2010 年 7 月 23 日 星期五 【晴】

2010夏令會—是祂也是你和我

請到假去FULL CAMP夏令會真好
我一向不喜歡錯過跟弟兄姊妹相處的時間

7月23日第一天
星爺生日 (生日快樂﹗)
勝利十三人約了在漢堡大王食早餐
更重要的是整埋生日禮物比星爺
正常到不正常
我最早到
正常到不正常
王子係第二個到

小方舟夏令會預備會
其實預備既時候都有擔心過唔知有咩好講
但最後都OKAY
見到大家都立志去識唔同既人
而又真的行動主動去識人
真的很高興﹗
但不知道大家立志做同唔做既野有冇實踐呢？

值得一提係呢個上晝
公司有事發生左
D貨冇如期送出
會好大件事
所以個心好忐忑不安
我係咁祈禱
果然上帝是聽祈禱的主
竟然客人冇發狂
真係好感恩﹗

之後就係分組啦
哈哈哈﹗
雖然我一早就知分組名單
但分既時候依然好雀躍
在意外之下多了佩琦做導師
也許是上帝的帶領
雖然我一向不太喜歡兩個導師
但唔知點解當時又會覺得唔錯添喎
哈~~肯定係亂黎呀我﹗

分完組就開始定向
第一站蔡意橋
我地組竟然係跑去
相當有霸氣同活力
去到就要買西瓜
同埋分組搵路人影相

第二站洪水橋
要食左個西瓜
感恩有人借刀比我地
可惜既係個西瓜好多水
難食到，好似係棉花既質感
淋既西瓜，唔得左﹗

第三站天水圍聚星樓
呢個位有搞笑點
一去到就見到有幾組係度
我係咁打電話比賴皮都唔通
唔通賴皮嬲左我？
打到去問下賴皮
同佢無聊下
佢話：咁呢你就要背金句﹗
我話：我背？我背？
嚇死我，我以為真係我背呀
之後背彌迦書六章八節
有幾個係咁背：世人啊…世人啊…世人啊
笑死人﹗

第四站元朗站影組相 (在每條電梯)
冇咩特別喎呢度就

第五站好似係南昌
向途人派扇同埋紙巾
benny同家駒去左洗手間
最後一剎那才回到
才有佩琦跌了信封的錦囊
好在我敏捷最尾上到車

第六站就係紅磡
去到就要去黃埔既冒險樂園射籃球
要過左STAGE II 先可以過關

第七站去返POLY
去到要做三個TASK
甚麼找手印做掌下握 (勁呀呢句野)
組名，組歌，組舞﹗
改了是神咁早
用了從太陽出來之地
多謝太陽人﹗哈哈哈

第八站又去黃埔碼頭
開始士氣低落
做咩係咁行黎行去架呢？
在紅磡站問人點去啦
途人話：好遠架喎，去唔到架喎…？﹗？﹗
結果去到中途，大家餓了就吃漢堡飽﹗
然後去到黃埔碼頭
有假八通機事件，幾乎就去了北角
TASK係上到船默想，有些人默想去年夏令會
有些人要諗下今年夏令會
上到船，準備默想~~
運雙找我，你們在哪裏？
我答：在船上﹗
佢問：邊度
我答：黃埔碼頭去中環
佢話：而家先搭船？
我話：我地係咪好慢？
佢話：你地唔係好慢，係超慢﹗
.........
之後我在船就默想究竟發生咩事
冇理由我地組係咁慢架
慢唔係問題，但做咩咁慢先﹗

第九站去到中環搵野食
原先個TASK係要去搵間野食
但係我話間野好遠喎，點算？
賴皮話可以唔去
咁我地就自己去左搵野食啦
去左SUBWAY
打左比運雙研究下乜事
原來佢地係順路去，即紅磡 > 理大>黃埔 > 黃埔碼頭
而我地就唔係順路去，即紅磡 > 黃埔 > 理大> 黃埔碼頭
我再一次諗，唔通賴皮真係嬲左我？哈
之後就搭車入營地啦﹗

晚上是一些簡單的集體活動
也可以講，我算抽身少少
因為做導師，可能不盡情投入也是件美事
玩了三個遊戲
1. 坐底起身見頭暈 (點解其他組可以咁快既)
2. 以訛傳訛 (唔覺意搶左個人…)
3. 大電視 (戲院....茶餐廳....洗廁所都足以說明我地既默契﹗)
另LIKE發羊吊，龜龜的兩個字，非洲野生草原，消防員救貓~~
不能盡錄~~~~不能盡錄~~~~

