2005 年 7 月 28 日 星期四 【晴】

辭演後，成個人鬆左好多！

勁開心呀~~ 風信子竟然請我睇 "梁祝"！！yeah~~~~

多謝風信子！！

>>August 21, 2005 at 1:01:20 PM GMT+8

2005 年 7 月 25 日 星期一 【晴】

經過一晚，我最終決定辭演，再勉強下去，不一定會有好結果。口和心不和，對自己，對劇社也沒好處，倒不如早點作決定，好讓接手的有多點時間預備仲好。

食完 LUNCH CALL 導演，我同佢講唔好意思，今次幫唔到手，點知，佢竟然話：下！我仲以為你會答我無問題添......................................

下！！！唔係呀嘛！！我尋晚話 OK，你又則疑我，好啦~ 咁我依家話我唔做，你又話：下~ 我以為你會繼續添......喂！你究竟想我點呀？！

同佢講左自己的諗法，當然唔係全部啦......講著講著，佢話佢覺得自己無問題，覺得自己做得好岩......我的天呀！在今次的事上，我都唔敢講自己真係全對，但我知若勉強合作下去，真係會令我更早及更快離開劇社，而且，我都唔覺得佢真係無問題......

都好，唔洗演出，咁我就可以參加聖樂晚會了！

放學回家，接到蘋果的電話，問番我 D 件事，我講左個情況，講左自己的諗法，佢都講番自己對這事的睇法......我都知我今次 D 個決定一定會對今次的演出有影響，但要我演戲中戲，我真係唔想......

可喜的是，我在他們的心目中一直都是個負責任的人，但以後就難講了~
算了吧！既然決定了，就別想太多

>>August 24, 2005 at 3:07:12 PM GMT+8

2005 年 7 月 24 日 星期日 【晴】

因為這事，我真係無乜心機......
放學回家後，接到導演的電話，問我諗成點，我答佢 OK 無問題，但他竟然用懷疑的口吻說：你真係得？(我答得你OK 就 OK啦！)你真係掂先好呀......你黎到可以任我點就當然無問題啦(咩話！任你點！！).......

自問我算是個個性硬的人，不甘任人點，而且，我覺得用人不疑，疑人不用，我答得你 OK，你就要信我！若你不信，就別用！！

之後我禮貌地說再比時間我諗諗

究竟係咪正如導演所講，我實太傻，邊度唔夠人就去邊？

>>August 21, 2005 at 12:35:25 PM GMT+8

2005 年 7 月 23 日 星期六 【晴】

不知是否受到黎老師的影響，打從哥哥重番團契後，我開始對他有介心。是我不想令對方誤會，或是怕自己把感情亂放？

崇拜完結後，哥哥臨離開前跟我說：「......阿妹，好個樣好殘呀！」的時候，我心諗：唔係掛，我今日比番工時精神好多喎！而且仲訓夠八個鐘添！

點知一照鏡，就知道自己出事！我個樣真係好唔妥......
崇拜完左次後，連開兩個會，之後就趕出大角咀排戲......我曾想過詐病唔去排戲，但心諗咁難得先人齊，無理由唔去架姐......

出到去都四點幾，玩左 d game，之後就要「交功課」。

當導演問到我的時候，我表達了我的不安的情緒，我跟本唔知導演想我點......起初我也忍得住，但後來忘了講到那些話題，我就忍不到了。

之後的時間，我們並沒有排戲，大家都聽我說說說，看著我哭......無何否認，跟他們說了，哭了以後，我鬆了不少。當然，若我可 "有淚盡情流" 的話，就更好！不過，我知道我不可以過份放肆，每當我知道我快要掉眼淚的時候，我就深呼吸，不讓眼淚就此掉下來，可惜不是每次都可以成功......

我真的哭了。

真的很謝謝他們，他們很有耐性的聽我說話，整個過程也很舒服，雖然問題仍未解決，但已令我鬆了不少......

