2006 年 10 月 5 日 星期四 【晴】

今日一早起身，因為要起身同媽咪、爸爸飲茶，兼帶男友見家長，點知我同媽咪有所誤會，所以媽咪唔知原來我會帶埋男友黎，唉............搞到男友好好好唔開心添...........

飲完茶，四個人去左百佳同街市買R，之後就分開行事，我同華少落元朗幫媽咪執藥，順便又去左網吧打機。

夜晚同舊鄰居一齊燒野食，好熱鬧，好開心，仲有華少係日本買番黎既大蟹，個個都食得好開心，中秋就係要咁高高興興架嘛！而且今年華少仲同我去沙灘放燈，雖然今年得兩盞..但都好滿足，因為每年我都會放，但大家唔好誤會，我無許願，因為我only覺得好玩，同好靚~

但今年我有一個中秋願望，就係華少可以開心d~

>>October 6, 2006 at 12:12:38 AM GMT+8

2006 年 10 月 4 日 星期三 【晴】

前晚 v v返黎香港，雖然唔係一落機就打俾我，但佢係撘車返屋企時打俾我，傾下大家既近況，感覺得幾好，就好似大家初初入行時，一落機都會打俾對方，話俾對方知返左黎啦！

唉........但依家有件事係我好擔心既...就係芬芬好似人間蒸發咁，失左蹤，唔知去左邊，差唔多都成個月搵唔到佢！芬芬如果你見到日記，你打俾我地啦！！再搵唔到芬芬，唔知使唔使登報紙，貼街招呀？？

上次多得molly俾左我既電話raymond，所以過左無耐我就收到鄭生既電話，molly呀！下次記得呀！『己左不欲，勿施於人』呀！！你知佢有幾煩架啦~

>>October 4, 2006 at 10:26:17 AM GMT+8

2006 年 10 月 2 日 星期一 【晴】

好快好快就係中秋啦！！過去兩年自己都唔係屋企過中秋，上年仲要一個人係lotte world酒店發高燒無人理咁過十五，果種感覺真係唔好受。所以今年好想好想過一個開心既中秋節呀！！

華少你快d返黎啦！我己經學好整依個蕃茄炒蛋俾你試菜啦~

>>October 2, 2006 at 8:55:01 PM GMT+8

2006 年 9 月 29 日 星期五 【晴】

聽日男友就要出團去日本，一個好難聯絡既地方，因為電話費好貴....

係男友出團前一齊食晚飯，順便等佢既同事幫佢攞份料返TM，去左PIZZA HUT，食左個萬聖節套餐，太豐富食到好飽，不過依餐飯男友食得好唔安樂呢！第一，因為佢好介意我笑佢新剪既髮型(我第一眼望去，覺得好似軍裝LOOK)，第二就係忙佢自己出團既事，要打電話俾D客人話改左集合地點。

依家開始有少少唔係太想入TM分行，始終已經唔係依間公司既人，其次自己以前都唔係依間行既人，我既身份只係一個領隊既女朋友呢！坐係分行入面，又唔係客，唔係黎查詢報團，感覺係超奇怪....以前坐係counter入面做野，依家只可以坐係出面，而且唔可以睇電腦入面既野....變成一個外人...

>>September 30, 2006 at 8:54:33 PM GMT+8

2006 年 9 月 27 日 星期三 【晴】

今日既brunch去左delifrance食包包餐，好耐都無去過啦！以前成日都會同阿珠去食，因為可以坐得好耐好耐都無人趕。食飽飽就去左街巿左買要拜山用既野，因為講好左陪華少去探佢媽咪。但真係怕怕坐大嶼山巴士，因為d山路....同去丹霞山既跟一模一樣啦！！我會暈車呀！

未上山前，去左村口既公廁，久違了既旱廁，好好好大隻既蚊，仲有一個無底深坑，真係好驚自己會跌落去，怕怕.....

上到山，好多野草....d野草既棘整到成身都係，兩個人都用左好多時間，一條條棘but番出黎...痛苦....不過可以陪到華少去探佢媽咪，我都覺得好開心。之後兩個人仲去左行沙灘~不過個沙灘無野好玩...

諗著坐番車返東涌，點知俾華少遇到佢姑媽，就咁....俾人拖左去食飯........熱情難卻....

食完飯又要坐番車返出去，但因為天黑，睇唔到出面既街景.....暈車........唉.......途中個巴士仲急殺，避開一隻我相信係好大好大既貓頭鷹....

今晚同華少左去左網吧打機，但我懷疑俾蚤咬....搞到我隻手好癢....

>>September 28, 2006 at 2:42:31 AM GMT+8

2006 年 9 月 26 日 星期二 【晴】

最近都差不多九點幾就起身，因為唔想自己越黎越懶，越左身之後就出左門口去supermarket買野，因為華少好想食白汁意粉。每次一行supermarket就有好多野想買，好多野想試，想食，但一定要克制自己，如果唔係一定會買左好多野，但最後會無食到！！所以最後都only買左意粉、煙肉、現成白汁。

買好材料就上左華少屋企煮brunch，白汁腸仔煙肉意粉！煮出黎既味邊嘛！ok...同平時係屋企既水準一樣，但就好似喊左少少。但華少only係到話好食...真係好俾面！

夜晚兩個人走左去小欖燒野食，成晚華少係到彈我燒既野唔好食，但又要係到食，而佢就將佢自己燒既雞翼、叉燒、腸仔俾晒我食，又不斷咁讚佢自己燒得好好食，食到我好飽...差d連食粟米既肚都無！！成晚最sweet sweet既係華少燒左個畫左心型既方麭俾我，好甜，好好味~

