2003 年 5 月 27 日 星期二 【晴】

今朝返學...
入到課室坐o係自己個位先醒起自己o係返學途中已經將個口罩放左入衫袋度冇戴o係口度
點解校門冇人發現既?XD
聽日再試下得唔得先@@
再遲d可能唔駛帶("帶"唔同"戴"呀~)口罩返學

中文堂周sir派左張訂暑期作業既通告黎
今年中文唔會比一本練習我地做,
話暑期功課容後宣佈
嘿嘿!我足有一年冇用過既技能呀!
商務從此又要多兩本冇左答案既暑期作業嘍^^
擔心緊一樣野:如果兩本野既答案都釘裝得唔係咁易搣出黎既話...
如果我偷到就放入icq shared file比大家單撈呀o下~
虧商務係一間咁大既書店,防盜措施竟然做得咁差 <-係我勁掛~ :P

錢偉賢話今日music堂我地唔駛帶書都得
因為今日佢,禮,臻,鍾家瑋 四個做分享
他們是哪門子的夾band丫?
二胡(臻)+小提琴(禮)+笛(賢)+鋼琴(瑋)@@"
但佢地失策,最後仲有10 min左右既時間剩番比芸芸講書XDD

乜今日學科測驗要帶headset架?!
全班足有8個冇帶(當然有我份吧)
唐太勁嬲...鬧左我地班一輪

唉...maths我真係寧願佢有多兩課複雜d既數要人計咯
整d乜野統計圖,問你幅圖有冇誤導人
呢家野我最弱架嘛><

學科測驗要留低考,
lunch果陣我見到欣欣,問佢借headset
佢話我已經係第n個人問佢@@"

乜話?比成個鐘時間我地做卷?!
教署視我等皆為太極高手乎?
我30分鐘都做晒喇喎
睇下周圍d人都好多停左筆啦
剩番成半粒鐘,訓又訓唔著...><
listening每段播一次就真係唔夠,應該播番兩次:P

拿左中文書同習作出黎又冇心機做喎- -
英文bk report,concert report,中文作文
全部都咁難做,我又偷懶掛住打機>.<

打緊機果陣突然有一股熱流湧上我既口腔!
嘔晒d飲左落肚冇耐既湯出黎
舊病復發...>__________________<

tvb 8/6 9:55am播高達w永不完的華爾茲呀~
死人無記扮咩大牌呀?
大把人一早睇過vcd或者電腦版喇!
佢仲要將一套華爾茲分兩個禮拜黎播-.-

>>May 28, 2003 at 2:47:48 PM GMT+8

2003 年 5 月 26 日 星期一 【晴】

今朝一出門落左 車立 先發現自己唔記得戴口罩
返上屋企拿囉~
咁就遲左好多至返到學校
兩堂civic大部分時間用黎講d同學既新聞報告,
用得5分鐘黎教書...超型! <-用5分鐘係徐sir一貫既作風@@

中文又比左几樣功課...
難得比我喘息既機會都冇埋
今次唔駛計olympic d數咯><
但係又唔可以放棄任何一次功課既答案架嘛!

臨落堂同阿曉話:你估周sir派中文test會唔會自稱"好几次都拎左上黎冇時間派"丫拿?
曉話:其實佢未改好~
點知周sir就講就派咯
哇塞!測驗的時候我究竟在干什么?!?!
29.5/50...真是太高估自己了
豬49分...怪物來的-.-""

小息早餐走左過黎我地課室
見佢手上拎住張紙,上面好似寫左若干條數
我就過去睇下...佢比張野我睇,問我識唔識
我:驟眼睇應該識計大半啦...
佢:你去死啦
喂喂...那些東東比olympic容易很多的說...

maths堂又問蔡ming拿糖食~XDDD
見到蔡ming拿左d geog既野出黎做
我又跟住拎出黎做...好麻煩呀d geog!
佢做完就問禮借左副蘋果棋同我玩
有兩步佢行錯左比我食到角位
試過几次唔知有冇比符sir發現到
不過我同蔡ming都冇比佢捉到
放左副棋o係櫃筒,聽朝再捉過先 :)

