2006 年 4 月 7 日 星期五 【晴】

返工第二日，返到去見到另外兩位TA(TEACHING ASSISTANT)，一個叫KELLY、另一個叫MARxxx(唔識得讀)，太好啦！終於都有d同grade既同事！

朝早仍然都係好悶，因為暫時都係無野做，但好彩最後都問到校務處d人俾d data我打下，打到一點鐘，同左周sir、伍sir、stone、kelly仲有一個阿sir同miss，七個人叫R食飯，依班都係好好玩既同事，但因為唔係太熟，感覺有少少無從入手咁！希望打後會同更多同事熟絡d啦！

下午返到學校又開始挖野做，今次挖到個board做，但做做下又俾人叫左去red cross，聽晒d講解，又俾唐sir串，問點解我乜野制服團體都玩過學校會請我！都唔知點答佢！！俾人串完，離收工時間得番一個鐘，好彩原來個board唔趕咋！！今天又準時收工！

收左工去左屯門一陣買野，打左俾芬芬，希望佢可以轉到ticketing啦！俾心機呀！世界上如果要得到一樣，就必須要有所付出，自己仲後生，就俾d時間去發展將來，好多野唔試過，又點知自己唔得呢！

>>April 9, 2006 at 1:25:45 PM GMT+8

2006 年 4 月 6 日 星期四 【晴】

今日第一日返工，返到去打左一個file之後，由食飯到放工都無野做，好悶....

但依間學校既人暫時俾我覺得佢地好好人，特別係請我既周sir，佢仲同我講如果真係想留係到續繼做，咁就要令自己變得有價值！

放左工同molly、christy去左一番食日本野，叫左好多野食，好飽好飽，但molly返到屋企皮膚敏感....點算好？

>>April 7, 2006 at 12:41:07 AM GMT+8

2006 年 4 月 5 日 星期三 【晴】

今日約左班fd，阿珠同mil食飯傾下偈，見下面，初初因為太早，所以去左paris到食lunch，但好可惜果邊真係太多人吸煙啦！坐左兩個鐘就轉地方，去番我上次去果間pink empireism，價錢可能貴少少，但係靜好多，又無人食煙。

三個女仔見到人地有咩就乜都攞黎玩，鱷魚牙仔、uno、play card，就連迷你麻雀都玩埋，三缺一都係咁話！haha！打左兩個鐘。其間見到個靚仔，佢係到彈結他，但俾我地三個傻婆既大笑聲嚇走左，可惜可惜。而且點睇我地都大佢好多，唉.....感覺更可惜！

走既時候，睇舖果個人又問左上次同一個問題，『你上次係咪同billy黎過！』，佢又認錯人啦！

>>April 6, 2006 at 12:04:50 AM GMT+8

2006 年 4 月 4 日 星期二 【晴】

今日YL即興約食晚飯，係屋企好耐無出街既我當然一口答應，而且好耐無見既阿芬又返左黎香港，一定要出黎見下面。

今日射波既RAYMAND仔打黎吹水，見黎晚飯時間還掂仲有時間，而且佢入黎屯門，所以約左係仙跡岩飲野，多謝RAYMAND兄請客啦！兩個鐘入面大家都係講下依幾個月既近況，其間RAYMAND仔仲主動話幫我打電話問DICK依排請唔請FREELANCE。

阿芬扭計呀！一時話去，一時又話唔去，都唔知想點，不過如果佢真係黎，我都好樂意係西鐵等佢！因為我真係好鐘意依個同事，無論佢將來有咩打算，我都會支持佢，大家永遠都係好朋友黎架！

今晚食飯雖然唔係好多人，有阿芬、CONNIE、SHINGO(意料之外出現既人)、SAYAKI、NICKIE、麗華、仲有我，真係唔明，食飯都要咁鬼祟，唔可以俾人發現！但TRACY依條友仔無黎囉！而且仲要係屯門站遇到佢！仲要叫我白痴婆！真係吖~

唉....一出到黎，個個都怨聲再道，團有幾差，客有幾煩，主管提早左更年期咁，見人就咬！希望黎緊落行既兩個新年夠靚仔，可以舒緩一下YL既氣氛。

食飽飯，我地去左食糖水，食左好好味既榴槤PANCAKE，好滿足呀！一人一件，岩岩好。成晚班同事都係雞啄唔斷，好煩，但好開心，而且食糖水時IRENE仲帶左兩位貴賓黎，就係MANGOL同CAMAN CHAN，見到佢地兩個咁幸福，好瞪佢地開心呀！！

