2005 年 9 月 25 日 星期日 【晴】

成晚都訓得唔好，好緊張，成晚都係到發夢，放大假既心情竟然俾帶團仲緊張，但精神就好過係韓國果幾日，一早去到機場唔知做咩好，覺得一個人坐飛機好悶，平時做野係唔覺架！但放假既心情係輕鬆d既！

依四日既任可事，我都會記得！

第一日落機，樟宜機場，係行李輸送帶等行李，好緊張呀！心諗唔知等陣我出到去會唔會認錯，或著眼大睇過龍，望到kyo呢？

過新山境，感覺好熟悉，話晒帶團時都走過丫

估唔到咁快就見家長，好驚架！姑姑、aunt、最細既細妹、細妹、uncle、阿哥.....大家庭，食飯既時候aunt望住我好耐....心入面標晒汗......叫菜時仲要就我依個病人點d清淡既菜，好唔好意思囉！

下...『窗外好黑，好似有人影』？唔係嘛...第一晚就講鬼故俾我聽？？？十一歲既妹妹玩野.....

第二朝，食早餐，肚餓但無胃口，但又唔可以唔食，aunt同姑姑都係到....

平時好少坐私家車，多數都係坐舅父開既，依幾年都少左，初初都好驚會坐到暈車浪，估唔到kyo首車好穩，同個人一樣，好溫柔。

第一眼見到kyo既知己，一個好有氣質既女性，咁.....如果我係男仔都會鐘意........如果我同佢比較，我一定輸.......個心好酸.....

巴巴娘野既酒店，就係平時團參觀果間呀！今次自己竟然有機會住到，好開心呀！雖然房間無乜特別，但真係好難得

唔知係咪我病食左葯，食乜都唔覺得好食，雞場街古城雞粒飯，好普通咁...

同kyo補祝既中秋花燈會，估唔到因為我地行錯路，咁都俾我到遇到花燈會，lucky

第三日，全酒店最晏起身既客人，haha，人地要收早餐添....跟住又開車出發，去到渡假村，餐廳d價錢好貴，『要食就你自己食，我唔食呀！我走呀！！』乜我真係好好戲咩？hahaha，咁唔係點走呀！好瘀架嘛...坐底又唔食！！

cowboy town，好浪漫呀！可以兩個人一齊睇咁大咁靚既煙花....kiss~

係候機室喊，係飛機上面又喊，因為心入面知道有一個人係到喊緊，個心好痛，但千其唔好唔要我呀！唔好放棄我.....唔好留底我一個人...

>>September 26, 2005 at 1:59:50 AM GMT+8

2005 年 9 月 21 日 星期三 【晴】

初初以為今個中秋可以係屋企過，點知係我annual leave前派左一團韓國五天SEW05-0917H，都好丫可以賺番張機票錢，但點知得不常失，我由第一日上機就已經冷親....係韓國病左足足五日，真好好彩班團友好好人，雖然導遊RICH無乜點理我，但都預左D大男人主義既山東人係咁，之不過係我病既時候，個影相仔係好照顧我，仲整埋D即食粥俾我食，但就日日上車落車都俾佢掃背，仲估唔到想索吻...............痴線架！！！！

明明已經係韓國睇左醫生，仲打左針，但就係唔退燒，不過果邊D葯真係幾難食，病到七彩咁返香港，好彩落機見到女朋友MOLLY接我機，momo話，『你搞乜野呀！都唔似平時既你』朝早連行李都差d執唔到既人，仲點可以似人呀....

原來依家屯門都有24小時既門診架！！但要三百蚊...好貴......但無計，我聽朝又要飛啦！無葯食會死人

>>September 26, 2005 at 12:47:28 AM GMT+8

2005 年 9 月 14 日 星期三 【晴】

今晚約左maly食飯，本來想搵埋hp tsang，點知佢無覆電話，渣車去大老山隧道先至打番黎，真係白白錯失左同我食飯既機會呀！哈哈！

其實唔多唔少都有羨慕maly讀番書，但覺得自己應付唔到個top up degree囉，自己知自己事。不過，maly加油呀！廿五歲前一定要有自己既事業呀！男人會十年檢討佢既一生，但女人會五年一大檢，一年一小檢自己既人生(依個係我今晚同maly相討既結論)。

>>September 14, 2005 at 11:28:05 PM GMT+8

2005 年 9 月 12 日 星期一 【晴】

如果我一年可以蓄到三萬，咁五年之後應該都有十五萬掛？但蓄錢黎做咩呢？我想，唯一既用處係用黎養自己掛...

