2016 年 4 月 18 日 星期一 【晴】

2016年4月17日花蓮迴瀾灣超馬54公里

110公里組是昨晚2100就開跑了
想不到原良和快到咁
我地0630開賽，�540就過終點
當時我行左去大解，剛拉低褲
忽然聽到大會開咪玩話原良和最後幾百米返緊黎要過終點
立即著返褲去睇妏L終點，型到一個極點！
睇完之後先去返暢快暢快
昨晚已跟他影了相，但是大圍影
今朝就再搵宎v獨照，成扒偉l！心情愉快！

上線排在第一排，相信扼了不少相
在身邊努力尋找對手，但因為25公里
全馬都一齊起步，見不到很多54公里的人
起步大約兩三公里，54公里轉左
其他人轉右，立即數一下前面有多少人領先我們
運雙非常積極，很希望入到頭五名捧杯上頒獎台
我們這個時間排第七八
前面有一個叫財福是個五十左右的人奀a頭
第二係綠衫就退休的伯伯
第三是另一個年紀大的伯伯
第四是個很年輕的跑手
第五是高佬
第六是帶Keroro帽的跑手
在我們身後是橙衫人
頭頭運雙帶跑，明明話開5:45，又扼人，又快左
妐颩灠l住前面兩個人，唔使諗拎獎
但我當時成個身體都未warm up，好想慢慢跑
大家傾過有共識，開返慢少少
間中望望一望無際的太平洋，真的很美

去到第十公里，第一個水站前
第六的帶Keroro 帽人忽然發力過高佬
我們在後繼續跟，由得他們撕殺
到了水站，我們裝水搞呢搞路慢哂
但過左帶帽人，神奇既係，我地過左吨妨�
妠N再沒有出現過了
15-18公里左右，係跑隧道，好黑
只能單線跑，也好，我們跟住高佬跑左兩三個隧道
隧道中過了年紀很大的伯伯
出隧道後，見高佬扯哂蝦咁，咁就輕鬆過�
再過一陣子，又見到財福慢左
過埋吨妨嵺畯抸雩茯O第三第四
前面是綠衫伯伯同埋年輕人
19-20公里落斜，財福又過返我地
去到20公里水站，頭五名在同一個水站出現
後面的橙衫又趕上來了。

我們又在水站搞極耐先走
我地上山已經有五個人比我們先出發
21-30公里是我們最留心的
因為十公里要上400米，上極都上唔完咁
上山見真章，一上山第一條斜
前面的人已經行路，唔係掛
之後成10公里大家點算
上左一陣山，前面係綠衫伯伯同年輕人
囧潃茪ㄠo了，綠衫伯伯居然兩手空空冇拎水跑
今個比賽每十公里先一個水站）
行左冇耐年輕人已經比水綠衫伯伯飲
呇a好得意，行20米左右又停下
之後又跑，重重覆覆咁，我地傾下計
綠衫伯伯從未跑過超馬，但每個月都會跑全馬
仲有三年就退休
我地認定只要我地穩守跟住囧潃�
應該問題不大，呢個時候我地輕鬆跟
慢到離哂譜，每公里8-12分鐘披醒，好似行山咁
正當我地好滿意現況，冷不防橙衫人趕上來，呇酗�
但見到所剩無幾人，開始烈日當空
運雙提醒坉咻酗誘膘膝𣇹酗纀�
然後我地又同呢個橙衫師兄傾下計
吨@身adidas，裝束好似跑10公里咁
但原來吨w經跑左10次超馬
呢個時候，我地已經甩開年輕人同綠衫伯伯，跟住橙衫人
上到30公里水站，呢個水站有義工
仲話大會要求頭三名領先的都要拍照
義工話橙衫暫時第二，我同運雙係三四，然後我地問義工
第一果個走左幾耐，妐亶ㄓw經有10分鐘
噢！又有位人兄應該一早已經放甩左我地超遠超遠

開始落斜，發左顛咁開5分披內，跑左四公里落到底
過左橙衫人，估計拋離唔少
落到平路，運雙話不如行一陣，頭先開得太快，我都覺得好
冇耐小腿作抽筋，好驚
這個時候，原來已同全馬的會合，人氣多好多
但都是些行路級數的全馬人
慢慢Jog, 目標係唔比後面過，希望守得住第二第三
去到35公里有全馬的站，後段水站密返啲呢個時候我都幾辛苦
反而運雙狀態幾好。但我地都跑下停下，我擔心後尾挨唔住

