘頭先崇拜
其他組一齊靈修然後分享
而我地組就分開靈修
然後去影相，哈哈哈﹗
影了些正相，太好了~~

之後崇拜
有把冷漠變成愛
有"玉子"團契
學習分享自己的軟弱
好好去愛身邊每個弟兄姊妹
不要再每天團契都說沒有甚麼東西分享
之後有祈禱時間
我同士巴拿事情都冷醒
話應該可以清心寡慾
應該不會喊~~~點知領野﹗
祈禱時間想不到要找誰
然後四圍望見到原來有人中伏
咁我就過去啦
雖然佢地話唔係好想有人過去
但我坐得低當然唔會走!!
感謝主他們都是我所愛的
見到他們喊我也眼濕濕
問問他們咩事之後就為他們祈禱
感恩的是我們都被上帝觸動
感到上帝就是愛的源頭
在上帝愛裏，不單單可以愛多一點點
我們靠著主可以愛更多更多
這是個很感動的場面

之後見到龜龜
我見他是時候
他的狀態好像還好
然後他說要一個擁抱
對對…我們都等了很久了
我知道他一定會喊
因為他真的在很大的哀傷中
讓他大喊一場是我可以做的丁點兒行動
但願上帝的安慰親自臨到他身上

下午分組玩啦
上山行少遊戲
遊戲都OKAY但不是重點
插曲是跟律師的一段路程
其實我不是個很懂得安慰人的人
但是能夠為他祈禱卻很好
主的安慰是最好的

上山玩完就是起城牆了
不錯喎，雖然真的很難掌握個遊戲
輸了大家可能都不爽
也有比人話既時候
但我覺得就是在這樣的情況下
就有更多的反省
做得不好的地方就要認
就要向上帝認罪求赦免
相信大家玩完後對祈禱真的有多些體會
謝謝籌委想了這個遊戲
雖然當中不是很完全
但是卻欣賞大家所預備的

晚上是敬拜讚美會
今年沒有哭過死去活來
分了兩次祈禱時段
我第一時段淨係等龜龜
搞到我廿分鐘冇祈過禱，哼﹗
之後第二時段就係同第一代祈
祈完就冇時間同其他人祈了
但這段時間是很感動的時間
我聽到龜龜為我祈禱
我聽到森煜講好鍾意好鍾意門訓
我聽到阿達那種火熱
我聽到阿琴為我們每個祈禱
我聽到士巴拿話子進佢真係好忙…
是很感動的﹗

最尾大家都好開心
四圍跑圈，玩龍
好有活力好青春﹗
WE ARE ONE CIRCLE!!!
主愛永難忘

巧巧叫我們諗夢想
我過去有過很多的夢想
很多也是個人的或者是門訓的
今次卻是想到小方舟
之後我都有同小方舟既家長導師分享
但願我們為主的國好好拼命
愛神愛人更多﹗

另外，勁鍾意我願觸動你心弦
「我願觸動你心弦，全心討你喜悅，
我主我的神，求奪我心意，完全屬於你。」

謝謝巧巧謝謝敬拜隊讓我們有很好的敬拜

**遺憾地沒有同第四代祈禱，OPPS**

>>July 30, 2010 at 10:00:32 AM GMT+8

2010 年 7 月 24 日 星期六 【晴】

是祂也是你和我<第二天>

我說要六點十一起身去晨禱會
結果當然不會咁遲啦
六點九起身
王子已王在床上
一出門就見到他同人傾偈
哈~~佢仲話如果六點十一都未見我有行動就會叫醒我，真好﹗~~

晨禱會
由於天時地利人和關係
破了我們的紀錄
有三十五個人
謝謝舒媚帶祈禱會
好耐好耐都冇唱過因主的名
而家唱返仍然覺得是好正的歌
今次冇記低幫三十五個人出席
但不要緊啦﹗呵呵
下次係ISA帶啦~~

早餐過後是敬拜同埋聽道
謝謝肥凊帶詩歌同埋其他樂手同埋唱歌的
最深刻印象是先求祂的國
每一節之中都會有聖經的說話
也有做動作的雲上太陽
KAI佬真係好好笑~~

MAYMEI講道
有銀紙講今生的錢財事件
有用BOARD來形容信心的
也有提及我們不要試探主
大家都有反省，感恩呀﹗

之後分小組，雙劉出現了~~
最記得係TEMPO話好鍾意十架的冠冕
又記得我地玩返朱古力波彈彈波
又記得YAMA黎到話自己最叻係迷路，仲有話鍾意湖人.....(TOO BAD)
又記得劉穎同士巴拿話講D人有錢到爆
屋外有水池有石柱....這些東西只會在COUNTRY STORY出現
又記得家駒話報左中醫執藥
又記得廖媽講的24歲生左仔事業有成的女士，28歲CEO的大粒佬
又記得BENNY講下佢覺得自己考得不太好
又記得PEACH話有幾科收左佢，都幾雜﹗
又記得魚魚講返信心事件
等等等等等啦.......

