2005 年 12 月 7 日 星期三 【晴】

難得唔番洗學，本以為可以再一次參加蓮迷的唱 k 活動，點知.....要排戲。

本來我可準時到，點知行到去尖咀，正想去洗手間時，rk 打黎，傾左都好耐，去埋洗手間之後....發現時間都.....急步走到碼頭......趕船

去到目的地，原來全世界都到晒...

估唔到 her 一次就收工！！睇下鐘...未到 8.30pm 實在太好啦！！

可以去唱 k 啦！！

今次有好多蓮迷參加....唱唱下，我先知邊個係版主。

今次識唔到 d 咩人，因為實在太多人啦~ 再加上佢地無乜點介紹自已

唱完 k 都差唔多十一點多十二點，臨走前大家在憶蓮張海報前拍照....版主就在我身邊呢~ 呵~~~~



唔知點解今次無咩心情排戲~ 也許是我事先無打算做幕前吧。

>>December 29, 2005 at 4:02:09 PM GMT+8

2005 年 12 月 2 日 星期五 【晴】

因為下星期要做劇，所以調左今日 & 17/10 番工。

今日返到公司，又係整 fs 的ACCESS FILE......與它搏鬥左四個多小時，終於做到fs的要求，不過，仍有不少地方要執靚佢，唏~~ 有排攪

約一點多離開公司，嘩！今日見到好多著袍的畢業生架~ 唏~~ 唔知幾時先可以輪到我呢？

今日下午約左班蓮迷出黎唱 k......估唔到 ben 個樣同網上張相會差咁遠，另外一個女生......well.....

我地有差不多九個人到，我開七位，佢地全部點晒憶蓮的歌......

開始唱 k 不久，收到小葉的電話，佢知我同班蓮迷唱k，立時靜了好一陣子，我知他怕我會有事，他怕有人混水摸魚......他真的很關心我這個朋友......問及他何時回港，他說要在新年才可回來......

由於要趕番教會佈置，所以只唱到四點多d 就走，臨走前，唱了好好聽的"痴纏"。

番到教會，睇過 d 聖誕野......都 ok 喎

佈置到差唔多，就與黎老師出灣仔.......

我一見到個 backjob 咁大，就......

今次排，有 d 亂......

唏~

>>December 29, 2005 at 3:39:26 PM GMT+8

2005 年 11 月 18 日 星期五 【晴】

今日短週，不用上班，若不是九時多手機響，我想我會多睡一點。

去過銀行以後，online 打算寫日記。點知打到一半就無再打，因為要記的事實在太多。

lunch 與媽到大埔中心新開的 doubleStar 食，她們的出品的確不錯，很好食，之後，到眼鏡店覆 check 副 con，跟住就行 vcd/cd 鋪，咱們掃了很多 VCD，其實最開心的是，用了 hk$18.50 買到 De-Lovely 譜出戀愛曲 的 VCD！

回到家已差不多四時，按耐不住的播了 De-Lovely。

沒想過原來這電影會是這樣的題目。

看到最後，很感動。想到自己，會否如劇中的女主角一樣擁有一個 happy end lar？

仍記得當晚他所說的，究竟是逗我歡喜，或是出自真心，或是騙我呢？我不知道。我只知因著他那句說話，我感動到現在。

我還要等到幾時？

>>November 19, 2005 at 5:14:09 PM GMT+8

2005 年 11 月 12 日 星期六 【晴】

最後一晚的演唱會，有歌迷發動穿白色衫行動，當在場外場內看到了身穿白衫的人，便知道是憶蓮的 Fans。

一如數晚，我不時會合上眼，細味箇中歌詞，有的更流出眼淚來.............

