2004 年 9 月 23 日 星期四 【晴】

唔知係因為太過緊張，還是其他原因，由十二時多上床到三點多，一直也是輾轉反側，無法入睡。我諗，橫豎睡不著，不如起來，上上網。大概四時，我起來，上了網，Check 過 mail ，在團契留言版留言後，大概在五時再次上床睡一睡，這次感覺好些。睡了一個多小時，我再次起床，梳洗後，做了一些熱身運動，之後就出發去大角咀。


或許是因為沒睡好，所以整個人感覺很不好。

咱們合力把道具由 Apple 教會搬到 Van 仔。一行五人逼在 van 仔內，向著我們的目的地 – 赤柱監獄進發。

今日的演出都算順利，只是嫌自己把聲唔夠。不過高興的是，今日講道的是勁型的陳恩明牧師，佢真係好勁！另外，呼昭時，有囚友舉手決志呀！而且都唔少添~~~


做完兩場，又係走的時候。我約左阿耀食飯。落到銅鑼灣差不多六點，行左一陣 time-square，買左一件黑色外套，大概七點多，阿耀就到。

我地去左三越地庫一間日式飯店食飯，d野食都ok架！唔算太貴。邊食邊傾。今餐由佢就東，當然啦~ 我就牛一嘛！或許是因為我太累，越坐就越睏，真係有 d 對佢唔住，咁難得先約到出黎食飯，竟然咁無狀態......算數後，佢送我到巴士站。


今日真係好累。明天又要到 Apple 教會做話劇。希望今晚訓得好 d啦。

>>October 9, 2004 at 5:06:50 PM GMT+8

2004 年 9 月 9 日 星期四 【晴】

今晚，阿 b & 雅欣再黎睇一次，除她們之外，仲有雪雪，小晶晶同埋我公司兩個同事。放工之後，食左小小野，之後就落去旺角地鐵站。落到去，已經見到雪雪同小晶，當然仲有阿b 啦！等左唔係好耐，雅欣都到埋，咁岩 Apple, Ivy & 蕉仔都到齊，所以我地就一齊行去 Apple 教會，作我地最後一次的排戲。


到了 Apple 教會，擾攘左一陣，就排左一次戲。演員之後，循例問問各位的感覺，今次又收到 d 唔同的回應。之後，我地就 pack 野，預備明日一早入赤柱演出。不經不覺，又到十點幾十一點。散的時候真係勁「支力」。本身諗住坐巴士，點知，離遠見到架巴士上緊客，心諗：無論我點跑都趕唔切，不如算啦~ 有人提議我坐 van 仔，其實都唔錯，而且又快，最後，我都係坐 van 仔番大埔。


番到屋企，梳洗完之後就訓。

>>September 26, 2004 at 4:10:17 PM GMT+8

2004 年 9 月 4 日 星期六 【晴】

唏~~~ 學校攪乜野「文化」，攪到今日要一早番到公司參加乜野「文化同樂日」。其實咪又係一個洗腦大會！

一早番到去，諗住可以食 d 大會安排的早餐，點知，佢地竟然向d 叉燒包前面楝左個牌，仲要寫住xx 叉燒包，唔係呀化！咁，若果我唔 xx ，咁我咪唔食得！之後，我迫於無奈咁羅左個奶王包食~~~ 我真係唔鍾意食奶王包，勁難食呀~ 之後，飲左兩盒麥精，再得左一陣，「洗腦大會」正式開始。

一黎就互相 greeting 下，之後，主持人就帶左一兩個唔可以算係熱身既熱身運動，之後，就玩 d 勁無聊的「口是心非」及傳波仔，老實，真係勁無聊及無 point。之後就分組 case study。我組的 case 都幾攪野，有 d 係日常工作中都遇到。一如公司的文化，d同事都係敢怒不敢言，有好多同事都無乜回應。至於我，當然係適當時候就會出聲啦。Team Leader 當然係勁維護番公司的所謂文化啦！真係無乜意思！

討論完之後，每組都要 present。感覺仲差，因為人人都講 d 公司高層想聽的說話，有的同事更假到，高呼「我愛xx」！我的天呀~~ 咁假既野，我真係講唔出口！！

因為公司包埋 lunch，所以點都食埋先走。嘩！大佬，人工扣左，若連 dd 都唔食，咁咪好蝕！個 Lunch D 野食都 ok 喎！好彩無「名牌」，否則真係唔知用食唔食得落！食完之後，見仲未夠鐘去觀塘排戲，所以就慢條斯理咁行去巴士站，坐巴士去觀塘。

今晚，BEE, 雅欣，Angle & 阿慧黎睇排戲，向地鐵站附近接左佢地之後，就齊齊行去成益間教會。今晚排戲都算順利，佢地都比左好多意見我地，而且 Angle 提出了一些我一直沒有留意，亦無法留意的地方，就是我的面部表情不夠。哈！她真是一個天使！再做多次時，Angle 說我有了明顯的改善，這當然啦~ 我都想知自己有乜唔掂架嘛！ ^_^

排左兩次之後，我地諗住叫野食，而她們就走了。禮貌地，我送她們到樓下，她們實在是我的好姐妹，不單抽空來看我排戲，更給了很多寶貴的意見。

食過 pazzi 後，我地再排多一陣就走。臨走前，我收到 Angle 的口訊，說她現在在 mk，問一唔一齊走。我嘛，當然無所謂啦~ 跟大家分手後，蕉仔帶我去坐小巴落旺角，因為 Apple 同路，所以我地三個一齊行。佢地送左我上車之後無耐，架小巴就開啦~ 落到旺角，等左一陣就見到 Angle，之後，我地就一齊坐火車番屋企。