之後就是BBQ了
明顯凡在前的必要在後
深刻的是做掌上壓
其實~~~何必為四支叉而截腰呢？
不過都幾好玩呀﹗
哈.....我同律師同MANNI有上去籃球賽射罰球呀﹗
YEAH~~超哂時，照有得拎﹗欣賞MANNI呀﹗
我吃了不多的東西就上去沖涼啦
我是個怕臭怕熱的人

之後開組分享下
彼此認識下分享下就是了
第一天大家正常發揮啦叫做
我當然是早訓啦 (好似十二點九)
第二三日仍要拼命
況且我老了﹗

>>July 28, 2010 at 10:32:11 AM GMT+8

2010 年 7 月 13 日 星期二 【晴】

世界盃

四年一度的世界盃
哈~~~我以往都是捧下英格蘭
都係捧下意大利西班牙
但是這麼多年都是喜歡邊隊衰邊隊
好似係有一年鍾意瑞典，瑞典季軍
我不喜歡德國，因為以前佢地既高空轟炸實在太悶
我不喜歡巴西，因為佢地太勁，我鍾意鋤強扶弱
我不喜歡阿根廷，唔知係咪足球小將入面那些角色都不太討好
今年我沒有高調的說自己捧西班牙
免得輸了會更不高興

哈，除了第一場對瑞士我冇睇之外
其他我場場都有睇
亦即係話今年我睇親都贏，真係開心﹗
雖然很多人說西班牙波很悶
亦有人說他們插水演戲
有時自己鍾意就不理會得這麼多了
而且入到八強後都算係技術技倒幾隊強隊~~
(冇插水啦至少 ^.^)
地面戰贏到超哂班
不過少少悶係真既
前鋒今年又冇咩態，又好少遠射﹗
怎樣也好，自己支持的贏了
真是份外高興﹗

第一次想買波衫
一來係西班牙個款好靚
二來係第一次自己鍾意的贏了
慶祝下﹗

P.S. 睇完之後都幾鍾意烏拉圭德國
P.S. 荷蘭真係茅到無朋友~~
P.S. 我估自己有生之年都未必再捧英格蘭

>>July 13, 2010 at 5:21:40 PM GMT+8

2010 年 7 月 13 日 星期二 【晴】

讚美之泉

今年第三年去讚美之泉
我覺得今年的歌不錯的
也許第一首歌頭幾句歌詞已經好正
就是愛可以再多一點點。
而且去之前有祈禱，求主讓我可以投入並且得著祂。
頭兩首都是新歌，但都在狀態。
第三首就是聖潔歸於你，
這是上年的大碟令我最感動的一首歌
(第二是恩典之路，第三才是滿有能力)
即時覺得很感動。
其實以往我去這些音樂會
好多時都用旁觀者的態度聽音樂，
或者都會批判他們有甚麼的不好。
今次都好多人係咁，可能而家香港人的文化就是這樣
會講下音響太大些，同上年比較一下，
討論下讚美之泉的宣傳手法很商業性等等…
這次的學習是要單單看見主，注目在主那裏。
另外，有一段時間是為香港祈禱的，也是很感人的場面。
我的領受是當你願意FOCUS在上帝當中，你便容易跟祂有美好的交流。
我不是說評論討論是不好
但如果只是在這層面上而令你錯過了跟上帝的交流，就是浪費了。

P.S. 肥仔小朋友好好笑
P.S. RAP太少了﹗
P.S. CHAT水組好投入呀﹗

>>July 13, 2010 at 5:01:51 PM GMT+8

2010 年 7 月 5 日 星期一 【晴】

放榜啦去玩啦自己生活啦
都見到好多深刻感恩既事

1. 見到阿佘同阿肥擁抱，好感動
2. 知道health study收左黑帶，好感恩﹗(詳情可以問佢，都幾特別)
3. 同第一代去金田，說說笑笑回憶下，真的好溫暖
4. 同劉恒淇哥啦啦月整野比門訓組員，美麗的開始
5. 整野比肥琴去短宣，自己都覺得好笑
6. 睇世界盃…真的很多想不到的東西
7. 祈禱會有28人，感恩的﹗
8. 終於即興去了白泥~~真好
9. 很多時都有好多勝利十三人的一起，真好﹗@@
10. 放榜同五音符去了食飯，雖然眼訓到嘔，但仍然覺得很值得的
11. 少了二人世界，但很珍惜所見到的一分一秒
12. 戀戰特務王唔得左﹗
13. 同老友玩CARD GAME，他們好水皮，但係就勁好笑﹗

>>July 5, 2010 at 4:53:23 PM GMT+8

2010 年 7 月 5 日 星期一 【晴】

第三代的門訓營 (25/6-27/6)

