2006 年 11 月 21 日 星期二 【晴】

好耐都無機會帶豪華團，仲要係泰國依個地方。今次依個團有好多人生既第一次，第一次食巴西燒烤，第一次係pattaya住咁光猛咁新既酒店，好舒服，第一次係泰國有客人買燕窩，第一次泰國可以分到三千bath。最感觸既係去百玉食飯，對上果次已經係兩年幾前！果時一個小妹妹，帶第一團，咩都唔識，拍到一個勁差既guide，食自助餐，但一d食慾都無，可憐....

我覺得依家既自己真係好幸福，因為我搵到一個好愛我，而我都好愛既人--華

>>November 21, 2006 at 12:31:44 AM GMT+8

2006 年 11 月 13 日 星期一 【晴】

違忘以久既日記，都唔知有幾多日無寫到。不過以前返工都係咁，成日都無寫。

終於都出完團返黎，今次返黎，好開心又可以收到molly既sms，因為就好似以前一齊工作咁，大家都會係對方落機時send一個msg俾對方，作一個關心，一個問候。

另一個開心就係有我男友wah哥接機，佢就坐係行李輸送帶側邊，係到等我工作至完畢。而且今次佢仲係泰國請左尊佛、平安繩、平安符俾我，多謝你呀！我知道男友真係好錫好錫我。

>>November 13, 2006 at 1:37:54 AM GMT+8

2006 年 10 月 25 日 星期三 【晴】

今日好開心呀！因為vivien特登黎左葵芳陪我食lunch，食完lunch都不特止，仲等埋我收工，一齊去左大快活打邊爐，好感動呀！如果v v 係男仔既話，真係唔知點算，愛死你啦！好啦~等我第二個假，我出太古搵你食lunch~

返工第三日，竟然發現自己唔識換行程，因為我成年幾都無乜點做過依d野。

係韓國既華少，記得著多件衫呀！唔好冷親番黎，唔好要我心痛呀！錫晒你~

>>October 26, 2006 at 12:47:54 AM GMT+8

2006 年 10 月 24 日 星期二 【晴】

第二日返工，都係做野啦！同d新同事都夾得黎。

做左成日，終於都等到收工，元朗三小花又聚會啦！真係有d唔好意思，要meann同molly等到我八點先有飯食，但決定去邊食都要討論左一陣，最後去左意粉屋，好野，中銀做特價，有半價套餐，仲可以叫到檸蜜，好鐘意意粉屋既檸蜜，好好飲。

三小花共聚，當然又係咩都講一餐，真係好可惜點解以前同一間行既時候，我地唔可以成日都係咁？反而大家各奔前程，先就有咁既機會。molly，希望你可以早d搵到鯨魚！唔好成日心酸啦！meann，唔好成日俾人呃啦~總有一日你會遇到真正既佢。

依家同男友傾電話，一傾又成個鐘啦！但真係好掛住呀！

>>October 26, 2006 at 12:38:22 AM GMT+8

2006 年 10 月 23 日 星期一 【晴】

今日係第一日返永安既大日子，好緊張，唔知會編去邊間分行。男友七點鐘就係屋企門口等我，送我返工，好開心，好多謝男友既支持，明明佢自己今晚仲要凌晨機去韓國，仲要咁早起身，好辛苦，好心痛呀我。而且男友陪我去到官塘食完早餐之後，佢自己都無野好做，要等到十二點先至做到佢自己既事。但我真係好多謝我男友，佢一直以黎都係身邊支持我，鼓勵我。

上到 7/ F，簽約，試制服，以前我著紅褸 S, ~`衫 XS, 裙 M
依家，HAHA，紅褸 M, ~`衫 M, 裙 M，睇黎我真係肥左好多呀！

著好晒衫，跟著就係等芳姨，好緊張呀！唔好 MG，唔好 CD，當宣判時我真係鬆左口氣，因為係返KF 葵芳，雖然個主管係無乜力，以前都聽過如果汁D同事出左事，佢一定唔會幫，或著咁講，係幫唔到。但都算係一間唔係太忙既分行，但都係一間要借行既細行。但個心都算係定落黎~

新既STAFF CODE係 L92.....同以前既G22....相比....都好，都仲有個2 字係到。但當然，我都係鐘意以前果個多D。

今晚男友飛啦！好唔捨得.....好掛住啦！又要五日後先至可以見到'。..........