36-40公里，都係慢慢跑，7-8分鐘披醒
負面情緒開始浮現，但放在心裏，累會要求停下行下
上斜通常都行。去到最後10公里，我覺得又盼望，只有10公里
但運雙負面情緒開始出來，40-44公里是無止境的上斜車路，勁痛苦
又開始落雨，而且冇諗過仲有咁多斜
我呢個時候小腿冇作抽，但對腳極痛
我知道我地兩個負面情緒都出黎，就一定攬炒
所以我就比較正面！挨埋去！第二第三名就光宗耀祖了。

去到45-46公里，開始落少少斜，感覺好得多
到最後一個水站，我問義工還有多少路程才到終點，他們說還有4公里
我問：沒有騙我吧？
他們說：沒有！
我說笑：如果騙我的話，我會回來找你們呀！
有一位義工說：你不會有力走回來的。
我笑笑的道：這是肯定的！

當我知道只餘4公里，心情很愉快，高聲叫聲加油我地就衝返去
我不時看後面橙衫人會否追上來，幸好都沒有！
去到最後兩三公里，好似跑左成個世紀咁
已經開5分幾披醒都好耐咁
我已經同運雙講今次唔同夆咩嶼q，我地一齊過終點
睇下邊個好彩拎第二吧
他很滿意這個決定...死挨到尾終於過終點，真係好感動！累到呢！

我們坐左一輪拉筋，見到高佬同橙衫人過終點
以為呇a第四第五，原來呇a之前有兩個人
一個阿叔一個阿伯過左呇a。呇a只係第六第七
而這兩個叔伯，我們從未見過
第八係財福，第九第十係綠衫伯伯同年輕人
睇返同最初的名次，都調左好多位。

橙衫人最後同我地傾計講返妐言玩蚺妨愨z到行路
冇哂力，去到買咖啡買蠻牛先有返力。

最後公佈名次，我第二運雙第三，證書成績我地係完全相同時間
我諗我第二係因為號碼布前少少！5小時32分完賽，一嘗上台拎獎滋味。

超馬超辛苦，得獎的喜悅誘ㄨL當中的苦。日後該向哪個方向走呢？

>>April 18, 2016 at 4:41:20 PM GMT+8

2016 年 4 月 12 日 星期二 【晴】

2016年4月10日全城街馬

前日長課練了33公里，因為唔想花蓮死
就唯有放棄呢場街馬
但心底裏都希望跑到142，4:50披醒

訓五個鐘順利上穿梭巴士，上到就訓
訓醒落車先七點，立即去排毒
今次時間相當充裕，有時間拉筋
有時間慢跑，我地在C Zone起步
預計都好塞下，點知實際比想像更嚴重
跑左五百米直頭停左要等
之後就見到翠儀
然後森哥就話，要同古嘉露講下先得
然後都係持續塞，我遲左跑出界外，蝕左
頭兩公里披醒5:40，5:39
塞人加未上力，仲有橫隔膜少少痛
第三四公里好少少，接近5分頭
去到上天橋，又塞，好難左穿右插
又去返5分半左右
都知道好難搞，連兩小時個披灑都未見到
追到六七公里左右先見到4個兩小時披灑
同施sir打左個招呼，吤s左聲加油
我就過吽A冇理由咁衰仔跟兩小時披灑
然後先開始上力，之後由第8公里至到終點
都係五分鐘內的披醒。除左第九公里爭三秒同埋19公里上天橋外。

10公里左右見到對面線既運雙，
爭成五六百米，我上斜，妐迂蛂C
都真係比囥葑o幾遠
頂硬上，我今日目標唔係贏�
繼續努力撐下去，計落都要追唔少
總披醒大約5:10左右
計落每公里開4:40可以18公里左右追到5分披，但談何容易！
跑落都可以，但唔知可以維持到幾耐
呢個時間開始有雨，之後就好大雨