1. 第二三日，雨是停不了，感恩的是第一天BBQ沒有下雨﹗
2. 同十五十六去了睇波，很大雨，影響接收。開心的西班牙贏了，不太開心係場波都幾悶﹗
3. 芳芳發夢都踢波，很厲害﹗
4. 芳芳的沖涼怪叫，叫人怎能忘記？
5. 爭奪波子棋冠軍戰，誰與爭鋒﹗
6. 阿肥用飲管飲西瓜汁，很瘋狂的行徑
7. 高雞用了阿達的水樽蓋"筆"西瓜，錯哂﹗
8. 高雞的腸胃不適，真令人啼笑皆非﹗
9. 第二晚，分享得很深入
10. 謝謝阿達來到，十個謝﹗
11-無限......感謝上帝﹗

還有很多很多可以寫的呢~~~但這樣子就夠了~~

>>July 5, 2010 at 4:28:44 PM GMT+8

2010 年 6 月 28 日 星期一 【晴】

祂給我的夢，祂給我的路

六月二十二日打了篇日記，用POINT FORM的\
第十點，我寫到感謝上帝，讓我有夢，讓我的路﹗
為何當初我要打這句呢？
事實上，近年我常常思想一件事，間中就會困擾我。
就是我想到自己的生命，自己的事奉，是否值得？
可能很多人第一時間會想，當然值得啦﹗
但我告訴你，我並不是常常這樣想的。
我這樣子的事奉，有沒有價值？
當我知道我的老友們加升職加人工後，人工是我的四倍
我問自己：這樣的事奉，是否值得？
當我想到幾年後，不知會是甚麼光景的時候，
我問自己：這樣的事奉，是否值得？
當我想到，我好像放棄了我的同年紀老友
我問自己：這樣的事奉，是否值得？

講返第十點，其實這是出自一首五月天的歌—憨人。
要是你想了解多些我的心情，你可以在YOUTUBE聽下呢首歌。
前排我同舒媚討論過這個問題，我也是告訴她，
我不知道自己的事奉是否值得，
還是我可以有別的選擇。
她的立場很清晰，她就是覺得我陪著團友們成長，是上帝給我的一條路
很多謝舒媚，我需要一些鼓勵的。

今天，我在公司不忙，
我在MSN跟了很多有聽五月天的人分享了我這事的心路歷程。
然後，上帝又讓我看多了。
我同其中一兩個人講：
我只想上帝跟我說：冇錯了，這樣的事奉很有價值，我就心甘命抵的在這裏繼續事奉。
他們說，上帝的心意很奇妙的，又叫我等待一下。
起初，我覺得我的要求很合理，只要你講一句就夠。
(立時想到我怎麼才能回應你：只要你說一句我就願意去起來跟你)﹗
但是過了一輪，我忽然想到，難道我真的要上帝報個夢，或者面對面跟我說嗎？
我突然覺得聖靈在提醒我，
這些年來，上帝帶領著我在尼團事奉，不是已經是祂的呼召嗎？
我還覺得不夠嗎？要是上帝說我還想要甚麼印証，連我自己也想不到。
想到這裏，真的想說自己是傻豬來的。
我相信自己是貪心的，既想名成利就 (至少有多少少錢)，
又想在教會中有美好的事奉。但
上帝為我預備的路，預備的夢，卻是不同的。
我樂意行祂為我開的路。我以前很怕別人不明白我，
但憨人給我很大的安慰。我有我的夢，我有我的路﹗

特別鳴謝那些當天有同我MSN的人﹗

>>June 28, 2010 at 4:42:12 PM GMT+8

2010 年 6 月 24 日 星期四 【晴】

王子生日

1. 十二個乾人，乾到榴槤也乾埋~~
2. 負責約人的那位，沒有約到生日的那人~~
3. 玩BANG，第一張卡：角色牌在這回合沒有用﹗阿燊大叫：一開始就XXX~~
4. 玩矮人掘金，幾時多左DESTROYER先~~
5. 玩BANG，做咩淇哥係咁做警長~~
6. 王子的禮物都幾正﹗呵呵
7. 回味人鬼情未了，賴皮玩：我大隻左~~
8. 今晚冇同王子祈禱祝福添~~
9. 對唔住呀星爺，玩掘金我屈左你~~~
10. 其實我…都幾鍾意這些只有男人的聚會~~不過唔好三年之後都係咁