>>October 24, 2006 at 12:47:12 AM GMT+8

2006 年 10 月 22 日 星期日 【晴】

依家係清晨既六點鐘，訓唔著呀！都唔知點解，可能因為飲左酒，四點幾好口渴，起身開左罐可樂飲，跟住就訓唔番啦！

話說尋日出左去夾番直d頭髮，同埋染番黑d。但出到去我已經唔記得左個新舖位，咁見到佢地其中一間分點咪走入去囉！咁問佢阿sam係唔係到，佢又話係到。點知行埋黎果個阿sam，唔係我平時剪開果個喎...不過算啦！其實都係差唔多既隉C但今次個頭真係好染左黑彩咁....好黑呀！！四年無試過個頭係咁黑架！！

整完頭跟住就去左行街，唔知係咪因為個人無錢，所以連行街都無咩動力咁，人都唔想行，但唔行又打發唔到時間喎。七點幾行到九點....等埋華少收工就同左gray lam, amy kwan, winne chung, levin lo總共六個人一齊過左置樂既小曼谷食飯，味味幾好，而且價錢幾抵，所以好多人呀等位呀！！食完飯，佢地又話未傾夠，又走左去隔離既酒吧飲野，見到winne 貓左既行為真係幾好笑。

我會好記得華少你做過既事。

大新聞呀！sayaki要結婚呀？？？

>>October 22, 2006 at 6:26:24 AM GMT+8

2006 年 10 月 20 日 星期五 【晴】

今晚約左華少，steven、shirley四個一齊睇黃子華talk show，好好睇！好好笑~我自問真係聽唔明許冠文talk show講既野，一d都唔好笑，都係黃子華既show好笑d。原來$250票，都幾近個台。但因為出去之前我拉左華少係屯門去euro go go食埋野先出去，搞到遲到，好塞車，金鐘個的士站又大排長龍，八點鐘開場，我地兩個八點四先到。好彩個show都係八點三先開始。如果以前既我遇到d咁唔如意既事，EQ低既我，一定會發脾氣，但依家因為有華少係到，所以雖然都有少少心急，但又唔係話太緊張。

今晚一次過陪華少做左好多以前無做過既事，例如撘叮叮、坐渡海小輪、行海旁。

>>October 21, 2006 at 2:49:03 AM GMT+8

2006 年 10 月 19 日 星期四 【晴】

依兩日都無胃口食野，搞到個肚空空，跟住又傷風，例牌成日覺得反胃又想嘔...我諗依兩日壓力真係好大。見完wot之後，成日都諗我係咪真係可以返到去呢？返到去之後，要有咩表現呢！話晒我男友都係wot話晒係讚信王、收客又多，如果我做得差，佢一定會變得好無面架....

下晝出左沙田見工，見工之前steven打黎，佢話我去咩見工，sin 車錢，留番請佢食飯喎！！但我真係好想見識下嘛！！但今次依個interview真係好特別。我覺得好搞笑，入到去個人俾左張form我填，填填下發現竟然有筆試...我黎見reception個位咋喎...
第一題『有一個學生因身體不適未能上課，而要求退回學費，與職員發生爭拗，繼而致函投訴，你作為分校負責人，請用100字回覆』
第二題，係將以下英文句字翻譯成中文。
第三題，係將以下中文句字翻譯成英文。
好，考完中英交writing之後，跟住就係考英文oral...主考官突然間係櫃捅拎張紙出黎，『請你讀出以前幾個生字』
考完中英文，又點可以唔考埋數學呢！！『楊小姐，請問$150，打個八折，即係幾多』

就係依個interview搞到我遲左去機場接我心愛既華少....而且沙田架 e 車，真係兜左好多地方，車公廟、大圍....好耐先上高速....

