2007 年 2 月 4 日 星期日 【晴】

哈~ 今日訓到成十一點幾，本打算搵下書，但，屋企的引誘太多了...

晚上，與表姐一家，靚姨，三姨 & 風信子去太陽廣場地庫一中菜館食野.... d 野食都 ok 喎~ 唔算太貴...都唔係老公講得咁差姐....

禾禾勁多野講...有用不完的精力似的...

表姐夫...好得意，我估佢本身都幾多野講的，但可惜佢唔係好識廣東話，所以，多數時間佢都係唔出聲，但當用普通話佢地傾計，佢都會講好多野...

>>February 25, 2007 at 2:19:49 PM GMT+8

2007 年 2 月 3 日 星期六 【晴】

也許是因為我終於做到了，所以成個人都鬆散，勁好訓.....

今日，比昨天更早到.....本約了老公老婆一起買美食，但老婆下了車以後不知自己身在何方，所以，最後我 & 老公幫佢買埋...之後番劇場開餐....

好飽~~

last show lar~

整個人鬆散，唔係好番到黎添~

哈~ 我做老公都無我咁好氣了~ 佢好嚴肅咁話：你點解唔諗你自己得？你諗你自己唔得，就一定唔得！

Sc3....嘩~ 張沙發勁正，從未試過咁實淨，正呀~~

點知.... Sc 8尾收到個 bad news...張吹氣沙發穿左....勁漏氣....

Sc9....嘩~ 張沙發 "謝" 成咁....點坐呀....硬著頭皮的頂硬上.....雖然今日個 mood 唔係好到，未能達致昨晚欲哭的程度，但，也算成功的....

完 show 了!

坐壞人 ben 的車回家，落妝、洗頭、沖涼...之後便坐火車到慶功的地點....

食過飯，照過相...之後便與部份演員 唱 k 去....

chris 勁大聲，完全佢唱晒..因為你根本聽唔到自己把聲...

不久...比達、羅倫斯s 及部份演員又到....好熱鬧呢~~~

換左間大房....有傾計的，有唱 k 的....

老公 &老婆約一時走

我與比達則約二時走

回到家，已約三時多了...

睡~~~~

>>February 18, 2007 at 2:27:51 PM GMT+8

2007 年 2 月 2 日 星期五 【晴】

又再一次失眠.....今次除了緊張以外，還有擔心.....負能量激增...

胃又開始唔妥...食過了早餐，又再出發....

思前想後，最終因為時間充裕，所以到尖東站下車，之後到了海旁坐了一會，跟另一個自己說了我今日無 mood，超down....坐船到灣仔，與另一個自己會合，等待老公出現....

咱們本打算去食美食，可惜未開門，所以唯有番劇場...

安頓好後，開始我的「記念冊行動」。

臨開 show 前，我個胃好唔妥，好唔想咁...我要食野...

問了老公，另一個自己及導演，便到大x樂買三文治...

番到劇場~ 先食半份三文治，因為個胃實在太唔掂。之後飲晒杯冬ot，預備心情出 show....因為個胃唔妥..不時做深呼吸，感覺良好些...

Thomas 好勁，佢識玩好多魔術，所以 Sc 1 勁開心，可以暫時忘記壓力，之後就幫手 sc change... Sc 5 畀 thomas 嚇死，light in 都未出黎。好彩之前來定今場玩「嬲」，所以，我都可以自己做住戲先....等左好耐，正打算夾硬埋單，幸好佢及時出現！見到佢，我仲唔好嬲咁走咩！

今場 d 觀眾，係又笑，唔係又笑，總之乜都笑一餐....

我唔係好敢睇 Sc 3 & Sc 9....真係好驚.....

Good show 之後，到我啦~~~

我真係無乜胃口食野，唔係好想食....

另一個我好好，佢叫左一個 tea 同我 share...

食過了少少米粉...飲晒杯冬ot....

無mood，勁down...我要諗 d 開心野..我要分散一下自己的注意力....

食過飯，與老公對了一次 lines...我回復了 75%....老公，你好厲害！你真係好知對手要咩...我只可以用一個字黎形容，就係「勁」！

緊張是有的，但一出到台面...無晒！緊張走晒！

Sc 3...我未完全入到，但都盡量去愛著我的他...Sc 9...估唔到，自己可以做到我一直想要的，而且是來得自然的....

我的第一場擔正，GOOD SHOW!!

謝幕時，爸爸給我獻花 & 吻~~
謝幕時見到 Saijo...見到 黃姑娘，黎老師，魚旦.....

