2006 年 9 月 5 日 星期二 【晴】

終於都去完環島五天返黎啦！！今次旅行最開心係可以睇到高雄同埋台中既景點~但同爸爸一齊旅行又想像中咁開心，可能因為爸爸唔鐘意行街，行左一陣，我同家姐就要搵地方俾佢休息下呢！變左我同家姐有好多野都睇唔到，買唔到。

話說今次既旅行團既第一日，係機場集合時就見到舊公司好多相識既同事，susan啦！jody！alan！仲有就係kinki~仲有一個不可不提既人，就係大名鼎鼎既黃龍！！同佢地傾左一陣之後就走左去食早餐~

原本今次想做一個真真正正既團友，點知係機場俾d舊同事破壞左，識穿左，而且個領隊話其實係泰國dream world既餐廳大家見過囉喎！諗住唔緊要啦！台灣個導遊唔知咪得囉！但點知個guide係佛光山第一句同我講既說話係『你都黎過好多次啦！』吓........之後幾日係行程中佢都有意無意咁俾說話我聽，當然又係果句說話啦！『你都黎過好多次啦！』~勁唔鐘意呀！

今團入面，差唔多日日下午都會落雨，好掃興呀！！返到台北落得仲大，係中正紀念堂仲好似倒水咁，成身同對鞋都濕晒呀！

今次落台灣食盡我最鐘意食既野，仲有就係同家姐周圍搵d好靚靚，又好好味既蛋糕~好滿足呀！

最唔鐘意既事，都有唔少，第一，個司機老咸，人地浸溫泉，佢就係到跟住晒，去到邊個池都見到佢，最後我決定入室內浸！！！第二，個guide示圖要我三父女一間房，等佢可以有酒店房訓，佢都無腦，我又唔係幾歲大既小朋友，又點會同我阿爸一間房，如果我阿媽知，都一定唔會俾！！第三，係誠品見到一個痴線佬，人地睇睇下書，竟然行到我面前扮睇書，之後仲近距離望任我，真係好想成本書車埋去！！痴線架！！！

>>September 7, 2006 at 12:11:01 AM GMT+8

2006 年 9 月 1 日 星期五 【晴】

yahoo既blog實在太多變態.....都係依到寫日記最安全~

小妹依幾日都唔係香港，有緊要事搵我就留言...
或著打 886 - 954113402

>>September 1, 2006 at 12:45:59 AM GMT+8

2006 年 8 月 31 日 星期四 【晴】

點解個個都可以留係家中放一個悠長假期？我細妹係咁！仲有molly都係咁！問佢地唔覺得悶既咩？佢地都可以答︰『一d都唔悶喎！』仲可以好享受咁...但點解我就唔可以？？我成日都覺得放假既日子，都似好過一個世紀咁耐....

今日唐sir打黎，我唔鐘意依個人，所以都係無聽到佢電話，不過就留左言，佢話想farewell，但真係！真係！無咁既需要，我好驚接觸依個人.........見到佢都想調頭走！

另外係屋企食緊晚飯時chipi打過黎，但無乜點傾到偈，唔知佢返工返成點呀？聽joan講chipi好似返工都返得ok喎~希望佢係依份新工可以搵到樂趣啦~

>>September 1, 2006 at 12:38:48 AM GMT+8

2006 年 8 月 29 日 星期二 【晴】

活動助理既工作完結左，今日開始離返第二份新工前既悠長假期。但今日都要返學校執一執自己既野，同埋還鎖匙。一返到到學校門口就見到強叔，同埋蛇仔silas，唉....講真，學校唔同silas續約都係因為佢蛇得太明顯....搞到依家日日返工無野做，返黎訓覺等收工既感覺都幾唔好受...

執完野去左元朗問人借錢，haha~我問邊個借錢？借幾多？肯借錢俾我既人當然係我女朋友molly啦！仲要六百台幣大元，無計，鬼叫高雄機場入面無得兌錢咩！做landing visa好煩呀！兩個人係仙跡岩傾左好多野，不過我諗以前兩個人一齊做野，都無講過咁多野，亦都無機會可以靜靜地咁坐底傾下偈呀。

