2005 年 9 月 22 日 星期四 【驟雨】

嘩！！真係估唔到牛一過後會忙到咁！！

22/9 手忙腳亂的預備了當晚開會用的文件，但......仍覺好多，好亂。為怕未能預備好23/9 的文件，故向上司要求，希望在開會時可返回自己位，幸好他們答應。到了大概八時多，其中一位 SHRO 通知我會議己結束。略為整理桌面，便到開會地點睇下有咩幫手......人都散得七七八八，幫手執下野，食下 D 到會.......若九時半離開 OFFICE。

23/9 有了昨晚的經驗，今日上午尚算清閒，但一切都係「趕頭趕命」。晚上到了會場幫手......或許太耐無聽，講及寫英文了，用全英文開會，真係唔係好慣，而且，唔係好知佢地講咩......散會後，幫手執野清場。今晚比昨晚早，九時半前便可走人！

不過，好累~~~

>>September 28, 2005 at 2:48:26 PM GMT+8

2005 年 9 月 20 日 星期二 【晴】

嘩！！今日自己牛一喎！！

一早起身，就收到 wkll-sw 的短訊，實在太感動了！！

穿上了媽織的背心.......唔........好似顯得....好大咁..... 算啦~ 橫豎一早想好了穿這件。

番到公司，買左個包 & 冬T。由於條利仲未得，所以個包無辦法食晒，只係食左三份之一就被迫放棄。冬t 當然都係飲得好慢啦。

食飯前，開左一個緊急會，因為明晚及後晚有一個大會，要傾下安排.....好彩唔係今日，未則真係唔知點算！

小提琴請我食 lunch，咱們到了都會的某台灣料理。食完了以後，我就順便搵下港專的下落。行左一段時間，終於搵到！原來安妮已經番都會啦！傾左一陣，之後就番公司。

下午開始，全時間做 adHot 工作，預備大會的名單，統計，睇場地等.......本以為今日可以準時收工，點知都會遲少少~~

開始係鳴謝時間...............

多謝你們的短訊.........
Sally, 風信子, 阿樂, Rainbow

多謝你們的口信........
佩珊, 小葉

多謝你們的真人道賀.......
小葉, 哥哥, AM, 小提琴, 安妮, Sally, Joyce, Jovian, 媽

多謝你們的電郵......
禾禾, Alan, Apple

多謝你們的禮物...........
梁祝--下世傳奇-->風信子
背心+紅封包-->媽
cd x 2-->Sally, Joyce, Jovian
神秘禮物 --> 哥



希望無漏啦~~~~ =_=!



p.s. 估唔到牛一去 k 有 cake 之餘，仲有香檳、紅雞蛋同埋壽包送！！多謝 WKLL 的好姊妹！

p.p.s 小葉，多謝您的打孖祝賀！！

>>September 21, 2005 at 3:13:04 PM GMT+8

2005 年 9 月 19 日 星期一 【晴】

中秋假前唔小心咬親自己條利，好痛之餘，口齒唔係好伶俐，食野都要就住就住，今日盒飯，食左半個鐘有多呢~~

今日大老世on leave，手頭又無乜特別理，上午幫 am 整完個 flowchat，就開始做 d 勁沉悶的工作--filing。唏~~ 我差 d 做到訓著呢~

因為條脷勁唔舒服，所以今日 dinner 去左學校附近的名牌咖啡店點了一杯凍朱古力咖啡和一個菠菜磨姑批，好貴，HK$44。算啦~ 誰叫我想食流質野？好辛苦咁食左個批。原來我飲野都有 d 問題，吞嚥的時候都有 d 痛~~~

今日，無乜心機聽書，好想訓~

放學後坐火車番屋企。



去年的這段時間，我從網路中知道他有了他，而我就好像正式宣佈 Certify。
去年今日，有一男生就在這個時候給我電話，一直閒聊著，到了零時零分，跟我說聲「生日快樂」。
今年，我的手機沒有響。或許，去年的那個他而忘了我的生日。
但我深信，有了另一伴的他必會記得，並會給道賀。這就足夠了。