>>June 24, 2010 at 10:48:53 AM GMT+8

2010 年 6 月 22 日 星期二 【晴】

1. 最近是card game天下﹗
2. 我真的極喜歡photo of the week，王子靈異相，十個讚﹗
3. 身邊的人，間中就會令你好擔心
4. 身邊的人，間中就會令你好驚喜，原來他/ 她已經成熟到呢個地步
5. 期待門訓營﹗
6. 期待第一代下星期一放題~~雖然大師兄去唔到，唔緊要架﹗下次白飯自助餐
7. 最近好懶，冇咩時間做gym，冇咩時間跑步
8. 我覺得勝利十三人可以更更更好，YOYO﹗
9 謝謝舒媚，她真的很好。一起的日子，總是快樂﹗我地又去了打機啦，雪山兄弟，吞食天地，街霸，當然少不了中華料理﹗
10. 謝謝上帝，祂讓我有夢，讓我有路﹗

今天我在想，若然當年沒有跟大家升團上尼團，會是甚麼光景﹗

>>June 22, 2010 at 3:34:44 AM GMT+8

2010 年 6 月 17 日 星期四 【晴】

同MANDY慶祝生日
本來係去白泥睇日落既
但我唔知係咪同白泥呢個地方有不尋常既恩怨
每次我話去，天氣都係差
一係落雨，一係陰天﹗
已經係四五次了
如果大家想天陰呀落雨呀
可以考慮下叫我試下PLAN果日去白泥
有機會成功架~~

我們昨天就是不斷卡GAME咁呀
之後燊燊要返工
D女仔去左行街啦
晚上就去了打邊爐
好多丸呀，好驚呀﹗
我應該太眼訓，不在狀態
飲得三罐可樂就知道不妙了﹗

之後返定福唱詩歌祈禱敬拜
還有賴皮也來了
我最喜歡就是在組員生日
一齊祈禱唱詩歌咁
感覺是滿足喜樂的
雖然是累﹗但也很值得呢﹗

MANDY：生日快樂﹗

>>June 17, 2010 at 2:47:59 PM GMT+8

2010 年 5 月 31 日 星期一 【晴】

第二年去聽五月天演唱會
聽了一年五月天的歌
對這個演唱會有多少期望既﹗
不過我想不到當中我有屬靈上的感受~~

主要是有三次觸動我的
第一首歌是唱春天的吶喊~~
我見歌迷們真的很顛
幾乎全部站在大聲唱﹗
我想起如果這些場面是一班信徒在唱詩歌讚美上帝
而大家為著上帝的緣故如此瘋狂就好了
上次小方舟查經，講不義的管家
其中一個重點是主人叫我們要學習管家
管家為著屬世的事情可以如此精明，有這樣好的預備
我們為著屬靈的事永恒的事豈不當如此嗎？
我見到五月天的歌迷可以如此瘋狂
我們為著屬靈的事永恒的事豈不更當如此？

另一首歌是瘋狂世界
記得去年唱的時候就是在想著
好想好想肥﹗

「我好想好想飛　逃離這個瘋狂世界
那麼多苦　那麼多累　那麼多莫名的淚水
我好想好想飛　逃離這個瘋狂的世界」

今年唱的時候忽然在想
這個世界真的可能有很多人對這首歌很有同感
代入一些生活艱苦的人
我就知道他們真的需要福音，需要耶穌﹗

還有就是人生海海這首歌
只是其中一句歌詞
「就算是這個世界 把我拋棄」
我唱著這一句歌詞
我想就算是這個世界把我拋棄，我還有上帝﹗
忽然感受到上帝那種在我生命中的愛
不是任何人能夠給我的﹗

其餘的東西就POINT FORM算了
1. 阿信唱你不是真正的快樂唱得麻麻呢
2. 如煙的舞台好靚，但也唱得麻麻
3. 唱得唔夠多歌，唔夠HIGH
4. 唱得最好聽係後青春期的詩
呢個要講多少少，本來唱崩壞既時候我已經想打比阿琴
但冇打，後來唱突然好想你，就打左比佢
點知佢冇聽喎，到佢搵返我﹗
佢話如果唱你不是真正的快樂，崩壞或者後青春期的詩再搵佢
但係當時已經唱左你不是真正的快樂，崩壞~~
諗住真唔會唱後青春期的詩喎，點知阿信突然話揀左首第一二場都冇場既後青春期的詩
5. 孫悟空、溫柔、知足都唱得唔錯呀﹗
6. 終於唔玩戀愛ING，真好﹗
7. 唱倔強既時候諗起子進
8. 唱笑忘歌諗起龜龜，諗起淇哥
9. 唱突然好想你，舒媚打左比士巴拿，士巴拿好開心﹗
10. 我膝頭痛，只係企企跳跳左三份二時間~~
11. 歌迷係咪都起哄，我成日聽唔到佢地講咩﹗
12. 若他們出年仍在香港開演唱會的話，照去﹗沒有的話，搭飛機去台灣睇﹗哈

>>May 31, 2010 at 10:00:52 PM GMT+8