2006 年 4 月 28 日 星期五 【晴】

校務處最大既書記好似好怕我唔做咁，同我講左好多野，叫我做耐d先，耐d先至睇到份工岩唔岩我做，如果有d野唔岩做都可以走位！一面聽佢講，一面心諗，唔通平時我同silas傾既野俾佢聽到晒？？

唉...見到miss mak好努力咁幫我爭取電腦同photoshop....如果有一日我真係唔做，好似好對佢唔住咁....仲有就係唐sir，佢成日都覺得我要做訓導組d垃圾工作，浪費晒，寧願我用d時間幫佢做d易拉架poster，成個紅十字會既負責老師真係好錫我。可惜係開會既時候，我編左去最表現唔到自己女童軍同marching band...唉.........

講真係我真係無搵依個人好耐，但佢得閒一頭半個月就send句『我突然好掛住你』，咁樣我咪仲痛苦....

>>April 29, 2006 at 12:20:50 AM GMT+8

2006 年 4 月 24 日 星期一 【晴】

今晚約左好耐好耐無見既人食飯，差唔多都有五年啦！但我遲到囉！因為佐敦道真係好塞車呀~

mark sir同以前都無咩點變....，係殘左，同老左少少啦！兩個人去左廟街食焗飯，都幾好味架~

>>April 25, 2006 at 12:12:33 AM GMT+8

2006 年 4 月 22 日 星期六 【晴】

帶完兩日一夜既女童軍宿營，總結，兩個字.....討厭！！

我真係好討厭小朋友，特別係依d唔大唔細既小朋友(女仔)！同佢地講鬼故，又話驚，咁我走去訓，又話我有問題，痴線架！

返到學校解散，之後返左元朗，本來想買蛋撻俾元朗分行既同事，可惜無，最後買左西餅咋。

>>April 23, 2006 at 12:12:05 AM GMT+8

2006 年 4 月 19 日 星期三 【晴】

今晚收一個好surprise既email，係一年多前我去korea拍到既影相仔寫左封email俾我！haha，好開心呀！要知道已經過左咁耐囉喎！估唔到佢依家會入左army.

另外特別事情係...學校新黎既數學 TA，如來係CHESTER既中學同覺黎架！！HAHA點解依個世界咁細既？
MATH TA︰你以前讀咩科架？
ME︰ DIGITAL MEDIA
MATH TA︰咁係到讀呀？
ME︰ IVE KT
MATH TA︰畢左業好耐嗱？
ME︰ 2 年囉！
MATH TA︰我有FD都係到讀，04年畢業！
ME︰咦~咪一樣囉！
MATH TA︰你識唔識陳楚華呀？........(嘩..............CHESTER既FD呀！)

>>April 19, 2006 at 8:21:25 PM GMT+8

2006 年 4 月 18 日 星期二 【晴】

放左工出左荃灣同好耐好耐無見既mike食飯，haha，諗番起果時係因為A、B 兩班一齊上電腦堂坐係隔離，先至會變得熟絡起黎！

今晚去左食我好耐無食既上海菜，樣樣都好想食，但又唔知食咩好，最後點左醉雞、小籠包、螞蟻上樹、黃金蝦碌，好好味呀！而且仲食埋我最鐘意既糖水，酒釀丸子。

今晚食左一餐好開心既晚飯.....成晚既話題都ONLY係 事業.....

>>April 19, 2006 at 8:16:14 PM GMT+8

2006 年 4 月 16 日 星期日 【晴】

依幾日放假淨係係屋企悶，點解天氣咁凍，日日都陰天，連個人都覺得好無精神，連出街約人既興趣都無！

今晚kyo越洋打左個電話黎，心入面都幾開心架！起碼佢有勇氣打俾我！其實我口頭上話怕同人地講電話，覺得好煩，但更怕d朋友唔打俾我！！

其實我從來都無話後悔做過d咩，就算係感情上既選擇都係咁話，但對於工作就有少少保留，依段時間需要一個人慢慢去走，感覺孤單點都會有d。

好想見到靜潔無瑕既星空，唔想再見到紅紅既雲層，好似總叫人落淚咁，好討厭。往事只能回味...

