2003 年 9 月 4 日 星期四 【陰】

終於去到倒數第3日的日子了!!
冇人會知道這會否是我一生人中第一次同最後一次做記者，亦不會有人知道這會否是一個延續。你同我都唔會知!
你問我究竟我鍾唔鍾這份工，或這種生活，我真的唔識答!
或者我是被一種恐懼感而阻礙我繼續前進，這種恐懼感亦阻礙我將自己僅餘的實力發揮得更淋漓盡致，故此舉凡出去做事，也是仍有很多不足之處，正因如此，我仍未能將事情做到滿分，故此難以找出我的快樂之源同滿足感。
經過不長不短時間的磨練，我仍然未能鍛鍊自己做到滿分或高分。
不過無論如何，我都希望在僅餘的3 日裏面可以留番一些較美好的回憶啦!!

>>September 5, 2003 at 4:24:04 AM GMT+8

2003 年 9 月 3 日 星期三 【雷雨】

今朝晨早便要搭頭車去香港仔海濱批發魚市場做野。好耐都冇試過5點幾起身了!
總括而言，我仍有很多地方做得不好，例如問問題依然唔夠充足，好似個講者講甚麼，我便聽甚麼，而不是全都經腦袋過濾同咀嚼般。點解呢??我都想知!!!
唔通，我現在仍是維持像一部錄音機般，只懂記下別人所講的說話，而不懂得加以思索???

這一兩天聽左同知道左很多野，發現原來自己仍是很削，還有很多不足之處，若繼續如此，好快就會被淘汰，究竟可以點算呢?!



>>September 4, 2003 at 9:23:54 AM GMT+8

2003 年 9 月 2 日 星期二 【雷雨】

今日做左兩單野都無出到!真慘!
這兩天都返夜，感覺好似好受些，因為無論返幾早都是甘夜走，所以返夜好似無甘忙同無甘夜走甘!!
今日又有同事給予我一些鼓勵，讓我知道我在某程度上也會討人喜歡的。

>>September 4, 2003 at 9:29:25 AM GMT+8

2003 年 9 月 1 日 星期一 【驟雨】

呢個暑假，是我活了廿多年來第一次做一份真正的暑期工，未見過世面就真的未見過世面!
在這短短兩個多月，我失去好多東西，但亦都得到好多野!
首先，我認識到唔少好人，包括同事、行家，
亦認識到好多壞人，還有好幾個賤人，包括行家、一些不知所謂的PR(如AC Nelson、迪士尼、屯門IVE等，同埋...
不過，我知道將來亦會遇到比這些賤人更賤的人。
所以有好幾個人同我講，如果冇左那些賤人，我是更加不會知道世途險惡，這或是對我是一種鍛練，讓我更早學習一下如何應付那些賤人，又或者可以說這是讓我更早認識這個殘酷的社會。

第一次真正見下世面，原來已經可以有甘多問題困擾到我，雖然我一直也覺得自己不算得上是甚麼，因此舉凡遇到問題，不論是實際上遇到具體的問題、我本人的心理問題、與人共事時會遇到的問題等，我總是會被弄致悶悶不樂、同更加質疑自己的實力，故我總是要人協助我去解決。


>>September 5, 2003 at 4:07:34 AM GMT+8

2003 年 8 月 31 日 星期日 【晴】

今日又去做街訪，任務是要找一些頗難的CASE，我與攝記一齊做，他多番話我們這些實習冇好野益他們，經常做一些冇料到，但又花時間的任務。雖然我都好同意他的講法，但他真的講左好多次這番說話，總之逢見到行家同傾電話時，都會講好多次，搞到我都唔知點落台。不過，唔知點解我又沒有太憎他，或者因為有不少人向我說他是一個好人，而且他也沒有睇住我死，昨日更曾經同我一齊問途人做訪問呢!
之後，我不斷搭車，同做左某些任務。
然後去左個海上夜遊明珠團，簡直是浪費金錢，一來熱(但旅行社在我報名時聲稱話有冷氣，但不知為何上到船，冷氣是壞了)，二來，即使坐船原來也是看不清楚，一D都唔靚!
我在此勸你們若不是做野，千祈不是參加這些團啊，除非是$9，而你又極為無聊，那或者也可以一試!


>>September 5, 2003 at 4:08:01 AM GMT+8

2003 年 8 月 30 日 星期六 【晴】

一生人第一次入馬場!
但我不得不罵馬會的職員。
你們也知馬場有幾大，我又唔知「訂」，當然要問職員在哪裡取記者証，但我想我今日問左20人左右，不單冇人識答，而且個個答完唔知後，便算，完全冇意識幫我找，簡直不知所謂，問左萬甘多個職員，終於有位哥仔肯幫我打下電話問下人，可想而知他們有幾HELPFUL!
還有，馬會一年賺甘多錢，好心他們就裝下冷氣啦，入面成個蒸籠甘，想熱死人呀?/
總之今日就晒左成日、熱左成日啦!!

