2010 年 10 月 1 日 星期五 【晴】

終於報了全馬，心情好興奮
記得半年前已經決定了報全馬
放棄毅行者~~~~~未跑先興奮﹗
之前打算唔同運雙
唔同其他人講我報全馬
其實都算少人知的
我想比運雙個大驚喜嘛﹗
但到這一天，我知道就快要報既時候
就突然覺得良心不安
因為他一直是我的戰友﹗
所以就在報名之前同佢講左
他的反應：做咩咁魯莽？幾日前還說好辛苦 (926的日記我會補打)
再之後，他說：心動﹗

然後我們都沒有甚麼特別的短訊
我也覺得他不會跑全馬的 (我自己跑都OK呀，預左)
但係佢突然又話報全馬，哈﹗
我一路報，同佢一路MSN
我正想話：你仲有少少時間後悔
同一時間佢話：快點，唔係我就後悔啦﹗
哈哈，好笑﹗之後的對話，我LIKE﹗

雙：快D報，我就快後悔
我：我正想講，你有後悔的機會..
雙：點解
我：諗住隨意講下，仲有一分鐘左右機會..
雙：我正在拍著肚腩
我：拍肚腩意思係睇下自己跑唔跑到呀嘛？
我：Check email....(confirmation)
雙：係諗緊點樣咩住佢跑
我：你冇得後悔了.
雙：好
雙：死亡證書已收
我：如果我照原定計劃，然後幫你報左半馬，我先話你知我全馬。你會唔會覺得好顛？
雙：唔會，我會疊埋心水下年先跑，唔使煩。你講左，令我心動
我：哈....咁知道就用原定計劃啦..
我：你既原定計劃係24歲跑42KM嘛
雙 ：係呀...出年都可以話係24歲GE...
我：我覺得同你拍住跑咁多比賽，我突然上全馬唔單聲，於心不安~~
雙：梗係啦，感覺好似同床異夢
我：你呢個形容真係....
雙：真係咩
我：令我有點不知所措既感覺..
雙：哈哈
我：有冇覺得自己好魯莽？
雙：有......
雙：人生有幾多個十年，唔係成日有機會去魯莽，當仍有魯莽的本錢時，要好好珍惜

加油呀，我既好戰友﹗

>>October 1, 2010 at 12:45:02 AM GMT+8

2010 年 9 月 26 日 星期日 【晴】

這天去了荃灣比賽
之前冇乜時間練
所以都冇乜期望
9月23係小方舟CAMP+神秘小組
9月24同舒媚去迪士尼
9月25在教會一整天
所以精神體力都不太夠啦

很久沒有同運雙一起去比賽了
賽前幾日收到既既短訊
雙：有冇練跑？
我：病病地都冇乜點練，而家目標係完成，你呢？
雙：冇啦，重要係咁食月餅，而家目標係去報到﹗

我們都沒有信心之下去跑
天氣又熱，練習又唔多，又病
跑既時候辛苦到極
運雙跑到一公里已經唔係好想跑
我最初三公里還好
之後就好辛苦，勁想放棄
係死挨返去終點，挨得好苦
跑既過程，跑完之後
我都同自己講：好辛苦，之後跑半馬全馬點算？
真係有一刻覺得：I HATE RUNNING!!
當然是最痛苦既時候既一種發洩

