2005 年 9 月 9 日 星期五 【晴】

返工無做過公司野
狂寫劇本
接到子賢電話，知道傳音都做
曾想過就此放棄
繼續寫

去安東尼同事家
終於可以同佢個仔及女拍照

唱k，yeah~

>>September 14, 2005 at 5:50:50 AM GMT+8

2005 年 9 月 7 日 星期三 【晴】

前陣子接到劇社其中一位朋友的來電，誠邀我為十二月的教會劇撰寫劇本。
幾經辛苦，綜合了她的見證及追思會上各人的分享，寫了四頁紙的故事。

也許，我自己也把情緒"憶"壓著。連日內不時番閱她的見證及各人的分享，眼眶裡總是濕濕的......

發了個電郵給那劇友，希望她會用這故事啦~ 往後的一個星期，要把四頁紙的故事改寫成半個小時的劇本，希望一切順利。

哈~ 今日比其中一個老世讚我做野有效率，哈！

>>September 8, 2005 at 3:49:26 PM GMT+8

2005 年 9 月 3 日 星期六 【晴】

昨晚番家後收到劇社其中一位朋友的電郵，說搵我幫忙十二月的教會劇，難道是搵我做幕後？

今日崇拜與她通了電話......

嘩！！！佢搵我寫劇本呀！！！真係估唔到！！！
因為秋賢，我即刻向她提議用秋賢的故事，她叫我先寫出來看看......

嘩！！！若秋賢的故事真係可以在十二月在教會演出，明年一月就可以在藝穗會公演了！！

實在太好了！！！

>>September 8, 2005 at 3:43:32 PM GMT+8

2005 年 9 月 2 日 星期五 【晴】

今日不用上班，起床後，到九龍灣剪頭髮。
風信子個髮型師都幾好傾喎~ 而且由頭跟到我尾，唔錯！以後都係搵佢好 d

剪完頭髮，約安東尼同事在 m 記等。一起食過 m 記後，我便到了他家睇bb....
....原來約左 rick，但....我想睇 bb.....

到了他家，他內子正餵皓晴食奶，皓弘就自己食，好皓真係好得意~ 雖然唔叻講野，但表情多多，真的好可愛，至於主角皓晴，個樣好似媽咪......坐了一段時間，約四時多便走，本打算番大埔，但.....今天不想回家。

在旺角下車，走到新世紀，走到戲院，買了一張戲票。
看完了電影，突然間很想找個人陪，給了一通電話給wf，我未問完之先，他已決絕的說：唔出！
唏~ 真命苦，情緒低落時得到不是朋友的安慰，而是朋友的拒絕.....
真係要套用劇中女主角的其中一句對白：我想喊呀，係咪好"梁"呀？

時間尚早，乘火車到又一城，本想再睇多一場，但....錢銀不太充裕，都係算啦
漫無目的地四處亂逛，最後食了一碗不太像樣的 "LaSa"，便回家去。

>>September 8, 2005 at 3:38:56 PM GMT+8

2005 年 9 月 1 日 星期四 【晴】

今天，是安東尼同事的牛一，亦是秋賢的追思會。
今天，該是高興，還是悲傷？

今天，在公司悶了一整天，乾坐著，沒什麼特別事幹，好悶。
午飯時與小提琴到公司裡某間由美心集團負責的茶樓飯茶，不知是不是因為我身型較大，小提琴好似驚我唔夠飽咁，成日問我夠未？其實，我食的份量並不是這麼多，而且十一月要做伴娘，要控制食慾。

下班後，見時間尚早，到了路環吃了一個沙牛飽，然後就番教會，預備唱歌。

秋賢，影響了很多未信的，和一些信了很久的人，一個年幾與我相約，但飽經風霜，卻深深的為主作工，作見證，比我們這些健健康康的更落力。

SARS 令港人重新正視衛生、健康和親情；
秋賢令我們一班自稱為基督徒的人，重新檢視信仰，她就彷如耶穌基督親自來到我們中間，叫我們要學懂全心的順服和信靠......

秋賢，別忘了你曾承諾把你故事的 "話劇" 版權給我！現在你先走了，我想向你 "羅" 料也不行，不過，我深信你一定會暗中幫我的，對嗎？
秋賢，我真係好想快 d 寫你個故仔出黎，搬上舞台......

在追思會的過程中，Rick 打過比我，不知他找我有何事呢？
完了追思會，收到安東尼同事的電話，哈~ 他終於肯接收佢女兒的牛一禮物了！

>>September 4, 2005 at 4:13:21 PM GMT+8

2005 年 8 月 31 日 星期三 【晴】

九月份了~ 一眨眼就到九月了。

近日在電視上看到了某品牌的冰皮月餅廣告，看到了那包裝依舊，想起了某人去年送我的冰皮月餅，就好像是在不久之前的時，可惜，面目已全非。想起了去年這段時間，正在努力地就自己有份創作的話劇出力，想起了我與某人那曖昧但甜蜜的關係......

