2003 年 6 月 16 日 星期一 【晴】

今朝7:15起左身,我仲眼訓想訓多陣...
到醒左,見到鬧鐘係7:20,我就刷牙洗面食野換衫啦
食食下野睇錶(成日形住屋企個個鐘唔準@@)
哇!7:38喇...
唔通我睇到7:20果次睇錯左?!

趕返學校,睇下張體溫記錄表淨係阿媽簽左個名,我冇寫個體溫@@"
咁要去度番個體溫啦...
跟住衝上課室等考

電腦個馬騮miss監考@@
佢講野細聲,坐o係後面既蔡ming同豬聽唔到佢話"wait until the bell ring"...
所以兩個好早就開始寫,比miss見到
我信蔡ming真係因為細聲所以聽唔到!
豬?我覺得佢係豬得滯所以聽到都唔知XDDD

兩個題目
記一次到醫院探病的經過和感受
青少年學習態度之我見
第二個係議論文喎?寫佢啦~
我識寫第二個唔識寫第一個-_________-"
可能因為我唔識寫"感受"啦:P

考完之後我同魚睇住豬,曉等人問徐sir is既野
魚話豬其實間接問緊d試題
等阿sir答晒d野之後,魚就同阿sir話佢咁樣已經講左一半試題出黎
我順口講一句:冇講果一半就係mc同埋填充 XDDD
早餐一樣係聽住豬佢地問野,
我見到早餐就問佢中文d tips啦
佢話佢既老師講過好多野...
有冇搞錯丫 -.-
淨係話講左好多野就乜都唔講 - -

>>June 17, 2003 at 7:23:53 AM GMT+8

2003 年 6 月 15 日 星期日 【陰】

今日考history同CL...
兩份都好易
特別要講係我用番之前講過,
一開考就做晒vb題目拿實佢30分先
d long ques原來全部都係搵d實用既野問你問題...- -
我仲走去背書添><
好彩背得唔熟~XD
CL至少錯一題mc+long ques既一條細題目
聽日考普通話,又係溫半個鐘一定搞得掂@@"

考完試去賢屋企鋤d,
賢開左個電腦成日播歌,
有好多首我都好有feel既,
不過唔想o係佢地面前講自己諗到d乜勒
真係風水呀...
上次o係發屋企玩,賢輸最多,發係咁贏
今次o係賢屋企玩就調番轉,發輸得極多,賢贏得多
臨走之前賢同我話今日去搵civic既新聞資料,點知...

混帳!!!昔日明報而家要比錢先可以開黎睇-.-
唔通搵另一份報紙既網頁?@@

>>June 16, 2003 at 7:04:02 AM GMT+8

2003 年 6 月 14 日 星期六 【陰】

尋晚我驚今朝好似尋日朝早咁唔知醒,
所以較左鬧鐘要10點響
點知今朝又8點几起身喎@@

新機動戰記後傳簡直混帳!
都係endless waltz好睇好多- -
死神高達(機械人一隻)有乜奶油會叫左乜野"細size"架?!
死神高達原本叫deathscythe <-scythe解鐮刀
譯做"死亡之鐮"都好d丫~
零式w叫做wing zero...可以接受

睇完混帳既後傳之後我就溫cl啦
溫到咁上下...又受唔住引誘走去打機
所以...我去完olympic返黎都仲有2個powerpoint未睇完

尋日機機問我借vb碟,同佢話今日o係巴士站比佢
我一去到巴士站就見到佢啦,比左碟佢之後冇耐就有車到^^
o係車上面溫cl...雖然唔係溫得好多~@@

到考試果陣,份卷d題目真係唔易><
一睇落去無法搵到邊一條題目有頭緒做既
雖然係全部淨係要答short answer就得
結果10題裡面至少錯1.5題(一題冇寫過野+一題有兩個答案我淨寫左一個)

