2006 年 2 月 12 日 星期日 【晴】

夢.......................................

不知為何，近來常常睡得不好，常常造夢...

昨晚，即 12/2 至 13/2，我造了一個夢，一個，出現了很多朋友的夢......

前半段已不記得太清楚了....大概是我到了某個不太熟悉的地方，之後便打算坐車番屋企....眼前遠處有巴士及 van 仔站之類的，之後就行過去果邊.....睇左好耐....都搵唔到，之後諗住問下 van 仔站頭的人....點知....比我見都阿欽同兩個唔識的人，不過，感覺係黑道中人...三個人都係...問左佢地之後，佢地有講邊到有車番大埔，但我聽得唔係好清楚，明知佢地有背景，不宜多言，跟住我就再行後d，見到另一個 van 仔站頭....今次，我見到勁倫，阿鼻，同埋另一個人...同樣地，我覺得佢地都係有背景的，我都未問到邊度有車番大埔，就有一班人由我的右邊，即阿鼻的左後方行過黎....之後佢地有 d 爭咬，雖然佢地無大打出手，但，果班人好似以為我係佢地，即站頭三個人的人，所以，有 d 人行去我後面，剪我 d 頭髮...佢地唔係大把大把咁剪，而係一d一d 咁剪....我又唔敢發爛，你知啦~ 佢地有背景架嘛....最諗唔到，係阿鼻竟然幫手剪.......

......

跟住，我就夢到 suki.....我仲同佢講，我夢到佢老公.........

......

再跟住，終可與小葉食飯.....我地食食下，佢睇下隻錶，說：嘩！十點幾啦.....之後，佢決定向公司請假...(哈~~~ )之後佢就打電話番公司......跟住，我問佢之後點？佢話可能去睇下戲之類，跟住，我話，咁你咪可以接我收工囉~ 呵呵呵.....

之後.................................

因為要起身番工，所以.....要醒了！

>>February 13, 2006 at 4:47:03 PM GMT+8

2006 年 2 月 4 日 星期六 【颳風】

今日雖然早起身，但崇拜仍遲到...

今日堂道有 d 悶....完崇拜後，小組祈禱，之後便走人....

先幫風信子寄信，之後到大眾...哈~ 又比我再一次見到劉生~~咱們傾左一陣，買左本周淑萍的小說《妖怪話劇團》，便到圖書館給數本書作義賣，之後便番屋企食lunch.....

>>February 7, 2006 at 2:39:36 PM GMT+8

2006 年 2 月 3 日 星期五 【颳風】

今日，本來約好拾遺到 amp 參加李怕痕的簽名會及比番 d vcd 佢...點知......收到梁牧的電話.....原來今日係三福的第一堂.....我一直都以為是在星期日開課的......諗左好耐，都係推遲與拾遺的約會，番三福....

嘩~~~ 原來三福要記好多好多野架！！死啦~ 二月份要顧 stat 的測驗及考試，已經叫我緊張死~ 現再加上三福.... 唏~~ 點算~~~

完左三福，便立即趕出觀塘與拾遺會合.....

他，真係好高~ 每次望佢都好辛苦~~~

咱們在 apm 行左一陣，佢就趕到會合他的家人去拜年.....

佢都算唔話得~~ 他送我一份生日禮物~~

祝各位生日(人日)快樂！



之後，在 amp 食了晚餐，便趕番大埔~ 番團契。

估唔到，今晚只得我，阿樂 & 黃姑娘三個人.....今晚睇 vcd....近排無論是聽道或是睇到的文章，都令我想到很多事....唏~ 係咪時候要放手呢？我真係唔知呀~ 誰不知道放下一些事，人會輕鬆些，但，說易行難，但願我真的能做到。

>>February 7, 2006 at 2:38:52 PM GMT+8

2006 年 2 月 2 日 星期四 【颳風】

今日係開工第二日，又要搵野做.....

由於我其中一位老世屋企有事發生，故今年唔可以派利是。我都諗住唔會收到佢的利是，點知.......佢今早攞左盒古古力給我！！

今日，應某同事的邀請，到學校的酒樓飲茶。事前，我與小提琴都覺得 d 班同事太是非，故唔係太想混在其中....去到酒樓，眼見大家好似兩個人一組咁傾計，都覺得好好笑.....好端端的一個飯局，竟然會出現 d 個情況，真係好好笑.....今日，我與小提琴好似調轉角色咁，我，多野講左，小提琴則變得沉默。

食完之後，正想問其中一人"位位幾多錢"，就收到另一位同事的電郵，通知位位hk$28.00..... 咁平？！點知........隔左數小時後接到一個消息.......原來今餐有人請食飯，但，卻只收我與小提琴錢！！！有無攪錯呀！！！與小提琴就這事 e-mail 來，e-mail 去，我對佢地真係有 d 失望.......

Lunch 後，收到姑姐電話，話睇貓 + 拜年改為今晚......吓！！我約左港專班同事喎.... 貓貓 與 利是，真係好難決擇.......最終，我選擇了利是。

坐215x落車後，去藍田 d 商場買手信先...雖然同 santes 都算熟，但，兩手空空總是不太好...由於唔熟路，所以行左好耐.....買完野，就行到 santes 的豪宅.......