英文作文好難寫丫><

>>May 27, 2003 at 9:52:50 AM GMT+8

2003 年 5 月 25 日 星期日 【晴】

第一堂maths,
蔡ming帶左糖返黎食
請左我食兩粒
呵~終於搵到戴口罩既好處啦XDDD

IS堂沈皓婷問我今日係咪發叔生日,
我至醒起有呢件事
尋日我記得架!不過今朝就冇左件事@@

PE堂要我地做完熱身之後逐分鐘量脈搏
我一嘔都唔係好feel到脈搏o係隻手既邊度
所以多數紀錄都係老作:P
一里跑同發一組,我跑第二個round
8分6秒...包尾呀><
不過第一round有几個人9分几仲慢過我好多

放左學成大隊人一齊行,
我,毛韋淇,拉登,禮,ck,魚,發叔 <-佢今日係主角^^
禮行到自己屋企樓下就走左,毛韋淇又係
剩番几個人買左隻新online game既碟送比發
他玩真多game呢...

好鍾意關心妍果首《我太強》^^

>>May 26, 2003 at 10:17:05 AM GMT+8

2003 年 5 月 24 日 星期六 【晴】

尋晚到今朝一路訓唔著
訓得果三四個鐘...>_<
都唔知自己果陣個腦諗緊d乜
訓唔著既關係,7點就起身兼開機
check email見到阿曉叫我幫佢print CL既powerpoint
就幫佢印啦,反正自己都要
但係印果時搞錯左好多野@@"
真係冇用,咁小事都做唔好=.=
做olympic功課時發現自己原本識果10題有一題既解題方法有問題
都係淨識9題><
魚同釗11點無無聊聊咁黎左我度做history
但搞左成朝,都係玩多過做野...:P
學olympic又掛住追題目搞到差少少跟唔切後面果d...><
哇!原來做得功課少阿sir都唔會比答案我地架!
好彩我都做得夠數:P
走果陣落好大雨...=.=
好彩唔知几耐之前塞左把傘落背囊度^________^v
o係返屋企架巴士度猛諗d數
淨諗得明2題...><
今次一共27題架!
返到屋企即刻就食飯
11點几至沖涼,成晚o係度計數-________-

>>May 26, 2003 at 6:40:10 AM GMT+8

2003 年 5 月 23 日 星期五 【晴】

今朝做功課
有d諗住到果日問人抄就唔做
阿媽話表姐今日黎教琴...
可惡呀呀呀呀!!!!!!!
遲唔黎早唔黎係要而家要做history proj先黎-.-
媽仲話:非典型到而家你有几耐冇學過琴呀

做左几樣功課,就開始做concert report啦
果陣媽唔o係屋企,我打緊份野既時候表姐打電話黎,
話佢o係我屋企對面,果時落緊雨過唔到黎
叫我拿把傘落去比佢

返到屋企就見到阿媽已經返左黎
我走返入房一路打concert report就逃過一劫...唔駛學琴@@
不過我而家又覺得頭先應該學勒
因為我練琴連續兩個几月都係練緊同一首歌=_____________=""

下晝做history啦~同魚o係icq傾
唔知佢做左d乜出黎,我係負責翻譯既@@"
跟住就冇晒佢既消息... :P

o係wonderland搵到篇野話以姓名筆劃數
判別自己同對方既關係
就貼左去豬塊板 <-我專搵d麻煩/搞亂檔 等等既野去post架XD
人地原本係用大雄同叮噹做例子,
我就改左係禮同豬既...XDDD
揚揚話同我試左一個人係相差2(水火不相容)
我試過自己同禮都係2架,不過佢又話唔係禮=.=

做左一個concert report,剩一個!
遲d問人借份講得詳細既場刊抄先~
咁我就可以搞掂埋下一個勒^______________^v
做左咁大既功課,就玩α黎獎勵一下自己啦^^
原來媽今朝煲左紅豆沙放入雪櫃,
下晝問我食唔食,咁我梗係食啦^^
好食呀~