第二次折返見到運雙，
仲有二三百米距離
我知道冇乜機會過到�
但我知道一定可以比好大壓力吽A哈！
跑到最後一公里，手錶冇多冇少1小時40分鐘，即係話呢一公里要挨到5分披
本身唔難，但最尾塞到呢
十公里慢腳頂住哂，好似三國無雙咁
開哂掙咁頂開啲人，順利1:44:38秒完成
尾半快前半勁多@@
好滿意啦！運雙快我一分鐘左右

完賽有冰菠蘿，有青檸蜜，還可以
但就好大雨好凍

我跑親半馬都大雨既
13年澳馬，13年聯合國
14，15年冇玩...
16街馬又黎超大雨
唉，半馬真係好惡跑！

>>April 12, 2016 at 2:54:51 PM GMT+8

2016 年 4 月 7 日 星期四 【晴】

2016年4月3日畢拿山15公里古蹟越野賽

賽前不太緊張，這路段多上斜落斜，有利運雙，
而且唔知點set時間，既然係咁，就更加唔太大壓力。

0655到了，廿人排隊去油站個一格廁所，於是去搵有冇其他廁所
，搵左一輪，排隊係第六定第七，解放後會合運雙同森哥
運雙話妠M晚失眠，訓得一兩個鐘，都冇乜為意。
拉筋熱身寄存，我同森哥以為運雙會一齊上線，
但原來運雙已走了
我同森哥上線等起步，起步是車路，車輛持續經過，
選手就要讓路。今次要排到靚位，
原因係起步點是斜路，企得後即係跑多些斜。

起步前已做足心理準備一開始斜路都要衝上去，
真陰工，好似CCM咁上斜，仲要斜些但應該略短少少。
好不容易上完，頭1公里開5分半，都真係幾快。
然後落斜更是要努力，不想浪費。第二公里開4分27。
我就知道大件事，開得太快了。這時還未見到運雙，
說時遲那時快，好快就到了壩，心諗：真係左轉！
上次試路真係錯哂！然後就在壩見到運雙，就開始上山。
一上，大髀好酸，我就知道頭先落斜冇留一留係失策，
唯有頂住，正常速度上斜，追到運雙尾，機會來了，
可以跟運雙披醒，這次運雙五秒就發現我在他身後，
我覺得運雙披醒幾好，所以諗住跟，點知妐隉G唔得啦，你過我啦，我好頭暈。
坌J步速表情神態話我知妘ㄕn嚴峻下，我沒有加速就過了他。
上斜真係好長，我好快就感覺到全跑機會不大，
但挨左幾個彎位，最後行了大約400米。
當下都幾失望，因為我其中一個比自己既目標就係唔行，
但應該之前開太快，腳又未warm up，所以頂唔到。

行到上頂就是水站，裝了水飲一啖重新上路，就開始落斜。
因為行了，所以要逼自己落斜追返些少時間，
點知落斜可能太快，橫隔膜痛，我知開始進入平路，
但平路都開成6分幾半，因為太痛同未回氣，
回氣後披醒去返5分尾但仍痛的。係咁比人過，
又再覺得自己控制披醒錯到暈！於是我比少少時間自己慢慢跑，
我慢左兩公里左右，忍受平路喪比人過的恥辱。
漸漸冇咁痛，8-9公里左右開始發力，慢慢上返5分45左右
過返一堆頭先過左我既人，又有些暗斜，這段是辛苦的，
但身邊既人好嚴重咁，我一上斜就過呇a。
正常披醒咁上到頂第二個水站，飲杯就開始落山。

落山既時候，忽然諗運雙可能會追上來，我不時望後，
所以我又加快了，落左都幾長，落落下橫隔膜又痛，
我又知自己再中計。尋日睇關家良一書先提自己要跑自己披醒，
今日錯左兩次。痛住落衝得唔太快，之後工作人員話仲有兩公里
（當時我唔多信，因為手錶係11.5公里左右），
然後上樓梯！我當時諗：岩啦，必行！樓梯不算太多，
但比我調節氣同埋橫隔膜，不少人過我，
但我都只能被過了。好快又平路返，
同埋應該就過終點，普通速度跑了一公里就衝線了。
最後一公里好多相機影相，side track下好快就到，
好少過終點既時候唔係衝刺咁過終點。
過終點拎完野坐左幾分鐘就見到運雙同森哥一齊出現。
然後運雙就講返吨p腿套問題，森哥講下妐禰疚B雙6-7公里。

