2003 年 7 月 1 日 星期二 【晴】

突然叫我去找梁愛詩問23條的問題，期間，老世L打給我話曾鈺成講了兩項建議，並簡略同我講曾鈺成講了甚麼，由於我當時在茶樓等候梁愛詩，所以現場是較嘈，而且我想再聽清楚D，所以叫老世L再講多一次，點知他說，「可能你唔明曾鈺成講甚麼，BUT ANYWAY，你聽左先啦!」駛唔駛甘講呀?
好HURT!我不否認我真的不是完全明白曾講甚麼，但也不用這樣!!
幸好，當日遇到新認識的星島實習人，訴下苦，還給新城和另一不知名的報館人士，話我同星島人當日由頭至尾的衣著、所用的電話、錶、電話的SCREEN SAVER等都是一樣。

>>July 20, 2003 at 3:55:00 PM GMT+8

2003 年 6 月 30 日 星期一 【晴】

特登話給老世知我想做7.1遊行，借d「疑」將例假星期二改為星期四。
今日其中一個職責是在銅鑼灣找不去遊行的人，講真，去得銅鑼灣的人都是去遊行。但都要找。做到想之際，竟然見到Ricky，開心死我，雖然他會遊行，換言之，他不是我的目標人物，但當在淒慘時，見到熟人，那種感覺是多麼的興奮。

>>July 17, 2003 at 12:04:41 AM GMT+8

2003 年 6 月 22 日 星期日 【晴】

難得放假。

>>June 25, 2003 at 2:44:57 AM GMT+8

2003 年 6 月 21 日 星期六 【晴】

經過昨日，我深知L先生對我的感覺是低冇可低。我擔心左成晚。今朝晨早出門口，去目的地近山頂。由於我唔知個目的地點去，又唔知上左巴士後何時下車。於是本應坐樓上的我，突然走落下層，以容易落車。
去到目的地，我跑上斜路，因我以為我遲到。
去到，冇端端有名蘋果攝記過來問我，「你為何晨甘早下車，都未到目的地就落下層。」我話我唔識落車麻。之後，我就向這名攝記，同另一名蘋果實習記者自我介紹，點知，他們不約而同說，「啊!原來你就係牛丸。」
我感到十分奇怪，點解佢地會聽過我個名。
我想下想下，我估一定是昨日那名蘋果G先生玩野，佢為何會令到甘多蘋果人知道我的大名呢??
究竟我同佢一齊搭的士，或做野時，做過甚麼，可以令佢將我的大名傳遍蘋果呢???
講番訪問一眾高官，我照住老世L先生的ORDER，問冬菇有關港珠澳大橋的問題，以讓我在L先生面前做番一樣佢或會欣賞的事。
怎料，當我做得好的時候，佢竟然唔返工。
世事就係甘，當你衰時，就永遠給他見到，當我做得好，佢就見唔到。唉!!!!!

超級樣衰，我訪問冬菇時，竟然給TVB播左出黎。救命，又影得我唔靚喎!!
還給我的補習學生亞媽發現，然後告知我的母親呢!!!!