也許，我是時候找一個可傾訴的對象，一個可以當我不妥時，不怕打擾他，而他也不怕我打擾的人。

>>July 24, 2005 at 4:30:32 PM GMT+8

2005 年 7 月 22 日 星期五 【晴】

當一個人不願付出/作決定，但仍要付出/作決定時，實在是一件苦事。

今日是我番新工而來，第二次於星期六番工。
9-12 的上班時間，實在比較怪，或許是我習慣了番全日吧！短短的三小時，感覺上好像剛撻著個引"鯨"，就要預備關機般，要做的事實在有限。
在公司執過下份劇本後便列印一份。有些事，是怎躲也躲不了，始終也需面對。
把劇本由頭到尾讀一次，重新感受自己的角色......
唏~~~ 我實在唔想再去想角色的事

睇過劇本一次，highlight 番自己的對白，接著就做公司野。

今日約了suyi食lunch，見放工去到旺角仲有差不多半個鐘的時間，就到旺角大眾行下。經過店一個書灘，被一本書吸引，是梁望峰的新作，讀到封面的文字，很感動。究竟是「感動」或是「觸景生情」？我覺不清楚。讀到序時，感受更深，差點哭了出來，我知道，我是時候要離開這個「傷心地」了。合上這小說，便再到店內隨意逛逛。

離下午一點尚有不到十五分鐘，是時候要動身離開了。取了青介及梁望峰的新書，付款後便急步走到約會的地點。

世事或許就是這樣奇妙，一個相識了短時間的朋友，卻有講不完的話題。就這樣，過了一個很美的 lunch time。

分手後，我的悲又走出來。回到家後，再走出街上的意慾很低，再加上植堂的事一直纏著我，我實在不知如何面對團友們......大家識左咁多年，好清楚大家的脾性，再加上我曾向部份團友提過(不論明示或暗示)我到富善佈道所事奉的意向，她們都是 "無回應" "無反應" 的時候，我更加唔知點算！我真係好怕我今次的決定，令她們帶來負面影響......最後，我 send 左個 message 比黎老師，說我不去 bbq......

晚上同媽去了新達新開的日本料理店食晚飯。

我在逃避嗎？
是的，
我認，我認我是在逃避，我是不想去面對。

想哭，但怕再次被人說我不成熟，為這小事而哭。

我想強裝，但，我知道我不能裝多久......

>>July 24, 2005 at 4:29:23 PM GMT+8

2005 年 7 月 11 日 星期一 【酷熱】

今日一番到公司，啟動電腦，收到一個阿頭的 e-mail，今早 call meeting，仲要係 Urgent 個隻。心諗，乜事咁大陣象，要 call 晒全世界......

聽小提琴講，原來全部老細早過我地十五分鐘去開會.........

老頂即係老頂，雖然我同佢未正式打過招呼，當我 & 小提琴入到開會地點，佢已經可以講到我 & 小提琴個名，勁呀！

人齊，會議正式開始。

原來，尋日有個同事犯錯即炒。嘩！洗唔洗咁誇張，call 晒全世界交代 d件事。老頂們講著講著，準時散會。

番到埋位，睇下 seating plan ......啊~ 原來果個同事係坐果個位的。哈！其實我對佢真係一 d 印象都無。話晒我做左一個星期多 d ，而且又唔同 Division，無印象都唔出奇。

今日依然係執 CSR 的 Filing。
Lunch 後，同小提琴去左火車站逛街，買左 d 小食就番公司繼續工作。
臨近放工時間，d filing 都未做完，心諗，做唔做埋佢好呢？唏~ 都係唔好諗咁多，快 d 做埋手頭的filing就走人。最終加班左半個鐘。

放工後，急步向山林道走去。
到了學校附近的咖啡店，買左個久遺了的貝殼粉沙律，食完後自在的步向學校。

今日係番英文 writing，個 miss 講野勁快，d notes 同中文果份一樣，悶。
唏~ 本以為中英文 writing 會較容易 handle，點知......
我估我真係要下d 苦工先得啦！

