2003 年 5 月 2 日 星期五 【晴】

今朝o係豬塊板度搞左d小動作
用embed src=xxx height=0 width=0同bgsound src同佢塊板加背景音樂:P
不過比豬發現左係邊個搞事><
今日搵到好多好睇既網址呀~^^
首先係仲未發現我搞事既豬forward左個網址黎,
一大堆怪圖,由上睇落去同下睇上去有唔同既畫面
http://hk.geocities.com/l_kitty2003/new_page_320.htm
上kds論壇又見到兩個正野~
大家先去呢個,check下自己有冇色盲?(拉登以前forward過比我)
http://www.liquidgeneration.com/sabotage/vision_sabotage.asp
一個又正又攪野既鬼古,故事分兩頁寫既~
http://www.nereus.idv.tw/joke/01.htm
我同魚一直都開唔到果兩個powerpoint...
魚send左兩個intramail比佢,都係開唔到...
黃sir話用密碼鎖左兩個file
但我地搵極都搵唔到地方輸入密碼-.-
星期二返學校要問下佢!@@"

>>May 3, 2003 at 7:47:16 AM GMT+8

2003 年 5 月 1 日 星期四 【晴】

一早起身玩機戰α@@"
可惡呀!!!命中率79%連續兩次打唔中同一隻敵卒><
索性自己個駕駛員用必中算數!打隻卒仔都要咁耐-.-
用400砂紙再磨一次DT塊木板...
效果非常之唔理想~
一度滑一度唔滑,下晝再磨過!
晏晝阿媽係咁嗌我彈琴
我打開左個琴,又訓o係張床度發呆~yeah!
3點几都未食完晏XDDD
搵到個生果占卜呀~大家去睇下啦^^
從你既生日日期判定你屬於邊種生果
黑按:都唔知寫呢個網條友仔係咪惡搞
講完每隻生果既性格之後都有"與ｘｘ拍拖秘訣" <-xx係果隻生果
http://hk.geocities.com/peggy8v8/apple.htm
弟弟又o係阿媽個銀包偷$去買野-.-
走去買隻$100左右(價錢係佢自己講)既game
好心阿媽係咁二打番弟弟一大鑊等佢唔敢再偷$啦!

>>May 3, 2003 at 12:43:55 AM GMT+8

2003 年 4 月 30 日 星期三 【晴】

http://sindy.goldenvoice.us/Web%20pages/sindy21.htm
呢個網有一首好正既"可惜我是水瓶座"
大家無論有冇聽過果首歌都去聽下啦^^
(當然我唔信邊個冇聽過啦o下)
特別建議:最好arm arm食完飯就開呢個網址...XD
11點左右阿爸返左黎屋企
我就諗勒:點解佢今日咁早返既?@@
呀!今日公眾假期喎...佢叫我幫佢打d電話號碼出黎
因為佢覺得自己儲左几年果d電話號碼抄得唔靚
難睇得清楚,打出黎既就好清楚喇
開excel...我覺得真係埋沒左自己既能力架><
因為今次要做既野同excel果堆formula無關
做左一半,我就出去同魚做history project
其實都係玩既居多...今日見到係乜都做唔到
因為圖書館冇開,做過既野冇得用紙記低
(諗起果次同臻 apple 李樂妍 胡沅霖做is proj,我地o係圖書館撻一疊紙黎抄野@@")
豬又寫左日記囉喎~ <-查實叫週記適合d...:P
而家終於明佢點解考試is拿19x都仲嫌低喇 <-果陣我18x,所以覺得佢串人
所以我吐左啖口水去佢日記果塊留言板度
話唔滿意自己maths test既表現
過唔到自己果關...
以下文字是我為自己答錯題目找藉口的言論:
　如果佢比多5 mins我地做份卷
　就會好多人90 or up啦!
　甚至我可以check到自己做錯果題mc><
寫寫下日記,弟弟話跌左野落去張床同牆既空隙入面
叫我拉開張床比佢執
佢o係我拉床出黎之前chi左d膠紙落把間尺度
想用膠紙吸番跌左既野上黎,點知間尺跌埋落去...
今次叻仔喎~chi膠紙落間尺度吸d野上黎係几好既方法丫~^^
我將膠紙chi得好d再試,但佢又伸左隻手落去試下執野上黎
結果...隻手夾住左,幫佢拉張床出d,佢又伸手落去夾多次=_="
真係想一野猛佢隻手上黎!!!
做左2件功課同磨過塊木板
淨係用左粗果張沙紙黎磨
搞到成個廳都係木屑...
不過唔做落去又唔係><
聽日再用埋400沙紙先~

