2003 年 8 月 16 日 星期六 【陰】

終於回到靜態了!
換言之又要回到令我每晚睡不著同抽筋的日子!


>>August 19, 2003 at 1:58:08 PM GMT+8

2003 年 8 月 15 日 星期五 【雨】

今日是在突發的last day，由於在這突發三個星期都見唔到甚麼大事，血都只是見過兩次甘大把，又未見過企跳同跳樓，
於是在同事的鼓勵下，我昨日決定聽他們講，今日照返工，這是我第一次跟下午一點車出去。
故此明明今日不用返工，我也選擇返工。
可惜，真的可惜，我今日的第一個assignment竟然是去海關度開briefing!!!
come on!我今日返工是想做突發野，為何又是做這些無聊briefing，我之前已經做過同類型的briefing三次了!!救命!
期後，我們一車三人，只是等、等、等，由於留在車上實在太耐，我已經睇完車上的雜誌，又睇埋電視，等左好耐，終於有野做了，但好快又做完，因為一來單野太冇料到，二來夜間的行家對於不太重要的新聞會不加理會，因為到晚上已經預好左版位，故沒甚麼料到的新聞是不會出，即是說即使好勤力去跟一單新聞，也未必會出，故做也沒有意思。
直到晚9:30，即差不多是收工的時間，我可以用「渡假」來形容我的今日，我亦有少許失望，因為特登返工都見唔到我未見過的場面，亦不太能從同事身上學懂甚麼，因為根本沒有甚麼assignment。但我卻體會到原來夜晚的行家與朝早行家的做事作風是有所不同的。
但就在臨走的一刻，公司竟然叫我們開OT，任務是幫靜態做野，去酒吧影球迷睇波時好有氣氛既相，等左一輪，由於某些原因，我們來不及影一張高質素的相，(影唔到當有波入時，球迷的反應)，老世當然唔收貨。我們唯有繼續等，你知啦，足球不是常常有波入麻，故我們一等便兩個小時了，故此，原本收9:30，變為收11:30，救命，OT唔緊要，最緊要是不是為做突發野而OT，而是為了做靜態野而OT麻!激氣!


>>August 19, 2003 at 2:22:52 PM GMT+8

2003 年 8 月 12 日 星期二 【晴】

今日成朝在ICAC等，到下午才有野做。
話說，有架巴士在美孚攝住天台頂，我影完幾張相，便走去問警察同一個唔知甚麼人既人，問問下，在對面馬路的行家大聲叫我過去，於是我便過去。當時有2個行家，一個是APPLE的CW，我還記得靚仔爸爸話過CW算是一個好人，另一個我到現在也不知他是東方還是星島的「獨家來」，不過若他是東方並不出奇，因為東方太多壞人，就正如東方個八婆，若他是「獨家來」也不無道理，因為「獨家來」最鍾意做獨家野，不過無論如何，我姑且叫他做八公。
既然他們叫我過去，我唔知「訂」，當然過去啦，點知一過到去，個八公就串我，「我們响度你都唔問我，去問警察，你個日响醫院仲未俾人鬧夠呀?」我當時冇出聲，並且想起這個八公前幾日曾經同埋個東方八婆一齊响醫院鬧過我(11/8在醫院落閃光燈影相事件)。
跟住，個八公見我唔出聲便說:「你唔係唔認你冇俾人鬧過呀?」
我心想，我係俾人在醫院鬧過，甘又同今日做這單新聞有何關係呢??擺明想借勢串我啦!
由於當時做野緊要，故此我帶點不滿回答:「係呀，甘又點呀!」便算!
個八公之後就話左給我知架巴士攝住左的原因，同埋話埋我知成個故仔。
後來，由於我們有另一單ASSIGNMENT做，於是逗留不超過10分鐘便離開現場。
之後隔左一輪，我們又回到巴士攝住左的現場，並且問過街坊，得出另一個故仔版本，完全與八公所講的故仔完全不同，反而同我之前在現場問警察的版本一樣，我們開始懷疑個八公特登放流料給我，所以當時他截住我，不讓我繼續問警察，驚我問到個真故仔出黎，所以甘好死自動報料給我知。
我非常憤怒，一來他為何串我，二來為何放流料陷害我。

到第二日，我翻閱報紙，發現東方和星島的版本與警察，亦即是同我們的版本一樣，換言之，個八公極有可能是有心陷害我。這些人實在太可惡，去死啦!
但我卻發現APPLE出街的版本都是錯，故此，原來那個八公不單害我，還害埋APPLE呢!