>>April 17, 2006 at 12:56:40 AM GMT+8

2006 年 4 月 11 日 星期二 【晴】

九點鐘準時係上水火車站集合，開始我地廣州兩天團，我地去到羅湖之後去左食早餐，之後坐火車上去，好多人呀！但感覺都仲算OK。

一去到廣州我地就去左陪JEFF去入貨，行下行下由十一點幾行到三點幾，我同MOLLY兩個女仔行到肚又餓、腳又攰，扁晒嘴，JEFF哥哥都視若無睹，唔理我地呀！差不多買得七七八八時，我就打電話問巨邦個GUIDE才哥，問候下，順便問下佢附近有無酒店，佢介紹左"華廈"俾我，我地三條友初時諗著搵餐廳，係附近行左一陣見到間HOTEL LANDMARK，最後搵唔到野食，咪諗著撘的士去酒店囉！但又折唔到，諗著坐番去LANDMARK搵的士啦！但就發現左我地三個好豬既事，原來五步就到既LANDMARK就係我地要搵既華廈！！好彩無折到的士咋！白痴呀！！但LANDMARK太貴，我地變左去隔離間廣東中旅BOOK房，270蚊住廣州賓館，三個人住都OK夠大。

我地三個人無食午餐，JEFF個個話我地兩個女仔應該食少D，咁即係話我地兩個好肥啦~原來廣州既PIZZA HUT真係好好味架！個芝心PIZZA仲整得好靚，雞翼好好味！服務仲好好添~一個意外既驚喜呀！

食飽飽，我地又去左碌LING，好貴呀！MOLLY以企鵝招式贏左兩局，JEFF贏左一局，我地玩左三局就手軟啦！而且價錢真係唔平呀！！

返到去酒店附近我地又去左飲酒，依種感覺真係舒服，好輕鬆，三條寂寞的鯨魚.....

>>April 14, 2006 at 2:47:06 PM GMT+8

2006 年 4 月 10 日 星期一 【晴】

今日係放假前既最後一個工作天，但亦都係最後機會見到數學TA既最後一日，仲諗著搵到個比較岩傾既人，點知佢又要走，唉...有點灰！今日真係無咩野做，成日都係到吹水，HAHA

放左工去左師傳到上香，自從上次PNH05X返黎之後都無上過去。上完香之後同左師傳老婆SANDY傾偈，HAHA又聽到好多分行既是是非非，又同BILLY仔玩！跟著同左MEANN、MOLLY三個人去食泰國野，好似做左WALATO之後，鐘意上食泰國菜。

>>April 14, 2006 at 2:25:27 PM GMT+8

2006 年 4 月 9 日 星期日 【晴】

~而我知道 五月天~

冰塊還沒融化　你在看錶　我笑的尷尬
你說最近很忙　改天聊吧

那天我在樓下　想了很久　想你說的話
你說愛情很窄　世界很大(而我們應該長大)

就這樣吧　就這樣吧
我想我　聽懂你　話中的話

＊而我知道那真愛不一定能白頭到老
　而我知道有一天你可能就這麼走掉
　而我知道我知道這一切我全都知道
　我就是受不了＊

＃而我知道我們曾天真的一起哭和笑
　而我知道放開手但不知道怎麼忘掉
　而我知道你走了以後的每一分一秒
　卻還是這麼難熬＃

微笑緊緊咬牙　給你祝福　你自由飛吧
你說溫室沒有燦爛的花(你總是很有想法)

就這樣吧　就這樣吧
我同意　可是我　淚如雨下

>>April 9, 2006 at 10:22:26 PM GMT+8

2006 年 4 月 8 日 星期六 【晴】

朝早跟左班red cross去老人院做義工，當中學到唔少野，而且我真係好耐無查過咪，好開心可以講下野。

收左工，去左荃灣睇下jeff & gloria既舖頭，咁就係到打(等)左一日，等埋molly出黎，到收舖，我地去左co co duck飲野，好多謝佢地肯陪我去飲野，仲有就係steven啦！要佢特登係屯門出黎，而且仲送我撘車。

仲意為自己已經好番晒，點知因為係舖頭見到karen出現果，個心好痛，唔知點解會討厭佢，明明我都唔識佢，無同佢講過一句說話。更加殘酷既係連阿ken都出現埋，我唯一可以做既野係扮無野，大家都好似唔識咁，人地咁大牌係你面前卿卿我我，做晒勝利既樣，當你透明，無同你打招乎，咁我仲可以點做？唯有行開自己好好喊下...

>>April 9, 2006 at 1:47:22 PM GMT+8