>>September 28, 2006 at 2:19:49 AM GMT+8

2006 年 9 月 25 日 星期一 【晴】

今日好早起左身，因為要洗衫，跟住十一點鐘就叫醒男友，點知條友仔仲訓緊，好彩我無出門口等佢，又可以打多陣機，haha~

午餐去左食大快活食蕃茄一口魚塊意粉！好好味~華少就叫左個學生餐︰粟米肉粒飯，好普通呀！同埋全部都係肉，好唔健康！！

坐船過東涌...死啦！唔記得自己會暈船，早知坐巴士，好彩有男友係到陪我，兩個人等到最後一刻先至上船，架船行既時候都唔算係好搖...如果唔係:荋N瘀啦！！

昂坪360，唔好意思，molly....我坐左先....但風景真係好靚，好大風，好涼，好舒服，但估唔到都要25mins先到，計番$88來回都抵啦！途中仲見到一隊消防員行山訓練，佢地向我地揮手添呀！上到去巿集，睇左[與佛同行]ok啦~都幾靚，不過[靈猴影院]故事幾無聊，但效果幾好~其中華少仲同d工作人員嘈左一陣，因為我地miss 左3:30pm既與佛同行，果工作人員叫我地四點鐘黎過，點知四點又話full，無位，要等四點三場，但又話要stand by..咁咪燥左囉~

今日安排左三個行程只係完成左兩個，一個係昂坪360，一個係天壇大佛，最後一個迪士尼煙花，因為原來改左七點鐘放....所以無得睇lu~有少少失望。但可以同男友華少玩足大半日，都好開心~

>>September 26, 2006 at 1:56:47 AM GMT+8

2006 年 9 月 24 日 星期日 【晴】

今朝婆婆黎左我屋企，傾左一陣，跟住媽咪佢地就話要出街，咁我更係唔執輸，死跟...有順風車坐，HAHA~好也就去左約左男友食早餐既地方，紅橋~男友話依度既雲吞好好味~又真係喎！！

食完飯諗著去睇戲...但新壚無咩戲睇，所以就去左街巿買R，點知男友無野睇岩...全個屯門買成R最平既地方都唔岩佢，於是返左友愛買，最後決定晚餐係蕃茄炒蛋、蒸泥猛。依餐飯都OK啦！但下次我會醒目D，會幫佢預備D材料，因為男友D刀功真係麻麻！浪費左好多野呀！！將我成包果皮浸左，但其實我只係要兩塊！！仲要切到......唉....不過講到落鑊煮嘛.....我自己又唔識煮喎...HAHA唯有都係靠佢~

>>September 25, 2006 at 12:58:30 AM GMT+8

2006 年 9 月 23 日 星期六 【晴】

尋晚阿基(已經KF同事)返左黎香港，男友本來打算要陪佢既好兄弟，唔得閒陪我，但最後帶埋我去荃灣打機，好彩我最近都有玩ONLINE GAME，如果唔係都無機會陪到男朋友。

lunch有我、男友、阿基三個人食，嘩....阿基同以前一樣好靚仔，可能今日比較近望住佢，所以覺得佢今日個樣比較接近我三年前見到既佢！但第一次見到佢既地方...好似係KF掛....太耐..唔記得LU~

去左網吧打左成個下午，之後夜晚磚徐黎，好唔鐘意見到佢呀！佢句句說話都釘住人，都駁唔到佢既！！所以我係唔係同佢一齊去食dinna，而且食飯班腳都唔岩傾既！！

無跟佢地食飯，一個人坐車返屋企，坐車之前去左我最愛既麵包點買麭食，yeah~但價錢真係好貴呀！！去到巴士站，竟然俾我見到好掛住，兼最愛既人 connie 媽~可以見到佢，好似係個天安排咁，好開心呀！！成程車入面傾左好多野，知到connie係 NF 做得開心，我都覺開心，但到佢講芬芬好似唔做，我又更加擔心，因為我真係成個禮拜同芬芬失左聯絡....

後黎打左俾徐師奶TRACY，証實左芬芬真係無做啦！唔知佢依家點呢？？唉....芬芬.....！！！

>>September 25, 2006 at 12:47:10 AM GMT+8

2006 年 9 月 22 日 星期五 【晴】

今日係男朋友第一日大假！！無特別諗要去邊到玩，所以都係隨心~

尋晚已經好想食朱腸粉，所以今朝起身洗好衫就等男朋友起身，約好係華都等，但有d失望囉...因為一d都唔正宗既朱腸粉，屯門邊到可以搵到正宗既呢？？

食飽早餐，跟住就去左百佳買材料整沙律，本來想整薯仔沙律，但得兩個人...一定食唔晒啦！以前係屋企有三個人食，大大盤食幾日都得...但兩個人既分量只可以︰華盛頓蛇果 x 1、蛋 x 1、地moon牌粟米粒 x 1(盒)(依個盒裝真係好方便，用手就可以開到個盒，出去outdoor野餐都一定好方便！極力推介~)

沙律成為左我地兩個人既晚餐，但夜晚睇完電視，走既時候男朋友話肚餓，係樓下食宵夜...點知個宵夜既份量等於晚餐︰梅菜肉餅飯 x 1、煎餃子 x 6、炸兩 x 1、豆腐花 x 1。平時唔好宵夜既我，因為肚餓..所以都食左1/3份量，見到男友食野既感覺得都幾開心，因為好怕佢唔食野，餓親依個[等長大的小孩}就唔好啦！！。

>>September 25, 2006 at 12:31:22 AM GMT+8