另外，真的好多謝VV，因為她是教得我最多野既一個人，連點樣先可以透過相片將資訊告訴讀者，所以說，她是教埋我點樣影相呢!!
我更加多謝她俾左好多支持同鼓勵我!感激!

>>August 19, 2003 at 3:18:45 PM GMT+8

2003 年 8 月 11 日 星期一 【陰】

今日又有得跟靚仔爸爸出車，始終跟住一些有經驗的同事，我個心會好安心些。
所以可以說今日冇驚冇險又一日。
但兩次跟靚仔爸爸出車都冇得做突發野!!真慘!!
今日好似沒有做過突發野，最有意義已經是去啟德海關度聽briefing。

>>August 12, 2003 at 2:42:16 PM GMT+8

2003 年 8 月 10 日 星期日 【陰】

唔開心乘3!

東方長曲髮八婆...

話說今日去一單交通意外的現場，我見有2個行家企埋一齊，猜測多是正在夾料，便照平時做野般走過去聽下行家講甚麼，點知東方死八婆見我聽他們講野便立即，是立即說:「我們不是講緊這單呀!」
於是我便即刻彈開羅，心想駛唔駛甘串!!巴閉!
算數!我當時亦不是太憤怒!

之後，在醫院入面，個個行家正在影傷者家屬，我卻十分唔生性冇關閃光燈，於是被人發現，東方八婆(十分大聲)及另一些/名行家立即咒罵我，之後還鬧我，連警察都鬧埋一份。(我承認這的確是我做錯了，但也不用這樣，我唔知點講，總之個種感覺好難受)
個八婆之後還眼超超，串串恭甘!!
之後，由於我個同事唔知個傷者姓甚名誰，於是問個八婆，點知個八婆即刻向我同事說:「你個同事(即指我)之前在現場米收齊料羅!」但事實上，在現場這個八婆根本冇告訴我傷者叫甚麼名字。都唔知有冇搞錯!

其後，個八婆走了。
那名在交通意外中重傷的人士要轉院，正當醫院職員推他上救護車之際，我正想舉機影相，另一名東方女記者立即向住我講:「口華!影呀??」
我見她甘講，心想是否不淮影呀，於是我便唔影羅，點知她自己即刻舉機影。
有冇搞錯!自己話我為何影，換個頭自己就影!
須知道當我見到她行動，我才動手影，已經相差了好一段時間了，我當然影唔到啦!!
只怪自己為何甘低b聽她說而不舉機影相!!

唔知點講，總之總之就好憤怒啦!!

其後，2名同事亦告訴我東方有唔少人都是這樣...還會經常扣料!
而不少女記者都是頗麻煩的。
有人更話我知，今日在現場時，那名，我唔應該用一些尊重的字眼形容她，應用「那個八婆」自己攝人位影相就好地地，好似好理所當然甘，試下換轉是我們攝了她的位，她一定會咒罵我們!!!!!
未做突發之前，一直以為是蘋果多衰人，原來東方更多，而我今日已經見到2個。
我都是少看東方為妙!!