返到屋企機機icq問我考成點
佢話:你都話diff
哇...開始覺得恐怖喇- -
超頻~full power!!! <-我癲左XD

夜晚既目標係9點半之前溫晒cl,再背默番晒history既野
點解我而家咁似世界大戰果d戰敗國架?!-.-
計劃好几時可以o係一場戰爭入面打贏
我又係咁樣個喎...咁埋死?!
算!搏一搏都要架喇~
死就死啦~~~~~~~~~

>>June 15, 2003 at 1:00:39 PM GMT+8

2003 年 6 月 13 日 星期五 【陰】

尋晚同ck,彭狗討論過history同cl會出d咩問題
結論:出impacts of ww2,course of cold war(叫你抽一兩件事出黎講)
擺明o係度撈偏門...走去估試題@@"
雖然我都有背晒impacts of ww1,causes of ww2等全部notes

今朝6點都未到,我仲係好夢(好夢嗎?都唔記得夢見d乜喇喎~)正酣既時候
弟弟個鬧鐘就嘈醒左我,
我見弟弟比個鬧鐘嘈極都唔醒,就搖佢起身
跟住我繼續訓啦,因為我唔記得左弟弟既鬧鐘有個功能,
熄鬧鐘既時候禁錯左粒掣,
阿爸入左我間房,熄左佢鬧鐘,又搖醒弟弟
今次我叫弟弟禁番令鬧鐘真正唔再響既掣...-.-

跟住我7點醒左,見咁早又訓過,點知一訓呢~
就訓到11點半,棋魂(混帳tvb!唔用佢d臭譯名呀!)係11點播完...>.<
嗚...就咁又冇睇到一集棋魂喇~
可惡tvb!中學生星期六要遲d起身佢又播咁早!(亂屈d責任比人地XD)

根番原本既溫習timetable,我今日溫olympic數
睇左頭几個chapter...識大部分既題目呀!yeah^^
不過考試唔會咁易架喇...我深信~
聽日考第一份卷,全部都係淨要答案既short ques
最易拿分果份卷,但我容易得分即係人地都容易得分
一定要全中! > < ~ <-學co既符號用法 XDDD

下晝揚揚同禮問過我maths(唔係曉,彤一齊打電話黎果隻呀)
揚o係icq問,禮o係電話問
揚問既野完全因為自己唔聽書!
禮就問左d mc question既問題,佢問4條有2條出錯題目 <-咪話我唔識/懶就賴人出錯呀!
果兩條錯既問題一個係5個答案都錯,一個係本野比左個錯答案
已經唔記得o係本野既邊度喇...
總之兩條都係某2個chapter既第10題啦
禮問果d全部都係第9,第10喎...係咪表示本野既第10題都係最難/有問題呢?:P

我走去計olympic d咁深既數啦,
人地有學校既數唔識問我唔教佢豈不是混帳之至?
所以呢...
即日起開放比以下既人任佢地問我maths直至呢一科既考試完結為止!
禮,揚揚,coco(這個亂加進去的@@),豬,曉,彤,林文婉,早餐
其他人如果唔o係我黑名單入面就o係下星期五開放
黑名單有邊d人呢?唔知喎,唔好問我XD
上面冇提過你就假設左自己唔係黑名單先啦

第一次寫完個日記睇既時候神左
login睇下討論區,原來呢個網好多人都有事@@
希望快d整番啦^^

>>June 15, 2003 at 1:18:43 PM GMT+8

2003 年 6 月 12 日 星期四 【陰】

尋晚魚叫我比physics assignment佢影印
我就裝左scanner同埋scan晒d答案入去
但裝既時候做錯d野,搞到而家一開機就彈個無聊folder出黎要我開左佢
icq又唔識自動開...><
最後都係放左d答案去自己塊板比人dl~

今朝我6點几就醒左,繼續訓,
到7點几阿媽唔知我今日唔駛返學,就嗌我起身@@"
8點几起左身,本來想的起心肝溫history
點知睇睇下覺得ww1 impact同causes of ww2唔難背 <-因為上次test仲有d野記得^^
見d野咁易,我就打機先咯~:P
我從來都冇試過測驗/考試o係早過考之前果日既時間去認真溫書既~
所以今日都几唔習慣 XDDD