>>May 1, 2003 at 11:56:31 AM GMT+8

2003 年 4 月 29 日 星期二 【晴】

今朝我仲有冇變態d...5點半醒左=.=
今日maths test架嘛~做咩咁早起身呀?!
is堂徐sir講佢用一棵植物玩好多實驗
試過切開一截截插落水裡面種
又倒轉黎種...佢棵野真係可憐啦~><
比徐sir咁玩法,仲要折磨唔死先最慘...:P
佢話自己o係屋企玩好多實驗
我就同禮講:咁佢屋企都好大o者,如果唔係係實會做實驗做到冇晒d地方喇...
真厲害@@!
下次電腦堂有個出10題mc既quiz,仲有會開始教access
好野!CL堂聽左兩個月既吹水理論(悶...-.-)
終於有d真正郁手做既野搞下喇^^
因為下次教access,黃sir今堂就開始講database
問牛牛問題,佢好細聲(學早餐咁o係度扮斯文~XD)又講得快,完全聽唔到
小息見到豬同黃安研究緊第十課話有兩隻船移動果題
彭狗應該識做果題架
豬睇住本書個樣好似冇乜頭緒咁,佢點解唔去問彭狗呢?
我本來唔想理佢~
不過後來都係手多多o係黃安畫果幅圖度加兩條線
豬睇到就諗明左 <-未必一睇就明既~)
仲話我變態-.-
到今日最緊要既野喇!
maths test!
5題mc...算係阻到我5至10 mins既
mc始終都唔係值得我去驚既野
雖然我最尾同賢對答案發現自己錯一題o者~
4條長題目...6同7唔難,但係我做第7果時加錯數搞到計唔到
唯有暫時放棄,計左後面先再返黎睇,就可能有辦法
o係咁既情況之下呢~ <-學左中史既梁sir添^^"
我o係學校做既maths test從來冇預計過要唔做任何一題
不過時間緊迫,所以我要加快做後面,以免做唔番第7
到符公嗌夠鐘既時候,我係寫緊第7題既最尾一行,答番x係几多
好彩我唔係一個誠實人:P
夠鐘仲要爭多几秒寫多果少少@@
唉...我真係對自己好失望
限時做唔晒d數,冇料到
(做唔晒既人唔好話我串,因為我係過唔到自己果關)
做唔晒仲要咁衰格偷果几秒
第二個小息完全係對答案同討論自己做得點辛苦
我去問豬做唔做得晒,佢話4題long q淨做左第6
跟住早餐走左入黎我地課室
大概係問曉test果時點樣掛~
豬就話佢知我做得晒份卷
結果又多一個人話我變態!>.<
有冇搞錯丫!@#$%^&*
英文堂唐太講go to the prison/the market/the hospital/the church/the bed
同go to prison/market/hospital/church/bed既分別
寫左兩句:hierro likes going to the prison同hierro likes going to prison
叫肥龍揀一句,李曉杰爆笑,大聲話:梗係第二句好啦!
原來如此...因為go to prison係坐監,go to the prison係探監@@
DT堂蘇sir叫我地而家做野要快d,因為時間緊迫
時間咁緊迫你又講咁多廢話做乜丫?\_/
佢教我地用個唔知咩電動鋸...
我(諗唔到一個好藉口解釋自己走到咁前)
同李曉杰(佢有心遮住羅凱彤,所以專登gut高腳)
同魚(佢乜都鍾意睇下玩下)企到好近睇
豬同羅o係後面,覺得我同李曉杰太高,阻住佢地睇點樣用果舊野,叫我地借過
豬以為我學李曉杰咁專登gut高阻住佢,就話:"原來danny咁高架?"(我蠢左,唔記得話禮仲高過我XD)
我話自己冇乜點做運動,臻即刻話:"咁唔公平架,我成日打波都唔高"
哈~到而家我先有少少覺得自己唔arm,個人咁高仲要走咁前,阻住晒後面d人
因為我一直唔覺得自己好高(眾:你扮啦你!-.-)
今日留到2點半至走...
因為要拿兩塊木板,諗住o係呢几日假期做好一部分既野先
拿木板既時候有隻大黃鋒飛左出黎
蘇蛇就用個掃把帶左佢出去,比佢飛到上六樓@@!
佢都唔係豬同羅講得咁恐怖je...

