2006 年 4 月 28 日 星期五 【晴】

今日番到公司，當然係整 fs 的 access 啦~ 執完，就貓給他...唏~~ 10th DRAFT 啦~~ 開始對到厭....

放工係，趕入大埔，先交搵工資料給愛美麗，再去 kfc 買外賣，之後就趕去富善....

食左兩隻雞翼，就上三福最後一課....其實都唔算係上課，因為，馮生都無教過咩...我地就係咁，傾計傾到三點幾先叫做開始...講無兩句，都四點多....個福音對象大遲到，四點九先到...唏~ 富善要六點前交場，一個鐘頭多 d ，點算......

最後，攪到差唔多六點，馮生先肯放過佢...唏~ 何必呢....

之後，我飛的過大埔堂....為明天伴唱預備......

梁牧因為要開區會，所以遲到....利太又唔係真係咁想練咁.....

實在太耐無認認真真咁唱過歌啦，一夾個琴，就覺得自己勁唔掂.....而且...我覺得好似同利太鬥大聲咁.... 之後梁牧黎到....好明顥，利太因為梁牧，定左好多....

大件事啦~~ 唔知係咪因為食左 kfc...喉嚨有 d 痛添......

七點多，梁牧才放人...七點半開團契...勁肚餓，快 d 食埋個雞包 (lunch) 先......個包凍晒了.....

估唔到，今日團契竟然睇有關同性戀的 vcd.....

第一隻碟....只係"泡" d 問題出黎，無咩解決的方法，唔鍾意
第二隻，係一個過來人的見證.....是的，同性戀並非沒有出路，只要認識神，萬事都能解決.....估唔到，一個毫不起眼的聖經故事，竟然能感動一個同性戀者.....

>>May 9, 2006 at 6:01:43 AM GMT+8

2006 年 4 月 27 日 星期四 【晴】

今日，梁永善牧師黎學校分享信息.....唔知係咁時間太短，講 d 野好表面.....不過，都好開心佢黎...若果係 陳恩明牧師就勁正啦！！

可能係 lunch 的份量實在太少，所以，三點幾開始就 feel 到肚餓....

今日放工後，到九龍灣....

本打算與風信子一共賣鞋及賣衫，最後，只係買左鞋.....我買左四對....今次大件事啦~~~~over over buget....