夜晚打左一關α,過左eva既ending果關囉
d量產機好廢...唯一勁既係多血@@
用魂(三倍攻)的最強攻擊都打佢唔死=.=

豹豹睇左我日記icq同我chat,
話f.4-5既amaths聽唔聽書都冇乜分別
識就識,唔識就唔識,係睇學生有冇天份既時候
哇...好驚勒><
我真係驚...因為我而家中三textbook都有d數唔識計
到左中四隨時係比人地amath壓番低
死咯...
希望olympic補得番啦~

豹叫我日記唔好寫太長,揀d重要既寫就得
如果唔係第日習慣左寫多字,o係學校作文就弊
因為公開試作太長篇文會扣分
我仲以為係好似我學校咁淨係得太少字扣分添...@@"

>>May 25, 2003 at 5:37:01 AM GMT+8

2003 年 5 月 22 日 星期四 【晴】

今朝返學見到宋永平,就同佢一齊行
跟住o係就到學校既斑馬線度見到埋ck
我問宋永平:等唔等埋ck?
宋永平話:梗係等佢啦
去到北京桌球城出面,
我見到co踩住單車衝左過去
好快喔...我第一次試過返學見到佢,
到而家都係得兩次可以追到佢架單車咋@@
行到上斜路果度,我就走上去
扮要打佢一巴既樣~XDDD
冇打落去,跟住佢就見到我勒

上到課室,我見到早餐拿住DT果塊底板o係阿曉側邊講緊野
我入左去就拿隻vb碟比曉,
跟住睇早餐塊木板
好滑呢~佢話用1200砂紙磨過
佢走之前話佢班16人中文test唔合格,佢合格
咦?咁講法佢咪應該係arm arm好合格25分?
我就問佢係唔係,佢話唔係
咁唔通50分滿分佢拿24.5? XDDD
學校o係處理成績既時候,小數既分會四捨五入左至計入formula
所以比一半分數差0.5都係合格
見蔡ming返左黎,我就比自己本阿西文佢抄
點知佢話冇帶自己果本...=.=

geo堂完左之後,我問阿曉暫時有乜功課定左几時要交
我一數下有几多樣,哇!!!唔計history proj都9樣喇
仲有olympic果20題...><

因為我見到coco佢地班之前出左去
就諗住第一個小息等佢行過我地課室後門既時候閃出去偷襲佢^^
不過佢冇經過,o係正門嗌我,問我借physics書
我今日都冇堂,梗係冇帶啦! 抵死co :)
之後早餐又拿住自己塊木板黎左我地課室
我今次拿自己放o係櫃筒果塊同佢比較下...
哇...咩人黎架?!磨左3次砂紙都冇磨蝕到塊板?!
(我諗佢用1200之前應該用過100同400黎磨塊板)
我話佢冇磨蝕到塊板,佢就猛話自己好野-.-
我話:我去叫coco幫手(事後反省應該話幫口)咬你塊板一啖先~
早餐:佢咬到先算啦~ <-co!見字即刻郁口!!!不過唔知你知唔知"早餐"係邊個呢?^^
唔記得左同佢講魚淨係用過100同400砂紙呀...
魚磨出黎塊板同早餐果塊差唔多滑架 <-早餐你還說自己強咧 :P
比我就冇佢咁得閒將塊板磨到咁耐喇@@

英文教if (subject) (past tense)既sentence structure
比左d想像既處境我地諗會點做
好多個我都有好肯定既答案
不過全部都係表現出自己性格既陰暗一面-______________-"
跟住唐太比我地抽case,
跟住派紙比我地寫遇到果個case會點樣
我抽到既係...o係一個好重要既考試裡面自己唔識答好多題,作弊又唔會比人發現
廢話!我諗只得5至10%既人會做老實人呀!
不過唔好意思,我係90至95%果堆人
阿曉同蔡ming抽到"可以用縮短5年生命既代價換取極吸引人既外表"
佢地都係以生命為重
我好似向阿曉灌輸左d "走捷徑"既所謂大道理...XD