拎行李勁亂，選手舉起號碼布等工作人員睇號碼，
好似機場接機咁....好在我搵到個靚位，好
快有工作人員幫我拎左。奇怪係都四十屆，應該好有經驗才是。

總結：滿意係因為達標，希望走到5:45-6:00披醒，
結果係5:45 。不滿意係希望全程跑，但上斜那一段我搞唔掂，
行左400米。而且兩次落斜都太快，搞到兩次橫隔膜痛，客觀睇今日係跑得麻麻。
條路唔係特別好玩，大上大落斜係好痛苦，出年都唔覺得要再戰呢條路。

不過呢場賽事，好多禮物，唔錯唔錯！

>>April 7, 2016 at 2:55:49 PM GMT+8

2016 年 3 月 14 日 星期一 【晴】

Translantau 25

原先諗住玩50或100
但我同運雙各有原因下，只能參加25KM
賽前有去pre trip, 所以都大概知條路係點
但由於我冇乜試過山賽幾乎要全跑
所以只能大約估計，估計通常都會保守些吧
那就目標3小時左右吧

比賽在梅窩起步，所以都要早一些去到，這個比賽有275人參加，
男子18-40有83人，去到既時候，睇落頗多Walk in the park之流
由於怕塞人，運雙強烈建議上山前要去到前列，否則會塞死。

起步一開始要路100米左右沙灘，我一出就比嬋嬋姨姨頂住
運雙已遠離我50米左右，幸好他開得不算太快
我在上山前追到他了。之前我遠距離望埋去，
我地大概在20-25左右位置。
到上山，人未暖身，都有不人從後趕過我們。
我們開5分幾披醒，運雙提醒我要減速。

去到4，5公里左右，有個法國人長期頂住，
在他身後也有個從後上來的高佬外籍選手，
因為我很不爽那個法國人，所以我加速過了他，
運雙問我做乜咁好火，我話個法國佬好煩
運雙卻說有人擋風很好。冇耐就到第一個水站
六公里左右，我覺得是因為開得太快，跟得好辛苦
之後到發哥位，都幾辛苦，上左幾十級樓梯，我就氣促，心諗大件事。
慶幸之後是平路或落斜多，比我回一回氣。
由第七公里開始，我同運雙開始跟住那位高佬，後來知道阿Tom
由七公里開始至到十二公里，我一度以為去左另一個世界跑步
前面冇追過人，後面冇比人追過，只有我們三個人。
終於十二公里左右追到另一個外籍選手。跑到十七公里水站，
其實沒有改變，仍然是Tom 領跑，運雙他身後，我跟得比較辛苦
有時會比呇a甩開20米
一去到水站，見到橙同蕉，我眼睛發亮，但裝水先，
裝完水諗住休息同埋食野，點知運雙變左，二話不說同我講走！
我帶著依依不捨的心情跟我的橙和香蕉道別！

17公里過後要上200米，係今次的大佬，
我慶幸可以上下樓梯回下氣，沒有甚麼特別，仍然是繼續跟住Tom
我們本來就諗住落到山平路先過�
但直至落山前都一個短斜，坌藒M之間，噢！停左
我同運雙唯有過妐豕鴠飛禲A運雙發力，我地相差10米左右，
在路中過了一位年輕人，一睇就知係青年組
仲有一公里左右，我遠處見到另一獵物，希望過埋�
到最後400左右，我發力趕過了運雙同獵物，
但已經有極大心理準備比呇a過返。過終點係沙灘
唔知係咪要落沙灘，我地三個都落沙灘跑，但原來唔使落。
上返路跑已經被獵物過返，我輸比�1秒
運雙在後遲我幾秒過終點。我的成績是2小時35分6秒

最後，獵物係41歲以上冠軍，第二係Tom
我地好擔心阿Tom過終點會打我地，但地好有風度，同我地握手
因為我只慢獵物一秒，有諗過會否得獎，
等左一陣才發現自己跑第五，但不見運雙成績
我們既知道沒有獎，就拿東西同影相走人，拿了電話，發現運雙沒有記錄，DNS!!
呇n灰，最後決定去同大會講，大會很好，用他手錶的時間入返資料！

最後睇返成績，頭4名快我20分鐘，輸成條街有多
難怪過終點不見有些選手等拎獎
原來他們已經拎獎，應該沖涼走人了。

本身冇諗過會入到頭10名，但結果是小組第5，總名次第7！
由頭到尾同運雙冇試過有30米既距離，真係老對手！
我們都很滿意，超水準發揮，還有，多謝Tom!!

