2003 年 4 月 22 日 星期二 【晴】

今朝起身既情況同尋日相反
6點半左右起左身,想訓多陣
個鬧鐘就set左6點搭9,咁我就o係搭9醒左
禁停左佢個鐘再訓,因為我個鬧鐘係識禁停左5分鐘後再響,直至唔知几時
咁個鐘就搭10,搭11,7點都響一次
我終於...o係7點起身,刷牙洗臉探熱
阿媽今朝煮左水餃
我一路食一路搵張體溫表
食一粒,行開搵一陣,再食一粒,再行開搵一陣...
到出門之前都搵唔到張野
就另外搵張紙黎寫低溫度
叫媽簽左名之後就帶返去咯
行行下見到一個揹住綠色書包踩單車返學既傻仔 <-coco是也
佢今次推住架單車同我一齊行,唔踩啦(co,好孩子,聽話,乖~)
到學校見一堆人抄RE ws
嘩...痴線架!全部都放假唔做等今日至問人抄?
RE堂,搞錯呀禮!!!冇帶棋-.-
老師派左張野黎,又有新project要做啦...無奈中
之前果4個都未郁過,而家而黎埋第5個...雖然呢個單人會易做d je
又話果堆ws係貼o係RE習作度交既
我可以想像到趕住抄齊4張野既人既心情...^^
中文堂周sir話收唔到几個人既作文
數class number時聽到有chel份同埋好似有禮禮
我唔係同周sir講左chel同禮叫我幫佢地交埋架咩?!?!
英文堂又比多几件功課
定左默書同隱形人既死期~(即係本invisible man同d工作紙既deadline是也)
又比一篇作文我地做...話呢個假期點樣過
我點樣過架?話自己o係online game入面偷waist同用bug比人捉到呀?!好主意喎@@
放學見到coco,佢有個同學既衫領度有隻蜜蜂
我話佢知,跟住有人叫我唔好講...
我以為班友想玩佢就收聲,跟住果隻蜜蜂飛左出黎
我乘機老屈coco:嘩...真係估唔到coco係d咁既人呀
出左校門就即刻丟左個口罩佢咯~
戴住個口罩好焗架嘛>.<
跟住見到發,禮,ck,宋永平等人
行到一陣見到豬o係後面走出黎
佢一定係o係後面見到禮就走埋黎比我地玩佢兩個勒~yeah^^
我地專登要令到禮同豬一齊行
但係禮同豬非常有默契地一個快一個慢
ck話:"豬豬~joey隻碟出左第二版喇"豬一聽到就:"出左喇咩?"
因為禮o係豬前面,所以ck就話:"係呀~出左喇~你行快d啦"
豬至知係比ck呃左...好野ck~^^
返到屋企食完飯就寫第一次日記,
寫完好累,就訓左...3點到6點丫@@
醒既時候去巡左几塊板
早餐要磨木板喇喎...咁我下次一定要做呢樣野架啦~
去check下DT個file有冇漏左野先~
一陣蘇蛇話我做唔齊野唔比得塊木板我就死!!!
嗚...尋晚已經開始有人o係風水廣場度做大戲啦
年年都有三四次o係果度搭戲棚做大戲既...
晚晚都冇覺好訓...呢個時期會多人去睇咩?!?!
真係鬼唔望整個8號風球過黎打低你個戲棚佢呀!
搭棚几日,表演几日,拆棚几日,浪費時間!
同今朝中文堂睇到果句:圓規只係圍繞一點走動,最後都係回到起點,始終是零!