最後跑出黎既成績算不錯：0:38:51 (8公里)
今季的新開始，算是不錯
每公里都是五分鐘內，有所交待了﹗

繼續努力 !!
要在之後的比賽再創佳蹟

>>October 6, 2010 at 10:41:53 AM GMT+8

2010 年 9 月 24 日 星期五 【晴】

年年中秋節都會去沙灘
都真係去左好幾年
我估至少五六年
今年同阿丁慶生
就去了定福

等人齊既時候
王子彈結他我彈琴
我舒媚同王子都有唱歌
好開心的
之後阿丁都唱左一陣
是開心的時刻呢

差不多十點
先黎埋淇哥同星爺
玩了一陣HIT SHIT
實力派人玩
少一刻留神都會輸呢

之後就鋤D
計分方法：
贏的人減一分
剩最多牌的人減一分，有炒
笑死，玩法奇特
人人都是為自保而戰

三國殺時候到了
因為都算要重新學
相當困難
又冇乜心機學
所以都玩得好求其
但勝在大家夠顛
狂用不正統的普通話大聲出牌
經典的是星爺盡出力大叫
“我殺”….但係走音
也有好好笑的”把屁”家駒
由於賴皮都到了
我們就開始今晚的精髓
是乾柴成長回顧
淇哥負責揀相，帶大家回顧
王子負責彈結他敬拜
過程兩個多小時
雖然略長，但很有心機
在回顧之中
他們感恩上帝帶領他們
改變他們的生命
他們想更多的成長
真是件很美麗的事

我還記得很久之前分享過
如果在生日當天
可以一班弟兄姊妹去敬拜主
可以講下見証
分享上帝在我們身上作的事
是件很美麗的事
這天，他們做到了!!
心裏很喜樂

上帝在我們當中!!

>>September 24, 2010 at 5:25:14 PM GMT+8

2010 年 9 月 20 日 星期一 【晴】

其土叔目﹗

>>September 20, 2010 at 4:32:33 PM GMT+8

2010 年 9 月 16 日 星期四 【晴】

忙碌生活又來了
怎麼會這樣的

今晚.....跑步+同鄧家食飯
明晚.....咖哩飯門訓
18/9: 教會日
19/9: 小小運動小小休息, LIKE
20/9: 同舒媚一家慶舒媚媽媽慶生日
21/9: 練跑日+同阿芳食飯
22/9: 丁丁生日派對
23/9: 小方舟日營
24/9: 迪士尼
25/9: 教會日
26/9: 比賽+老友飯局
27/9: 小休
28/9: 可能同小情人食飯
29/9: 小休
30/9: 小休
1/10: 勝利十三人大澳團
2/10-3/10: 尼團導師營會

再這樣下去，我會想有安息年﹗哈
但如果日子不忙碌，我又會不習慣
我應該改變下自己的心態既
我猜想過了渣馬
不用編排這麼多時間做GYM跑步
應該會冇咁忙

暫定比賽如下
26/9: 8公里
14/11: 10公里 (未confirm有冇位)
28/11: 21公里
19/12: 21公里 (未報，跑隊際，齊人就報呢﹗)
9/1: 21公里 (未有得報住)
20/2: 渣馬

@@@@@@@@@@@@@@@@@@@@@

最近捐血失敗，唔夠血色素
最近開始入大學找團友們
最近壓力比前大了少少
最近要迫自己早起做GYM
最近都好易疲倦
最近芒果燒的關係好好分享又好有質素
最近在想第四代完左個人分享之後可以教乜野
最近少見了咖哩飯，但明晚就見了
最近見多了同波板糖，但黎子進依然超忙
最近勝利十三人分享都深入了
最近多了抓住上帝
最近少了上面書同埋MSN
最近仍然多SMS
最近最想叫他 / 她加油的人是春春栽屎
最近仍然沐浴於愛中

>>September 20, 2010 at 4:31:56 PM GMT+8

2010 年 9 月 11 日 星期六 【晴】

她……常常被人說肥
我……覺得她很瘦 (除了下巴多了些肉)