番入後台之後，立時取出相機，行出前台...get set.. GO!!

最可惜係未能用 Queenie 影相....

畀過 notes...散，歸家去...很想告訴小葉我今日 good show，好想多謝黎睇的朋友....

希望我明天都可以 keep 到，而且做得更好！

加油呀！寺言！！
你係鍾意舞台架！！



p.s. 今日 lunch 化妝時，與監製傾計，又再一次提到想放棄的事...個mood 又黎...感謝神！因衪出手相助，讓我知道/ 明白，我會繼續玩話劇的！多謝祢

>>February 18, 2007 at 2:25:44 PM GMT+8

2007 年 2 月 1 日 星期四 【晴】

開 show 啦！！

不知是否太過緊張，昨晚睡得不穩....今早鬧鐘未響 (0830) 我都已經醒醒地...起身刷洗 get set GO!

先到 m 記食了一個早餐，之後就坐火車到尖東站，到了屈記買 d 保濕野，之後就坐船到灣仔.....

開 show 了~~

到了場地，入了後台幫手 "確士店"，不久，老公同老婆就到...

咱們幫下 backstage，行左幾次 sc 9 的走位....之後就同老公老婆去食野

由老公帶路，去食魚湯面...

番到去，繼續我的 "確士店"，不久，演員陸續到達....

cast a final rehersal....

Side cast 的我，無乜緊張唔緊張.....

同老公老婆食過晚飯....化了妝，briefing...

S H O W T I M E

我只出兩幕，短短的...

之後就幫少少後台 (主要是幫老公著衫)

其間...由於老婆唔係好入到戲...老公對佢講左 D 過份的說話，老婆立即面色一轉，重重的打了老公一下，之後就衝入服裝間.....我立即問老公對老婆講左 D 乜....唏~ 真係畀佢激死...佢咁講，唔怪得老婆會咁啦.....之後我入左去...老婆好傷心呀 ::>_<:: 我一向不善詞令，見佢喊到咁，我立即取紙內給她...陪了一會，便出番去，好讓佢 cold down...唏~老公呀 老公，點解你要咁對你老婆呀~ 佢真係好投入咁愛你呀~ 你咁 hurt 佢，佢真係會好難受....

一會，thomas 入去，對她說了些話，老公入去....

換轉是我，我猜我沒有老婆那種激動.............

sc 9.....

謝幕~~~

好開心呀~ Kay & Tracy 有黎睇....

同佢地傾左一陣，影左相留念....

觀眾散了，又係 notes 時間....

導演說：老婆 SC9 GOOD SHOW.............

第一場完 show，我的「演後抑鬱症」已經開始發作，仲有三場，點算....

老婆比讚...壓力大了....自問一定做唔到佢 d 個效果，點算....

唏~~



之後，坐壞人 ben 的車番屋企。

再一次收了小葉的短訊。
佢實在太 nice 了!!
很想立即 call 佢，但又怕阻住佢休息....
但又唔想浪費時間打短訊...
很想立即向佢大喊：
小葉，我愛死你了！
你實在太 nice 了！！

>>February 18, 2007 at 2:24:47 PM GMT+8

2007 年 1 月 31 日 星期三 【晴】

入台啦~~

坐307真快！起初重驚要三點先到，點知兩點多 d 就落車...

去到麥高利，入後台....安頓好之後就掛自己的衫....之後用 steamer 燙自己的衫，之後就無乜野做.....

幫羅倫斯手剪螢光貼...貼3m膠紙.....

不久, 另一個自己到...她繼續做沙發....

我就行來行去搵野做....

......

換了戲服...預備final rehersal....

哈，在後台有 d 緊張，但一出到台，就乜緊張都無...一切順利.....

今日，比達牛一！真沒想到他與我妹同一日牛一...

so，今晚 re-run sc 15....Happy Birthday to 比達！

明天 on show 了！願一切順利。

>>February 18, 2007 at 2:23:17 PM GMT+8

2007 年 1 月 24 日 星期三 【晴】

強迫自己不去想，只希望盡快做完份功課後，再重拾劇本。重新來過。

今早，上班途中，突然收到另一個我的來電....佢問我點？發生咩事？佢覺得我好唔開心....(是的，我開唔開心都會放在面上)....既然佢問到，我就和盤托出的，全部講晒(差點)。每每提到，究竟係我真係鍾意話劇，還是我格硬鍾意....我的眼總會不由自主的流下淚.....她建議叫男角做 d 野..老實，我真係唔想，因為免強無幸福...