>>April 23, 2003 at 1:02:39 PM GMT+8

2003 年 4 月 21 日 星期一 【晴】

嗚...唔小心禁錯左esc要打多次><
今日返學囉~^^
尋晚雖然較左鬧鐘7:00響
但我今朝6:15就醒左嘍
呢個習慣真係從來冇改過呀><
日日都係早過7點起身,鬧鐘用唔著
其實係用得著架
我每次早起身時都會想訓多陣
有時訓得著有時訓唔著
訓得著既話就靠鬧鐘叫醒我啦^^
今日到6點半都未訓得著,所以索性熄左鬧鐘...
o係張床度呆左半個鐘,7:00終於醒左
刷完牙洗完面就...探熱
96.8度F...用F轉做C既formula計到係36度C <-真無聊呀我~~
食左個麵包...阿唔係,其實係蛋糕,就換衫
我見對皮鞋唔係著開果對,阿媽至發現拿錯左@@
我換好衫就去嘍
行到半路覺得自己嘴裡面好似少咁d野
至發現自己o係屋企唔記得飲埋牛奶至走呀!!!
返到學校,校門鋪左張地毯話要消毒喎~
入到去就有人噴d消毒藥水o係我對手度
魚尋日同我講既果然係真架...
噴完野就要我拿張體溫表出黎
其實佢唔係應該睇完體溫至噴藥水架咩?
濕手拿住張紙好唔方便架喎
上到課室,拉登除左個口罩,真係陽奉陰違!@@
係囉...個口罩咁焗,我又除左,擺o係衫袋入面
跟住就去洗手間度洗手 <-沖走d消毒藥水!yeah^^V
返到課室見到早餐同牛牛研究張maths quiz
佢真係唔同3C某d厚面皮既女同學咁喎 <-菇,豬等,chel或者要計埋
果d問我野唔答就問到我肯答為止\_/
果次早餐o係我塊板問我三題數
曾經以為佢係為左想我教佢而去我塊板,後來覺得佢唔係d咁既人
我email答左佢兩題,話quiz第6題太多人問過我所以唔想再答,叫佢睇我某日寫既日記
結果佢就真係冇再問落去~好野^^少個人問~
(黑沉思:不過既然咁多人問過我,答多一個答少一個又點?)
(眾:咁你先前又借呢個藉口唔答佢?)
(黑:我想試下佢係咪上面講果類厚面皮既人,結果唔係)
羅一陣間之後又同早餐,牛牛佢地一齊討論
我就一路發呆大法直至打鐘~^^
落左去hall聽條友仔講咩醫護人員既處境
好煩呀條友...講咁長篇架
好似話"沙s"既康復者可能會有抗體...
沙s亦如水痘,麻疹等"一回效力"乎?係就好啦
下晝高軒問我中史作業做到邊
我問胡沅霖話唔駛...好彩,嚇死我丫!!!
好野~今晚有乳鴒食^^
食完飯睇tvb講肺炎個咩節目...冇留意節目叫咩名添~
佢真係有播o係我地學校影既野喎~
好似差少少影到3a班坐o係嘔果個隔離既揚揚@@
又話咩中三同學寫心意卡比醫護人員同病者...
見到一個好似李俊賢,就打去問佢係唔係
佢話比人影到個樣好瘀,我覺得都唔係丫~
好似咁多年黎我都係第一次打比佢...
成日都係佢打黎既~
通常test之前果日或者考試期間每一日佢都會打黎問我點溫
一路講到去復課既問題
我話:如果今日有上堂就好嘍~
佢話:點解呀?
我:如果今日照常上堂,就一定有maths test
佢都覺得咁樣勁多人會肥,就超正(我都係咁諗...^^)
佢又話呢個假期比勁多人問maths
我又提到自己相同既問題勒
我,李俊賢,發仔 三個小學時已經係班裡面數學最強既三人
次次朝早返學校訓練數字推理,做完後老師就叫我地三個去教人地唔識既題目
我次次都比人捉左去d專整古我既女仔度- -
講講下呢個假期又真係好多人問我數喎...變態架>.<
我就睇番自己日記(今日第一次寫既時候有提到邊d人問過我數)
以下只係我記得佢有既,唔係全部
真係唔識做問我既有豬,蔡ming,余詠芝,毛毛,早餐同埋今日問我既牛牛 <-我有教
做完check答案既有ck,彭狗,拉登,機機 <-有話佢地知
hi完再問所以我唔答既有菇(佢冇講過hi做乜,睇佢九成都係啦),呂 <-我冇教佢地
魚就係成張都懶得做直接問晒d答案 <-一場朋友,話晒佢知又如何!
斃!諗起早餐問我果次有hi過我架喎...教左佢添=.=
話過唔幫d hi完再問野既人架! <-引申為對我有請求者請第一句就道出自己的來意,否則不接受