>>June 25, 2003 at 2:45:25 AM GMT+8

2003 年 6 月 20 日 星期五 【晴】

今日去幫一個死人區議員做SHOW，點解我甘講?
話說，佢話關注柴灣區的蚊患，於是叫D食環署人去滅蚊。
我們一班行家跟住佢，佢一路行，一路同D街坊SOCIAL，又話「呀!我係***，我依家帶D食環署的人來滅蚊。」
原先我對佢都不是太反感。
但當我們巡完輪區之後，突然之間，落勁大雨，不但冇得避雨，仲要附近冇車搭，
個位區議員，同佢一眾同事，竟然自己搭的士走人。唔理我地。
華!!甘都得。太陽報記者不斷話，騙局!騙局。
之後，我們入左一間唔知係小學，還是幼稚園的學校避雨。
等左冇一個鐘，D雨差不多停之際，區議員出現，冇雨才出現，仲叫我們飲茶，我們冇甘傻，幫你做完SHOW，你就唔理我地，冇雨啦，又出現，想我地幫你繼續做SHOW，冇可能。
打發佢走之後，我便同我的攝記、蘋果攝記G先生一齊搭的士走人，我一心以為蘋果攝記G先生會在柴灣的士站放低我同我的攝記，但佢竟然車到我去公司樓下，不過可能因為有得'CAMP'錢，所以唔介意車埋我啦!!
搭車途中，我們閒談幾句，亦自我介紹。
返到公司，我的蘋果同學竟然打電話給我，問我同G是否有任何不和，或之類，但我否認，仲問佢點解甘講，我的同學便告訴我，話佢返到蘋果提過一個叫牛丸的人，我懷疑佢仲講左好多我的東西。否則不可能區區一個牛丸，可以在公司有野講。
本應好開心，但返到公司報料，又給老世L先生問左一堆我冇問的問題。唉!有冇搞錯，每一次都係給他鬧，成日話我應該問的問題我冇問。
我實在忍唔住。我唔係完全因為佢話我，而唔開心，而係覺得點解自己會唔識問老世要我問，或EXPECT我會問的問題。
我覺得好唔開心，我終於...還給我的同事BV知道。
總之一句講晒，我又在老世面前衰多一次。
至此之後，我發現我都係應該親近多D老世M小姐，而避開L先生，因為我鐘意M小姐會欣賞我，但我就永遠衰在L先生面前。
但我之所以這幾天都向L先生報料，是因為M小姐放假麻，否則我又怎會找死呢!!
M小姐，你快D返工啦。我好耐都未聽你讚賞的聲音了。
晚上，收ASSIGNMENT。老世L先生叫我明日去一個多官到不得了的場合。
明日會有羅范椒芬、梁愛詩、廖秀冬等等。
老世ORDER要問冬菇上星期五上北京，做甚麼，是否傾港珠澳大橋，老世L問我知唔這單野，我話我會找資料，佢不耐煩甘，簡單告訴我，繼而問我究竟知唔知誰是廖秀冬。
唉!你話死未，L先生已經覺得我連冬菇小姐係邊個都唔知啦!我估佢已經當我甚麼都唔知，連BASIC野都唔知了。我傷心到絕!!!!!!!!!!!!!!!!
我想我真的要避開L先生了...


>>June 25, 2003 at 2:45:35 AM GMT+8

2003 年 6 月 19 日 星期四 【晴】

今日去左訪問兩位曾經吸毒，但現在已改過自新的男士。
好好笑，我去到幢大廈搭電梯時，同一名男子一齊搭，他個樣成個社工甘，之後我們入到目的地--一間教會，他又同一些在教會工作的人打招呼，閒談，我一心以為佢係社工，又或者係教會的職員，我還同佢講左一堆野，例如問他做甚麼職位等，總之我問的問題是圍繞教會等東西。到正式開始訪問，我才恍然大悟，原來他就是我要訪問的吸毒人士。
OH!冇可能，他的樣子、身材、談吐各方面，完全是一個非常健康，非常正常，非常正氣的人，根本一D都唔似以前吸過毒。
於是我又不斷問左一堆問題，我覺得今次的訪問已經非常完滿，因為我認為我已問好我認為應該要問的問題。
不過返到公司，唔知點解，老世又會問我一堆我冇問的問題。
唉...

>>June 25, 2003 at 2:45:48 AM GMT+8

2003 年 6 月 18 日 星期三 【陰】

今日要訪問在SARS期間英勇救人的救護員，明明話有攝記跟，開幕典禮都完左，我還未見到我的攝記。
之後，一班得獎者接受我們訪問，我的攝記終於出現，原來佢就是我之前做垃圾蟲CASE時冇問佢個名的那位攝記。我做完訪問之後，當然要補飛問佢個名，費事老世又話我甚麼都唔問，點知佢唔肯講，仲玩我。而行家還說他鐘意玩弄實習添。
返到公司問人，知道佢叫F。
好奇怪，原來那天我去浩園之前，打給那名攝記，但他卻說他在大酒店的那個攝記，原來都係F，估唔到原來每一日我的攝記都是F。
點解F甘串唔講個名我知，又害我鷄手鴨腳又影相，又錄音，又抄NOTE，唔知做得邊樣好，又遲到，害我唔知有冇攝記跟，我都唔憎佢，是因為亞堅話F算是一眾攝記中的好人之一。
話說，當日，我打給身在大酒店的F(我當時不佑他是誰)問佢是否去浩園，佢否認之後，就叫我自己打給老世再問清楚。我當時並不覺得有甚麼特別。
但原來那一刻，亞堅也是在F隔離影大酒店，並且聽到我與F的對話，其後更表示，好多攝記唔會甘好人教返我點做。
我唔知你明唔明我所講，但總之有人話佢不是壞人啦!!
各位需要知道，很多攝記都不是好人，I mean不是仁慈的人，所以佢即使玩弄我，總好過無端端鬧我呀?!
訪問完一眾得獎者，一心想打給曾經讚我的M小姐報料，可惜佢唔返工，我只好向另一老世L先生報料，我以為我已經問夠料，點知...
我都唔知點講好，總知佢覺得我應該要問的料我冇問到。
寫個條稿又平，又悶，符合唔到故事中有故事的原則。
唉!真的很傷心，因為後勁不繼，不單只聽唔到讚美的聲音，還要聽到唔想聽到的聲音。