>>March 14, 2016 at 12:30:08 PM GMT+8

2016 年 2 月 28 日 星期日 【晴】

2016第五屆京都馬拉松

因為想訂平一些的機票
而且時間好用少少
我們訂了馬拉松前一天的機票到關西機場
一直都很擔心飛機延誤
大會亦寫到好嚴格
遲到就不能拿跑手包
所以一直都有為這件事祈禱
感恩的是遲了二十分鐘起飛
但到達機場卻早了八分鐘
下機後雨勢很大，很擔心比賽日又會濕凍
但天氣報告又好似話會好天
但怎樣也好，跑到就應當感恩了

趕去expo 大會沒有紀念衫
所以在expo買一件
再買了件支持東北地震災後重建的
買了些手信，買了個鞋帶扣，買了個裝獎牌的盒，收獲不錯
晚上返了旅店，很舒服很美麗，問職員邊度有飯食
吨雯苭甽￣𡢞㤲N野家的地方讓我繼續儲碳
晚上行左兩小時街走人，在超級巿場買了蛋糕仔，回去準備第二天跑馬拉松

0600起床，好感動！香港的比賽都要老早就起身
我慢慢hea下，食野執野，0655才出發
出門感覺清涼，天色也很清，有些陽光，感恩！
連手袖都用不上了
地鐵很方便，去到會場才0735左右
四圍看看再搽下野，影下相，太太就走了
我就去排隊大解，因為起點是個大型運動場，好多廁所
而且清楚寫明每個廁所有幾多格小便，幾多格大便
排左半個小時搞掂埋都係0820，仲有充分時間拉筋和準備
我上線大約0830，著住件雨衣保暖，有陽光曬住都少少凍
等了15分鐘左右，就有為東北地震默哀，全場靜到極
好像世界忽然靜止了，默哀後，掙開眼
見到很多人都做同一動作，帶返帽
跑手們都很尊重大會
起跑前，跑手們把著來的衫棄置，有義工收集這些衫
都不少跑手捐出他們的衣服

起步了，和其他賽事一樣，都有塞人的情況
好快就見到整香港勁揪衫的師兄，拍了照就繼續前行
唔算塞好耐，同埋自己的狀態未boot起
只能慢慢的走5分47，我要求自己頭20公里要走5分25-28披醒
睇形勢再決定後半是否發力
不過可能有上有落，披醒有快有慢
特別是難慢下來，可能是氣氛問題
身邊人跑得偏快，而且四圍有人打鼓
一聽到鼓聲就自不起跑快些少
跑完10公里平均5分25
之後目標是就5分20-25披醒。

大會的補給指示很清楚，每個水站前300米已經有指示牌告訴你
之後到水站，如果水站有8張枱係水，4張枱係運動飲料
妢|寫水x8，運動飲料x4，然後第一張枱會寫1/8水，第二張2/8如此類推
水站的最後三個垃圾桶也有註明清楚，避免跑手隨地丟
攝影方面，大會事前已有宣傳單張講咩位有相機，然後相機位會有旗手搖旗
話比參賽者知影相呀！
這些都是香港馬拉松可以學習的。