我想，今年的中秋，牛一仍是自己過。

眼見好友快披嫁衣，又見同齡的同事拍拖了......

何時才輪到我？或是，我已錯過了？

想起了某年做了一份恩賜調查問題，得出的其中一個結果是「獨身」，難道，這就是上天的心意？

>>September 1, 2005 at 2:59:37 PM GMT+8

2005 年 8 月 23 日 星期二 【晴】

今日係 WKLL- Sally 的牛一，尋晚上網上到十二點幾，send 左個 message 比佢，再過多一陣就訓。

今日，為免昨日的"慘劇"重演，特地較定鬧鐘，雖然在鬧鐘響的一刻真係好唔想起身，但......我唔可以再遲大到架~

起身梳洗後，食左件蛋糕，飲左杯奶茶，之後就返工。返到工同都不到九點~~ ^_^

斟水時見到小提琴，say hi 後閒聊一會。哼！佢竟然話：「乜你今日咁早呀！」哼！乜我平是好晏咩~~

今日，成日都係整個 .xls file，唏~ 希望再無乜野要改啦~每次見到FS有咁多野改，真係有 d 驚，講晒我都未過試用......勁攪笑，FS竟然唔信我唔試點樣 hide sheet，佢話其實咁勁的野都整到，無理由連咁簡單既野都唔試......唓！唔試咪唔試囉~ 之前無用過咪唔試囉......

攪笑，DN今日借左本"西方禮儀"的書給我，咁我得閒睇下.....難道......他向我暗示什麼？

......

收到 SUKI 電話，她說阿鼻入左醫院......吓！！咁大件事！！爆肺喎！！骨裂喎！！唔係野少~ 希望佢早日康復啦

>>August 24, 2005 at 2:27:26 PM GMT+8

2005 年 8 月 22 日 星期一 【晴】

今日一張開眼

嘩！！八點卅五分！！！弊！！！

立即梳洗更衣，之後出門口......
打個電話比小提琴，話我未必趕得及在九點半前返到十三樓，不如在上堂地點等
幸好，出到紅磡時約九點廿分，諗過上番寫字樓再落樓都趕得切，咁就再 call 小提琴說我會先番office......

番到 office，見到老世間房開左門，就心知不妙~~(佢平時約九時四十才番到 office，點解今日會咁早番架~ 唏~ 斷正添~)唏~ 我都唔理咁多，"la la lam"放低行理，帶備筆同紙就同小提琴一齊到上堂的地點......

嘩~ pu 真係有錢，整間房的電腦都係 notebook，勁呀！不過個 course 就......真係簡單得太緊要啦~ 無咩可以得到，而且仲早左半個鐘放添~見時間尚早，我與小提琴便到公司快餐店坐低飲杯野，之後才番寫字樓，上到寫字樓一陣，又到 lunch 時間......

今日係小提琴牛一，我請佢到食好時海南雞飯......

放工後，到例牌餐廳食野，之後就番學。

唏~ miss 又吹我交功課......唏~~~

放學後坐火車番屋企。

>>August 24, 2005 at 2:58:25 PM GMT+8

2005 年 8 月 21 日 星期日 【晴】

好眼睏呀~
今日番到公司，埋首整 .xls 之外，好似乜都無乜做過。

放工後坐火車落旺角，去左燁記食野，之後就去培正上堂。
今堂講簡化字......其實簡化字仲難過"凡"體字......唏~~
今堂，又有同學做 present。最後剩餘十五分鐘，阿 sir 好快咁講番各人的初步評語......
唓！上個星期先讚我，今個星期就講到好唔掂......

放學後，急步行到新世紀廣場，到了一間有好多 moment 公仔的店鋪，揀左bookmark及咭仔，預備送給小提琴

>>August 24, 2005 at 2:37:53 PM GMT+8

2005 年 8 月 18 日 星期四 【雨】

辛苦左多日，今日終於攪掂個 .xls file，並 e-mail 給 FS。
LUNCH 同小提琴去左公司其中一間酒樓飲茶，D 野都 OK，若多幾個人就可以食多幾款，埋單每人廿幾蚊，都算 OK
諗左好幾日，放工後SEND 左個MESSAGE 給他，老實說，我真怕他出了意外......我擔心的，並不是他最終是否能還，我擔心的，是他是否仍在......SEND 完 MESSAGE 之後，我不時留意著我的手機，遲遲未見回覆，我開始擔心了......
是我想得太多吧

>>August 21, 2005 at 12:28:00 PM GMT+8