>>April 30, 2003 at 11:13:29 AM GMT+8

2003 年 4 月 28 日 星期一 【晴】

今日探熱破左最低溫紀錄~96.7度@@!
art堂交左個石膏咯~^^
跟住d堂全部都係悶...
英文*2+中文*2+RE
中文堂勁眼訓,又知道唔訓得
因為老師會留意到
上完中文就鬼打都冇咁精神-.-
就捱過左個RE堂
天丫!!!
想訓既時候就訓唔著
眼訓果陣就通常都唔想訓>.<
有冇搞錯!$#*&$^%(!*@^#%$&!@
好野!今日沖完涼熄熱水爐咯~^^
日日都唔記得...冇記性-.-
因為今日阿媽出左去,晏晝打電話黎
弟弟聽,叫我熄熱水爐,我先至記得XD
哈~笨coco忘了明天有test...
早知唔好話佢知啦
等佢聽日先知就太遲喇:P

>>April 29, 2003 at 11:18:35 AM GMT+8

2003 年 4 月 27 日 星期日 【晴】

尋晚睇完電視,11點有人打黎搵阿媽
我感覺到有股殺氣! XDDD
我認為打黎果個係欣欣既媽
所以一路用一切方法聽佢個電話講乜
仲有趁機會嗌,話阿媽成日提起欣欣點樣勤力點樣聽話
希望對方聽到,就唔好成日同我媽講欣欣點樣點樣
咁我媽就唔會成日同我提起佢
(雖然我到最後都係唔知自己有冇估arm打黎既人:P)
點解mrs lou又話5月7號is test既?=.=
咁即係几時test邊一科呀?
見到coco,同佢講下自己一日打佢一巴掌既"事跡"~
事緣係咁既:
我已經冇玩mud,而家當佢係一個chat room
set左觸發,每次login都會用表情指令打佢一巴
因為每日都login...就變左一日打一巴嚕~V
history今堂叫人出去串字
冇嗌中我~不過有都唔緊要架啦
我從來都唔溫既,因為自信所有字都識串
(突然間覺得自己好似好串添...嘿嘿嘿嘿...)
maths堂終於完成"玩鋤D抽到同花順既probability"喇~^^
cor.to.integer係2%
聽日計下抽中4條既probability先~
一返到屋企弟弟問我功課...
兩題都係一睇篇野就搵到答案既閱讀理解-.-
諗起借左harry d invisibie man既工作紙
就拿出黎做咯~
多謝harry借我抄喔^^
李俊賢打黎問我中文閱讀報告點寫好
哇!原來佢果班而家已經做緊第4個架喇!
佢話如果係咁我地班應該仲有兩個要做
死囉死囉>.<
佢又話佢班既miss wong教中文好勁
比學生串(怪可憐的老師...)
miss wong教緊成語,有個學生舉手問:老師呀~咩叫"誤人子弟"呀?
miss wong面上露出不悅之色(XDDD)
果個人又問:咩叫"心胸狹窄"呀?
又問:"咩叫有教無類"?
miss wong:你放心啦~我會"因材施教"架喇~
好厲害的miss wong!!!
form 2早期都唔係咁樣既
梗係錢偉賢串到佢而家咁勁啦
今日好悶啊...
wonderland個網上唔到
平時我既其中一樣娛樂就係睇果度個趣怪貼圖區架嘛...>.<
留言板...冇人
icq...靜
通常風平浪靜就係風暴來臨既先兆@@!