>>September 2, 2003 at 4:02:11 PM GMT+8

2003 年 8 月 27 日 星期三 【晴】

今日真的勁黑仔!
首先，去食野，就睇錯menu既價錢，叫左一樣貴過另一樣一倍既食物。
之後，我因為寫稿寫到好夜好夜，夜到我要第一次搭公司的通宵巴到銅鑼灣。
本應打算搭170或N170返屋企，但唔知點解，我竟然走左去搭地鐵，需知道，我即使可以搭到最後一架MTR，我也沒有可能搭埋另外一程車返屋企。
果然，我搭到去油塘，發現原來架車只可以最盡去到彩虹，即使想折返去旺角搭亡命小巴，也不可能，因為LAST屎班MTR亦已開出。
OH MY GOD!點我算呀，有甚麼車可以返到屋企呢??
正當我極不願意搭的士返屋企之際，原來我得番30多元，即使想搭也沒有可能。
結果，我幾經辛苦，好轉接、不斷不斷轉車，花了極長時間，同極多金錢才回到家。
真的不知所謂!!
至於點解我今日要甘夜走，就是因為老世M在9點多叫我做另一單野，就是用電話訪問直升機意外中喪生的機師宿友，於是我同那位人兄傾左約一小時，之後才開始寫一條700字的稿。一如既往，我又俾老世M「吹」稿，在「吹」第二次時，(我已經寫好9成9)，她便好急甘同我講，「停啦!太夜啦!」。原來那時已經差不多12時了。
(但我回頭一想，要我寫700字，也沒有可能要求我在一小時之內寫完呀!?!)
我甘趕做甘多野，又甘夜才走，我好想一向都較為願意讚人的老世讚下我，起碼都同我講聲唔該晒呀，我等左一陣，都冇結果。
後來，當老世較為得閒之際，她向我說，條稿幾詳盡呀!(總算有D反應)

不過，我今日就要好悲涼甘，甘夜才可以走。
還經歷1.搭搭下MTR，原來是返唔到屋企
2.搭最後一班地鐵
3.見到隧道管內雙線單程行車(夜到連隧道都封左一邊)
4.一日內搭2次亡命小巴

其實，今日還有奇聞呢!
話說，有同事叫我去新華旅行社做野，睇下是否有好多人排隊報團。
起初個任務不太困難，但我做做下，亞同事叫我報名(一個海上夜遊、睇「明珠」(即激光匯演)，並且去各間旅行社攞晒各團的章程。
華!我拿了一大疊厚厚的章程返公司，簡直重死。
點知，返到公司，發覺我拿的章程根本是沒有用處的，而我事先付出左的金錢去報團，原來，老世是不知情，她根本不知我做了報團的動作，條稿亦沒有提及過我報左團的事情。
發生甚麼事呀??點解好似我做左甘多野，原來是不必要的。

>>August 29, 2003 at 3:16:31 PM GMT+8

2003 年 8 月 26 日 星期二 【晴】

華!今日難得冇ASSIGNMENT，不過我並不認為這是好事，因為這種冇assignment的日子，是你永遠不知在公司會有甚麼工作要做，即是說難以預計今日會做甚麼事。
果然，成朝早，我不斷聽收音機的節目，因為老世叫我聽番電台的新聞節目，我便乖乖的聽，點知聽完，老世話:「你為何聽新聞呀?我叫你聽下鄭經翰個節目呀!」
甚麼呀>>你之前明明不是這樣同我講的。

之後去左睇火星，但只是去大埔一間小學度睇。粒火星一d都唔好睇，即使我用全港最大的望遠鏡，也只是一個好細好細的橙色圓球罷了!所以d人在尖咀排甘長龍，真的不值啊!
人不是太多。由於我時許才到，而其他行家早於6時已到，自然我去到不久，他們已差不多完成他們要做的事情。其間，我從蘋果記者言語中，get到她想我唔好做甘多野，還叫我走等等行為。華!我好似剛剛來了不久，你就叫我走，又話你做甘多，都出唔到甘多啦，走啦!
你當然可以這樣說啦，因為你已做晒野，而我才剛剛到。
不過，我最終沒有理她，因為我之前已經見過她2次，而且是串串的!
之後，我是最後一個記者走，條路黒到唔可以再黑，人影唔多隻，又黑，又十世都冇車，我終於在一個極為恐怖的地方等左over半小時巴士，才上到車。
真的嚇死!

>>August 29, 2003 at 3:33:13 PM GMT+8

2003 年 8 月 18 日 星期一 【晴】

冇放假一個禮拜有多，終於有得off了，可惜明明今個星期有兩日off，但好似冇得放埋另一日甘呢!!

>>August 19, 2003 at 3:17:49 PM GMT+8

2003 年 8 月 17 日 星期日 【晴】

今日去等李華明整智能身分證，之後臨時去銅鑼灣等高官，即曾蔭權換智能身分證。
返到去，老世M讚我影亞李華明幅相靚wor!
令我覺得我甘早開工，做到甘夜都是值得既。
之後，我仲收到一個唔知值得高興還是不值得興奮的消息呢!

我今日才知原來有同事都是好驚做靜態!

>>August 19, 2003 at 1:58:28 PM GMT+8