>>April 27, 2003 at 1:55:30 AM GMT+8

2003 年 4 月 20 日 星期日 【晴】

今日上晝冇野做~ho
下晝就出左去買printer
因為我平時都唔多印野
所以就買左部性能冇咁勁既
費事佢會塞左個頭@@
呢部printer輕過舊果部好多呢
上次拎部舊既出去比人整果時搞到雙手軟左兩日><
返到屋企就第一時間駁落部機度嘍~
中間出過几次問題
成日搞到mouse或者keyboard條線甩左
煩左一輪終於搞掂啦 ^^
ジーク．ジオン！<-又是自護軍萬歲的口頭禪@@
print左學校網果兩張肺炎既form
同埋自己既閱讀報告
好變態呀我個閱讀報告...
兩頁寫內容,一頁寫感想
同coco chat左一陣
話將自己o係mud裡面放棄左果隻account比左佢
佢話要幫我練...好啦~幫我練就唔比你丫!!!
下晝check email,豬forward左個email黎
話麥當勞d茄汁係有個label既,由A1,A2至A12
數字越大表示越酸~
弟弟看到呢封email,就搵左自己o係M記撻番黎既茄汁
見到寫住A6...但我地都冇試味@@
聽日返學啦~好野~^^

>>April 21, 2003 at 10:39:56 AM GMT+8

2003 年 4 月 19 日 星期六 【晴】

今日好~熱呀!
朝早上左去wonderland論壇睇趣怪貼圖區有d乜新圖
有几張無間道既劇照,d對白比人改晒
d圖原本既故事內容係:
-劉德華同梁朝偉o係大廈天台商量恢復梁朝偉警察身分既事
-黃秋生同梁朝偉見面問佢刺探到d咩情報
-余文樂比人踢出警校
全部對白變晒肺炎版~XD
玩左一陣 "特訓!"
今次最新紀錄係24. xxx秒~yeah!
好悶呀...
放長假最尾果几日我一定係咁既>.<
我做好晒d功課冇野做
其他人反而忙緊功課唔得閒上網
改左自己about,加左最尾一段野
話自己唔玩mud,但豹教左我一個道理
"要懂得走快路的才是聰明人"
識做到呢樣既話,你就玩乜online game都會成為王者呀!
橫掂你係玩遊戲,做下犯規既野都冇所謂啦
出黎社會做野就話一定要依正路je~
玩遊戲駛乜咁認真?好似傻瓜coco咁有乜野bug都唔用
甚至我比一d有用既物品比佢(唔係bug)都唔肯要
豬問我佢塊板出現果個hhhhhrzooo係邊個
我藉口唔想比其他人知就唔講:P
最後...我比佢呃左,講左比佢知-.-
豬問我佢塊板果個"神秘人"係邊個
我鬼知咩?!
得閒冇野做,我就認左係自己post既
豬果然係一隻豬,竟然信左我喎~我同果個怪匿名人係唔同ip架嘛
開dannydummy入去mud整蠱coco一輪
有個人問問題,我答左佢
coco即刻搵到藉口叫我返去玩
話我係百科全書,唔可以走-.-
我咁記得mud入面d野,真係一件好醜既事
(學小傑隻大豬頭話齋,係我既"齒肉"@@)
事緣我超熟mud裡面既物品點拿,一個地方點去等等...
但係讀書既野就成日記唔到,背書都背得好辛苦-.-
諗諗下真係非常之唔妥當,唔玩mud既想法更加堅決
coco...再勸我練番danny我就入去殺你,哼!
一係就搵你練我既內力 :)