我覺得今日應該用黎溫olympic,之後兩日至用黎history CL
因為計數既野我睇過一定記得(stored in harddisk XD)
唔同history,CL,一考完就會唔記得大部分(ram XD)

>>June 13, 2003 at 6:31:17 AM GMT+8

2003 年 6 月 11 日 星期三 【雨】

今朝豬打黎叫我帶尋日影印既powerpoint返去比番阿曉
我返到學校入課室前見到豬,佢問我有冇帶
當然昆佢話冇啦~XD
我入到課室(豬當然已經走左)就比番阿曉

maths堂符sir又比晒我地睇d學科測驗成績
乜話...96/100已經最高分?!
哈~考果時我擺明惡搞呀~
d人見到jo 90分,就問佢點解會咁勁
佢就話比人知我考果時比佢睇我份卷
如果學科測驗會計入考試分既話我又點會比佢亂黎丫~
班人一知道我做左d乜我就預左大把人眼紅紅架喇...
眼紅紅 <-係寫左twins既歌名出黎,不過我要表達另一個意思:眼紅(妒忌)
不過我諗起又覺好笑~豬(8x)仲低分過jo喎~XDDD
呢次test既成績真係唔可以作準! XD

PE堂堂雨所以要入hall
今堂踢毽,我踢得好廢...><
人地踢比我一定踢唔中
自己踢比人果時唔係自己都踢唔中個毽就係失腳(唔係失手~)踢得太遠或者太近

唐太可能想留番個"吞pok"既印象比我地啦
上緊英文堂佢又走左落去拎野喇,
一個盡責既老師點會好似佢咁丫?
梗係上堂之前已經執齊晒d野拿上課室架啦
張志恆仲要計準佢走左几多分鐘...
次次唐太行開左佢都會走去計時架~

放學好大雨,好彩bobby遮我^^
唔該晒呀bobby~不過佢都睇唔到呢個日記板架喇@@

plan好晒我之後几日要做既野勒,
聽日-全日history,後日-olympic,夜晚溫CL,
星期日上晝-睇番olympic既野
星期日夜晚-再睇一次history同CL
就咁決定,決.戰.開.始!

>>June 12, 2003 at 8:11:31 AM GMT+8

2003 年 6 月 10 日 星期二 【雨】

今日入校門果陣差少少咋
都比人發現到我冇戴口罩=.=

music堂考唱歌,芸芸叫我地自願唱先既出去
第一個好似係apple,跟住我諗住早死早著啦,
比豬快過我,搶左第2個,豬一走我就出去
我出左去果陣豬叫我幫佢睇几多分,
佢一定勁高分架啦,駛乜睇o者-.-
唱果陣成日跟唔到拍子啊...實好低分啦><

英文堂勁對ws,我一張都冇做過
jo見唐太差唔多嗌到佢答,就叫我做快d,
等佢知道自己答果題要答d乜
佢點解唔早d做晒佢丫-.-" <-雖然我都唔好得几多XDDD

之前一堂中史話左今次會問書
張志恆,jo,余詠芝就叫定我到佢地答既時候提水...哇咧!@#$%^&*
jo答果時我唔識果題,但答錯都唔罰既~@@
小馮又有一題唔識,我點錯左,又係答錯唔罰

跟住再上一堂music,又係考唱歌
我去左同發佢地玩鋤d,比芸芸發現左
芸芸見到d啤牌都只係叫阿發收起唔好再拿出黎玩,冇沒收到d啤牌
可見呢個老師又係欠缺左"勢"...

放學就去左幫阿曉影印d powerpoint(vb同兩份geog)
一共影左63張紙出黎...都係$11.4,好平@@!
返屋企就食飯啦,跟住要畫poster嚕...
聽日交架!今日畫唔晒就大劑><

>>June 12, 2003 at 6:44:24 AM GMT+8

2003 年 6 月 9 日 星期一 【雨】

禁錯掣搞到要打兩次><...

