2007 年 2 月 17 日 星期六 【晴】

今日，返完崇拜，便回家去...

悶悶的過了初一。

>>March 9, 2007 at 5:59:48 PM GMT+8

2007 年 2 月 14 日 星期三 【晴】

今朝去睇醫生...醫生問開 d 眼訓藥怕唔怕...我心諗：都快放假啦~ 唔怕啦~~點知，今完藥之後就知大件事！因為食左藥之後真係勁眼訓.....

今日約左老公 & 老婆食 lunch，本打算去公司的酒樓食，可惜 book 唔到位...食左藥，真係勁眼訓....等佢地的時間，我在 office 訓....約一點多，分別收到佢地的電話...弊，訓到個人暈下暈下....

我地去左都會食....食完，番公司繼續工作.....

放工後，坐巴士去上環....在巴士上，又睡了一會....

下車後，便到大快活食飯...哈~~ 我食唔晒成個飯，我估我食左 1/3...食晒 d 菜，飲晒 d 湯...好飽！為怕一陣睇戲閤著，所以只係食d化痰藥....尚有時間，慢慢坐，慢慢飲埋杯茶...不久，老婆到....

之後，我倆便先到上環文娛中心取票......

上到去，見到好多好多熟識的面孔....有記得名的，有不記得名的，感覺好似參加一d酒會，之後踫到好多好多舊朋友似的，感覺好得意....

今晚，睇左三套劇...三個不同的業餘劇社，三個不同的故事，三種不同的表達手法，各有其長或短處，老婆果然無介紹錯....

每個故事中間都會有中場休息，在第二次中場休息時，竟畀我見到蓮迷謝利！真巧！！

完場後，與多年無見的nico傾左一陣，原來 dawn 過左澳洲了！！真想不到... nico & vicky 就專做兒童劇...good ar~

彷彿，各人都為話劇努力，求進步。我呢？玩左咁多年，我又進步左幾多？或是仍在原地呢？好想 improve 一下....

看到老公老婆有講有笑的，好得意...但，反覺得自己成了局外人，若其他人看到了我們仨，會否覺得我是局外人呢？

坐火車回家，與老婆傾著傾著....

>>February 25, 2007 at 2:35:01 PM GMT+8

2007 年 2 月 13 日 星期二 【晴】

不能否認，我今早仍被昨晚的負能量所......

lunch 與小提琴到很久沒到的越南小店食午餐......

沒想過會收到小禮物，謝謝tung 的古古力，好好味~

放工後，到了都會食了一個茶餐，之後到尖咀，再到灣仔.....

再一次，二人餐....

今次，好睇好多....但好明顯，演員們熟了..有點過份的流暢....

開 show 前，買了一件 t-shirt，及 cd....hk$150.00 yeah~~

街上很多人....

由灣仔到尖咀，再由尖咀返家。

又一個，一個人過的，情人節。

>>February 25, 2007 at 2:32:47 PM GMT+8

2007 年 2 月 12 日 星期一 【晴】

下班後，獨個兒到 amc 睇 "生日快樂"。

購了票以後，到了頂樓 food court，食了一個菇湯飯，牛肉 & 麵豉湯...

開場了....

就在電影的開首，我已經有欲哭的衝動....

看到中段，想起威林說過，不知小米想點...
其實，小米是怕失去，她怕自己過份依賴小南，到了有一天，小南不在了，整個人就好像迷失在濃霧裡，那種....只剩下自己一個人的感覺，不好受....

看到互 send 短訊，想到了小葉。他的短訊總是那麼...那麼....怎樣說呢？他的短訊總是有點點的暖意，關心....就彷彿全世界就只有他能給自己的溫暖.....

到了尾段，即小 d 到了小南家，小南的大姐道出：若小南真的要結婚，小南一定會娶小米.....
若他要結婚了，他會娶我嗎？
想著想著....我哭了

記得上一次在戲院裡哭成淚人，是看 "星願"
沒想到，看"生日快樂"也讓我哭成淚人(雖然我一早預定了自己會哭)，看畢後很想立時放聲大哭一場....