mus又派左三張新notes同講左几時考試
唉...我諗今次我拿到70分都夠咯

最尾班主任堂落去hall聽選科講座
我其實駛乜聽佢講丫
而家我如果要肯定入到就揀b
想挑戰自己就a...
因為a班多數都應該係考試頭50名既人
top 20起碼有16個會升a
我上次考28,而家擔心olympic同d project分影響今次成績
我今年果几個proj都唔會好得去邊架嘛...><
我地o係music room直接落去,中間冇排過隊
所以坐位既次序都亂晒
我坐chel同蔡ming中間
老師派左兩張3頁既工作紙,
第一張第一頁係比12個影響選科既原囚
問你邊d合理邊d唔合理
其中有几個我特別記得:
想同好朋友升同一班 <-我考慮過為左同一個人一班而揀b...豬同我話果個人冇可能升b,但係而家我又為左另一個理由考慮b
物理科既老師好幽默風趣 <-同現實吻合...徐sir係教physics,又真係幽默風趣^______________^
同學經常向我請教某個科目的問題 <-無謂多講啦,豬就係為左咁,想我同佢升同一班-__________-
蔡ming問我如果想升b班要第几名,
我話我覺得要85之前先入到b班,85-90就可以搏下
落堂之後同豬話我因為返olympic可能會拖低成績,令我未必入到a班
不過一直好著緊我揀唔揀a既豬又好似冇乜所謂咁既樣
哈~咁就好咯^^

上課室途中我同臻講下自己考慮既野
佢話:揀b好~同我一班
同豬一樣為左一己私利...-.-""""""""""

放學返屋企果陣我去左大埔中心同大埔廣場几間碟鋪
睇下瑞興既macross7鐵盒裝有冇降價,
或者有冇邊一間有賣正版既m7價錢又平過瑞興既
結果係...同我停課果時去睇過既價錢一樣,$168一盒,其餘几間都冇m7全套賣
我諗要到form 4果時至買到啦...><
以前小五升小六暑假睇過,tvb整左個超廢(以前唔覺,而家覺得)既譯名"新世紀超時空要塞"
其實tvb直接叫佢做超時空要塞7唔好咩?
macross即係一條輝做男主角果套超時空要塞,故事入面既歷史同m7有間架!
而家無線播既機械人片(又適合我呢個年齡睇既)真係買少見少喇
我小學果時佢播高達w,m7
小學生完全睇唔明,比較arm中學生睇既野
而家我讀緊中學又淨係播d搵個10歲左右女仔做主角既低b野...-.-
多數卡通既標題又譯得唔好,完全係翻譯者自己作野
(事例:我o係某forum見過有人鬧tvb時話小櫻唔識變身,tvb都硬要用"百變小櫻"比佢做標題-.-)
配音又唔掂,同日本d原作差得遠丫!!!
m7又淨係重播左一次喎,高達w都有至少2次啦~
我記得近兩年既暑假都冇播高達同macross系列
最近播過既都只係唔記得上年12月定係今年1,2月播完既08小隊,全套得果12集
再早有我form 2下學期見過既0083星塵回憶
tvb又衰格喎,播親都係得果十零集既片,
几時到turn a同gundam seed丫...><
好心tvb就買d可以星期一至五下晝播既卡通版權啦
哈~去瑞興睇碟講左去tvb動畫政策添XDDD

返到屋企,同一個細路搭同一架lip
佢住3樓,就多手禁埋4樓個掣
當係我既報應啦,我日日叔屋企都會禁埋最頂層個掣,
跟住出lip既時候禁佢閂門掣,等佢飛上頂層

好野~阿媽今日煮左用青椒包住d鯪魚肉果味"食送",好味呀!^^
我同媽講左今日個講座既事同埋自己考慮緊好唔好揀b
佢話唔可以因為a班太多人成績好過自己而揀b,
應該同d勁過自己既人競爭先有進步
我都覺得有道理,而且我覺得a班裡面都唔會有太多人可以o係maths,amaths同我抗衡 (熱血~)
解決左一件心事啦~^^

下晝同自己個書包清過倉...
將d冇用既紙扔晒~

弟弟學校既陳老師(我小五小六既班主任也~)打黎
話弟弟o係學校比d鐵枝吉到入肉
真百厭...玩都玩得小心d啦-.-
陳老師問我媽既電話,打比佢問阿媽駛唔駛即刻去接佢走
好彩我唔去接佢XD
如果唔係佢就唔駛上最尾果兩堂咯~@@"