「點唱機」、「鷹與星」都是我首次接觸，但一聽就愛上！

完場時而差不多十二時了！走到場外，買下了憶蓮的相片。激死人，有話買相有 cd-r 送，點知送晒！！！ d　相好靚架～～～～

在火車旅途中，小心翼翼的除去相後的雙面膠紙，更把其中一張放在銀包內。

>>November 19, 2005 at 5:12:02 PM GMT+8

2005 年 11 月 7 日 星期一 【晴】

公司真係勁忙......簡直想死~~

Suki 明天結婚，身為她伴娘的我，今日特地請了半天假去電髮 set 頭。

二時半到九龍灣，食左個下午茶之後就去整頭髮。

個頭攪左好耐，由三時坐到約七時，好彩我食左野，否則一定餓壞~

今次電髮的儀器無上次那個咁誇，不過成頭卷晒電髮卷，好重~~

在電髮的過程中太無聊，閉目養神完都未得，所以攞部電話出黎，幫自己影左個電髮 look，雖然唔似"蛇女"，但都幾攪笑。

電完之後，同風信子食飯，行左一陣之後就歸家，做定保濕面膜，訓覺。

>>November 19, 2005 at 5:11:02 PM GMT+8

2005 年 11 月 4 日 星期五 【晴】

今日是 cl 的牛一。是好友原定的結婚大日子。

取了隱形眼鏡多天，襯今日短週，就試下戴。

一早起身，諗住刷洗後戴 con，但搵來搵去都搵唔到但夾..........唏~~ 激死人啦！！個夾要 hk$12.00 架！！！

我搵左好耐都搵唔到，被迫要買......在家中食過早餐，午飯，睇埋 at seven twin 及「抹茶」電影，才走到大埔中心買....

為免到藝視會"監介"，所以我去左88買，好釆價錢一樣，不過個款就唔同。唔緊要啦。

在大埔中心，廣場逛了很久，買了雙妹麥 hand cream，買了膠櫃放 con，再行番屋企。

一如學戴一樣，右眼攪左好耐先得，左眼雖然都有阻滯，但都算順利。

右邊隻 con 唔知係咪反轉了，感覺怪怪的。

四五小時後除con，同樣，右眼都係攪左好耐，左眼都算順利。

>>November 5, 2005 at 4:33:07 PM GMT+8

2005 年 11 月 3 日 星期四 【晴】

今日老世請食 lunch。由於lunch 前 am & 老世入左大老世房，所以 等左好耐先可以起行。
老世請am, sc & 我到 bowling club 今lunch，除am叫了肉醬意粉外，其餘的則叫了 set lunch。

不知是否每個 club house 的設計都一樣，入到去我覺得好似赤柱的 club house.....
食物嘛.............一般啦，無咩特別，環境是舒服的，但，有點壓迫感。
食完了已後，又繼續工作。

由於食飯時收到 ivy call，故番到公司後便回覆她。
她叫我預備劇本給各人，並說了一些有關 cl 的事......

真想不到，cl 被欽還要差，跟我一起又開始另一段...難怪他不理我

我是否真的那麼不濟
我愛的，他不愛我
難得找到一個致趣相投的，卻是這樣了。
他究竟是魔鬼，還是天使？我想多是魔鬼。
難怪他有豐富的拍拖經驗。

在公司 canteen 食了晚餐，就到隧巴站等劉民 & 黎老師，之後就到 may 教會作話刻的首個會議。過程十分順利，一如我所料，ivy 真的打算安排在做幕前的工作！唏~ 今次躲不了。

>>November 5, 2005 at 4:34:36 PM GMT+8

2005 年 10 月 24 日 星期一 【颳風】

雖然今日唔洗 ot，但................

今日 lunch 前，終於攪掂 d 文件，火速地 pack (其實係 am pack)，之後送件......唏~ 我竟然連地點都攪錯，走番上 office, am 而出去送件，見到 sc，就第一時間問佢......

lunch 對住盒飯，唔係好想食。
久遺了的感覺。
記得以前在律師樓，我也會因工作太忙而放棄食午餐..............這感覺又開始番黎。
不過今次慘 d，似前忙，都知道自己忙乜，今次，我真係唔知......係我唔夠主動，唔夠自覺，還是其他呢？一份野，好似整好耐都整唔好咁.............

今日雖然唔洗 ot，但我都有諗過不如行下街，睇下戲，但以我現時的狀態，我無乜理由再去睇多一次 "再一次說愛你"，想喊，都唔洗咁，最終，我番左屋企。

今日真係無乜 mood............今日 am 話老世黑面不至一次.............