跑步過程中只記得風景優美，途人很熱情！就是這樣了！
跑完20公里同我心目中所計劃的時間差不多
平均每公里大約5分23左右，見唔算太辛苦
希望30公里可以追到平均5分20
這時間做到尾的話是3小時45分
跑到大約30公里左右，平均是5分21左右，頗理想
而且身體狀況沒有不妥，預料有機會PB，按捺自己的速度
不讓自己增速，又不想自己太慢，提醒自己去到32公里即最後10公里才加速
印象中最後8公里左右有上斜位，但應該不太斜，所以還是不理會
能加速就加速，不能就保持速度到尾也可以PB
太太說她應該會在35公里左右出現
所以有些東西期望下，分心下，冇耐就到35公里
我告訴太太1215-1230左右到35公里
我到的時候是1210，不知她會否未到
到35公里左右我四圍望，都沒有見到她
心裏都有擔心，怕她不知會等多久才走，她要過終點找我呢！
見不到都冇法子，仍要跑下去，又或者她沒有去到35公里位呢！
狀態仍在，繼續努力跑下去，開5分鐘披醒在後段過很多人
過了個著長跑長友衫的，也過了個著吳師傅衫的
預計3小時43左右過終點
最後的5公里已開始入5分內的披醒
加速下沒有作抽筋感覺，就繼續衝。
最後一個水站是唯一一個我沒有拿水的
拿拿臨跑完更佳。最後不夠500米
聽到太太大叫周紹俊，很高興，本身已在衝刺的我就更有力量
望一望手錶有可能3小時42分內，搏命的衝，瞻漺˙L
過終點前振臂歡呼大叫感謝主，望一望手錶時間是3小時42分1秒。超標完成！

過終點拿獎牌拿毛巾，飲野食蕉還晶片
最不得了是有得立即拎證書，有埋大會時間3小時44分59秒
個人時間3小時42分00秒，男仔名次是2277
35-39歲的組別名次是348名
本身拎埋跑手包可以去浸腳換衫同埋飲味噌湯
但係想早點會合太太與她分享喜悅，就唔做呢幾樣野
見到她的時候，她買了很好味的日本星巴克限定的cherry blossom and strawberry latte
暖暖的非常好味，再在小食攤檔中買了牛舌，這個時候，甚麼熱食都好吃！
太太幫我影了些相，拉陣筋就走了，返酒店沖涼食飯
原來她在35公里時見到我，但我見不到她，所以她見我走了就立即趕去終點！正！

滿滿的喜悅，快樂的馬拉松，近幾個月我改變了
我終於覺得自己喜歡上跑步了
下一站Queenstown Marathon!!

>>February 28, 2016 at 2:50:50 PM GMT+8

2016 年 1 月 17 日 星期日 【晴】

渣馬2016

回想這次的比賽，我覺得預備得唔錯的。
練習都算足夠，比賽前看了越跑越懂得培養心靈，
比賽前一星期天天飲青檸蜂蜜及維多司，
比賽前一晚十點就訓著了。比較準備得不好是出門時間
，冇的士，好在本身有諗過搭巴士，咁就上巴士，
但因為紅隧落，行返去又要些時間。拉筋不算好足，
勝在最後決定屙篤尿，呢篤尿不得了，好大篤！
然後已經係0610了，努力涉上線，上得黎完全沒有心理準備下就開賽了！

頭兩公里我開得慢，5:40，5:51，運雙已消失了，我第三四公里開返快，
5:10左右。然後個人就慢慢定落黎，希望跟到頭10公里5:25的披醒。
大約八公里左右，上昂船洲，我見到運雙的背影了，跟了他兩公里他才發現。
他今日非常discipline, 披醒唔錯！頭10公里其實雨不太大，但之後就……
就由10公里開始，我們一起跑下去，彼此提醒。
青馬短了一半，很快就過了，途中見到條慢的鯊魚，同我地你追我趕。
轉彎落去汀九，跑極都跑唔完，又大雨又長。跑左一半，
我計到只要我地保持頭半的速度，就可以跑到3:48左右。
跑到兩小時左右食power gel, 過左長青又開始落雨，重要係極大，救命！
不過對我黎講，落雨好過曬。28公里同半馬會合，多人到呢！
運雙不斷在找謝夫或其他相識半馬的人，計條數就知冇乜可能啦!!
繼續跑繼續跑，都冇乜特別。我們知道只要跑5:30披醒就可以3:50左右完成，
落西隧大家都冇乜力，有共識就咁返去，點知出左西隧，佢既力就返黎。
明明話5:30披醒咁上下，佢領住我跑，5:20，5:15，5:10，5:00，4:50......到底想點？
我問佢，真係要咁辛苦？佢唔回答我，佢用行動話我知，
好啦好啦，得返幾公里，就盡埋力！
如是者去到最後700米左右，我忽然覺得有力，就擺手chok，又忽然見到太太來打氣，
士氣大增，甩開運雙，我以為他最後會過我，怎料他已到了極限。
去到最後，入到維園，我披醒去到4:33過終點。
過終點一刻我大叫感謝主，有人回應我一聲：好！
過終點後見到有人著香港勁揪既衫，行埋去叫左聲，師兄，香港勁揪呀！原來佢係整件衫既organizer!!
等左運雙10秒，拿下獎牌，說不出的感恩！
明年再戰!! 3小時30分!!