>>June 24, 2003 at 8:01:53 AM GMT+8

2003 年 6 月 17 日 星期二 【晴】

昨日影個幅相放到好大呀，正確來講，只是略為大而已!不過因為個題材實在太唔重要，所以只是放在港聞版最尾個頁...
今日目的地係浩園，之前明明話有攝記跟，我米晨早打俾老世問，繼而打俾個個攝記，點知他說他不是去浩園，而去左大酒店。我只好自己搭的士上去。
去到，等左好耐，一直都冇講野，因為人地成班行家，我唔敢埋去搭訕。
悶左好耐，亦自閉左好耐，終於有個part-time
CABLE哥哥走過來同我講野，我當然急不及待問他我個攝記在哪兒啦。佢好好人，幫我問行家，但班行家講左一堆我唔係好明的說話，個感覺仲要係好似佢哋正在笑我，同玩緊我甘。
結果我個攝記冇來!我唯有自己充當埋攝記。期間仲請教左太陽報的文字記者添!
做完之後，當個個行家都有專車坐之際，我就擔心緊我在連車(的士)都冇架的浩園點走好，真可悲!
幸好，太陽報記者叫我見到邊架車有位就上去就得。我最終就坐咗太陽車落山了!
返到公司寫完稿，給BV睇之後，她還在M小姐面前讚我寫的浩園稿好過之前寫個d稿好多。
夾埋俾人讚幅剪指甲相，我終於可以一嘗俾人讚的感覺了!
原來有人讚個種感覺係咁好，仲可以令我信心倍增，因為我成日都覺得我自己會做唔好，同做唔到!
我一定要維持呢個佳績，我會繼續努力。



>>June 25, 2003 at 2:45:58 AM GMT+8

2003 年 6 月 16 日 星期一 【雨】

17/6 (二)
明明頭兩日返工係有得跟其他人出去做野，但我第二日就要自己一個人去送死。
今日去左沙田政府合署聽垃圾蟲數字，我明明知道應該要問攝記他姓甚名誰，但我實在太驚，唔敢問他。返到公司以為冇事，點知老世問我，我個攝記個名是甚麼，我就竟然答唔知，簡單來說，即係我讓老世知道我甚麼都唔問，又甚麼都唔知啦!
之後去左做街訪，原來做街訪係咁難，d人可以有十萬個藉口拒絕，有人仲會好巴閉咁舉起手，然後面黑~~你好野亞姑!我會認住你。正當我垂頭喪氣找不到人做訪問之際，我的同學拍我，總算做到個街訪。而她就話見到時，淨係見到我死下死下的樣!!*_*
期間，我訪問左一個食環署的人，佢話企左成朝都捉唔倒垃圾蟲!之後我影左本捉垃圾蟲的簿。
正當食環署人說他捉唔倒垃圾蟲，我就發現有位亞叔隨地剪指甲，我冒住危險影佢相。
做完成堆野之後，我就去沖相，點知白痴的我，竟然令到d相曝左光，我勁驚幅垃圾蟲簿的相沖唔倒，因為老世之一M小姐話幅相有意思ma!
擔心左半個鐘，好好采，d相冇事，嚇死!!
返到公司，攝影部人冇要到幅垃圾蟲簿的相，但M小姐同攝影部的人就讚我幅剪指甲相影得好。
估唔到影相白痴的我，竟然會被人讚影相影得好，真係奇怪。

>>June 24, 2003 at 7:27:12 AM GMT+8