看畢字幕....抹掉了眼角的淚水，走到洗手間，走進廁格，關上門....想著想著，哭了....很想放聲大哭一場....."若他要結婚，他會娶我嗎？" "妳實在太好了，若將來誰人娶了妳就有福了..." 若他日你結婚了，新娘會是我嗎？

走出廁格，面對著鏡了...紅紅腫腫的雙眼....洗過面，走到冰場上層的座位坐下，本打算記下些什麼，可惜找不到筆，相信是留在 office...發了個短訊給小葉，坐著坐著...我要搵人談談電話....jk 今日考試，不知考完了沒有...想過打給 carmen A，但她曾說過她不想知太多別人的「秘密」...最終，給了 ec 一個電話...跟她說無兩句，我就哭了....很想放聲大哭.....深呼吸~~~盡量鎮定的說了幾句，可惜鎮定不了...激動得說不下去，淚一直的流..........

掛線了...盡量冷靜自己...不想在 ec 面前哭得死去活來，發了個短訊給她，說我已 ok，請她放心行年宵...在冰場上層的座位坐了很久...很久....我想，自走出戲院開始計，我在那裡坐了差不多半小時.....

回家了....聽到了 "固執"...心裡泛起絲絲漣漪...

下火車時，接到 ec 的來電...談著談著....我的眼眶濕濕的.....

「哭」的效用，
彷如喝了紅酒，
它可讓得全身發滾，很想倒頭睡去。

>>February 25, 2007 at 2:31:05 PM GMT+8

2007 年 2 月 12 日 星期一 【晴】

今日，係 suki yeung 的牛一，又係q 的 last day.....

今早，send 了個 msg 給牛一的...

由於今早九點有會開，要 set 房，所以，約八時半便回到office，check 了多少人之後，便開動 set 房.....

之後...工作工作....

lunch 前，接到小葉的電話....談了一會，當我羨慕他有情人時，他卻說我無結識他人....不，我有識人架！唔通真係隨便執一個咩？談何容易！

lunch 要到銀行提款，所以夠鐘即閃。箭步的走到尖咀，途中約靚姨食飯....提完款，與靚姨食蕃茄面....

回到office，繼續的做做做.....

接近下班的時候，大班同事 (包括我) 與 q 來個小型 farewell...拍過照，切過吃過餅，已差不多六時十分了.....

執拾行裝，與 q 最後獨照 (今日)，便出發 amc...

睇

生

日

快

樂

！

>>February 25, 2007 at 2:27:59 PM GMT+8

2007 年 2 月 9 日 星期五 【晴】

我想，我又作病了。昨晚已喉嚨痛，全身都痛....為要預備崇拜用的 ppt，多 (作) 病都要頂硬上！

今早起來，已十時許....吃了包，喝了奶茶，無無聊聊的.....

本約了黎老師兩點十五分到大埔堂開會，但由於午食時間推遲了，所以....遲左好多才出發。哈~ 回了大埔堂，看過了黎老師的筆記...唏~ 佩珊結婚的佈置都簡單，一陣就攪掂啦~ 最終不用十五分鐘就講完，見無乜其他野，便走人....

本打算出觀塘，但又怕出到去已過簽名會時間....又唔想在 apm 睇戲，所以，最終都係無出...反而行了一會大埔中心，當然大眾不可少。

哈~ 原來阿南上星期五去錯左尖咀文化中心！哈~ 咁都攪錯得！

回家後，等睇 "玻璃面具".....d 套卡通片真係好好睇~~~ 好想擁有~~
下！！咁就大結局架啦！！

>>February 25, 2007 at 2:26:42 PM GMT+8

2007 年 2 月 8 日 星期四 【晴】

......

放工後，見有時間，便去尖咀崇光，看看有什麼好食，左揀右揀，最終點了個薄餅及一杯柚子蜜....

在那裡呆了一會，在超巿逛了一會，慢慢的行到文化中心...