>>May 23, 2003 at 1:31:42 PM GMT+8

2003 年 5 月 21 日 星期三 【晴】

一個cycle 6日我最鍾意就係day 5喇~^^
今日日記我有太多野要詳細寫,
所以大家想睇晒既話要預左睇好耐^^
唔記得今日邊一次轉堂既時間 <-所以寫o係第一堂之前XDDD
宋永平走左去臻臻隔離個位坐
問個位邊個既,一知道係pel pel既位即刻彈起身想走
臻臻即刻禁番佢坐低,我見到就笑爆^_________________^ ~
is堂徐sir又唔記得左自己教到邊
有同學提番佢至知
跟住講書啦,講講下又吹水吹到好遠
又話有個科學家係完全冇受過正規學校教育
如果佢遲出世100年既話就唔止拿一次諾貝爾獎
乜徐sir講d科學家點偉大通常都係用諾貝爾黎衡量既?@@"
CL堂一入去就要我地放隻手o係個自動"揀"液機度
拿d"揀"液洗下隻手 <-電腦冇果個字,番"揀"(soap)個"揀"呀
教署會唔會:"太極"左d呢?
而家沙s既疫情已經唔係咁嚴重喇喎
我記得上個cycle老師都冇叫我地搽"揀"液
派左上次果份quiz
我第一題就錯左>< 不過就淨係錯果題...XD
豬錯左一題就嗌生嗌死 <-可~惡~呀!!!-.-
對卷果陣黃sir見到宋永平同ck傾計(兩個ck 黃~XD)
老師果個ck問同學果個ck:介唔介意
原來同學個ck同宋永平係話緊兩個人筆袋同一個款
ck sir就收左兩個既筆袋,話自己對佢地既筆袋都好有興趣^^
其實係收番去防止兩個再傾筆袋既野
佢話有個唔知好消息定壞消息要同我地講
我記得李俊賢同我講過原本有既access pratical test會取消,
就諗黃sir就係講呢件事,果然係呀!
佢講完後問我地:good news or bad news?
我話bad,佢就指下我,同全班話:呢個話bad news喎
跟住黃sir講左句好中肯既說話:"for some of u,
it may be a bad news because u will lose a chance to get high marks in the practical test"
嗚...全中呀! ><
講左考試範圍,話vb一定考,實有佔約20分既一條long ques
爽!至鍾意就係d好多人搞唔掂我又掂既野呀^^
咪話我串...因為我好多科分數都同大部分人差唔多
所以一定要靠d人地唔識既野幫自己拉高分數
跟住就講access咯,差唔多夠鐘時佢解釋比我地聽byte同integer既記錄方法
佢話想知integer有几多個數就自己計番2^16係几多,我即刻嗌左65536出黎 <- :P
豬又問我野,要確定一下bit同byte係咩黎
這就是"聰明反比聰明誤"了嗎?! ><
CL遲d要補課><
因為教唔切書...
第一個小息完左之後阿曉問我借vb隻碟
我話:你記得要提我聽日帶喎(阿曉你唔駛提我喇,我放左落書包)
仲有邊個想借vb碟就話我知啦
到中文堂冇野好寫 <-狂抄notes...
蔡ming帶左包零食諗住maths堂既時候食
嘿...咀嚼既動作可以比口罩遮晒!
佢比左一粒我,我食左
一陣間佢又比一粒我,賢,臻,魚都見到就問佢要
除左魚之外一人比左一粒 <-多謝蔡ming!^^
我食第二粒果陣戇居左,
好似冇戴口罩咁食,跟住先發覺有個口罩o係度
第二個小息完全溫英文dict!
英文堂dict之後唐太又隨機分比人改
臻拿到3本...好厲害!@@
其中一本係豬既,佢睇過3本既名就話:梗係揀朱嘉文果本啦!
我改小馮,剩番魚果兩張紙(佢冇帶默書簿)比番魚
羅話佢改我果本,94分
跟住落左堂去DT室途中我問番羅我錯左邊
DT堂...又要洗手"揀"液呀?
搵彪叔界好左塊柚木板(真係要唔該彪叔呀~幫晒所有同學界木板^^),又拿左水松
我拿d柚木板磨砂紙既時候,後面宋永平同鍾家瑋一路傾計同唱歌
佢地唱下一站天后既時候好想叫佢地收聲-.-
不過我又知道叫佢地唔好唱呢首歌佢地只會唱更大聲
宋永平講錯左一句野,翠姐就打左佢一下
跟住李曉杰又打,豬又唔執書
宋永平話:做乜咁多人打我既?
鍾家瑋話:你非洲和尚囉
聽到"非洲和尚"呢句,我又乘機打佢一野,當係因為佢唱錯歌啦~XDDD
我諗下堂就交得個記事板喇^^
大部分既部件都完成,淨係未砌好
落堂時我問apple我塊板夠唔夠滑,佢話唔夠,
我摸落都覺得好"鞋",知係d擦膠碎作怪,就抹甩晒佢再問apple
放學後有數學學會活動,我就同釗一齊食晏
釗開左一張台,食物部個哥哥(好似有個稱呼比佢,但我唔知:P)先話唔好開...
食完之後我地唔識閂番張台,果個哥哥就黎摺番張台
我同釗都話:哦,原來係咁閂埋張台既~
數學學會d遊戲勁白痴+無聊
唯一可取既就係玩贏晒5個遊戲就可以拿一包朱古力條 <-呢d叫可取...XDDD
出年我一定唔會再參加數學學會呀!-.-
我對手一日用左5次消毒劑...(噴酒精*2+"揀"液*2+釗用酒精果支噴劑整左我一下)
政府d資源拿黎咁o徙法,唔怪得赤字問題咁嚴重=.=
弊喇!!! ><
olympic d功課20題得9題識做,
又冇人可以教到我做唔識果d...
算啦~20題功課交9題都唔算太離譜,
只要我keep番現有水準,考入12強都唔成問題既~^^
夜晚一筒打黎
教左我powerpoint d野
唔該晒一筒呀~^^
佢仲提我聽日帶vb碟
我問佢:阿曉叫你提我?
佢話:係呀
如果仲有人要問我借vb碟既就黎搵我啦~