唔知點解，依家影親証件相都影得好核突...好唔鐘意呀！！唔通我真係醜樣左咁多...唔制呀！！

今晚屈左周師傳請左我同華少食左餐飯，haha~

>>October 20, 2006 at 11:48:32 AM GMT+8

2006 年 10 月 18 日 星期三 【晴】

好多日都無寫日記啦！因為華少出左團，而我又無乜錢，所以咁多日以黎都無出左過街，每日都起身刷牙洗面，食早餐.....午餐....晚餐，跟住又沖涼刷牙，又訓覺，日復一日，所以無野好寫。

但係今朝，唔知點解八點幾就起左身，唔知係咪因為預測到有事發生呢？九點幾，以前我既舊主管janny打黎，見到來電顯示果時，我係到諗，佢係咪打錯電話(因為都試過一次)，或著佢放左係個bag到又無lock key呢？接左電話之後，janny問我依排做緊咩，有無興趣返WOT，話幫我約HR。今次真係好多謝JANNY，因為係佢俾左依個機會我，亦都無諗過佢對我既事咁上心，而我亦都知道有一個人，係依件事入面，一直都幫緊我，做左好多野，依個人就係我既師兄，兼男友(未來老公)，華少。多謝你。

我知道，無論係咩時候，我男友都會好支持我，成為我既支柱，所以無論咩事都好，有佢係我身邊我就好滿足。

約左HR係保華見工，一點鐘出門口，順便同家姐一齊行出去巴士站，因為佢都係要出街，一邊行，一邊同佢傾下佢工作上既事，佢又一邊係到喊。其諗下以前我既性格同家姐差唔多，唔多出聲，唔會做主動，所以係中學時無乜朋友，亦都可以話得失左好多人，所以當我有機會讀番書，由讀基礎文憑開始，就一直改變自己，升到HIGH DIP，更加做埋學生代表會，就係想識好多好多朋友，想做到任何地方都有朋友依D就係水瓶座人既作風，咁當然啦！知已朋友，真係唔多，三四個已經好足夠。咁男朋友更加一個就夠晒數啦！

見到家姐咁，有時都想話下佢，但上次食飯，見到媽咪同佢講左兩句之後個樣，都唔知點開口。每個人既性格都唔同，不過如果比著係我俾人孤立左成個月都無人理我，我都會唔開心，其實朋友既野，無話要等邊個做主動既，咁見人地唔出聲，咪多D聊下佢囉！感覺上，佢地成班同事都好唔成熟咁既！依家家姐好想好想轉工，我就要更加努力去做野....

兩點九去到保華 7/ F，感覺好奇怪，亦都諗起好多野，第一樣諗到既係我上次去黎係交制服，今次就係見工。入面去會議室，又諗番起第一次落行時，成班十六個同事仔係到會晤芳姨既情況。以前執料前交文件既情況等等...

成個INTERVIEW，由入去填FORM到等待見面，用左一個鐘頭十五分鐘。但十五分鐘用黎填FORM，加加埋埋超過半個鐘既時間都係等待。之後果廿分鐘先至係INTERVIEW，當中傾左好多野，但主要都係讀番公司今次俾我返去，希望我可以做到佢地既野，要做一個大姐姐，搵機會好好咁教D新同事，亦都要好好重拾番工作既熱誠，好好保持。

走既時間，係LEFT 口見到個OA，好耐好耐無見，佢送我落LOBBY時傾左幾句。其實識左依個同事咁耐，真係無問過佢叫咩名，真係失禮。

今日我係地鐵入面見到盧海鵬呀！！

>>October 19, 2006 at 10:42:23 AM GMT+8

2006 年 10 月 6 日 星期五 【晴】

今日係中秋正日，亦都係屋企馬拉松式BBQ既第二日，不過今晚就得番自己屋企人，仲加埋我男友華少共六個人，但因為華少同我家姐都未返，所以等到七點幾都末開始，所以我就攞部手機出黎，send msg俾咁多位好朋友，因為前兩日出團時收到大家俾我既中秋msg我都好開心，所以我都想send下俾人，可惜我打錯左字，但收到connie、molly、maly、檸檬、珠珠、roger等等等既回覆，但最開心係可以收到daddy matthew既回覆...

今晚華少又買左野過黎，嘩....兩大盒美國士多啤梨！食唔晒喎~

今晚發生左少少事，因為前男友打電話黎，傾左兩句，但佢知華少係我身邊，都好識做咁收線，但我又唔識講大話，華少一問係邊個打黎，我就直接咁答左佢，跟住就見到佢好唔開心，唉......點算呀！！感覺好手足無措，又唔想俾媽咪爸爸見到佢咁...跟住就喊左出黎，好彩最後都有華少S挾f~

今晚其實都好開心，因為有男友係身邊過中秋，仲要食埋月餅，生果，點燈籠，賞月至到兩點~

>>October 9, 2006 at 11:09:13 AM GMT+8