今晚的夜空很多雲，看不到星。

到了文化中心，到票房再買二人餐...
已經是第 n 年獨個兒過情人節.....

購完買，便到劇場外等 apple....

但 set 好靚呀~~

呀~~ 竟然巧遇 bernice!! 重要坐在隔離！！

但 show...好正！很簡單的故事，透過簡單的形體、舞蹈，燈光效果等，做出不同場境的效果...若說二人餐浪漫，這一套更浪漫！

完 show，與她倆到附近食野...她們談了很多，我則大多是聽，十一時許才散，回到家，而夜深了。



p.s. 老朋友 belinda，牛一快樂呀~

>>February 25, 2007 at 2:25:09 PM GMT+8

2007 年 2 月 7 日 星期三 【晴】

考完晒試，又無戲做，鬆晒！

也許是昨晚跟部份演員們 msn 得太夜 (其實只係 chart 到 一點多)，今日差點睡過頭！我訓到八點先起身呀~~ 飛快地整理刷洗後，便火速的上班去.....

幸好公司內團積的工作也不算大多，哈~ 我終於可以用正常速度工作啦~哈~~

lunch 與另一個自己食....

食完了以後，便繼續工作....

很睏....

下班了，約了另一個自己及黃醫生去看 三角關係 的 "二人餐"

嘩~~ 三角關係的月曆勁靚呀！！可惜我無用啦~~ 否則必買呀！！

不知是否慣了獨個兒去看戲，所以，今日人多了，難以投入...

劇內某 d 歌很易上口的，我未聽過都可以哼到幾句....

看過套劇，覺得 d 歌都唔算勁好聽....買唔買隻碟好呢？要 成舊水喎....

散了~ 咱們仨坐船到尖咀，一起食了冰淇淋，然後黃醫生便去巴士站，我的 1/2 陪我到尖東站....

今次，可算是我頭一次，與 1/2 分開時感到不捨....

回到家，刷洗後便上網去.....

正當大家紛紛下線之制...1/2 發了兩個短訊給我...

他，又發作了....

自問不是一個很懂得關心/安慰別人的人，我唯一可以做的，就要有惜出耳仔....

其後跟她談了個多小時的電話...

她說她心情好了點，那就好了！

躺在床上時，已差不多三點了~~

哈~ 早睡早起呀~~

>>February 25, 2007 at 2:23:34 PM GMT+8

2007 年 2 月 6 日 星期二 【晴】

今早 divisional meeting，之後，同部份老闆到港潮樓食.....

畀 dn 笑死，佢望完個餐牌，我同 sc 以為佢諗到叫咩~ 點知，你反問我地叫咩~~ 勁攪笑~~

am 同 dn 為環保的問題嘈了一輪，好攪笑~~

今晚考試.....

唏~~ 腦裡空空的，如何考？

望了份卷很久，最頭望到尾，之後再慢慢的做....

考完了，就連 jk 都問：寺言你做乜呀？你望左份卷成半小時呢！

哈~~ 橫豎都唔識做，當然要望清楚份卷先啦~

之後，我地去左 大盛食日本野.....

>>February 25, 2007 at 2:21:52 PM GMT+8

2007 年 2 月 5 日 星期一 【晴】

今日，番左 poly 溫書....

唔知今日 d 學生有咩 funtion..勁嘈...不過都好過向屋企，起碼，都叫做溫到好幾個小時書....

若四點多五點，離開 poly，去食 tea....then，約埋靚姨，齊齊搭車去機場..因為，表姐佢地今日飛番台灣了...

在機場與佢地 meet 左，在 m 記食左 d 野，傾下，同禾禾影下相....

若左佢地之後，我，靚姨 & 姨丈坐車出旺角，途中，表姐打電話來，說因台灣大霧，所以班場要 delay....不知何時才起飛....

出到佐敦，我地去左翠華食....好味~

之後就行落旺角，與靚姨佢地分左手之後，我就坐 van 番屋企...

>>February 25, 2007 at 2:20:41 PM GMT+8