食完飯萬國榮華
因為要幫手
所以要暫時離開他們少少時間
本來我同廖媽同威笑上山先
但威笑有大事要做
所以我同廖媽就兩人世界
我同威笑就等大家啦
等既時候，就吹下結婚預備的東西
過左一陣，第一組就黎
佢地好快就拆穿我地既詭計
一黎就睇我地有冇五色珠
第二第三組都類似
但我同威笑開始合拍多一點
開始有多少睇頭
第四隊人竟然係第五組
咁第四組呢？當時我同威笑都冇理到喎
第五組即係神咁早啦
佢地一黎我地就會比佢地聽要做TASK
入左個亭，幾乎中計~~~
最終比佢地色穿，走甩左呀﹗可惜可惜
然後我地覺得呢個WAY好呀~~
就見到第六組第七組第八組
咁就岩啦，大家一齊做TASK啦
哈~~羊群心理下!! 大家一齊中計
仲比我地屈左佢地要休息十分鐘，哈哈﹗
之後就叫佢地食冰菠蘿
講時講我同威笑食左唔少，好好味﹗@@
我同威笑真係開心到傻左
完全冇理會到係咪八組黎齊
等埋巧巧KUKA肥維就上山頂啦

上到山頂先發現唔見左第四組
之後打電話比佢先發現佢地行錯路
當時我同威笑諗住落去TRAP佢地啦
但我又諗既然上帝好似領佢地行遠些路
但係可以避左個試探，咁都幾好丫
於是就在山頂等他們~~
點知佢地上到黎，發左狂咁係咁拎冰菠蘿
我同威笑沒有放過這個機會啦
連舒媚也TRAP埋，真係…搞到佢唔開心左
提醒了一句：你唔係唔食菠蘿都無補於事﹗
(好在之後我有DEBRIEFING佢.....)

上到山頂，每一組都有被揀選的人 (成為耶穌)
然後他們會被安排去一個地方的
其他人就要默想祈禱
活動內容係耶穌會走一個鐘
佢地默想廿五分鐘啦
之後三十五分鐘睇下佢地有冇四圍去玩或者冇好好儆醒祈禱~~
無耐PIC去哂搵耶穌，佢地話好想食雪糕
咁我同威笑又真係請佢地食雪糕啦，呵呵﹗
好震撼的場面，九杯新地，九杯新地樂~~~

之後再吹下水，就出去搵佢地啦
神咁早個個都好靜，冇出聲
(後尾先知佢地呢個位好儆醒，上到山頂之後都冇講過野)
咁岩威笑搵左佢既組員去影相
唔該哂~~~當然是發揮演技時間
我地又影~~咁靚﹗
家駒佢地有d猶豫，仲話我四色珠手繩是奸的
我話：完左啦，我除埋去啦
冇錯…就係咁﹗大家中左圈套了
然後佢地就祈禱啦
呢一個moment，耶穌就出現了
(YAMA真係勁，咁都迷路，唔係既話佢地唔會最尾出事)
臨天光先賴尿﹗~~~
後尾聽返分享，佢地相當不爽我TRAP佢地﹗
哈哈哈﹗﹗咁先好，咁就有得著啦

晚上就是辯論了 (佩琦復活)
見到大家雖然未必鍾意
但都投入，大家都好叻啦﹗
最顛係三叔搵我地導師黎搞
不過都好，就係咁我地十個導師都突破左自己呀
同大家一樣，我地都好驚
驚唔識玩，驚出醜~~~哈~~~
我地四索抽中同隊好似顛左咁
之後十個一齊自HIGH，笑死﹗

分享完又訓啦，今次我點半訓，算不錯﹗

>>July 28, 2010 at 2:08:25 PM GMT+8

2010 年 7 月 23 日 星期五 【晴】

TAG所有有去這個夏令會的弟兄姊妹
包括溫柔節制良善家..

營會中最深刻的十件事
1. 同波板糖祈禱
2. 同星爺王子劉恒祈禱
3. 同律師走的一段短路
4. 同大弟子擁抱
5. 冰菠蘿誤會事件，特別涉及我所愛的
6. 媽咪麵，福麵
7. 第五組 (晨咁早)，臨天光先賴尿
8. 我同威笑在中途引誘大家一事
9. 跟不同的單位影相
10.營歌做動作，我同士巴拿特別加的"愛"

營會中最想多謝的五個人/單位
1. 舒媚 — 相處時間很少，但一舉一動都是很快樂的。也許大家都知道營會是給我們跟弟兄姊妹，不是要二人世界
2. 籌委會的每一個 — 不用解釋啦
3. 大弟子 — 很久沒有人特別為我祈禱了
4. 魚魚曼妮士巴拿 — 在小組中默默的為我們做很多的東西，很照顧我們
5. 敬拜讚美會的事奉人員

營會中欣賞的五個人
1. 律師 — 坦誠分享自己的軟弱
2. 曼妮 — 照顧初返教會的BENNY, 家駒
3. 王子 — 從JIMMY口中得知的事情，哈﹗
4. JIMMY — 勇敢分享
5. 梁昊賢 — 佢分享會所講的說話幾觸動我

營會中學習到的五件事情
1. MAYMEI講道中提及人的價值，上帝看我們不是要人的標準
2. 褥子團契，學習分享軟弱
3. 學習祈禱功課
4. 更深體會魔鬼如何試探人
5. 下年要跟不同的人多多祈禱﹗

大家都玩TAG啦啦啦.....
大家咁火熱，星期六黎晨禱會啦，七點定福呀﹗

呀﹗漏了第一次辯論﹗
其實我好緊張﹗
我諗導師都好緊張

>>July 30, 2010 at 10:01:48 AM GMT+8