我尋晚發現自己放學丟件校服恤衫落洗衣機果陣唔記得拿走張體溫記錄表...
懶得寫咁多野,我就返學校話自己唔記得度喇~
乜走咁遠上斜路先得攝氏36.9度咋?!
擺明係我體溫過低@@

CL堂淨得黃sir同我地上,d同學就比miss chan上堂時靜左好多...
這就是先秦法家思想所強調"法,術,勢"中的"勢"吧?
miss chan冇所謂既"勢",所以同學會o係佢既堂上作反
黃sir見jo同蔡ming成日傾計,就將佢兩個移到去電腦室兩邊
話係"喜鵲橋"既故事(即係牛郎織女)
要7月7號(代指落堂)先比佢兩個走番埋一齊XD

有冇搞錯丫個final exam><
我最擅長既excel竟然淨係o係考試卷上既1條mc出現過!
好彩有30分既vb題比我拋離大部分人o者^____________^v
半個鐘既考試我一開始就要做vb題目呀!XD
黃sir將兩堂都用左黎溫vb
真係覺得d programming題目要靠捉字蝨做人架~不過都arm我^^

maths堂係學科測驗,我考之前叫jo估我可以有几耐發呆時間
0至半堂,半堂至一堂,一堂至一堂半,3個option佢揀第2個
結果我做完卷得半堂唔夠既時間剩
臨停筆前我睇下本問題簿,佢話"無須把算草擦去"...
咩意思丫?!我將d答案寫晒落本野度,你想點?!
唔係毀滅本問題簿係嘛-.-
交卷之後張志恆問jo做唔做得晒,
jo指住我話:梗係做得晒啦
張志恆唔明,jo再講,佢至明jo因為睇我寫既野所以識

DT終於做好自己塊記事板交左嚕~
我做完等交功課之前幫豬鑲d螺絲落去,
佢叫我幫手禁實塊板比佢上螺絲,
我就好大力想壓爆塊板咁XDDD
跟住我幫佢dup釘,等佢可以上螺絲落去
我本身都想dup到手指架~
咁就有藉口一段時間唔駛學琴丫嘛^^
豬同apple見到就用一個好衰既理由叫我小心唔好dup到自己隻手指(我知佢地講笑)
咩理由我呢度唔想講,想知私下問我可能會答你
再打釘既時候我叫豬用手指hold住粒釘...
跟住我就dup落粒釘度,打中左豬隻手指(唔係專登)XDDD
DT堂搞到要兩點至走得@@!

返屋企發現自己又唔記得帶art張畫紙!
咁咪即係聽日一定要帶到返屋企同畫好poster?!
食左半碗飯,到3點左右就唔覺意恰著左...
4點至醒,4點半食完剩番果半碗飯~

>>June 12, 2003 at 6:44:10 AM GMT+8

2003 年 6 月 8 日 星期日 【雨】

今日art堂完全係同釗傾計
冇畫過poster...星期四要交
即係我星期三全日都唔得閒啦~=.=
今日同聽日要溫olympic~

英文堂默書,今次係全年最尾既一次啦
jo話自己咁多次默書得2次合格,今次唔可以再衰
佢摺好我本簿,叫我隻手唔好遮住自己d字,等佢可以出貓
我問佢:哇咁都得呀...你覺唔覺我同你相逢恨晚?
佢諗都唔駛諗就話:直情係啦! <-如果之前有個月我坐佢隔離,佢就少几次唔合格咯

今次又係羅改我果本,佢話我知几多分,我記得好似係84...最差一次><
(都好變態o者...84係最低分=.=)
我改簿既時候竟然真係聽余詠芝講
佢叫我拿起第一本就改果本,唔好揀
咁我改冼澤豐果本啦~
唔記得左豬同冼澤豐坐同一行,如果唔係實揀豬果本黎改啦~!
改豬果本即係唔駛改架啦...佢至多咪錯一兩個字~XDDD

中文堂教d辯論比賽既野
哇...我真係冇片入面果既人咁犀利喇,
句句都大條道理,仲要好似機關槍咁...
如果我去辯論比賽?學桃谷六仙搞屎棍就有份...
捉死佢字蝨,完全冇道理/條理可言!