她……最近的口頭禪：錯哂，成件事錯哂
我……都搞唔清邊個帶起呢句熱潮

她……常常說要25歲結婚
我……祝福她啦

她……相當喜歡冬蔭功，可樂
我……因此視她為有深度的人

她……小組很多時只有她一個女仔
我……好欣賞她沒有因此放棄返教會

她……在門訓會突然分享深入，也試過落淚
我……記憶中她第一年門訓都慢熱的

她……好像有不少秘密小組
我……也是其中一組的成員

她……最近也有跑步
我……上次見佢跑步，跑前跑後是兩個人﹗

她……很喜歡SMS，但據聞只有幾個玩SMS的對象~~將來可能會有多些呢﹗
我……我跟她SMS都好開心呀

她……都不容易分享自己心底感恩
我……想聽你多些分享呀…

































她……是張慧琴

>>January 4, 2011 at 12:23:19 PM GMT+8

2010 年 9 月 8 日 星期三 【晴】

三十有一的第一篇日記

謝謝五索為我慶祝我本年的第一餐生日飯
謝謝勝利十三人余仁BENNY阿丁阿谷第二晚打邊邊
謝謝Generation IV在門訓中送上的小蛋糕
謝謝門訓組員搞的生日會，雖然唔齊人，但仍然很高興﹗
高潮是正日大家在面書洗我版
那種睇唔切的瘋狂真的勁
多謝大家，見到大家用心去寫，好感動的﹗
這是一份了不起的禮物
你們讚賞我的，我都將榮耀歸主
因為沒有主，就沒有這日的我
謝謝舒媚，有三天的聚會，都是她有份陪我的
雖然正日看似平平淡淡的
但引用張國榮「追」的歌詞
「有了你即使平凡卻最重要﹗」

看完了梁牧寫的客旅人生
不是超級好看
但是有很多的學習
他又提及很多他尊重的牧者
這些牧者為主所作主為主犧牲
真的是令人很敬佩

從書中也看到梁牧的生活習慣
他的生活模式，是我無辦法學習的
例如佢可能十點十一點訓
兩三點起身寫講章，一兩個鐘之後再訓
常常都是睡幾個鐘頭，好可怕

可以學習他對待另一半及兒女的態度
可以學習他的謙卑
可以學習他常敏感人的需要
可以學習他一有時間就跑步，哈﹗
等等等等

感謝天父
有一篇梁牧的日記我覺得很值得跟思律分享
看完就打了其中一段給她
希望幫助到她在大學的生活

感恩梁牧在友愛堂的事奉
是我們的福氣﹗

>>September 8, 2010 at 5:27:02 PM GMT+8

2010 年 8 月 26 日 星期四 【晴】

「香港係個燥底社會
狂鬧似係發洩情緒既唯一做法
往往令自己陷入情緒低落
我覺得我係唔鍾意受社會影響
我唔鍾意比社會文化LEAD住
搞到我生命冇方向、冇意義
專做D只想傷人不想愛人既野」
From 三叔

Like三叔形容香港是個燥底的社會

「總要心意更新而變化，叫你們察驗何為善良，純全可喜悅的旨意。」(羅12:2)

事件發生了幾天
外間的說法
我大致上認同
特別是那些特種部隊有不當之處，我只是說指揮的，下命令的
(不過我覺得不能控訴前線的執行人員，畢竟，他們只是聽上頭落命令。而且，面對生死，絕不是你可以隨便說一句：係我就衝左上去。或者，當你面對的時候，你在屎淋尿賴。等如你在說你對上帝很有信心，但一日未有經歷，一日也只是空談)
特別是那些警察學生可以用旅遊巴做景點影相留念
特別是有警察扮拎槍……
特別總統笑笑口，又話笑係表達憤怒，好離譜

菲律賓是個很窮的國家
年年都有很多的颱風
以致經濟搞得不好
政府貪污情況惡劣，民不聊生 (據聞貪污貪到警局冇錢交電費而停電)
九成警察未試過開槍，因為冇錢買子彈 (有錢都用來買吃的啦)
可以想像到訓練出來的是甚麼樣子的
經濟教育軍事文化是息息相關的
這樣子的情況真令人嘆息
這個國家最需要的是上帝的憐憫
倘若有機會去菲律賓短宣，我想去!