>>May 23, 2003 at 8:24:36 AM GMT+8

2003 年 5 月 20 日 星期二 【晴】

今朝一早maths堂叫我地玩擲銀計exp.probability
又有兩個梁sir(梁廣煒&梁xx...唔知佢叫乜名:P 總之唔係梁德明啦)
無聊丫丫丫丫丫-______________-
跟住有條問題,符公問有冇人識答
我諗唔到,問阿曉
曉就話左個答案比我知
符接連問左几個人都冇人答得arm
兩位梁sir之前睇過我寫落去既野
其中一個就叫我舉手答,
如果唔係呢一堂既時間會冇晒
但係符叫阿發答就答到咯~^^
art堂丫...完全諗唔到張poster畫乜好-.-
同釗,高軒一路傾計...XD
毛韋淇做宣傳香港果個題目,
畫左d衰野落草犒,老師見到就鬧左佢一輪
到中文堂默書,周sir叫我地搵几個同學派左d簿佢
我正想出去,禮快過我企起身,魚又衝出去
一人派一疊囉~
默完書之後勁悶...-_______________-
RE堂老師黎到之前,禮同臻捉象棋,毛同賢睇住
我扮望一望窗口,同佢地話"芸芸黎左喇"賢中招比我呃左
跟住老師果陣真係黎左,我又講,几個都唔信XD
佢話今堂睇片,我同臻去左lab度搵部電視推入課室
旅途順利~XD
跟住芸芸就繼續講一般人對男女既睇法
佢每講一樣野我都會諗起相應既卡通劇情
e.g.老師話男人唔鍾意同一個女上司合作
我就諗到macross既一條輝同早瀨未沙 <-未沙係輝既直屬上司,後來輝鍾意左未沙
睇孤男寡女,都係似用黎搞笑多過教書^^
落堂後我同賢推番個電視返去lab
中途個電視撞到好多人
几乎每行過一個課室就撞到三四個人@@"