果個辯論係拗人性本善定係本惡
我就覺得人應該有好既地方,亦有壞既地方喇
正方話見到貧窮地方既細路就會同情佢
我覺得佢arm,因為自己見到呢d野都會唔開心
反方又話人本身既天性係壞既,有左教育先會令我地變成好人
我又同意,因為懶惰,貪心等係多數人都有既心態,
爭在每個人心裡面既惰性,貪念影響得自己嚴唔嚴重

RE堂上到一半就去左music room,
miss chan彈番考唱歌可以唱既歌比我地揀一首唱
拉登,發,黃安,臻 四個坐o係個琴後面,貪miss chan見唔到o係度玩啤牌
我又睇埋一份^^

放學落好大雨-.-
食飯果陣媽同我話有荔枝,下晝想食就拿黎食
我見到飯台上面至有一磅到既車厘子咋喎...
食完飯就打日記啦,跟住...要溫書喇~
聽日maths attainment test呀,我要溫數呀
不過我溫既係同正規課程冇乜關係既olympic XDDD

下晝食晒d車厘子~我一向都好鍾意食架~^^
不過食得多又好易流鼻血><
記得舊年有次食左好多,阿媽返黎我至發現原來我一次過食左成兩磅@@
呵呵~

6點到開機戰α破左第65關,save左
跟住順勢(?!)打埋第66
但我覺得66贏得唔靚,因為錯手殺左一隻自己既機
有一段好精彩既戰鬥動畫我又冇睇
所以...熄機,下次load既時候就會o係破65關果度開始喇
我諗考試前都冇可能有進境架喇...

諗過自己點解仲要一日到黑對住部機,
明明冇玩任何online game啦,icq又唔同人地chat
我仍然有一個勁白痴既奶油要online...
大家可以估下架^^ <-唔係同人地鬥耐online呀

>>June 12, 2003 at 6:44:35 AM GMT+8

2003 年 6 月 7 日 星期六 【雨】

今朝睇Endless Waltz <-新機動戰記後傳-.-
tvb竟然連一開始既劇情背景都cut左
唔怪得2個鐘比佢壓縮到剩番個半鐘啦-.-
仲有之前果套新機動戰記同ew既同一個人物竟然有唔同!...
トレース．クシュナータo係之前叫"杜魯斯.古舒拿達"
ew變左"拖歷斯.古斯拿達"
好一個廢電視台=.=
如果大家想睇日本動畫都唔好show tvb喇
搵coco啦~icq 158003479 <-專搵佢黎搞的XDDD

叫阿爸填左選科果張咩授權書,同埋自己填左選科回條
第二,三選擇一定係BC CE架啦!
我而家個icq info冇轉過好耐,
裡面有話過想升4A,所以第一個選擇自然係A
↑呢個故事教訓大家呢...
唔好去干預一d原本已經合自己心意既野(豬...睇清楚)

死!今日落雨!返olympic咪好麻煩?!
功課呀...等我寫埋d solution落去先~
三次功課做得最好既一次,12題識6題
之前兩次都識唔夠一半架@@

上堂果陣因為阿sir話左今日解既題會派答案
所以我就唔抄notes咯~
淨係睇d自己唔明既野(都好多下...)
因為阿sir都係一兩句就帶過d簡單既題目
我做唔到丫>< 可能因為我知個方法都要去"小心求証"啦~

返黎果程既巴士差唔多滿晒,
企到隻右腳好"支力"...左腳竟然唔"支力"喎!
d功課完全唔明呀,考試又將近(學校同olympic都係)
今晚同埋呢個禮拜搵一兩日計爆晒d練習題佢啦~
好彩老師唔會再o係呢個禮拜加功課o者~
要加油^^

>>June 8, 2003 at 12:20:54 PM GMT+8