2005 年 10 月 16 日 星期日 【晴】

今日又去左海洋公園幫手，但其實乜都幫唔到！咪當自己去玩下囉！睇左好多年都無睇過既海豚表演，但係好鬼憎d大陸遊客，佢除左對鞋，將d腳趾對住你....好臭呀！

我依家脾氣好差呀！唔好野我！nicky竟然幫我執少左成十個團章，真係想鏟佢一穫！

放左工同meann、molly三個人去左冬菇亭(大排擋)食飯，因為我好想食魚，所以叫左碟清蒸多寶，一條都要$70，好貴呀！跟住仲叫左蠔餅，京都骨，鮮魷炒西蘭花，最後埋單多謝成嘛$199，好似貴左....但食到好飽！

相信今晚我會放唔抵，就用時間將自己唔開心既感覺沖淡，隨緣去生活，但命運係屬於自己，我可以改變命運，但我要自己去承受後果，由今晚起我有咁既確認...就看看廿六、七歲時既我吧！！

>>October 16, 2005 at 12:45:03 AM GMT+8

2005 年 10 月 14 日 星期五 【晴】

公司個duty明明係morning off，但點解我要一點鐘去到機場送團呢？仲要係師兄大隻輝andy cheung，好彩佢出到黎無係分行咁老咸咋！最開心係同G88(豬伯伯)roger一齊幫手之後有得去麥當勞食tea，因為可以換到邪流丸呀！勁靚~但去港龍counter，個地勤話佢同事個隻唔識轉身..其實係我依隻做錯動作o者...不過邪流丸真係超可愛呀！呵,呵,呵~~叫埋家姐幫手食,yeah~

之後係港龍COUNTER見到GRAY，好奇怪每次佢都會係我面前晒佢依家好幸福！佢女朋友對點好點好...唔通佢見到我唔幸福佢就會好開心？

其實我好喜歡泰國依個地方，雖然係搵唔到錢，可能去過我多次，感覺都親切d，而且係依到我遇到我人生中最重要既人嘛！

依排好似有少少黑仔，但又會好順利，上次龍王航班daly，今次原本已經23:55返香港，依家仲要daly一個鐘，咁真係死得啦！好彩有餐券係手，成團連埋自己十七個人齊齊去食三文治，我仲變左侍應做落單果個，呵呵~但我自已既雞肉三文治變左火腿既？

團入面兩個俊男話聽到隔離團廿一個人聯名要老投個walato,咁.....黃龍究竟做左d咩呀？

有無搞錯？過左十二點鐘就無香港人落機架？點解無入境處職員開"香港永久居民"條line架！only得訪港旅客，個阿heah經過十幾廿對眼望住佢，我諗佢都幾驚，拿拿臨call人開counter

返到香港，又要去睇醫生，醫生問，依個月有無瘦到，有無出冷汗，個人好易累，無乜胃口，如果有就要去照肺，佢咁講一講真係好驚，如果真既話，就大檸樂....家姐話唔同我訓呀！....

>>October 14, 2005 at 8:56:05 PM GMT+8

2005 年 10 月 8 日 星期六 【晴】

今日一早去左海洋公園為公司同事參加公益金比賽做啦啦隊，雖然係無咩野做，但都玩得好開心，因為有同期既chris to(小杜)，susan chan一齊，小杜有份負責去比賽，最後贏左第二名，入到seond round，個個都好開心呀！話時話，我都有五、六年無去過海洋公園啦！

夜晚等埋vivien chan(小茹)、小杜、susan，仲有我四個人去左觀塘既apm食晚飯，去左『家傳滬曉』食上海菜，叫左壺好好味，好香既四寶茶，但我點親想食既菜"桂花藕片、黑醋桂花魚都係無，好過份啦！但好在有我鐘意食既酒釀丸子，咁都無咁失望，依間餐廳既裝好靚，價錢可以話係X(豪華)架！但小杜話係H(超豪華)喎~最後埋單$399，每人一百蚊，OK啦！間唔中都可以食下，都可以應付到。過左一個好開心既晚上，YEAH~

我要做一個好乖好乖既病人，忍....忍...忍，忍住唔飲汽水，唔飲凍野，一定快D好！！因為我真係好想飲汽水呀！

>>October 9, 2005 at 1:15:07 AM GMT+8

2005 年 10 月 7 日 星期五 【晴】

醫生話我個肺ok清，係左面既氣管差d，但如果病情再惡化就要留意。休息多d，唔准夜訓。原來我足足病左半個月啦！

成兩日無收到電話，原來有人又亂諗野，唉...，唔開心呀！但我好掛住，我真係有諗過stay係果邊，可以做d咩工，或者我如果真係唔做依家份工，有無可能短期stay果邊呢？之後再返香港搵工。

>>October 7, 2005 at 11:49:57 PM GMT+8

2005 年 10 月 6 日 星期四 【晴】

尋晚元朗分行主管生日BBQ大會，個個都好俾面出席，喪玩左一晚，首先玩生果枚，輸左先隊紅酒(唔知邊個係馬來西亞買返黎既盒裝紅酒)，飲晒之後再隊啤酒，最後第一場散席時BRIAN YAU第一個湯左，無用呀！仲要整到人地成架的士都係....最搞笑MEANN係BBQ場拎錯左人地個蛋糕...仲要食晒先發現..HAHA