依家個心總係有d野放唔底.....不過我真係好希望對方可以好好對自己，好好生活。

>>September 1, 2006 at 12:38:06 AM GMT+8

2006 年 8 月 29 日 星期二 【晴】

今日最後一日返工，一返到學校就見到校長，之後返埋自己個位，就見到miss leung送既禮物，對我黎講係無乜用既野~另外一件特別事係黎左做咁耐，都無同社工馮姑娘傾偈，同佢傾偈真係幾舒服！

lunch time今次既組合有阿麗、joan、tim、我四個人，又去左食泰國野，好好味呀！不過今餐就由阿tim依位黎緊新學年既劉sir請客，hehe~

估唔到我個位有咁多垃圾，執唔晒d野，搞到要聽日又要多去一次啦！！

>>September 1, 2006 at 12:37:29 AM GMT+8

2006 年 8 月 29 日 星期二 【晴】

http://hk.myblog.yahoo.com/ymt122/

>>August 29, 2006 at 12:46:31 AM GMT+8

2006 年 8 月 28 日 星期一 【晴】

今日兩個miss call，其中一個係steven打黎，但當我打番俾佢既時候，佢無聽到，但我就無明咁擔心起一個人，其實依幾日成日都係到諗，佢依家點樣呢？但又唔敢打俾佢，亦都唔知打到俾佢時講d咩好.....我內心一d都唔好過....

>>September 1, 2006 at 12:36:38 AM GMT+8

2006 年 8 月 25 日 星期五 【晴】

今日係我同chipi一齊工作既最後一天，因為佢last day係星期六，而我:last day係下個星期一，但係我星期六又唔使返工，所以就決定今日同佢一齊派晒送俾同事既farewell gift，點知派派下唔夠派，好彩joan等我地兩個收工，有時間幫我地出去買咋！farewell gift分別有四方亶瞴B熊仔餅、麻花餅、朱古力。依個係我同chipi一齊完成既最後工作！！仲一齊去向校長送上禮物添~仲同校長握手，校長隻手好軟呀！

放左工之後，我啦！chipi、同joan三個女仔一齊膽粗粗走上去深圳行街，~K骨，係皇崗關口好多人呀！但全部都係男人黎，乜個個男人都返深圳搵二奶架！！討厭呀！講真一句，其實我地今次三個女仔上去玩，都有d危險，因為大家都係返過左一次玩過咋，但今次我地就去左撘巴士去到萬像城轉地鐡，係萬像城食晚飯，去左間食墨西哥菜既餐廳，個女侍應仲好好禮貌，好nice，我地臨走時仲同左佢影相呀！！

今次上去都打左俾巨邦既才哥，haha，多謝佢既提點去東門買野既注意事項，佢仲話下次有時間，仲可以帶我地一齊去珠海玩添呀！！如果可以既話，真係有機會就好吖~

今晚最唔開心係去左整水晶甲，整到一肚氣，即刻黑面呀！！！返到香港仲俾我剪鬼晒！！又要重新留過d指甲啦！上次師傳提過我要留好尾指既指甲，唔係會好多人問我借錢。希望依段時間唔會又有人問我借錢呀！因為我真係無晒錢，而之前問我借錢既人日日都係到向我申窮，但有錢俾條女洗，佢自己就日日三蚊做早餐，佢女朋友明明係有份工做架？！唉...俾人問仲有無鐘意佢，心諗：鐘意就唔使還錢呀！！況且我已經唔愛佢，我最愛我自己，同埋我既朋友~

>>August 28, 2006 at 12:53:59 AM GMT+8

2006 年 8 月 24 日 星期四 【晴】

今日已經係星期四啦！仲有兩日，就唔使返依份工，個心開始有d忐忑不安既心情....定係因為聽日又係佢返黎既日子，所以個心會咁，不過，要面對事，始終都係要面對，就好似尋日咁，係分行個個都攞依個話題黎講，但MEANN都知我個心諗緊咩，兩個只係默默無語...一笑置之

返工既時候，諗著攞D野上教員室，點知俾我遇到校長，寒暄左兩句，HAHA仲以為佢無興趣同我講野添~

Lunch time, chip,我啦同左阿ann同周生一齊飯茶，haha估唔到周生原來都幾好傾架喎！入黎咁耐都係第一次同佢地一齊食飯，亦都係最後一次啦！！

期待同周師傳能夠在泰國相遇，一齊食大頭蝦~yeah~

>>August 24, 2006 at 11:47:35 PM GMT+8

2006 年 8 月 22 日 星期二 【晴】

今日諗著係走之前清埋d補假，點知老書記態度勁串囉！
唉.....好灰，好討厭，好彩miss mak係到，有佢可以幫我簽晒，唔使搵老咸唐sir

今日返左YL，見到ALAN SIU爸爸，唔知點解.....我覺得依個YL爸爸真係好錫我咁，每次見到佢既眼神，都覺得佢對我地依班小師妹好好，係超好呀！

>>August 22, 2006 at 11:52:39 PM GMT+8