>>September 24, 2004 at 3:59:48 PM GMT+8

2004 年 8 月 27 日 星期五 【綿綿細雨】

Sandy VS Sandy

好開心呀~~~ 今日係我最近距離見到憶蓮架！！！
今日三點幾到達又一城 PageOne，排左差唔多一個鐘之後，就輪到見 Sandy 了！！
排緊隊時，PageOne d 職員 Check 完簽名證，就開始講今次簽名會的規矩：1.一張簽名證簽一本書。2.唔可以影相。3.唔可以簽其他野....... oh~~ 總之係咁，我就唔帶咁多憶蓮的野啦~~

到啦到啦！終於輪到我啦！！心情真係勁緊張 & 勁興奮呀！行到埋去，同憶蓮 & veni say 個 hi！憶蓮都禮貌地回應我一句 hi！！勁開心呀！！！咁近距離見到佢，真係勁興奮呀！！！！之後我問憶蓮幾時會開演唱會，佢話出年。cool~~~ 好期待呀！！

>>August 28, 2004 at 3:35:19 PM GMT+8

2004 年 8 月 18 日 星期三 【清涼】

今晚在 icq 上巧遇小晶晶，
知道自己寫的文章被 yoshow 選為「精華文章」之一，
真係勁開心呀！！

無心的執筆，卻能換來別人的認同，
真係好開心呀~~~~

>>August 19, 2004 at 5:04:06 PM GMT+8

2004 年 8 月 13 日 星期五 【晴】

今日一早起身去睇白海豚。

六點幾起身，七點鬆 d 出門口，不夠八點就出到何田文，同爸在莉莎食完個早餐，都未夠八點。慢條斯理的行返學校，等待出發。

集合時間八點半，最後等人等到差唔多九點先出發。我地先坐車到 Tuen Mun，跟住就坐船出海睇海豚。

哈哈~~~睇到呀~~哈~~ 而且睇到唔至一條添呀~ hehe~~

睇完海豚，我地上左一個島行下，上到山頂，d 風勁涼架~ 仲涼過 d 冷氣呀~~~ 諗起都開心。上番船之後，本來諗住直接去馬灣食飯，點知開船無耐, 又比我地睇到海豚，而且今次仲睇到一大一細添呀！！！勁開心。

我地接近兩點先去到馬灣。間飯館雖然上菜勁耐，但 d 野整得好好食，唔錯唔錯！食過午餐，都已而差唔多三點。向馬灣行左一個細圈，約四點三就上船，向荃灣碼頭進發。

約過一日暴晒及流汗，我左面手臂感覺到有 d 痛之餘，仲發覺自己身上有一陣汗加蝦膏味。去到荃灣碼頭，我諗左好耐，究竟直接返大埔堂，定返屋企先......都係唔好諗咁多住，返到大埔睇下幾點先再作決定。

上左巴士，開始入大老山隧道時，我已訓著。到了大埔，望下錶，未夠六點，都係番屋企沖個涼先......

番到屋企，照下鏡......嘩！！好黑呀磈面！死囉~ 唔知幾時先唔黑！！再照下對手臂，左手有一個印......弊！咁我咪唔著得背心住！！ oh~~~~ 今日，就咁燒焦。

>>August 14, 2004 at 3:38:47 PM GMT+8

2004 年 8 月 3 日 星期二 【雨】

也許我是一個不太喜歡「變」的人，近來公司的大變更，真令我適應不來。
上司換了人，人手少了，人工加了，工作性質改了 (由少少Admin工作 到 純 clerical)......我真的攪不清楚是好事還是壞事。
今日開會，我現任上司暗示，
準時收工都係罪，
超時工作無需補水才屬正常......

我的天呀！
究竟 d 個係乜野世界！

>>August 4, 2004 at 3:34:29 PM GMT+8

2004 年 7 月 28 日 星期三 【晴】

今晚無番學，去左睇 sammi~

一個字，正！

>>July 29, 2004 at 5:51:06 PM GMT+8

2004 年 7 月 11 日 星期日 【晴】

好悶呀~~~~~~~ 也許是因為這學期收生不太理想，成班的數目又少，所以，今日番晚班多數也是做自己野，和發呆，真的好悶！星期六都已經向公司呆左成日，估唔到今晚都係咁。

今日有報章報導，憶蓮與李宗盛的消息是真的。噢！不會吧！！
難怪近幾天我也心緒不靈啦~

>>July 13, 2004 at 12:03:54 PM GMT+8

2004 年 7 月 10 日 星期六 【晴】

今日在報紙上，有報導說憶蓮與李宗盛離婚的消息。心想，不是吧！記者們又在報導一些不知是真是假的消息！未免太過份了吧。不如報導一些有關憶蓮新書的消息，不是更有益讀者嗎？

完了崇拜，返到家裡，閒著沒事幹。四處尋找，看看有沒有尚未看的vcd，最後給我找到了 PTU。

這電影內容超簡單，若是看小說的話，或許會嫌有點悶。或許我一早就抱著一個「這電影很悶」的心態去看，所以覺得這電影還可以，只是內容實在太簡單，簡直簡單得有點過份。至於任達華在這電影的表現.....中規中矩，不算太特出。

>>July 13, 2004 at 12:03:24 PM GMT+8