>>April 20, 2003 at 11:43:30 AM GMT+8

2003 年 4 月 18 日 星期五 【晴】

朝早完全係無聊既半日~
玩左一陣戰機特訓隻game
創出23.9xx秒既新紀錄...
有icq既朋友可以去我shared file dl果個程式
冇既可以叫我email比你都得
超難玩...coco話佢可以過到3x秒...咩人黎架-.-
咁勁既=.=.....*bite co
呀唔係,bite是他的專利~@@
食人族的傳人co@@
其實話佢咬人族比較合理~XD
點解阿媽成日提起陳欣欣架- -?
我唔練琴或者彈好短時間阿媽就經常話
"你睇下人地欣欣每日都自動自覺彈琴,從來唔駛人叫,仲彈成個鐘咁耐"
表姐教我琴教得辛苦 <-因為我本身學琴既原因
媽就話表姐教佢教得好開心,次次都想教多佢几首歌至走
我讀書懶阿媽又走去提起佢好勤力唔似我咁
甚至阿媽想玩d咩街坊搞既活動,問我去唔去果時都要話佢會去,想說服我去
阿媽咁樣唔係好妥o者...係唔係都提起佢
我已經成日同阿媽話唔好係唔係都搵佢出黎講喇喎\_/
我以後一定要積極d,屋企電話一響就聽
聽到欣媽打黎既時候就係唔係都話我媽出左去
等佢地冇得"交流"咁多廢話...嘿嘿:)
(我應該多謝欣欣冇將我o係學校做既野話比佢媽知,如果唔係我媽間接知道我就死)
阿媽同我話過停課呢段日子有得上網問功課,叫我有乜唔識就去問
但係我開icq都係人地問我功課既多,我問人既少
ignore毛韋淇!!!

我一日日記分n次寫大家都知啦,
寫完第一次之後就發生以下既對話
媽:"家蔚呀,真係冇見你溫書架喎,你睇下人地欣欣几勤力,西史有野唔明就成日羅本書出黎諗"
我:"點解你成日提起欣欣既o者?"
媽:"你兩個同一間學校架嘛"
我:"同一間學校既學生就一樣咁勤力同一樣咁叻架喇?"
媽:"哈~梗係啦"
我:"既然係一樣咁叻,咁點解我中二讀果d野o係上堂既時候聽老師講就明晒,佢又唔明?"
唉...比佢激死 - -
我個friend test都係時候執笠架啦...
整出黎之後頭果几日就好多人去,之後就完全冇晒人...
最後既結果(滿分100)top 10入面最高分係蔡ming 90分(勁!...但可惜佢錯左好易答中既一題@@)
三個第二名豬,曉,拉登 80分,
九個第五名(同一個人用唔同名當佢一個人)瑋,機機,fanny,禮,釗,菇,不知名,寶雯,chel 70分
http://ngkawai.friendtest.com 永別了!

>>April 19, 2003 at 12:06:31 PM GMT+8

2003 年 4 月 17 日 星期四 【陰】

今日玩左好多野呀^^
冇玩mud之後去睇好多人地forward比我既網址...等等
玩左兩個IQ test...(汗)
拉登早排比我果個係全面測試~文字,語言,推理,哲理等都有
我拿到126分~
網址http://www.emode.com/tests/uiq/
虎比我果個係推理既較多,同埋d記億題呀咁
我152分^^
coco話佢18x-.-........原來因為佢之前玩過
我第二次玩係202(第二次玩梗係啦!第一次先作得準架...)
虎果個既網址http://cs-logo.51.net/training/unique_iq_tests.swf
大家都可以去玩下喔~
又睇到一個測試你反應速度
話開始之後佢會隨時變底色,
要你o係見到底色變左既時候禁一個掣
睇變色同禁掣之間相差几多時間(如果你係專心去玩應該係0.5以下既~)
計我正常禁既話,最快係0.05秒^^
唔正常禁(撞彩中左)既就係0秒~XD
我應該點計平均反應速度呢?
mean(算術平均),median(中位數),mode(眾數)...mode係0.22
頭兩項冇得計所以唔理喇,平均速度係0.22啦^^
咁多隻色入面,我禁燈色係最慢,紫色最快~
(乜反應同顏色真係有關架咩...?@@)
又搵到一篇野寫一個瘋狂高達迷會做既60樣野...痴線ga
比其中我覺得最抵死果個大家睇啦~
>你開始把自己的車子、電腦等塗上紅色，並一廂情願地以為它們比沒塗色的快三倍
呢個既解釋係因為機動戰士0079入面
主角阿寶既宿敵馬沙用過一部"馬沙專用渣古"
其他既係綠色,佢果部係紅色,紅色既引擎速度比普通渣古既引擎快三倍
如果係有得油紅色快三倍就好嘍~
你睇我會唔會打開自己部電腦主機油紅晒隻cpu? :P
呢個理論或者可以証明到流血流到成身都係既人既能力係比普通人強好多~XD
佢之後果行變態(其實唔變態)舉動其實都係補充"乜野都油紅色"既:
>在你趕時間的時候,你會較喜歡截紅色的計程車 <-正常丫係咪?
周sir打電話比全班既同學
叫我地填好學校網果兩張form帶返學校
仲有22號一定要戴口罩...
終於決定左果日唔上堂喇...嗚>.<
本來係一返學第一日就有maths test架嘛~
咁我果日咪會好好玩囉~眾人皆碎我獨醒...
唔制丫~~~~~~~