第二場，去左屯門NEWAY唱K，太過份啦！俾DADDY MATTHEW既煙頭燙到手臂，好彩無起水泡，但成班walato都無人帶寶膚靈架！！第二場再猜，再隊，叫左兩round，最後唱到凌晨四點幾走，哎o也，要女朋友molly擔心我，真係唔好意思，最後安全返到屋企，放心，其實我仲清醒架！我記得我最愛既人係kyo架！

訓醒喉嚨勁痛，好暈，好唔想返工。

今日瘦wallance又救左我一命，都唔知邊個同事答左個客有早報名優惠，明明今日得番十九日，搞到個客勁嘈，好煩呀！

八號好齊人呀！齊齊為chris to打氣，加油、努力，最可惜個日要執料，sin 晒無得去玩holle喂，唔緊要，夜晚食飯都係一樣。yeah~

>>October 6, 2005 at 11:34:41 PM GMT+8

2005 年 10 月 4 日 星期二 【晴】

今日華哥借過黎元朗，lunch同佢一齊食，唔...本來叫左紅湯，但華哥話羅宋湯飲完咳，就叫左個侍應改左做白湯，差d連餐飲既熱華田都要被人改做可樂煲薑....成個lunch time都係同華哥談論大家既愛情觀，感覺好怪....因為佢個樣好唔認真，但又係到講緊d好認真既事，但亦都學多左野︰愛情可以分好多種階段、層次

另外對於新聞頭條嘛，我絕對唔會係依類型既人，亦都同華哥一樣，絕對唔會搵依d類型既人做情侶，因為愛情並唔係生命既全部，無左愛情唔需要將對方殺死，之後自殺。但依單新聞點解要發生係屯門區，我仲要係經常係果度既商場行街食飯架，諗到都好驚呀！果日凌晨我先係下面既診所睇醫生....

>>October 5, 2005 at 1:03:00 AM GMT+8

2005 年 10 月 3 日 星期一 【晴】

台灣三天終於係無驚無險下結束，不過第一日，個客踩親我條尾，所以我咬左佢一啖，佢又吠左幾聲，成團入面我都無睬佢！導遊Kammy話依d咁既人都有男仔要，我地兩個唔使憂心無人要！哈，講得岩。

第一日行程去到碧沙漁港，又令我諗番起cathy你地，希望cathy你唔好唔開心啦！其實每個人都仲有低落既心情，但我相信好快會過去架！

原本班機20:50起飛，但我係中正機場同龍王飲左四個鐘頭茶，成23:45先返到香港機場，仲可以等埋同事meann 曼谷返黎既23:55，不過都好，可以黐的士坐，順便睇埋醫生先返屋企，唉....睇一次要二百四，心痛死，點解公司份保險唔係full pay..

初初話我喉嚨發炎，之後係氣管炎，依家又係上呼吸道感染，咁我究竟幾時至可以好番...所以我決定今日要訓...訓...訓....等我既王子出現先起身。但今次d藥好似又重左，食兩種鬆氣管藥，咁隻手咪震..震...震....震.....

兩個人係埋一齊，應該對對方有信心，唔通我真係咁唔可靠咩？儲錢係緊要，但千其唔好累到自己，咁我會好心痛架！

>>October 3, 2005 at 2:26:43 PM GMT+8

2005 年 9 月 29 日 星期四 【晴】

預期中之事，不過都係第一次見過唔到試用期既人，可想而之，KLCC(大師兄幫人地改既花名，意思係古靈精怪)有幾受我地同事愛戴。另外嘛，仲有要小心提防既人，依家返工壓力大左咁喎！

今晚同Eldis傾左好耐，都有好一段日子無聯絡，自從上次係KL返HK既飛機上面見過之後都無搵大家，不過Eldis會係我一個好好既借鏡，因為話晒佢既愛情都係咁既情況，但當然比我更要複雜啦！

我唔希望兩個人係一齊係辛苦既事，各自都應該有自己既生活，錢係要儲，輕鬆d咁去做，人生先至有快樂。唔好做到成隻牛咁，it is not you, and it is not the sun shine boy.it is not kyo.

>>September 29, 2005 at 11:48:58 PM GMT+8

2005 年 9 月 28 日 星期三 【晴】

派左台灣呀！今次係第幾次去台灣呢？

氣管未好，無得食生冷野，唉....人生無晒意義。

>>September 29, 2005 at 9:33:03 AM GMT+8

2005 年 9 月 26 日 星期一 【晴】

唉....好掛住一個人，但如果打電話呢！又覺得會更加掛住，咁點好呢？個心好痛呀！忍住唔好打！！！！

點解個個都好似以為我今日放假，屋企，v v，其實我今日係返工架！

>>September 26, 2005 at 11:19:54 PM GMT+8