>>August 12, 2003 at 2:35:25 PM GMT+8

2003 年 8 月 7 日 星期四 【晴】

今日off!
但我想總括一下，這２個星期我在突發的點滴。
的而且確，我在突發不時都會給突發ｋｅｙ鬧，（正確而言，是嚴肅甘話我）但我亦好開心聴到蘋果同成報的行家讚我，話我做到野，同勤力。
不過我自問我每天只是跟行家做野，一旦行家不在場，我一定同必定甚麼都唔識做，樣樣都唔知點做，更加唔會知道下一步點做，所以他們甘講，我反而有ｄ慚愧。
不過我估他們的意思是話我肯做野，他們還說有部分實習（他們還舉埋例）真的只會企埋一邊，相又唔影，行家駁料，又唔聴。（我確實見過他們所講的人，但真正懶到出汁的，我估都只是一兩個罷了！）


>>August 8, 2003 at 2:49:44 AM GMT+8

2003 年 8 月 6 日 星期三 【晴】

今日終於可以在我要求之下跟靚仔爸爸出車了。
但可惜今日冇野好做，一路都是等、等、等，所以好無聊，好似甚麼做冇做甘。
晨早出車9點鐘，第一項任務就是去大球場交鏡頭給同事，其間已經好塞車，到大球場附近，靚仔爸爸叫我留在車中等他們交易完鏡頭回來，才出發到君悅酒店等皇馬。
完成這些事情已經到食飯時間，可想而知，我成朝早做過甚麼!
其間，靚仔爸爸話：「依家冇野好做，你上去漫畫展行下啦！」於是我就得閒到去左漫畫展，還消費埋呢！
食完飯，坐、悶在車中好一段時間，才潛入君悅酒店大堂等候皇馬。
由於有攝記跟，所以我的任務便不是影球員，而是影fans。但其間遇到不少阻滯，詳情唔講。
總之當大家，即一堆攝記和fans在大堂等之際，我就上左樓上等。
當大家以為皇馬會出現在大當時，原來皇馬卻在樓上出現，但由於我判斷錯誤，與及我和靚仔爸爸溝通有誤，我錯過左一個有利位置，所以只能影到超爆細粒的碧咸（我形容相中中的碧咸僅有鼻屎甘大）。這亦歸咎於我的傻瓜相機，其可zoom的距離實在短到無法影到稍遠距離的東西。
其後，我們一行三人，去到球員開記招的地方會展。我都依然唔可以好近甘影到球星，只怪相機唔生性，zoom到最盡都只能影到彷如一舊屎甘大。
後來我們第二度進入會場，終於．．．可以近距離影到碧咸了!
不過我興奮的來源並非我鍾意碧咸，我根本對他一ｄ興趣都冇，但我興奮的是我可以在超過２００個記者中，攝到位，近距離影到碧咸。
不過最可惜是張相沒有ｓｅｎｄ去公司！！

>>August 8, 2003 at 2:27:51 AM GMT+8

2003 年 8 月 1 日 星期五 【晴】

原來世界上真係有一d勁爆無聊既人架!
好似今日甘，就已經有兩個無聊人，打電話去各間報館報流料，老點我地去事發地點做採訪。簡直好笑，點解d人可以得閒都做埋d甘既野呢??

今日坐車，由東去西，又由西去東，總之是左去去，右去去，但樣樣都係無聊野，又或者去到都冇野睇。好似甚麼也沒有做，但就不停甘走圍去。

>>August 2, 2003 at 12:00:18 PM GMT+8

2003 年 7 月 31 日 星期四 【晴】

今日放假同同事去左書展，學左同聽左好多野呀!

>>August 2, 2003 at 12:01:34 PM GMT+8

2003 年 7 月 30 日 星期三 【晴】

今日做左一項頗驚險既特別任務!!
本應收工，但太肚餓，所以打算食埋先返屋企，但忽然老世話叫我落去放蛇買黃牛飛。
講真，我就不是極度覺得是次任務是十分十分刺激同十分好玩，我反而覺得幾驚險同好有挑戰性，總可以講話一步一驚心呢!
整個過程還遇到不少難以估計既場面，原來做這些任務是頗需要臨場執生呢!
有d驚個黑社會大佬會找我尋仇，因為我那天的衣著實在幾易認呢!

>>August 2, 2003 at 12:12:30 PM GMT+8