>>July 30, 2004 at 9:41:53 AM GMT+8

2003 年 4 月 16 日 星期三 【晴】

尋晚虎同豹同我話有wiz已經發現左我地用waist存npc
我就想去restore佢出黎,點知wiz已經一早set左陷阱
一野扣左我10% exp兼沒收左waist...>.<
online game如逆水行舟,不進則退架嘛
所以我就決定唔玩嚕~(大概拉登見到話我係明智既抉擇掛~)
我走之前就提議左wiz整埋
store task要受到同store npc一樣既懲罰...grin
下定決心唔玩mud,咁我第日得閒玩咩好?
上學期既經驗話我知我其實可以臭串d,
之前就係打mud大過天~
而家...專心讀書試下自己既max power?
(其實我一定要努力,因為選科時人人既力量都會升到去max...)
但係我小學到而家都未試過無端端拿本書出黎溫喎
(test前夕或者考試前既禮拜六日例外)
迷惘之際諗起有中文bk report,就開工做埋佢嚕~^^
o係人地個網度抄左一大段野落去自己個bk report度
(其實正常既老師一睇都知我冇咁好文采寫d咁正既野@@)
呢兩年真係要多謝提供資料比我抄閱讀報告果個網喇XDDD
中二兩個中三兩個,全部都o係佢度抄
中二其中一次因為自己寫既野多d所以低分(我都好廢je...)
比大家睇下我今次個閱讀報告既字數
內容簡介(字數要求係150至200)我寫左23xx...
讀後感(評論小說的故事內容,人物描寫,文字語言,字數400至450)我寫到7xx接近800...
全部超過晒要求
仲要比起佢所估計既多咁多...自己太恐怖啦.......................!!!

>>April 18, 2003 at 10:55:08 AM GMT+8

2003 年 4 月 15 日 星期二 【晴】

今日有食神~^^
朝早阿媽煲左湯圓
好野~!d湯圓好好食架嘛
*lick ~(死勒!學左pig coco既 "空格 + 蛇" 添 ~XD)
個mud仍然係狂斷線...
好彩我諗到點改斷線影響之下既飛仙robot o者~
阿媽搵到張pizza hut既coupon
所以今日晏晝食pizza~^^(所以我話今日有食神囉~)
阿媽問我同弟弟想個餐加d咩野食好
飯/意粉/雞翼,弟弟話食雞翼,我話食肉醬意粉
結果阿媽嗌左肉醬意粉~yeah~ <-結果成兜意粉都係我食晒~hoho^^
食完pizza,毛毛打左個電話黎
話叫我icq add佢,要問我數
@@...quadratic graph果張野...可惡丫>.<
婆婆話樓下個閘門貼左張紙,今朝都冇
嘩!我冇出街,佢唔提起我都唔知呢
(雖然佢都係睇我屋企電視set左既"閉路電視"果台先知~@@)
6點几新聞講左停課新安排
中三或以上學生照舊22號復課~yeah^^
中二或以下學生28號...
斃!弟弟一定趁我返左學搞部電腦
雖然我lock左password o者,
咁佢開機就一定會撞唔中pw就熄機,勁傷機丫!
一係佢可能一早已經知我set既password
login入去上網之類,佢d電腦又勁爆
唔識用電腦搞到成日整hang機
又去我入開果個forum度亂打野比人禁言...
余詠芝之後問我有冇停課既新安排
chat一陣就講到去學校既功課同test
佢話"你就好啦,maths不用溫了"
諗起maths test就想喊啦...
我係唔駛為自己溫書,但係要幫人溫...><
佢仲問我"誰咁好彩?"我諗係大家都好好彩- -
有個唔係好識拒絕人既danny肯教人...- -
全日都煩緊個中文bk report...內容簡介我就寫好喇~>.<~ 感動
因為果個網淨講故事既野都足有成2k至3k字
我要慢慢撮寫,尋晚做左20%...
而家我寫日記既時間係8點半,完成度80%...
到感想果part就容易嘍~一早就度定點寫
聽日一定可以完成!^^

