2003 年 5 月 17 日 星期六 【晴】

今朝一起身就當然係開電腦啦~
開左電腦就拿gba出黎玩rockman zero 2
弟弟冇耐又醒左,o係部電腦開鋤D
但佢又唔睇清楚d牌,有三條2就好隨便出一張,
搞到果鋪輸一張~.~
廢人丫...-.-
佢又開電腦gba模擬器既機戰R
我見到,就踢開左佢自己玩XDDD
玩左一關,冇心機玩勒 <-因為部機太慢,搞到個模擬器以龜速處理數據-_____________-""
成朝都冇溫過中文test既野...
聽日老師會比少d功課我地掛~
一陣3點要出去學olympic
上課地點o係油麻地,實際上課時間只係4-6 pm
但搭271每程要一粒鐘=.=
好!有兩個鐘既時間就我唔想o徙左佢喇,
帶埋中文去溫~^^
我今日可能寫唔到學野果陣發生既事,
如果271個司機叔叔聽話(:P),我又行得快(我盡量啦!),
返到屋企開電腦又開得快(鋼の魂XD)既話我就寫到囉
唔記得睇鐘搞到遲左出門,
不過最尾都係趕得切o係上課時間之前到^^
去到佢就叫我填體溫量到几多
同埋o係手上面噴消毒劑
我今日都冇度體溫...點鬼知几多度喎><
作野作野~XDDD
上堂時一開始就派上次考試既試卷
原來上次課程既a班同b班(兩班上課日期時間唔同,要學生自己揀一班)
兩班d試題難度係a難過b架?!
阿sir話因為難度有分別,
所以a班既調整過d分數
佢上次兩份卷夾埋300分,
我一睇兩份卷既分數,自己係185分喎!
開始上堂冇耐就有個人走入黎我地課室嗌左几個人既名,
有我份,佢叫我地小息過去office
解上次試題果陣講得超快
(事後反省:如果符公用呢個速度教書我就玩晒)
阿sir解完d試題就收晒返去
跟住派今次課程既新notes
我一睇,就覺得今次notes d題目好似唔係太難咁~
以前d notes我都係10題識做6,7題,今次竟然去到8,9
到左小息,我同果几個比人嗌左名既人出去啦
o下?!我上次考試成績好所以今次唔駛比$$? 咁筍?
我既maths能力几時又勁左一截架?@@
我上堂果時掛住解其中一題,搞到miss左成個section...:P
跟住我係咁問人答案
我真係犯左個好愚蠢既錯誤丫...
落堂前半個鐘sir派左兩張功課,一共12題quadratic,8題圓形既幾何
話下次有交功課既人先會比答案佢
又話每題quadra果d平均要諗一兩個鐘至做到
即係總共12個鐘(梗係分開黎做啦,一日做晒你唔駛做其他野咯)
我圓形解到左4題,其餘一時之間冇頭緒
冇奶油搵識果4題呃佢份答案掛...><
直至6月22號為止,我都係大忙
而家我計劃緊一件事
就係下次maths test之前一日任人問我數,
用黎挑戰自己既能力極限XD
返屋企果程車一路都係睇果d功課,好似又識做多一題圓形
我到最後都係趕唔切7點前開機,只可以7:06><