記得有一位朋友曾說
他曾被他的密友責備他不把不快事告訴他

或許人就是這樣，當遇到不快事時，雖想找人傾訴，但又怕打攪人家/ 讓對方擔心，所以自己摃，自己背著這些不快事，待事過了，才告訴對方。

但，我真想找人傾訴，但我找不到......我該找誰呢？
有人說，你信教的，你可以找你的教友，或者上帝吧！
又或者找你的朋友傾訴吧

我只想找一個可以讓我哭，給我一點意見，他的見解的人
在我細小的朋友圈中，不是沒有這個人
但我不敢搵，隔咁遠.............
搵到又點？強裝無事的傾電話嗎？

好想喊呀~~~ 有無人可以借個膊頭比我用一陣？

########################################################

一千里一千里走了多久 想不起顫抖　一眨眼一眨眼忍了多久　我哭過沒有
我看著我這樣努力戰鬥 有幾段時候
高攀過俯衝過幾個沙丘 自己一個走　東歪西倒得一對手 夠依靠沒有
我聽著我每步每步節奏 我怎樣承受　不有知你有可有 站在我背後

多麼的堅忍和強壯 都必需肩膊　即使黑暗絕望至少 找得到倚傍
多麼的弧單如流放 借借你肩膊　即使總會寂寞至少 倦了便回岸
若有天迷途 陪著我迷途　多麼想軟弱疲勞　會跌向別人懷抱　任我多糊塗　陪著我糊塗
一起不怕懦弱跌倒 但怕未同步

一起可會特別美好 但怕未同步　一起不怕懦弱跌倒 但怕未同步

：：＞＿＜：：

>>October 25, 2005 at 2:14:50 PM GMT+8

2005 年 10 月 23 日 星期日 【乍雨乍晴】

好忙呀~~~~ 今日在公司加班到九點半先走~~

我估我真係一個唔可以受壓，連日的忙碌，雖然未至於好似對上一份工咁唔想番，但律師樓的感覺就開始重來。

聽 am 講，話老世因 table 的混亂而黑面，發佢俾四......唏~ d 野係我做的，點解佢唔事先清楚話我佑佢想要咩？究竟我係咪只適合做 d 低級工作？唏~~~

今日執份表，執到九點幾，究竟係我效率低，定係d份工唔適合我，又或者係......

放工時，睇下鐘........估唔到 d 度都要番三更。

唏~~~ 有時我真係寧願佢地話我有幾唔掂，好過我做錯晒 d 野要佢地執漏..............

>>October 25, 2005 at 1:32:34 PM GMT+8

2005 年 10 月 19 日 星期三 【颳風】

今日的工作仍舊忙碌。

與jk唱 k的日子，終於決定了，問老世明天下午可否放time-off，他想了一會.....ok! 實在太好了！但公司的工務未完全做妥，玩都玩得唔安心.....別理那麼多，老世批得就唔好諗。

今日lunch 同小提琴食中式粉麵，都ok，唔太差。

今晚約了風信子及CY睇「再說一次我愛你」。一直在公司忙著，最激氣的是部影印機唔聽話，頻頻 jam 紙！！明知我趕住走，阻住晒！！

幫老世 pack 好封信之後就閃，時間已經係6.45pm......

估唔到由紅磡坐火車到又一城係咁快！七分鐘就到。

等齊人就到戲院......

最初睇預告片，覺得套戲勁似多年前的「我心不死」，原來，是兩碼子事。

套戲實在太令我感動，開場不久，我就開始鼻酸酸......

心愛的對方因工作忙未能陪自己，難得有一晚能與自己共進晚飯，做好預備，更不介意親自走到其公司附近等他，可惜最終也是被爽約，在歸家的途中卻意外身亡.......

感動的位還有很多，這套戲比星願厲害一倍，我愛死這套戲！結尾時，我抑壓著傷感的淚，真的很想大哭一場......

睇完戲之後，咱們到 kfc 食晚餐，之後就散。

好想再睇多次~~~

>>October 21, 2005 at 5:54:07 PM GMT+8