>>April 28, 2003 at 11:24:49 AM GMT+8

2003 年 4 月 26 日 星期六 【晴】

真奇怪~
要返學果陣我就唔想起身
唔駛返學我就自動好早醒左-.-
一睇鐘都係6:15咋喎...訓番落去
到9點至起身
晏晝12點食飯之前見眼訓
弟弟張床同婆淒張床d被同枕頭擺晒o係我張床度
都唔理lu~照訓!
比n張被壓住雙腳...照訓得著~yeah!
仲要訓左個零鐘
到1點搭9左右至醒@@
唔係應該食完飯至訓架咩?!
食左午飯之後
打．機！
開番尋日玩左六定七關既機械人大戰α
唔知大家睇唔睇到上面果行最尾一個字呢?
係希臘字母黎架,讀alpha
(只係PS果隻...唔係PS2既第二次機戰alpha...我冇錢買PS2>.<)
哇...有一關我要o係一個敵人打低我方一部機之前擊墜佢
連續試左3次至成功做到呢樣野
今次玩得真失敗/.\
聽日英文要背默...
努力~溫書~
數過成篇野成19句咁多架!
(兩個comma之間得一個字我都當佢一句...梗係多啦)
夜晚練琴,唔知點解彈果首咩野hungarian dance既時候好唔順
d手指好似kick住左咁,成日"hi"到隔離個音
明明我尋日彈呢首都仲好順架
嘿...我打字果陣禁keyboard就禁得好準咯^Q^
從來唔會好似彈琴咁kick住晒d手指:P

>>July 30, 2004 at 9:41:09 AM GMT+8

2003 年 4 月 25 日 星期五 【晴】

今日下晝禮過黎做geo project~
首先係佢打過黎問得唔得
阿媽就唔比,我細聲o係電話同佢話:
你照黎啦,得架喇~
竟然用強行突破呢招...我真係衰啦XDDD
禮黎左,一開始係錄普通話
不過我屋企個收音機唔知做乜
錄CD同電台既聲音都錄到
就係唔可以直接錄音...><
試左好多次都唔得,只好放棄
開工做project~
我地一路做野一路睇留言板
佢用一個好唔文明既方法決定做乜...
不過都好過慢慢諗做邊樣好既~
先係o係張紙巾度畫記號
跟住合埋眼一筆吉落去,吉中乜就做d乜
大家o係做project有几樣野考慮做邊樣都可以試下呢招:P
最後決定左揀cause同solution黎做一個drama
睇佢借d書,入面太多字勒
抄都唔想抄...咁多專業字眼聽死人咩=_=|
只好用本身既知識老作...
咁真係仲好過搵d乜資料丫!
巡巡下板,我比佢睇左尋日o係呢度寫果三隻粗體字
我地果時又諗緊drama既對白
佢即刻話要加多d野比我講...真係衰多口>.<
魚msg過黎,我話佢知禮o係度做緊geo project
佢就比左兩個網我地睇資料,不過...
一個太多英文,冇心機睇
一個係中文網,唔想翻譯
結果我地...忙到5點半至搞掂
夾埋得果150字左右既對白...
佢話遲d諗到d乜就加埋落去喎
我見到弟弟食一個杯麵,自己又想食
就沖左個...開左個蓋攤住o係度唔食
走左去寫日記~yeah!^^V
沖涼果陣都唔知做乜事
花灑噴出黎d水一陣熱一陣凍...o.O"