>>May 19, 2003 at 6:09:43 AM GMT+8

2003 年 5 月 16 日 星期五 【晴】

今日我訓醒時阿媽已經出左街
朝早臻臻打黎約我3點o係吉之島果間英王麵包度等
話下晝上我度做is proj
晏晝阿媽叫我地自己出去買野食
弟弟要食麥當勞既巨無霸餐
我食吉野家既牛肉飯(好味呀~^^)
我就出去買啦
去之前弟弟叫我盡量揀A12既茄汁
(豬fwd比我既email話,m記茄汁有寫住A1-A12架,A1最淡,A12最酸)
去左吉野家先,之後去麥當勞
出麥當勞果時我唔記得拿茄汁,就返去拿
揀到一包A12同一包A11
離開麥當勞,就返到屋企果陣我發現唔見左杯汽水...
我返去m記拿啦~點知佢即刻比人拿走左!(唉...預左架啦@@)
買過杯汽水囉,返到屋企都冇話比弟弟知
返屋企弟弟拿包薯條同d鹽,黑椒同shake shake專用調味料全部放晒入個袋度猛搖
搖左良久,我話:"你都搖夠喇掛..."
佢至停手
至於我既牛肉飯呢...
個收銀員將杯汽水同個飯盒放o係個膠袋入面
我行得太匆忙,搞到杯汽水漏左好多出黎...嗚><
到左3點我應約去左英王麵包
等到3:15(唔記得帶錶出街,睇時間廊既鐘^^冇見人,
就返去屋企個管理處度借電話打比臻睇下佢出左街未
佢弟弟聽電話,話:"佢出左去呀,去左吳家蔚屋企"
嗯...我就去返英王麵包,
等左陣終於見到臻喇!
佢話係二胡班遲左放,原本係3點放既
我仲以為佢大頭蝦遲到添^^"
返到屋企就開工做is proj
做個proj最搞笑既野係我地將d訪問結果打入excel果時,
之前問過d人訓几多個鐘,有冇胃口,有冇精神
今日打資料既時候就將有冇胃口同有冇精神果d大改特改
用excel既if function...XD
內容如下:
have appetite(食慾) or not
=if(B2<6.5, "n", "y") 即係訓少過6.5個鐘就要話佢冇胃口
have spirit(精神) to study or not
=if(B2<7, "n", "y") 仲離譜,訓少過7個鐘就要冇精神!!!
跟住用autofill拉晒落去...
icq send左比apple睇,
佢話:"個調查都好標準下"
我們是識不得已的...><
有d訓4個鐘都話自己有精神,
我地照寫既話做到d乜丫?
所以只好改一改嚕~XDDD
夜晚睇智在必得
有個女仔唔知叫咩名,抽中左18k什么白金什么鑽石什么鍊墜 <-淨記得d keyword :P
中獎果個揀獎金($13000)定獎品(價錢$46000),
話肥姐一睇到個獎品就雙眼發光(好好既觀察力@@)
所以佢就揀左個獎品
弟弟話:佢又會咁犀利,睇到肥姐雙眼發光既?
我話:女人見到呢個獎品梗係雙眼發光啦,阿媽係咪呀?
媽搖一搖頭,我諗:冇可能掛...
我問媽:你睇唔睇到佢個獎品係乜架?
佢話睇唔到,弟弟讀左出黎比佢聽
阿媽聽到就踢左弟弟既屁股一腳
rockman zero 2最尾一關好難玩啊...
果兩隻甲虫打整都打唔死既
聽日去學olympic maths咯~
好快我就可以擁有屈死中四amaths(中五又得唔得?)既能力喇~^^
改左日記板title同個人簡介~

>>May 17, 2003 at 1:51:53 PM GMT+8

2003 年 5 月 15 日 星期四 【晴】

中史test衰左
地圖題四個省份唔識兩個
16分果題long ques寫左十几廿行...希望拿得足分啦!
搞到後面冇晒時間做
8分,6分,7分既題目全部都一定拿唔足分
一樣搞笑野係最尾果題7分問你認唔認同張學良發動西安事變
我答左個"認同"(記得一開始講明自己立場一定有1分)
剩番果6分應該拿到3 or 4分掛...
is堂一入到lab坐好就同豬講份卷
佢一聽到我話"16分果題寫好多野,應該拿足分"就猛叫我收聲
我呢16分完全係搵後面d分數搏番黎架...-.-
今堂實驗係玩放大鏡同比我地自己整望遠鏡
我地去試用個顯微鏡睇遠野既時候豬叫魚拿佢果兩塊鏡同我地既合體@@
徐sir睇住我地組整既野,
見几塊鏡差d跌,就失聲嗌左出黎
好彩最後都冇跌o者~
整完望遠鏡,收番晒d野之後,
佢又叫我地拿番d野去自己bench試下整到顯微鏡既效果
豬用兩塊鏡睇下本書,
試下做唔做到,跟住佢比我叫我試
我用同豬一樣既方法,就成功左喇!
落堂之後徐sir讚我地果組做得好好 <- ^^
pe堂玩軟式排球(果几個字係唔咁寫架?)
劉靖揚,魚,毛韋淇,禮 几個鬥掟,都唔係上堂既@@"
英文堂去mmlc睇片,話大陸人對d黑熊好殘忍
同d熊做手術裝條鐵通入去佢個膽
困隻野o係個籠入面,定時抽取佢d膽汁作中藥用途
我記得好似以前睇過影d熊比人咁樣搞既片架
不過我睇過果套係中文
唐太派左d exercise比我地做
張工作紙全部都係之前套片既填充題,我唔識既多過識
我真係中英文都偏弱丫...><
history堂派卷,我錯左希特拉果題
37.5/40...過得去啦~(追求完美XD)
跟住係傾project既時間,
我果組發叔同釗唔識做,魚有料到又唔做野,
我就...冇心機做(藉口:P 不過我真係冇時間做history proj架喇)
全組一路發呆等落堂...
人地組組都做得好有條理,有晒計劃
我地乜都未郁過...
我再三叫魚聽日同後日要做下history proj,
如果唔係冇得交就死>.<
到交history proj我剩番一個星期六係得閒
一定做唔晒d野,所以魚一定要做
乜話coco history 40分?!
考之前果日下晝我icq佢仲話乜都未溫過
仲講d咩溫書就係利用bug加強力量(佢仍然玩緊mud...)
早知唔好幫佢整robot啦!XDDD
robot可以令電腦自動幫你玩mud
要自己寫d几複雜既程式 <-我上學期既vb能力就係咁練番黎,但比起杰同bobby果d都係微不足道