P.S 1. 在地鐵站見到阿禎，我同運雙講，一早見到男神禎，係咪好既先兆？運雙答我：但你見到我先喎....
P.S.2. 今次同運雙跑，全身除左襪之外一模一樣~~~佢有戴眼鏡我冇咁.....重有，我地SHARE 水飲，SHARE 蕉食……超級HEHE...哈哈....

>>January 20, 2016 at 12:19:27 PM GMT+8

2015 年 12 月 10 日 星期四 【晴】

慈恩雙徑杯 (12月5日)

收到大會電郵後，發現參加者很少
到聽簡介會，眼見的對手好像不多，但人不可貌相，只係抱住有機會就試的心情。

比賽當天去到大尾篤，率先見到一對裝備非常充足的男女，
已知道一定是對手。再去到寄存行李，運雙環顧四週，
見到上次圖騰拉繩男同埋個女仔都黎了，他說了聲：shit!
準備出發，由巴斯光年鄧梓峰講返幾句，佢講英文幾好聽喎。

起步，一堆高手已經跑，我地這些「留羅」跟下，
果時我地大約在頭10名。到開始上八仙嶺，
我感覺到自己啲肌肉完全未warm up, 很酸。
我要求慢一點等對腳適應下。我們的主要對手係裝備充足男女，
同埋拉繩男女。行過哂八仙嶺，我們想望後有沒有其他隊在後面伏擊我們，
但似乎都沒有。在八仙嶺逃中，有個叫billy的師兄keep住跟我們，佢話佢唔識路，想跟我地。
當時已經知道他並非池中物，因為我同運雙開始追到好前好前，
所有人之中頭五六名（第一二快到呢，應該係個人），他仍尾隨我們，而且面露輕鬆神態。

落到鶴藪水塘，我們一度進佔頭三四名。但好快就被裝備男女過返。
然後上九龍坑山，billy不時同我地傾計，知道了他確是高手，毅行19小時。
佢覺得我地都係快腳，問我地呢個比賽目標幾多，我話六個鐘，
佢話應該唔使嘛。然後佢問我毅行成績，我尷尷尬尬咁話29個幾鐘。
佢話：咁係行毅行姐。（都說不敢再同人提....）然後佢教我唔好比運雙chur爆，
亦都唔好死追另外一隊住。又同我傾下樂善行點玩。呢個時候我地仍然守在隊際第二名。

落到大埔頭，billy師兄開始甩開我地，佢都要追個人名次。
而且運雙又展開狂食東西之旅，佢食左兩條蕉，四塊包，三包朱古力餅。
我們沒有停下，就是一路行一路食。這個時候，好多個人既都過我地。
包括好早段有個我地過左佢既肥J，最初見佢肥肥地，著波褲但又咁鬼勁。
後來先發現人地都唔肥，係好大隻，但肥J之名已改，不會變了。

然後就上上碗窰，我們的惡夢來了，拉繩男女追上來，
但我們極度需要回氣，佢地一有平路或落斜係一定跑，
就算10步路照跑。然後就係瘋狂上斜，好辛苦。
當時我已經覺得，拎第三都好過冇。
之後的成個鐘，我地四個人一齊行左45分鐘以上，鴉雀無聲，
我們都知對方是對手，運雙呢段上鉛曠拗係最辛苦，
因為上左好耐，但我可能食左能量啫喱，好順。