>>April 5, 2006 at 2:27:48 AM GMT+8

2006 年 4 月 3 日 星期一 【晴】

今朝一早起身，去左可道中學見校長，等等等....等到入去又係要自我介紹，似乎依位校長好清楚領隊既人工來源，講到人工問題，以我無學校經驗黎講ok，之後就出去等埋份臨時合約，簽好就可以走，4月6日返工，開始朝九晚六既工作，但可以著牛記既工作。

見工既時候遇到一個叫joey既女仔，佢都成功左，唔知到時會唔會一齊做同事呢？睇佢好似唔係咁滿意依道既人工咁。

>>April 3, 2006 at 8:08:53 PM GMT+8

2006 年 4 月 2 日 星期日 【晴】

無工作既生活，比起返工還要辛苦，每天起身就要開始想想今天要怎樣渡過，痛苦呀！

chris同vivien好快就要出泰國啦！希望佢地順利平安，此終依排果邊咁亂，做朋友既都會擔心。

>>April 2, 2006 at 6:58:15 PM GMT+8

2006 年 4 月 1 日 星期六 【晴】

從來都無用過Ulead videostudio黎做剪接，去到interview間學校，即場開左個help file一邊學，一邊剪。限定30分鐘過去，註定今次interview失敗。

中午約左阿珠去葵芳食飯行街，一年前係le saunda買對高根鞋明明係37 1/2，但今次我對鞋係36 1/2囉！上次行過問佢攞38無碼，但原來依個鞋款我要再著細d，終於都俾我買到啦！hehe，最後清貨五日，唔怪得屯門無得減啦！

>>April 1, 2006 at 7:35:23 PM GMT+8

2006 年 3 月 31 日 星期五 【晴】

今日終於都鼓起勇氣send左個msg俾佢，其實諗左好多日，究竟send唔send好！因為係我對佢唔住先，一聲不鉖搢咱炕Csend完之後，又係到諗，佢會唔會覆我呢？會唔會鬧我呢？但真係估唔到佢會打黎，聽到久違左好耐既聲音，果一刻眼淚又流下，心諗『點解你仲會打俾我，點解你唔嬲我，點解？明明我把你傷害左，點解？而且仲要問我有無比你更加幸福，我相信依句說話只有你會問我，因為你係我遇到既人入面，最愛我，所以至會咁問我！』

你知道嘛，你實在係一個好溫柔，好體貼既人，你應該比我更幸福，有一個好愛你既人係身邊照顧你。

>>April 1, 2006 at 12:29:51 AM GMT+8

2006 年 3 月 30 日 星期四 【晴】

前晚喊左好耐...好耐.....好耐
究竟係『再說一次我愛你』感動，定係我真係未好番。一直一直係到喊...

>>March 31, 2006 at 12:50:42 AM GMT+8

2006 年 3 月 30 日 星期四 【晴】

平時太夜訓，搞到尋晚點都係訓唔著，但第二朝一早又要去見工，唯有係到諗聽日要講d咩好！諗番mark sir講既野，係到諗佢教我interview要講既說話，諗下諗下咁就訓著左！

一早起身坐紅van去洪水橋，究竟間學校門口係邊架？遲到啦！！入到去原來已經有一個女仔係到等緊，佢入左去interview先，跟住到我填form，等多一陣就輪到我，副校長同主任都好nice，interview好似同朋友high tea傾偈咁，haha好自然好舒服，一d都唔似interview既！但講到尾我都唔係好知依份工做d咩！haha

見完工即刻打俾mark sir做事後檢討，haha，傾左佢半個鐘，今晚有時間再繼續。

當我同媽咪係屯門食完早餐，學校果邊打黎見我星期一去見校長呀！嘩....見完唔夠兩個鐘就收到電話！開始緊張起黎添！

見工既時間表
---------------------------
18/3 09:30 IVE(沙田)----->(去左台灣旅行，去唔到)
28/3 16:30 觀塘基樂小學(1 ST)
30/3 09:30 屯門可道中學( 1ST)
31/3 16:30 屯門可藝中學(1 ST)
1/4 10:00 觀塘基樂小學(2 ND)
3/4 09:15 屯門可道中學(2 ND)-->(本來 10:00有場DISNEYLAND既INTERVIEW，但夾唔到時間)
12:20 IVE (沙田)(1 ST)

>>March 30, 2006 at 8:36:16 PM GMT+8