>>May 16, 2003 at 8:17:36 AM GMT+8

2003 年 5 月 14 日 星期三 【晴】

哇塞
mrs lam話我地班冇人交d geog proj去比佢
搵唔番既話會全部0分! >.<
英文堂話叫我地分組講d自己心裡面既問題寫落張紙度
唐太話如果係唔可以比人知既野就唔好寫
咁我諗到d又全部都係私人野唔比得人知喎
就比毛韋淇作晒佢咯~XD
第二個小息我o係自己櫃筒搵到之前用黎封住個vitamin C瓶既紙(點會仲o係度架...?!)
第7堂maths,就用果舊野摺摺摺~摺摺摺~摺成一個尖角塞落毛韋淇件衫
跟住搵藉口搖佢件衫... <-想令佢唔覺得我搖佢有唔妥
班主任堂校長用個宣佈同我地講有關沙s佢既感受
勁悶-____________________-""
落堂之前派左考試時間表
我心諗:終於出左喇!係時候要安排自己點溫書
一睇考d乜,乜咁搞哇!
我逢星期日要去學d超難數學架喎!
16/6(mon)整個history+cl比我?>.<
22/6(sun)係超難數既考試
23/6就黎個geog
想我死咩...
放學返屋企途中見到推住單車既coco,佢d同學同埋揚揚
一大班傻瓜一齊行,
每當去到有得揀行邊條路就猜包剪鎚,
猜贏果個決定全部人向邊面行
我話一比我猜贏就要行樓梯 <-大家諗下咁樣邊個最慘丫拿^^
去到有個上樓梯既地方,我地又猜勒
有人(唔係我)提議上樓梯
另一個話:""咁樣王俊文(即係co)會好慘個喎~"
coco就指住我話:得佢一個會想整死我...- -"
過左寶湖同吉之島之間果條橋我就走左
因為佢地落橋就話要行去海濱果度
哇...行咁遠?!佢地几時至返到屋企丫?@@
我一路都冇猜贏過任何一次-.-
冇得上落樓梯害co...:P
返到屋企開機,個mouse又壞(可以左右移動,上下唔得><)
上次仲整到架,今次就唔得喇
食完飯去買過個囉...
買完mouse返屋企,電話又唔知點解成日響
響既聲又唔係有人打黎,好煩哪...
聽日中史test
warm book warm book~

>>May 16, 2003 at 6:50:43 AM GMT+8

2003 年 5 月 13 日 星期二 【晴】

今日派左is卷
yeah!
今次成績都几滿意架~^^
不過我錯既野有2個都係因為冇睇清楚...
電腦堂quiz...
考之前宋永平見到張志恆坐o係臻隔離,同臻話:
林松臻~小心張志恆(提防貓眼也~)
我聽到就駁番宋永平一句:
咁我駛唔駛小心你呀~~~?
宋永平:嘿嘿嘿嘿...
不過黃sir要我地隔位坐
驚我地有人通水
考完之後黃sir就講access
仲有叫我地實習
不過全部都係d好簡單既野
落堂之後同魚一齊番課室
上樓梯見到早餐,佢見到我即刻問我is几多分-.-""
我講左,問番佢maths几多
佢話"唔合格呀"都冇講几多分就走左
返到課室,蔡ming問我想飲乜野
果次我教左佢maths quiz d數,佢話請我飲野
真係架?咁多謝喇~^^
英文堂唐太派番reading journal比我地
我本野做得馬虎,要再比佢睇一次>.<
無聊呀!學校整本咁既野黎根本係o徒錢!
仲話呢次再做得唔好要見校長...
分明是強迫的-.-!
DT堂...畫線畫線~柚木板~
再上多一兩次堂我諗就交得嚕
返到屋企2點半,呆左一陣至沖涼食飯
好彩阿媽留左字o係食飯桌度叫我沖完涼熄熱水爐@@
我沖完出黎睇到字至記得:P