>>September 20, 2005 at 3:47:28 PM GMT+8

2005 年 9 月 17 日 星期六 【綿綿細雨】

嘩！！今個九月做咩呀？？
前陣子收到部長的電郵，知道佢要停職三個月，
今日崇拜後，執委會宣佈徐牧請辭！
嘩！！究竟咩事？？

崇拜正式結束後，開部會，聽教牧的意思，打算打以後的事工停下來......
真的要把所有未開始的事工停下來嗎？

開完會，趕出灣仔與風信子睇 "梁祝"，咱們極速食了一個茶餐，極速走到演藝，幸好趕得切，坐定後不久，節目開始.......

佈景，好大型，好靚
個劇，ok，有感動位，但我唔明點解 d 人會笑

三點開始，六點完結
三個小時的音樂劇，無乜悶場，唔錯！
好想再睇多次~~

事後聽風信子講，坐在她身邊的男士由開始訓到完結
很明顯，他是陪女友睇！

之後，咱們就趕入大埔食飯。
今晚姑姐一家來食飯。

p.s.1 坐在場館不久，聞到一陣熟悉的氣水味.......我真的很想念他！
p.s.2 去年今日，與 cl 暗暗開始，咱們一起看電影，行公園，談談咱們的戀愛史......可惜.......這一切已成往事。

>>September 18, 2005 at 2:41:48 PM GMT+8

2005 年 9 月 16 日 星期五 【綿綿細雨】

今日不用上班，但也沒有睡到三更。

下午到了長沙灣，與十二月的教會首次會面。
會後到她們的禮堂......
嘩！好大！好靚，而且百變！
她們很好，什麼也肯提供，
其在太好了！

會後，與對導演共進茶餐，談談劇本，講講近況
希望真的合作愉快！

晚上，當然留在家中睇憶蓮啦！
估唔到佢打頭陣，不過只唱得 "本色" 太短了，唔夠喉
期待著她十一月的個唱，我想，我會看三場。

>>September 18, 2005 at 2:35:09 PM GMT+8

2005 年 9 月 15 日 星期四 【晴】

今日幫 AM 用 MS VISIO 畫左個 FLOWCHART。
我發覺我 D 老闆要求好高，我想，我要好好學習之餘，也要適應。

估唔到 AM 除了喜愛貓咪，話劇之外，原來她也喜歡憶蓮！！
太開心了！！估唔到自己與老世的喜好相同！其在難得！！

=^o^=

>>September 18, 2005 at 2:39:04 PM GMT+8

2005 年 9 月 13 日 星期二 【晴】

收到子賢電話，佢好似唔係好想公開演出......
他給了我電郵地址，希望他看過劇本後可回心轉意

今早上GW，個阿 sir 無乜料到，不過都對 gw 有進一步認識，也算是好事

>>September 14, 2005 at 5:58:26 AM GMT+8

2005 年 9 月 12 日 星期一 【晴】

起貨！
秋賢的劇本，終於起貨！
總共12頁，八幕
雖然同我原意有點出入
但........ 這就是秋賢的傳記

依貓給雲柱人及少部份朋友
希望可早日收到她們的意見。

>>September 14, 2005 at 5:56:13 AM GMT+8

2005 年 9 月 11 日 星期日 【晴】

嘩！！有個 bu 同學女結婚啦！！
佢地個 web-page 勁靚
女主角，超靚
男主角，不差

>>September 14, 2005 at 5:53:42 AM GMT+8

2005 年 9 月 10 日 星期六 【晴】

一早起身，到旺角崇拜兼睇話劇
變成照相佬
拍左短片

睇多一次常在我心

>>September 14, 2005 at 5:52:18 AM GMT+8