>>April 26, 2003 at 12:40:09 PM GMT+8

2003 年 4 月 24 日 星期四 【晴】

今日又爆早起身...
想訓多陣,又比個鬧鐘5分鐘響一次既程式玩死><
(不過...我醒果時都係想佢5分鐘響一次架)
前几日每次探熱都比前一日高0.2度
尋日係97.2,但係今日就97.5...
阿媽叫阿發既媽幫我地買口罩
一返到學校發就比左袋口罩我
几平喎~1蚊個,一共100個
夠用一個月喇!@@
civ堂禮同豬同機機報新聞~
禮出去果時我專登睇下豬個樣
見個個都有拍手,就係得佢冇拍
到豬出去果時禮就有拍
真係登禮禮唔抵勒~hehe~
第二個小息果陣coco黎問我借中史同RE書
佢又會兩本都冇既...pig co pig co ~
咁arm釗又黎問我mud裡面既野
就介紹佢識呢個bingo王...笨co耶
仲提起自己整過果個見coco講錯d蠢野就會自動笑既robot
coco即刻話"你同我cancel左佢呀!"
睬你都傻呀~XDDD
普通話堂姚老師教我地用普通話拼音既輸入法
雖然話輸入一個字好容易je~
不過d字既排列都唔係固定既
始終係速成好用~^^
速成唔識打果個字咪用新注音打囉
等陣去d留言板果時用呢個輸入法打字等大家睇唔明先~:P
maths堂符公教probability
我同拉登o係度計玩鋤d抽到同花順既probability@@
符公嗌我o係佢果5張啤牌入面抽一張
我咪抽一張囉...都未睇到張野係乜佢就收番d牌去叫杰洗牌
跟住佢抽一張問我係唔係抽到果張...
我鬼知咩...XDDD
跟住做阿西文囉
不費吹呼之力做晒三題,收工!
睇下呢次又有邊個會問我借本野去keep到交果日先~
期待!!!...咁就唔駛被迫比自己本野人地抄喇~^^
我從阿西文諗到test
如果有個人o係28或者29號問我n題數
(總之呢個人問我問得早過晒其他人)
我就有藉口,任何人問我都唔駛答
唉...我d擅長既科好似maths 電腦咁
自己有呢d強項,係值得開心既事
但係好多人唔識,見我勁就成日走黎問我
咁究竟係好事定壞事?>.<
放左學同ck,魚,毛毛去左大眾
話時話我做咩要跟埋佢地去既?!
魚好似買野送比阿Jo做生日禮物
話係人地迫佢送既
我就專登問ck:你覺得佢係比人叫送野定係人地叫佢送?
言下之意即係我覺得其實唔係Jo叫魚送野比佢,係魚想送野比人
o係icq,coco話我o係mud度亂講
哼哼,coco自己豬頭,忘了帶書
給人爆了出來就說我亂說-.-
*kick1 co
寫完第一次日記之後差唔多3點半,見眼訓勒
就諗住訓陣...結果,訓到6點几!
我諗而家都唔駛再擔心夜晚唔夠訓咯~

>>April 25, 2003 at 12:07:25 PM GMT+8

2003 年 4 月 23 日 星期三 【晴】

今朝又係唔想起身=.=
is(phy/chem)堂果時
唔記得豬問我d乜野(有關d is既)
我解佢聽佢又明左,就話勒:
我一定要慫恿你揀a班先得!
果次同豬講笑,話自己可能會因為某d原因(不便公開!)揀b
佢陳說事實,話我為左咁唔揀a,累左自己兩年就好唔抵
我原本已經先入為主都想讀a多過想讀b
所以就信左佢講既野,同佢話會揀a
而家豬仲係信唔過我,以為我會重新考慮揀邊班
佢驚黎做乜呀?唔通佢果次講既野都係呃我既?
驚我回心轉意所以一定要慫恿到我?!?!?!
不過呢個假期裡面我又真係鬆散左好多
所以成績實會退步,隨時搞到升唔到a
徐sir話7/5 test,好野~is test定左期囉~^^
pe堂因為沙s而改左課程
教軟式排球 <-係唔係咁寫架?
叫我地分組打,每組拿一個波
一路肚痛...不過唔係好痛所以就冇出聲
我果組既人成日打左個波去有蓋操場果邊條坑渠裡面(冇水既~好彩)
裡面,我又企果個位打喎,所以次次都係我過去執
跟住強行同禮換位~hehehehehehehe~
魚就成日打左個波去個隆,好彩條坑渠冇水o者
禮次次執完都會掟一下魚先~哈哈哈哈
history又話test係7/5...咁埋死?
如果同一日獨立應付中史/history/is既話我都有把握
(暗說:如果將history加o係30/4咪好囉!^^ 嘿嘿嘿嘿...)
一日兩個test,仲要兩個都背咁多野
miss wong聽到d人話一日兩個test,就話咁一定係is改期
因為係佢地book左果日先@@
放學返到屋企,食完飯後寫緊日記果陣
婆婆叫我拎d擺到好高既皮gip落黎比佢
話有一個皮gip入面有佢既夏天衫
辛苦一輪,終於拿到一箱入面有佢d衫咯~(累...)
有冇搞錯呀...5月3號個數學營取消...>.<
等左好耐架嘛...沙s......沙s......沙s......!!!!!!!!!!!!!!!!!!

>>April 24, 2003 at 11:38:01 AM GMT+8