>>May 14, 2003 at 8:03:24 AM GMT+8

2003 年 5 月 12 日 星期一 【晴】

今日maths,art同第一個小息係咁背history d野
第二個小息派左一人一樽維他命丸比我地
一粒500 mg vitamin C...駛唔駛呀?!
中文堂作文...
因為唔駛寫大綱,
所以我一開始就寫得好快
一氣呵成寫左200零字
後來慢左落黎,
到最後几分鐘寫好!@@
周sir又話今日一落堂就要收作文架-.-
變左12:15 history test之前佢再黎收
我仲寫得咁快添
RE堂我同蔡ming度橋
諗點樣將原本用黎封住樽藥丸既細細張硬紙放o係人地頭上面
之後我諗起李曉杰整古人既方法
塞d垃圾落人地件衫度,跟住搖下果個人件衫
等個垃圾跌左落去拎唔番出黎
攻擊目標:毛韋淇...
整完之後蔡ming同我話會將呢件事寫o係日記度
一陣去睇下佢點寫~XDDD
原來尋日我放學見到果個真係早餐黎架><
今日見到佢先知自己尋日認錯人(果個係佢我以為唔係...=.=)
佢話自己is test **分...
我唔記得問埋佢maths几多分tim! XD
最傻係冇問到佢電腦果10題mc考既野...
我樽藥丸原本放左o係書包裡面
唔覺意行行下倒瀉晒,
我食完晏打開書包先知
咁我就放個樽o係桌上面,
慢慢執番d藥丸落個樽度啦
點知釗就唔覺意一手推左個樽落垃圾筒...
算! d維他命丸咁臭,就算拿番屋企我都唔會食啦
考history喇...份卷我答得好戇居
希特拉果幅圖問你totalitarianism feature
我竟然走去答supported by middle class...
死喇...DT塊柚木板未畫過線,唔通聽日果堂至畫咩?
電腦又未溫...

>>May 14, 2003 at 6:27:16 AM GMT+8

2003 年 5 月 11 日 星期日 【晴】

哇爽!
終於login到日記板咯~^^
唔比login果日我以為要長期唔可以login
就冇寫到禁止登入果几日既日記
上星期几至知佢會今日開番login-.-...
今朝真係火滾啊!
媽今朝問我學樂理要星期五定星期六好
我話唔想學,佢就話唔可以唔學,因為已經比左$$
又話欣欣都有學 <-呢個係我唔肯學樂理既原因之一,做乜野係唔係都要搵佢黎講架?-.-
佢學唔學關我鬼事呀
可惡!既然你乜都決定晒仲問我黎做乜丫?
用呢排功課忙做藉口>.<
佢話係暑假開始學,
我拿埋中四多test出黎講
佢就話要我返星期五/六已經係就左我-.-
返學見到co踩緊單車,追唔到佢
跟住去到條斜路至大力拍佢書包一野(後來反思應該拍佢個頭...XD)
今日bio堂係比我地傾project既
全組人都好努力,除左陳嘉朗之前冇一齊傾過proj所以唔知我地做緊乜之外 :P
約左林松臻星期六黎我屋企做埋佢
history堂miss wong話proj係26號交
好彩係一個星期交一份o者,
如果一個星期連續交兩份既話我死得喇...
英文堂默書...默完之後老師收晒d簿派番黎比我地改其他人既默書
抽到發哥果本,
見到毛韋淇冇簿,就比發果本佢
自己再出去同老師話自己冇簿,我真係衰喇~^^
放學後行到吉之島出面條橋,見到有個女仔好似係早餐
唔肯定係唔係佢,又睇唔清楚,可能認錯人...算啦~@@
溫書溫書...

>>May 12, 2003 at 9:03:55 AM GMT+8

2003 年 5 月 5 日 星期一 【晴】

今日周sir拿左張新座位表上黎貼上壁報板
第一個小息我就去睇咯~坐阿曉隔離^^
禮坐王玲隔離,睇怕佢個位以後都會o係小息時比人強佔嚕,可憐的禮><
英文堂做comp改正
唐太話改完就交本野出去同拿英文既新故事書
我比起以前錯得多左好多
但大部分都係tense,以為自己有牌做
點知仲係快過好多人做完
拿左本新書,本來打算唔睇,都循例揭兩揭
發現今次d字數少過前几本好多
又勁多插圖喎^^
好!呢本我一定要睇晒佢!
上堂果陣睇左一個chapter,果8頁入面仲要有成兩三頁係圖
中史堂梁sir又勁屈宋永平答問題
睇黎舞台已經逐漸移向毛澤東的地獄了...
4點左右李俊賢打黎問我is d野
覺得bio本來唔難,全因為姓盧條xx(粗口唔想打出黎)
o係度誤人子弟搞到d野複雜晒-_-!
今日魚,揚揚同機機都問過我有冇scanner
魚同揚揚問完之後都話自己唔見左bio果兩張notes
所以到機機問果時我估到佢又係因為呢樣野
可惜我根本冇scanner- -
同揚揚chat果陣佢講到自己一次幫隔離個同學出貓既經歷
話果個同學要出貓,又唔夠膽驚比揚揚發現
揚揚就扮跌左枝筆行開執,等佢可以慢慢睇...
感人喔~
夜晚個mouse好似突然間壞左!>.<
完全唔可以上下移動,淨係可以郁到左右
自己亂咁搞左一輪又郁得番=.=
睇黎要買過個mouse咯...