>>July 24, 2005 at 4:30:59 PM GMT+8

2005 年 6 月 21 日 星期二 【颱風】

唏~~ 今日勁瘀呀！！

繼數年前噴檸檬茶事件，今日竟然黎一個噴奶茶！仲要係向兩個最熟的同事面前！我的天呀~ 點解會咁架！！



p.s. 勁攪笑，尋晚發夢夢見新公司的公層打電話到我現時的公司，問：乜你今日唔係番工架啦咩？

哈！睇黎我真係勁想番新工。

>>June 24, 2005 at 7:42:10 AM GMT+8

2005 年 6 月 20 日 星期一 【颱風】

等待實在是一件很可怕的事。

現距離我離職及到新公司工作，尚有差不多一個星期的時間。因為接替我的新同事已上班，我的工作也開始慢慢過給她，所以，我每天回到公司不是教新人做野，就是呆坐著。我巴不得立即到新公司上班，感覺會好些。起碼也覺得自己在公司裡有點用處。

今早上班前傾盆大雨，心裡千萬個不願回到現時的辦公室，心想：若我現在番新工就好了！
你話死未？

不知是否過份緊張，近這兩三個星期總是睡得不好，正確來說是怎也睡不著，攪到每朝起床時總是睏。整天也很累。

唏~ 希望時間過得快一點就好了。

>>June 21, 2005 at 4:43:51 PM GMT+8

2005 年 4 月 16 日 星期六 【晴】

昨晚完團契後，黃姑娘好鬼祟的問我是否打算到基正幫手。

其實由一開始我就有心想過去，也許是算是私心吧！我想在那兒攪福音劇。日子越久，感動越少，是「未是時候」還是其他原因，我不清楚，但我總深信，上帝要是要你「做野」，祂總會有祂的方法。

眼見其他職員成熟了，我也可大大放心，把團契的事放手給他們。至於最終是否真的到基正幫手，一切由天父決定吧！(雖然好似有點不負責任，但，我深信天父會按排最好的，而且，有 d 野，唔係「你想就得」，天父一句 say "NO"，就乜都無得傾。)

今日完左崇拜，終於可以睇晒整套 "全球祈禱日"的片段，突然間心裡有點感動。與團友吃過午飯，便坐 307到灣仔開雲柱的大會。

繼「中大」與「浸大」的「打孖黎事件」後，今日，他與他又打孖的出現......

一個是電話，一個是面對面。

靜心回想，除了我的第一段愛情外，其餘的我也不太懂得處理，更加做不會「無事發生」。對於最後的，我更加有點「怕」！曾經，我怕去我倆曾去過的地方，包括一起走過的地方，我曾經過見到任何與他有關的東西，甚至聯想到他的東西也怕，真的怕得要命......我有想過逃避，可惜我倆他一起走過的地方，多是我上下班及往返教會的必經之路，想躲也躲不了！

同一個巴士站，兩輛不同編號的巴士，滿有我與他與他的回憶，叫我又愛又怕。

會議順利結束，又到各散東西的時候。

大家分手後，內心總是有種莫明的不安感覺。

由灣仔走到銅鑼灣，想起了我與 他 的種種，苦中帶甜。
由銅鑼灣走到307巴士站，想起了 另一個他 與我的，酸中帶苦。

近排乜都
打孖黎

>>April 18, 2005 at 2:52:23 AM GMT+8

2005 年 4 月 14 日 星期四 【晴】

勁攪笑，今日午飯時間收到一個電話，原來係 "你今日拯救左地球未" 的導演--小龍打黎，話我訂的位置要讓出來給他們拍攝，又因為咁，我就由原先 L 行改為 G 行。哈！！就係咁我就可以坐前 d 啦！ yeah~

>>April 15, 2005 at 4:08:34 PM GMT+8