上到鉛曠拗，佢地去廁所同搵食，我地開始甩開佢地，諗住亞軍在望。
鉛曠拗上草山，我同運雙都要回氣，行得勁慢，呢段時間能見度勁低，
又凍又大雨！好不容易上到草山，就跑落去。
呢段我地以為miss左個check point, 冇理照去。
去到上返針山，運雙開始好順，而我就拉車，
每上一級樓梯都好痛苦。死挨死挨，以為只淨返落山，
忽然又多廿級上樓梯，重覆了幾次。我諗太凍太餓冇哂energy, 非常痛苦。
我明白運雙當時Lantau 2 peaks的感覺了。慢慢跑落山，
雖然跑好慢但不敢行。去到最後去到壩衝線，衝左線仲要行多陣，
好在只係一陣。終於完了，我餓到面都青，
立即要去食杯麵。我問運雙係咪第二，佢去問大會，
結果係第三。原來頭兩個快到顛既真係玩隊際！
好在我地一路唔知，否則好大壓力。billy講返佢最尾點伏擊成功，
快第三既秒。佢真係好堅！運雙講返佢最後過左肥J，好高興咁。

31公里零休息，那來的能力！
好在星期二走了沙田拗，星期四走了課長課！感謝主！

>>December 10, 2015 at 4:45:54 PM GMT+8

2015 年 10 月 12 日 星期一 【晴】

2003年11月2日開始用這個日記
原來轉眼快要12年
想跟這日記說說：今天我活得不錯，活得快樂
謝謝我的主，就是這樣子了~~

原來對上次在這裏打日記已經是兩年多前了!!

>>October 12, 2015 at 5:21:33 PM GMT+8

2013 年 7 月 17 日 星期三 【晴】

原來我直頭忘記了有這個日記
忽然才記得起
原來對上一篇是半年前

昨天晚上，第一次跟視障運動員練習
原先爭扎了許久要不要去
總是擔心去到下雨，而且非常眼訓
所以心裏是十五十六
去到荔枝角地鐵站，很快就見到運動員
我主動介紹自己後，他告訴我他是博輝
然後就是一段傾談的時間
之後就開始行去運動場了
上到長沙灣廣場，見到高雋
非常感恩，有了一個識的人一起
讓我感覺安全感大了一些
之後想不到就即時有機會帶他們跑圈熱身
陸續認識不同的人
我被安排了同阿茂阿榮一組
阿茂好好人，感恩上帝為我預備!!
其實這麼久沒有跑步，我都唔易跟上
加上都做不少熱身拉筋，都頗累呢
完成練習後有機會同博輝阿榮食飯
親身經歷多一些與視障人士的相處
帶他們過馬路，幫他們開門，拎餐具給他們……
要頗細心的呢!!
後來，多了五位一起吃飯，他們都是義工
其中四個是同一間教會，而婉華則是未信的
要努力認識新朋友

雖然有些緊張，有壓力
怕自己做得不好，做錯野，講錯話
但心裏也有一份滿足和平安
也許有一天真的能夠領著他們跑步
幫助他們完成比賽。

好像距離夢想又踏前一些了。

>>July 17, 2013 at 5:10:42 PM GMT+8

2013 年 1 月 6 日 星期日 【晴】

2012大事回顧

1. 新婚適應得理想，這是平凡卻是重要的事
2. 去了歐洲度蜜月，完兒時夢想，
3. 第一次看opera，好喜歡
4. 結婚一周年的慶祝，快樂地歡度，謝謝主恩

5. 出國跑馬拉松，東馬，澳馬
6. 渣馬四小時內完成
7. 下半年跑步退步了，也沒有以前這麼有心
8. 這年跑兩次半馬都在大雨中跑，很特別
9. 暫時決定讀書這幾年不跑了，我猜想上帝在這方面要我學習的都差不多了，不知日後會否復出。我會繼續跑渣打的，但只是參與性質。日後如果要再跑，將會是因為做領跑員。

10. 上帝帶領我讀書，似是讓我展開新的一頁讓我在家庭這課題上有很多的思考，希望繼續努力下去，今天和敬宗傾完，聽過昨晚的講座。對上帝在這方面呼召我，多一點印証和信心
11. 從沒有完成一本英文書，卻因著讀書，看了六本書英文書，是我很自豪的突破
12. 很多年無做過功課，又重新開始，這新的一頁就像當初做導師，很多東西都不知道，邊行邊裝備，願我讀書和裝備他日被神使用

13. 靈修沒有很大的改變，多了為身邊的人祈禱，用行動實踐信仰和經驗上帝
14. 進深門訓下半年情況轉好，也完成了自己之前的其中一個夢
15. 小方舟有很多的改變和挑戰，求主憐憫

>>July 17, 2013 at 5:09:31 PM GMT+8