>>May 12, 2003 at 8:31:27 AM GMT+8

2003 年 5 月 4 日 星期日 【雨】

今朝弟弟拿我個計數機出黎做數學功課-.-
哼!我小五小六 <-我既maths開始勁既時候
阿媽都唔比我禁機啦\./
弟弟數學咁差竟然走去用?
死喇死喇...我英文篇野未作,is test又未溫過>.<
日記板而家又上唔到,所以我只好繼續打o係notepad,等開返至post上去
冇得睇番停課期間我做既野黎作文添
哇!弟弟尋晚講d野咁靈既?
佢問阿媽:媽,如果聽日紅色暴雨我係咪唔駛返補習呀
因為佢一直都唔想返補習既,好似我唔想學琴一樣
結果今日真係紅色...
不過佢返去果時已經冇落雨咯^^
好似轉埋黃色添呀
下晝玩機戰α去到一關要擊墜黑天使呢部敵機
我點都夾唔arm d武器威力
所以打唔爆佢(要我打死自己邊有可能丫:P)
弟弟補完習返黎,o係樓下信箱拿左封信比我
哇爽~我o係上次數學訓練既考試入左圍!
黎緊既係準代表隊訓練,如果今次再考得上就係上大陸正式比賽架喇!
課程內容度話今次係綜合初中課程數學技巧同埋歷屆試題分析...
睇黎佢要為準代表隊既學生做好比賽既準備勒^^
我今次一定要努力再谷上一層呀!
果兩個課題聽落又可以幫我更加明白以前o係果度學過既野
即係無論考唔考得入亦可以令自己既maths比以前進步好多@@
嘿嘿...為中四的a maths作準備...
哇?!魚又話佢收到奧校果封信?!
因為佢覺得自己o係果度學maths既成績唔好,
冇理由會收到果封準代表隊既信@@
佢話今次唔會參加,因為學校考試要溫書- -
9點半果陣我上到塊日記板架,
send 5月4號日記果陣又衰左
一陣間之後再send,成功左!
好野!寫得番日記咯~^^

>>May 6, 2003 at 7:42:20 AM GMT+8

2003 年 5 月 3 日 星期六 【雨】

今日玩機械人大戰α去到有一關
eva初號機vs第14使徒 <-"使徒"是一隻巨型的生物
看下去就明白我為什么要告訴大家那是生物的了
根據新世紀福音戰士既劇情,
初號機被14使徒打至暴走
將使徒既肉逐忽逐忽搣落黎食落肚,場面極度血腥:P
今日我玩果陣都係咁,遵從原作劇情
專登令初號機暴走
暴走初號機就自動殺死使徒
跟住我聽到d肉塊被撕開/吃野既聲...
事緣呢隻game有設定,如果初號機o係呢關暴走就會出現食使徒既event
下晝同弟弟跟阿爸出去踩單車
哇!我慢左好多@@!
係因為兩三年冇踩過既關係掛...
其實主要原因未必兩三年冇踩單車,
應該係我極少做運動,搞到腳既速度同力氣慢晒
當然,耐冇踩都係原因之一
唔係行直路既時候我會行得好唔順暢>.<
魚去豬塊板度post左打開cd-rom機既程式碼
但唔知點解塊板run唔到果d程式 <-run到既話豬板實聽執都得咯^^
入mud裡面chat,被公認為豬頭 <-就是超笨蛋的意思 的moban話發現左m記茄汁既酸味有分別
我將自己同佢chat講過既野post左去豬板...
睇下豬睇完之後有乜反應先~XD
想寫日記果陣上唔到個網-.-
好野!沙屎今日淨係多左8個人受感染^^
就快會冇咯~
唔駛戴口罩咯~
全日都上唔到日記板...呢篇日記係5月5號post出黎架喇><

>>May 5, 2003 at 2:03:53 PM GMT+8