今次 bbq，除了 santes 與她老公外，還有佢細妹一家.....hkct 同事更不可少....MT, CN, Ernest & 安東尼同事一家....終於見到佢個女啦！！

安東尼同事果兩個小可愛真係好得意......哥哥多多動作，妹妹則圓碌碌，真係好得意~~

燒完野食，上去 santes 屋企坐一陣.....哈~~~~ 收利是的時候~~~~

若十時多十一時離開 santes 家，之後，行去 apm 坐車番屋企。

>>February 6, 2006 at 4:35:38 PM GMT+8

2006 年 2 月 1 日 星期三 【颳風】

開工大吉！！

也許是有多港人都請埋 d 幾日假，所以今早番工坐火車時，竟稀奇地有位坐，不過，我都無坐到~ 哈~

番到公司，好靜.....

收利是情況
今早，身旁的其中一位同事竟主動的給我利是~ 太好人囉~~~
人大了，再也不會像以前般「主動出擊」，總覺得有點難為情....
跟住，是我其中一位愛貓的老世在交帶工作時，給我利是.....
就只有那麼多，兩大封。

收工前，接到小葉的電話。他說他己返回內地工作了，並告訴我國內的貨房發生失竊，大年初二便要返回國地處理，故無法約我食飯......若從好的方面看，他看重我這位朋友，但若從負面來看，他或許是另有目的....我不知道，也不想想得太多，也許，我不想失到這位朋友，故不會去想他的不是吧。

因為今天要番學，故與小葉只談了一陣，便匆匆的掛線，收拾行李，閃~~ 平日去開的那間茶餐廳未開~~ 應了小葉所說，去 m 記食。

今堂講 Financial Maths，類似單利息，複利息的東西，對著全英文的題目，真有點不知所措....下堂便測驗了~~ 點算~~

>>February 5, 2006 at 1:28:26 PM GMT+8

2006 年 1 月 31 日 星期二 【晴】

風信子生日呀！！！今日。

起身，睇到風信子，第一時間同佢講 牛一快樂，之後才梳洗。

今日請左假，無節目，所以溫書.....

唏~ d stat 真係好難~ 我望住條題目，我都唔知佢想我點？測驗點算.....溫左唔夠三個鐘就無心機再溫.......

姑姐今晚黎食飯，今完飯，爸開功夫茶，期間大家研究 mp3 鈴聲，風信子又為姑姐製作 mp3....

我想，每個人都不想被別人「彿」略.....我留意到當大家研究 mp3 時，媽做左不少小動作，當其他人無乜理佢時，佢好似有點點失落咁....

>>February 4, 2006 at 4:51:58 AM GMT+8

2006 年 1 月 30 日 星期一 【晴】

......唔記得發生過咩添.....

初三了~ 拾遺 & 小葉 都無搵我，即佢地都唔得閒啦~~

唏~~ 小葉又話今次番黎會搵我食飯，唏~ 次次都係咁.....

弊啦~ 初三究竟發生過咩呢？真係無咩印像添~~



p.s. 突然想記下初一零晨所發生的事....
當晚睇完 如果‧愛 好感動，也令我想起了一個人....
之後在網路上與一個與他是同類人的蓮迷傾計....
我把我與他的點點告訴了他，蓮迷說：也許他想我好過一點....
是嗎？ 我近來不時胡思亂想....蓮迷幫我分析......可笑的是，他與我一樣，但....他的希望比我多

>>February 5, 2006 at 1:29:36 PM GMT+8

2006 年 1 月 29 日 星期日 【晴】

今日，節目尚算豐富。

起身不久....細姨來拜年，一起食過飯以後，他與姨丈先到阿婆屋企。由於風信子每次到三姨屋企後，都會有異樣，所以我地遲 d 先過去.....

約四時多五時，我家出發到阿婆屋企，即三姨屋企。

自離開了ntkc 之後，很久沒到過粉嶺花都附近.....今日，媽帶咱們行截徑....條路真係好靜....途中，遇到志仁...若果唔係佢叫我，我都睇唔到佢, 哈~

上到三姨屋企......well，比我想像中細......阿婆 fit 左好多喎......金仔 (貓) 好可愛~~~ 坐/企左一陣，就去華明村的酒樓食飯......之後就番屋企......

我諗，初二係最多節目的一日

>>February 4, 2006 at 4:31:22 AM GMT+8

2006 年 1 月 28 日 星期六 【晴】

.......

電視實在太悶呀~ 所以開 「如果‧愛」睇.....

睇到一半，夠鐘..........

做 d 例行工事，之後就繼續睇碟......

好感動的一個故事.....用了十年的時間，去等一個曾經相愛的人，很傻嗎？值得嗎？我不知，我只知，這叫我感動....

訓醒後，打扮一番，番崇拜！

太好啦~ 今年年初一在星期日，有初一崇拜，yeah~~~

不過，今日好少人番.....

完左崇拜，與阿樂 & 雅欣到 kfc 食野，之後行左一陣就番屋企.....是的，無人約，唯一當然是回家......

平平淡淡的，過了年初一

>>February 4, 2006 at 4:31:41 AM GMT+8

2006 年 1 月 27 日 星期五 【暴雨】

今日起身，都十點多~

食過蘿蔔糕，全家就到維園行花巿~~~

嘩！！超多人呀~~~

再加上落毛毛雨，唔係好睇到野.....

四時多，集合後就坐307回家....

感謝主！！有位坐......

食過晚飯，湯丸，等夠鐘.....

電視實在太悶呀~ 所以開 「如果‧愛」睇.....

睇到一半，夠鐘..........

>>January 30, 2006 at 4:38:36 PM GMT+8