>>September 12, 2005 at 11:43:31 PM GMT+8

2005 年 9 月 11 日 星期日 【晴】

終於都係昆明返黎啦！六日呀，但都覺過得好快，可能total要坐成四程機，好多野要做，但開始愛上大理麗江依個地方，果邊既天氣好舒服，最鐘意就係果種秋天既感覺。

成個行程方面，唯一得一晚遇到同事caman chan，兩個人坐的士去左麗江古城行街，仲兩個人食左套雲南過橋米線，d雞湯好好味呀！打到d舖打烊先至返酒店。

不過雲南既天氣太旱燥啦！隻手爛左...

歸家既感覺係最好既！乜都有，想食咩都可以...仲可以訓，訓，同訓....

>>September 12, 2005 at 2:31:58 AM GMT+8

2005 年 9 月 5 日 星期一 【晴】

哈哈，今朝竟然約到mo mo過黎屯門飲早茶，其實我地兩個女仔都食唔少野，埋單都要一百蚊，買左份報紙都無睇過，全程都係傾偈，哈哈，之後仲返左元朗分行，又去左行街，仲食埋下午茶，(粟米+瑞士雞奕+紅豆冰) x 2，yeah~一個愉快既一個假期，咁先至係放假架嘛~

平時只掛住返工，不知不覺間，原來已經開始入秋，七點鐘就天黑，好耐無搭過地鐵。其實開始係到諗邊一種既日子最適合我呢？

>>September 5, 2005 at 9:23:04 PM GMT+8

2005 年 9 月 3 日 星期六 【晴】

今朝食麥記早餐，raymand仔話留番少少薯餅俾佢，轉頭Henry hui返到黎就話依d野邊有得留架！就一啖食左落肚....(咁就食左架o拿)

我覺得ivan tang好惡，好驚佢呀！下下做d咩都會俾佢捉到錯處，佢叫我做大堂接待，咪做囉，佢唔叫我坐，我都唔敢返入counter，返尖沙咀就係依樣唔好...

今晚同mike傾電話，有少少想轉番去media果邊做...

>>September 4, 2005 at 2:28:56 AM GMT+8

2005 年 9 月 2 日 星期五 【晴】

唔知點解今朝一早有種好強烈想辭職既衝動，同mil mil傾左好耐，亦都同左molly講，但依家咁既時勢真係唔知可以去邊搵到一份有八千幾蚊既工作呢？

connie媽又話今晚元朗有飯局，點知最後都取消左。但講真一句，隔離公司果個BBQ又唔想去喎！

足足有四年無見過MARK SIR，約好星期一食飯，但今晚係電話到講左好多野...

太過份！！4, 5 號連續放兩日假，但5號我要準備出團，老蝕呀！molly 要 5 號先放....如果吾係一齊去玩啦！

一拖再拖跟本唔係辦法，亦討厭不俾尊重既感覺，不如決絕d咪仲好，既然你真係做唔到，咁不如等我黎！

>>September 3, 2005 at 1:21:37 AM GMT+8

2005 年 9 月 1 日 星期四 【晴】

昆明大理麗江六天，唔知今次又會唔會轉我團呢？估唔到咁快又派

依一刻我肯定咁知道我唔會再同ex一齊，但如果要我從kyo同ivan中搵答案既話，無錯答案已經係我心入面，所以我個心好痛，好唔開心，現實生活左右了我既決定，而周邊既環境亦影響左答案既確定性。

今日有種好強烈想辭職既念頭，好累呀！

放左工同christy食飯，一個愉快既晚餐，兩個人又係到大吐苦水....好想christy返黎anada，但唔知我等唔等到佢呢！

>>September 2, 2005 at 1:57:03 AM GMT+8

2005 年 8 月 31 日 星期三 【晴】

難得既一日，享天倫之樂既一天，早場同左媽咪細妹飲茶，夜場一家五口食左餐晚飯，一日之裏做晒依幾個月都無做到既野！！最難得係可以五個人同檯同時間一齊食喎！

今日行去屯門分行諗著幫家姐媽咪報個中山珠海玩下，點知全日都係得一團，仲要滿左....但就見到好耐無見既華哥，依家既華哥仍然好鐘意玩我。走既時候阿matt問左我一個問題，依家我可以好肯定咁答︰『唔會』

choose 1 or 2, chose 2
choose 2 or 3, chose 3
choose 3 or 4, 3 = cry , 4 = time

>>September 1, 2005 at 12:25:16 AM GMT+8