>>May 9, 2006 at 6:00:25 AM GMT+8

2006 年 4 月 23 日 星期日 【晴】

難得終於訓到，但無奈因為要番工，所以未到八點就要起身....

~~~~好眼訓呀~~~~

番到公司，依然無眼訓，做咩都提唔起勁.....

>>April 24, 2006 at 1:59:09 PM GMT+8

2006 年 4 月 22 日 星期六 【晴】

今日，好早就起左身...刷洗後，蒸左舊飯糰食....

之後風信子起身...佢打算煎扒食...佢問我食唔食...我話...你幫我煎埋我咪食囉......之後........唔至扒，仲有天使麵！！好感動呀~~~

番到教會，崇拜完後，分組祈禱，主日學.....之後，匆匆的食過 kfc，就坐車出灣你開會.....

唱過歌，互相分享後，就開始討論.....唏~ 又係老問題.....
批評容易，肯為劇社付出難，若大家都肯付出，就自然有方向....其實，方向是定過的，但到實際推行時，d 人覺得無興趣就唔幫手....唏~ 講咩都無用。其中，有人提到劇友未必每個都是抱著宣教的心，多是為了滿足個人的虛榮，所以他們攪大型演出才會感興趣.....咁...小事都辦唔好，更何況是大事呢？

咁...究竟我地係為神做，還是為人做？
就我自己而言，我好肯定是神為我安排雲柱劇社的.....為過去多年的參與中，也得著不少....也許，這就是某劇友所指的 "宣教心" 吧！(雖然我都唔敢講自己有宣教心...)

傾著傾著，七時多才真正散會，之後，走去維園，坐巴士番屋企。

>>April 24, 2006 at 1:51:50 PM GMT+8

2006 年 4 月 21 日 星期五 【晴】

近排真係唔知做咩，唔係好訓到......I mean 好醒訓......

今日起身之後，食左 d 野，就狂煲三福的cd...唏~ 唔知點解，我總是提不起勁...係因為三福本書太多字？咁我小說都係咁睇啦.....係因為三福太多野記？咁我劇本都係咁記啦.....究竟邊度出錯？

雖然調早左福音講述..但五點都未完....但由於要六點前到灣潮浸，所以，五點就閃.....

好耐無坐307了~ 勁快，九個字就出到去.....

由於各人都有事，要遲，所以，我變左最早到....若六點九才齊人，做左小小 warm-up，就好快咁 run 左一次，食左小小野，就開始。

演出過程順利，講員分享的信息，好感人...好大的提醒

完左，執埋野，就坐船過尖咀，坐火車....

>>April 24, 2006 at 1:51:19 PM GMT+8

2006 年 4 月 13 日 星期四 【乍雨乍晴】

今日，一早起身，參加教會的受苦節日營。

其實，近排無乜靈修，甚至無咩祈禱.....

唔知點解，我覺得...要帶備紙巾.....

再次讀到「客西馬尼」，感受很深。
我終於明白耶穌的傷心難過....

若我在客西馬尼....
我會要在場外等的，還是有份跟耶穌再行前幾步的呢？
又，我能否警醒？

飯後，行到大十架.....

離遠望到「成了」十架，點點震撼，彷如頓時「叮」一聲，乜都攪掂晒咁，接著，我就聽到在場另一教會的弟兄姐妹們在唱著「有一位神」.......

在這地方逗留了約四十五分鐘，記下了點點的感受，便返會禮堂......

在一次唱到「紫色的袍」，副歌部份，一陣莫明的傷痛感....
又唱到「十架的冠冕」中的祢體恤我的軟弱，明白我親身處境，無論遇著困苦憂愁，祢亦會在我身邊，再一次被歌詞所觸動....是的，天父明白咱們每一個人的境況，無論怎麼，天父總會在咱們的身邊，陪著咱們走過.....

回到大埔堂，與 amy 傾左一陣，之後再搵黎老師...見佢同黃姑娘傾咁耐，一陣有 d 野....之後同佢地傾左一陣，祈禱了，我與黎老師就一齊走....

明早與黎老師唱k~ 好開心~~

>>April 15, 2006 at 2:43:57 PM GMT+8

2006 年 4 月 12 日 星期三 【颳風】

今日...番到公司...老實，真係無咩特別野做.....

執完 psy 的 execl file，執好 d filing，睇埋 Staff Appraisal 的 document....終於等到收工！yeah~~~

明天去苦受節日營...唔知點解，我有預感...要帶備紙巾....

>>April 15, 2006 at 2:42:27 PM GMT+8

2006 年 4 月 11 日 星期二 【雷雨】

好開心呀~ 今日放假，雖然唔係真係好累，但係在躺在床上至十時許。

食了包時時食，飲左杯牛肉汁，睇左差唔多一課三福的內容...

靚太就到，他坐左一陣，我倆就過富善，睇下樓....well~~ 由於未裝修好，所以....未能下定論......

以前一路覺得三姨諗野好諗，原來，都只不過係一般...

lunch 與三姊妹食...一坐低，立見高低.....若有朝一日嫁得出，真係要 keep 住打工，因為，諗野真係好 d.....

lunch 後，book 時間剪髮，d 頭髮開叉得好勁.....還記得"新同居關係"中提過，頭髮就如天線，接收訊息，頭髮開叉了，接收的訊息也會混亂。

準時三點出到九龍灣....嘩~~ 今日好多人~~ 我仲以為今日會好快添~~

焗油 + 剪髮，用了差不多兩個多小時....join 左 member 真係平 d，平左百多呢~ 三百蚊會費，好快歸本。

d 攣攣頭髮唔係剩番好多~~ 點好呢~~ 繼續電，還是....留直髮......唏~ 好煩~~ ><

>>April 15, 2006 at 2:41:46 PM GMT+8

2006 年 4 月 10 日 星期一 【晴】

今日，正常時間番到公司....

番到公司，真係唔知做咩好....其實唔係無野做，只係d 野唔趕，無咩動力做..... 我想，我開始唔係咁鍾意做 rut的工作..有點點壓力，有點點動腦筋的會比較好....

今日，真係無咩動力做野....飯後更有點飯氣攻心....所以....lunch 前決定明天放假.....

lunch 後，又巧遇小葉上網....佢，仲未好番....希望佢可以早 d 好番啦~ 話晒佢大佬月尾擺酒~ 養好身體好重要....

幾經辛苦，總於夠鐘收工，立即走人~~~

>>April 15, 2006 at 2:40:37 PM GMT+8

2006 年 4 月 9 日 星期日 【晴】

今日，未夠八點就番到公司....在 canteen 買左個包及milktea，就番上寫字樓....

先為 fs 的小植物澆水，然後為就今早的forum 作最後準備......

一切準備就緒，希望今日唔好咁多人啦.....

感謝主，一切順利，而且唔洗開多一個場~ 太好啦！！

完晒所有，執野走人~~

lunch 與 am 一齊食.....佢帶我去食日本野...都ok 架~ 不過接近七十蚊一個 lunch，就真係豪左 d....今餐，又係am請....其實真係有 d 唔係咁好意思~~ 而且...攪到我好似一個好貪小平宜的人咁......但係我可以點推呢???????

lunch 後番到公司....依~~ 小葉竟然在這時候 online~~~ 原來~ 佢病了~~痛，燒，累，我想，他一定很辛苦了吧~ 希望他早點康復過來。

forum 結束過後，雖說不上忙，但也不閒.....六時多才下班。

>>April 15, 2006 at 2:39:52 PM GMT+8