抑壓情感，是我常做的....作了數下深呼吸，回到辦公室....因哭過，整個上午都像遊魂般....

胃酸倒流....另我想到張國榮....

下午去看醫生。醫生說是胃炎，胃酸倒流...

放工後番家，本打算做功課...但無做到..哈

>>February 13, 2007 at 5:22:40 PM GMT+8

2007 年 1 月 23 日 星期二 【晴】

就需飾演的，我要暫時放下，專心的番回現實....

暫時放下那角色，錯覺上好了些

不知是否壓力，我又發覺自己開始有胃酸倒流.....

今日晏左收到，兼且我行左另一條路，所以，無 call jk...

經過冬nut店，買左個冬nut..之後經過七仔，買左個熱咖啡...哈~ 胃有事重飲咖啡，真係未死過....

阿 sir 無乜心機講書....今堂，主要係放水....佢真係畀得好出...

放學後，同jk 去左食野....

>>February 13, 2007 at 5:27:57 PM GMT+8

2007 年 1 月 21 日 星期日 【晴】

我唔可以話，我完全攪掂晒。

也許，我再次用逃避的方法，去解決問題。

我已經不會再理會另一個自己的表現，也開始識用她的方式去愛著那不真實的老公。但，她卻忘卻了，女人的第六感。心知老公對別的女人動心，自己可以當若無奇事嗎？詐傻扮懵的去演活這角色....

哈~ 這個角色，真的是一個天真少女的角色，純純的愛，絕對清純。


忘記背後，努力面前，向著標竿直跑！！

>>February 13, 2007 at 5:20:22 PM GMT+8

2007 年 1 月 19 日 星期五 【晴】

自問信運 或者夠運 從未望擺好水晶去空等
我哪裡肯 只相信上天的意旨 也未曾到處佈陣
自問以十成力做好戲份 無緣份也未忘有自信心
事發定有因 會彈回自身
算命如同沒算 上天想我獨行 都需要毅行

世界永遠 會有事發生 是樂和恨 全在乎內心
即使鐵板 算準我餘生 都信憑我心會轉運
要算盡每寸路中毒太深 在命途浪蕩時未求路燈
不需要得好報自動地懷著善心 未怕密雲

永沒有怨過天失戀想呻 只想將經歷去化做道行
若信佛說每個果是源自曾造過因 明瞭原業有權慶幸

甚麼戀情仍慶幸 未信任我聽過的諾言但仍是快感 償還恨愛有如責任

自問靠實力卻略略信運 然而沒虧心總使我安枕
我夠決心 只相信上天的意旨 也未曾到處佈陣
自問以十成力做好戲份 無緣份也未忘有自信心
做錯便種因 會彈回自身 算命如同沒算 如果真有命運 都需要毅行
就算被最準斗數實牙實齒批定共誰人合襯
難得不再獨行 都需要毅行

=============================================

>>February 13, 2007 at 5:18:39 PM GMT+8

2007 年 1 月 17 日 星期三 【晴】

我要控制我自己 不會讓誰看見我哭泣
裝作漠不關心你 不願想起你 怪自己沒勇氣

心痛得無法呼吸 找不到你留下的痕跡
眼睜睜的看著你 卻無能為力 任你消失在世界的盡頭

找不到堅強的理由 再也感覺不到你的溫柔
告訴我星空在那頭 那裡是否有盡頭

就向流星許個心願 讓你知道我愛你

================================

今日排戲，完全不在狀態.....

女主角的感覺回來了，但對白卻走了......

我究竟做乜..................

今晚，真係無乜mood....

完了。不想那麼早回家去，所以走到尖咀站.....

與導演及另一個自己分手前，我的情緒躲著了，感覺好了。

體貼的導演，給我電話，談了很久....

他所說的，另一個自己也曾說過.....

其實，我係咪真係咁適合做戲？究竟，我係咪真係鍾意話劇？

我的孩子氣，又再一次出現。我要勁多的被愛感覺，我得要得到勁多別人的肯定，我要付出少少，收取好多好多....可以嗎？我這樣是否太自私？我是否只想到自己.....我想我的答案是「是的」....

救命呀~~~~~~~



玩左咁多年話劇，難道我真的一點也沒有進步過嗎？

我怎樣才可以扭轉這局面？

離演出時間不遠，點算.............

>>January 22, 2007 at 3:12:53 PM GMT+8