文字的影響力很大
有時在面書說些意見也要就住就住
面書在這件事上大致分三批人
1. 鬧菲律賓政府，用各種方法表達自己的不滿
2. 表達不需要過多的批評，鬧也沒有用等等的
3. 只是勸人祈禱，RIP等等

我的發現是第二類人說一些意見的時候
第一類人就停不了的攻擊第二類人
論文般打一篇文字，彷彿要強迫人去認同他們
我還有種感覺，覺得第一類人認為第二類是冷漠的，無人性的
有時都覺得幾恐怖~~
甚麼人出於愛心
甚麼人出於情緒發洩
我大致上分得清楚的
愛可以再更多一點點

喜歡袁牧師丈夫在FACEBOOK說
「請不要幫助引發更多憤怒的「真相」，不要讓不幸的人認為自己是不幸中的不幸，這不會讓死去的人安息!」

談到「真相」
我不知道是否查得明真相就是對死者有最大的尊重
若然「摸木」講句，他日我有這類事發生在我身上
請不要替我查明「真相」
我只想我身邊的人快點得安慰
快點過正常的生活
但其他人要找出「真相」，我沒有反對的﹗

今早看新聞
見到這個很多傷痛的場面
我也忍不住自己的淚水
主啊，求你憐憫醫治這地，這些受絕大傷害的人

>>August 30, 2010 at 5:16:18 PM GMT+8

2010 年 8 月 23 日 星期一 【晴】

原本是計劃送完舒媚返工就改份老良
然後繼續煲廿四個比利
但是菲律賓挾持香港人事件破壞了我的計劃
我在看FACEBOOK
幾乎成個FACEBOOK的人都在討論這件事
看了一會兒，忽然很討厭這個地方…
所以回來日記說說自己的感受

最初我也有很多的不爽
為何搞這麼久都只是在打爛玻璃
走來走去不知做甚麼
當時又"ASSUME"車上的人死得七七八八 (錯哂)
大家都估匪徒可能已死了 (又錯…突然有還擊聲﹗)
大家話：都開左太平門啦，衝入去啦…
大家話：人地開一槍反擊就全部人走哂…(我覺得走的原因可能是要從詳計議)
大家話：都唔明做乜唔成班人衝上去就算…(衝上去，可能咪死哂所有人…)

阿光的NOTE令人是當頭棒喝
香港人就是人，菲律賓人就不是人？﹗

我們在網路世界
可以不負責任的好像喜歡說甚麼就說話
我不敢說菲律賓的特種部隊表現出色 / 很差
你憑甚麼讚 / 彈人家？
你有這方面的知識嗎？
你真的以為好像平時警匪片一樣？
你知道遇到這些事應該怎樣做嗎？
你知道M16的槍可以發到多少子彈嗎？
你知道這些部隊是自己可以選擇衝上去還是要聽上頭指引嗎？
很多很多的問題你都答不到

有一天，如果身邊有未信的人不斷攻擊你的信仰
他沒有任何基督教的知識
同樣你都會不喜歡

「耳聽三分假，眼看未為真」

上帝，求你憐憫遇害者的家人
上帝，求你憐憫受傷的團友
上帝，求你憐憫我們

>>August 23, 2010 at 10:30:18 PM GMT+8

2010 年 8 月 16 日 星期一 【晴】

第四次去門訓前的生活營
一如以往，天氣很理想，大部份時間都是天氣晴朗，還熱到發瘟 >.<
一如以往，都是玩當開心
一如以往，都是我的分享時間
一如以往，都有主的恩典
一如以往，都有第一代參與
一如以往，藉著去營，我認識大家更多
一如以往，影了好多好正既相
一如以往，營會令我更期待今年的門訓
一如以往，......

反傳統地，我們沒有去跳碼頭 (第一代第一次都冇)
反傳統地，我們沒有去荔枝莊 (第一代第一次都冇)
反傳統地，第四代反in第一代
反傳統地，我們的組名或者不再是食物名
反傳統地，......

謝謝大家的投入，上山下海，拍片，煮飯，玩卡GAME，唱詩歌，無聊等等
謝謝第一代入來玩，還有余仁，不會忘記在這個小房間中有多少小強
謝謝阿琴同士巴拿，陪下我們玩，幫我地影相
謝謝大家聽我的分享，其實都幾悶，大家當晚又累呢
謝謝大家的爛GAG，劉恒有冇好好記低？尤其係你那幾個笑點
謝謝天父，祂是我們的主
謝謝大家，......

倘若上帝願意，有一天能夠四代去CAMP玩，去分享﹗豈不樂哉？

>>August 16, 2010 at 9:24:24 AM GMT+8