>>May 21, 2003 at 8:31:57 AM GMT+8

2003 年 5 月 19 日 星期一 【晴】

中文test都唔係想像中咁難o者...
不過我記得漏左一個point...
算啦~一個point咪至多扣1分
反正我都冇理由49/50架喇
等我仲死讀爛讀,尋晚11點45分至訓><
mus堂到毛韋淇present
佢播首eminem既歌=.=
瘋的@@
history今堂對卷
我早返到課室,miss wong就叫我派卷...- -
中史派卷! 85.5分...
7分果題long ques得2分><
省份原來我淨係差一個冇寫咋?^^
蔡ming拿到自己朗誦既成績
佢話自己去親朗誦都有78分或以上,但今次失準得番76
maths堂教experimental probability
叫我地擲骰睇下60下每個數字擲到几多下...
毛韋淇成日擲到2,
我,曉,蔡ming都覺得有鬼
跟住我又擲到連續几次都係4 <-強調:我同毛毛都冇造馬!!!
我就諗:粒骰仔係咪識得視乎擲骰既人唔同而出現唔同既數字呢?XDDD
蔡ming問我做左maths阿西文未,
我就拿自己果本想借比佢番去抄 <-常人見到我呢個動作都估到我想點喇掛^^
佢見到我本野就問我借
放學同高廷軒一齊行
o係遠處見到李曉杰同王玲,
我就同高軒提議:拿橡筋射佢地囉?XD
跟住我o係銀包度拿几條比佢,自己手度拿几條
不過都係冇玩~
高軒比番d橡筋我,話:你銀包度塞咁多橡筋做乜?射人呀?
我又唔係用黎射人,收埋咁多橡筋做乜?!@@
olympic d功課我都係勁多唔識丫><
20題得9題諗到
我點同人爭12名代表隊呀?
個個都好努力進步緊,我就原地踏步...
不過到olympic考試果時全部人既學校都考緊試架啦
所以未必個個都勁左 <-偷懶搵藉口...真係唔應該:P
玩機戰α去到"愛．おぼえていますか" <-解"可有記起愛"
果關分兩半黎打,上半係防止敵人走去指定範圍既死守戰
下半既故事話林明美唱左"可有記起愛"呢首歌 <-超好聽!!!^^ 可惜搵唔番佢既mp3><
令d叫做"巨人兵"既敵人戰意全失,同埋有几隻巨人兵投向我方
不過果几部巨人兵既機體係廢既,幫唔幫我只係多隻卒仔少隻卒仔既分別-.-"
敵軍除左主帥氣力係100之外,
士兵氣力全部跌到50
我軍全部人既氣力就去到150
(game既氣力範圍最低50,最高150,係表示駕駛員精神狀態既數值)
乜首歌原來對人體有益,對果d巨人有害架?@@
果...果關...有...有鬼呀!
無論敵我雙方行動既回合都係播果首可有記起愛...
好聽既歌都唔係咁搞係嘛*______________*

>>May 21, 2003 at 7:29:26 AM GMT+8

2003 年 5 月 18 日 星期日 【晴】

胡沅霖,李樂妍,apple覺得自己o係is proj乜都冇做過
佢地見個proj太少野,又少圖
就幫手畫野落去加工^^
嗯...原來要每個人既感想同埋分工表架?!
全部都冇添...
今日有geog堂,我又唔記得帶file...成日都係咁既><
睇住阿曉寫既野我抄囉,唔該晒阿曉呀~^^
civ...miss ma話我果組做得唔好,
全部彈返黎再做過要聽日交...- -
呵~咁我上堂果時補番几句落去囉,
唔記得帶maths書...
符公見到我台面冇書,
就叫我出去寫名落張欠帶物品紀錄表度
我拿枝筆出去,扮下個樣冇寫就走返入去
比符發現左-.-
我寫番就返埋位,見符公走埋陳藝陶個位
原來佢同我衰同一樣野...@@"
返屋企就溫書咯
李俊賢打左兩次電話黎,
佢班原來做左曲三首既習作架!
我地班冇做,我問左佢做既習作問題係問乜
係時候努力囉~
warm book ~
warm book ~

>>May 20, 2003 at 8:08:07 AM GMT+8