>>April 16, 2003 at 1:22:57 PM GMT+8

2003 年 4 月 14 日 星期一 【晴】

今日差d唔記得寫日記添~@@
今朝肥龍同chel玩forward地球
超重火藥味...近排鍾意左搞破壞既我就去整下佢兩個勒~:P
o係豬板打過d野黎整早餐post果堆野
跟住連自己都覺得講d咁既野好唔妥
就冇post出去啦~
個mud下晝開始唔知做乜事,
每過一段時間就斷線,所以唔開robot嚕(少有^^)
魚打黎同我拗maths quiz第五題既答案,話我計錯
我解完比佢聽又唔信,佢話問豬計到几多
豬計到既同我一樣,魚仲係死都唔肯信#@*&$^!&@&%#&@^@
魚又話我同豬果日買joey隻碟唔嗌埋佢去
喂臭魚~買碟果日要返學個喎,你冇理由唔知果日出碟格
到6點几彭狗問左我几題數
佢果然o係度勁努力緊...!!!
諗下自己一路咁懶散...
初時我計果3題個腦都係實左
發覺自己冇左平時應有既水準...斃!
仲諗住靠maths test刺激自己回復狀態?盞死快d就真丫!
到夜晚我覺得mud應該reboot左
就連入去睇,點知都係狂斷...=.=
所以只好做功課啦~
RE worksheet終於比我搞掂左~(汗!)
寫閱讀後告嘍~
我o係內容簡介度將成本書既故事撮寫落去
但撮寫得五分一既故事已經成三四百字...
都係唔寫流水帳好d~^^

>>April 16, 2003 at 8:18:45 AM GMT+8

2003 年 4 月 13 日 星期日 【晴】

shit!禁錯esc掣冇晒d日記>.<
睇黎我下次要o係notepad度打完至paste上黎...
今朝一早起身,提唔起精神做RE worksheet
所以我就開機打mud先~ <-呢個動作我完全唔駛考慮ga~yeah! :P
弟弟去買麥當勞早餐,返左黎阿媽叫佢將舊薯餅分一半比我食^^
巡板~見到魚扮符公post左個留言
話maths test將會係22/4,好野!!!
第一日復課就整d咁既野比我地歎~
到時一定勁多人人變晒弱氣,我就強氣或超強氣...hoho^^
G-gen的士兵精神狀態,由弱到強是 混亂 弱氣 普通 強氣 超強氣
跟住見到有人post左一大堆乜野廢話
諗下點搞亂檔先~曲解佢d野既意思
見到有個網首bg sound几好聽,我就惡搞post去豬板
比佢發現左...=.=
我又想upload macross7果首seventh moon去yahoo度做自己塊板既bg music
搞唔掂呀...geocities唔支援外貼...聽唔到首歌>.<
mud裡面feixian-sword到左36x啦嘛,
聽lh佢地講辟邪劍,我又多事想去做日月神教job
做做下中左bug,個charactor壞左
好彩reboot之後someone幫我整番咋^^"
爸叫我去睇運輸署d咩野排期...
佢講得唔清楚,我自己search又廢,所以搵唔到野...
咦?今日終於可以做番edit diary啦?@@

>>April 14, 2003 at 1:38:37 PM GMT+8